اذا لزوجتك بالبيت (معلف دبش) اهدمه هالحين .

[قـتـالـه]

اقتباس:  المشاركة الأصلية كتبت بواسطة الفتى السمنسي     أنتي فهمتي شيء

ايه أوحيت وفهمت ..
يعني اهلي تعبانين علي لين وصلت هالمواصيل
وصرت ادبر واعبر واشيل واحط

علشان تجي ام هالسربوت وتقول نبي بنتكم ام سواطير لولدنا الشيخ الفاضل
الا هي كم راتبها
همن امي تتملل بجلستها وتبدي حبتين جديه وتقول الخير واجد ياام السربوت اقصد الفاضل حنا نشري رجال :/
بعدها ترشف ام السربوت البياله وتعرط الكروسون وتراعيلي وهي تنشدن
انتي اللي مصلحتوه او ان شاالله جايبينوه من برا

ارد وانا انفض التفافيل عن بلوزتي الكريميه لا ياخاله حنا مزينينوه ياعسا مداخيله العافيه

بعدها تلتفت ام السربوت وتقول لامي ترانا نبي العرس عايلي ولدي مستعجل ولا يحب
الشكليات وبياخذها يومين مكه

وتبحني بعيونها وهي تنشدني انتي تخيطين ثيابتس او تشرينها جاهزه
وبعدها تقولها امي ترانا سمحين وسلومنا يجي هو ويشوفها بالمجلس عند اخوها
وماعندنا مشكله يجي مره ومرتين لين يتفقون حالها حال خواتها

ترد السعلوه ام السربوت لا وشوله انا شفتها ييزي ولقربت الملكه
نخليه يجي قنيزة شوين

^^

واااغربالي يام السربوت وش انتي مانتنبوه الله واكبر ياابو سكسوكه ماتبي تجي الا ليلة الملكه وانت مطحطح بأغادير