المستحيلات ثلاث: الغول.. والعنقاء.. والمسيار...!!!

[هنؤؤنه]

وش السالفه..؟
متحمسين ربعنا على زواج المسيآر
والمشكله متزوجين؟؟؟

والله انكم تخوفون
الحمدلله ان ماكو زواج مسيار عندنا
استريحوا بس



متابعه لـ ابو داقش
والله يرحم حال زوجته المسكينه~

[مدير خبرة]

اقتباس:  المشاركة الأصلية كتبت بواسطة | ~ ســمــو ~ |     هه والله معلومه ممتازه فعلا الزواجات هذي مجرد مسميات وهي غير موجوده على ارض الواقع ههه >>> تدري ليش قلت كذا ههه / اما ابو داقش *_* الله يحيره ويديره على قولة جدتي ويبتل يقول اولااااااااااااااه لين يموت بعد عمر طويل بانتظارك ..

حرام عليك مشرفتنا العزيزة..

الرجال من حر مايوجس يدور مسيار..

ادعي له ..

تكسبين أجره.. واجر بنيه الحلال اللي بياخذها

[مدير خبرة]

اقتباس:  المشاركة الأصلية كتبت بواسطة الهوى ـآ الغــايب     ايييه وش صااار <~ منسدح ومتحمس هههههه

حياك ياهوى غايب

السالفة بالطريق...

[مدير خبرة]

اقتباس:  المشاركة الأصلية كتبت بواسطة جلوي الشقير     ياكثر اللي يقولون أويلاه بس

أسفرت وأنورت..

تو الموضوع ماتنور صدق

وترا أبستغل مرورك وأطلب منكم الموافقة على الطلب الذي سيقدم مني بتغيير المعرف

وعلى أويلاه..

أجل أبخلي أبو داقش يدور لك... على دربه

لان فيه ناس بعد كثارين موصينه...

[مدير خبرة]

اقتباس:  المشاركة الأصلية كتبت بواسطة دِيم     . . أنا خفت ياخذ أم ديسكاونت ... ويتورط مسيار وخوف وشينه .. / كمّل كمّل > فرصة نعرف ألاعيبكم ..

هلا بك ديم..

لا ابشرك... الرجال لليوم يحوووووس

ومالقى من يذمره...

والعلوم بالجاي..

[مدير خبرة]

اقتباس:  المشاركة الأصلية كتبت بواسطة التنين الصيني     اقووول .... علينا قل لـ ابوداقش .... اللي يدور زين .... يحصل والمسيار عالم آخر .... ما انصحه يدخل هالعالم

اقتباس:  المشاركة الأصلية كتبت بواسطة دِيم     النصيحة تجي عن تجربة .. لايكوووون .....

اقتباس:  المشاركة الأصلية كتبت بواسطة التنين الصيني     السعيد من اتعض بـ غيرهِ ....

اقتباس:  المشاركة الأصلية كتبت بواسطة دِيم     لا يكون السعيد أبو داقش وغيره أنت ... ؟

اقتباس:  المشاركة الأصلية كتبت بواسطة التنين الصيني     وااااوه .... <<< دمعت عيوني من الضحك ههههه ..... والله انهم يرحمون .... خلاااص يصير إدمان من وحدة لـ وحدة .... ويالله !

هلا بك اخوي التنين
واختي ديم...

المسكين ابو داقش
لليوم محتار ويدور..

اكسب فيه أجر ودله على الدرب...

انت تقول صارت ادمان..
الا اذا تقصد التدوير ادمان..؟
هذا شي ثاني

[مدير خبرة]

اقتباس:  المشاركة الأصلية كتبت بواسطة to be     ما قصرتي ديم طيب اللي عندها عمارتين ام ديسكاونت وعيالين إلى الحين شاغره ؟ بانتظارك ولا تصيف علينا

هلا بمشرفنا...

تبي نشوفها لك..

بس انت تبيها والا تبي العمارتين..

الجاي بالطريق

[مدير خبرة]

اقتباس:  المشاركة الأصلية كتبت بواسطة القلم الصريح     نسمع جعجعه ولا نرى طحنا

هلا بك ياقلم صريح

اختصرت القصة ... بعبارة...

شكرا لك

[مدير خبرة]

اقتباس:  المشاركة الأصلية كتبت بواسطة باسم الثغر     اللحين وشو المسيار ؟؟ علمونا تكفون (( أويلالالالالالاه بس )) أي شي كمل سالفة أبو داقش هالرجال شكله ماينلعب عليه

سم السالفة بالطريق...

إما ماينلعب عليه...

تابع وبتشوف

[مدير خبرة]

اقتباس:  المشاركة الأصلية كتبت بواسطة بريداويهـ     متابعه والتعليق بعد الـ the end <-- لخلصت القصه بنسخه والصقه ببريدي (للاستفاده) تحياتي

هلا بريداوية..

تراي راعي طويلة.. وسعة صدر

والسالفة طويلة..

وتشرفين القصة اذا نقلتيها..

بس على الله يكون ابو داقش تزوج ذاك الوقت...

وتصير النهاية مثل الافلام العربية.... سعيدة

[مدير خبرة]

اقتباس:  المشاركة الأصلية كتبت بواسطة هنؤؤنه     وش السالفه..؟ متحمسين ربعنا على زواج المسيآر والمشكله متزوجين؟؟؟ والله انكم تخوفون الحمدلله ان ماكو زواج مسيار عندنا استريحوا بس متابعه لـ ابو داقش والله يرحم حال زوجته المسكينه~

هلا بهنؤؤنة

والله ان بعض الرجال بعذرهم...

وابشرك..

زواج المسيار... مثل بيضة الصعو

ينسمع به.. بس ماتنشاف..

مشكورة على المتابعة

[مدير خبرة]

أبو داقش والشيخ عطالله..


بعض الشباب قالوا لابو داقش.. وراك ماتروح للشيخ عطالله.. ترى يقولون زوج كثارين..
أبو الشباب ما كذب خبر.. ويوم طلع من دوامه ذاك اليوم عقب الظهر.. ماجاه نوم
بس يتحقرص.. وده تجي صلاة العصر عشان يروح لم الشيخ عطا الله.. وياطوووله ذاك الظهر..!!

صلى العصر.. وأول مرة بحياته يمكن يدخل المسجد قبل الامام..
كل عمره إذا مافاتته الصلاة كاملة.. فهو لازم تفوته ركعة أو ركعتين..
ويوم دخل تسنن.. وكل ماهم يقرأ قرآن.. قال له إبليس.. اصبر ترا الامام جاء
دخل الامام.. وصلى العصر.. ومير يطلع أبو الشباب عند الباب.. ويرتز بسيارته..
ويحتري.. ويحتري.. وهو ماغير يهوجس يخاف أن المسجد له باب ثاني..
وبالأخير.. طلع الشيخ عطا الله.. ومع أنه مهب كبير بالعمر..
بس أبوداقش يحترم العلماء والمطاوعة.. وعشان كذا.. على طول تنيوط راس الشيخ عطالله..
وجغفه ذيك الجغفة.. من يدري.. يمكن تكون سبب بدخول الجنة.. خاصة إذا كانت نيته سليمة..

وشلونك ياشيخ.. وش علومك.. ومن هالكلام...
وما صدق على الله يوم سأله الشيخ : أنت وشخبارك..؟
ومير يطلع ذيك التنهيدة (إييييييييه بس ياشيخ.. خله على الله..!!)
يوم بدأ الشيخ ينشده عن علومه.. ودخلوا بموضوع الزواج..
وقاله أبو داقش أنه يبي مسيار عشان ماعنده قدرة يصرف على بيتين..
وبعد نقاش.. قال له الشيخ : أنت صامل..؟ وإلا من هالشباب اللي ماغير تطن لهم ويقولون نبي مسيار..
قال : أفا ياشيخ... إلا صامل وزود..
قال له الشيخ أجل بكره بعد صلاة العصر تمر علي.. ومالك إلا بالعلم الطيب..

أول مرة يحس أبو داقش بطوووول الوقت..
وكلشن سووواه.. لعب بلاي ستيشن مع ولده حسان.. وشاف كل برامج قناة فنون..
ومر على القنوات التلفزيونية كله... ويالله جاء بكره العصر..

يوم صلى.. وياقف للشيخ عند باب المسجد.. ويسلم على الشيخ ويحب راسه مثل أمس..
ومير يوصف له الشيخ بيت ناس أجاويد بجنوب الديرة.. قال تروح لهم.. وتراي متفق معهم
قال أبو داقش ممكن أعرف وشهي البنت..؟
قال له الشيخ: بنت عمره 24 سنة.. وأبوه متكفل يحط له سواق.. وخدامة.. وبيدفع آجار البيت بعد
قمط أبو داقش بجبينه.. وقال : بنت..؟ يعني ماتزوجت..؟
قال الشيخ : ايه بنت.. ! هذا رزق وساقه الله لك.. بسرعة قبل تروح عليك..

ومير يركب سيارته.. ويفحط ذيك الفحطة.. يخاف ياصل يلقاهم معزلين..!

وصل البيت.. فيلا فخمة.. حجر طبيعي أصفر.. أثار العز واضحة على العائلة..
فرك عيونه.. حك راسه... يخاف يصير يحلم وهو مايدري...!!
وقبل يرن الجرس.. فتح الباب .. وطلع منه سواق إندونيسي.. أنيق
قال : إنتا داقش أبو.. انتا فيه تفدل..
ومير يدخل للمجلس.. وماغير تطير بوهته وهو يشوف هالنعمة.. والثريات ..
ولفت انتباهه أن شكل الابواب غير.. بس قال يمكن هذي الموضة..!!
وقال بقرارة نفسه.. الله يرحم أيامك يامزنة.. لاعبتن علينا بكم هالريال اللي تعطيننا اياهن آخر كل شهر.. لكن الله بيرزقنا ونغتني عنك وعن قروشك..!!
قطع حبل تفكيرة صوت شي.. يحرحر .. وزي اللي يزحف.. ومير يشوف قدامه ذاك الرجال اللي ماعمره شاف أكبر منه..
أبيض وشعره ناعم... بس وزنه وزن الممثل الكويتي شعبان عباس..
ويشيل معه صينية.. فيها حلا.. وقهوة.. وشاي.. ومير يقوم أبو داقش ويسلم عليه.. وهو مايدري وش السالفة..
وشوي .. يدخل رجل عمره بهالستين.. وشعر ابيض.. وطويل.. ووزنه متوسط
ويهلي ويرحب بأبو داقش.. ويسلم عليه حب.. وطلع هالرجال أبو البنت..
وقعد يهمق عليه بسواليف.. من نمونة : حنا شارين رجال.. وماعطيناك بنتنا إلا عشان تحشمها وتصونها..
وأبو داقش كان متوتر شوي.. وخايف ياخذ راحته.. يكون فيه كاميرا والا أحد يويق مع الباب..
شوي.. قال الابو.. تفضل.. تشوف البنت..
استغرب أبو داقش ليش هو يروح.. ورا هي ماتجي..!؟ بس عشانه مؤدب.. ماقال ولا كلمة..
قام مع أبو البنت.. ودخل هو وياه المقلط.. ولفت انتباهه.. بآخر المقلط هناك..
فيه مجموعة بطانيات متكومة على بعض.. أول ماشافهن.. استغرب وقال من شوي الغرف عندهم عشان ينامون بالمقلط..!؟
بس استغرب أن أبو البنت كان متجه لم هالبطانيات.. وشوي وياقفون قدامهن..
ويجيك الابو.. ويرفع غطوة البنت..
وأثاريها ياحووول هي اللي متكومة كنها بطانيات..
وياحول وجهها صايرن كنه حبة خال بجسم فيل... ماتشوفه..
أول ما انتبه أن فيه آدمية قدامه.. فز.. وفرمل.. وبغى يقول (يمه..) بس تماسك..
قال أبو البنت : هذي دلال وأنا خالك.. والله أنها من أحب عيالي على نفسي
وأبو داقش قاعد يفكر.. وراح باله وشلوني بون يطلعونها معه..؟
فكر بعد.. قال هي الحين عنده أبوه يصرف عليه.. لكن لو جان بكره عيال مثله.. منين أبوكلهم..؟
وما انبت هالا وأبو البنت يناديه.. خلاص نمشي..؟
قال وهو يطلع للمجلس.. يالله .. مشينا
يوم وصلوا للمجلس قال له أبو البنت.. اقعد كمل قهوتك..
قال أبو داقش.. لا والله مستعجل.. وعندي كم مشوار قبل آذان المغرب..
وما عطى الابو أي فرصة يرد عليه..
وقال : في أمان الله...

وبكذا فشلت محاولة أبو داقش الثانية..
مع أنه ماعتب على ذاك المسجد من يومه.. يخاف يسأله الامام عن اللي صار..

محاولة أبو داقش القادمة..
مع هكور الدبور... وهو واحد من الشباب محترف انترنت..
قال له يوم سمعت سالفته مع البنت المتينة... سنعك علمي يا أبو داقش
وهذي بنقراها بكره إن شاء الله

[جلوي العتيبي]

اقتباس: أسفرت وأنورت.. تو الموضوع ماتنور صدق وترا أبستغل مرورك وأطلب منكم الموافقة على الطلب الذي سيقدم مني بتغيير المعرف

بوجودك الله يحفظك

النور نوركم

أبشر كلنا لك ماعليك إلا كتابة طلب في قسم الشكاوي والملاحظات وأبشر بسعدك .

الباقي خله على الصامت

[هنؤؤنه]

المشاركة الأصلية كتبت بواسطة مدير دبرة

هلا بهنؤؤنة

والله ان بعض الرجال بعذرهم...

وابشرك..

زواج المسيار... مثل بيضة الصعو

ينسمع به.. بس ماتنشاف..

مشكورة على المتابعة

الله يبشرك بـ الخير

[قصيمي تحت المطر]

خذ وخل وانا اخوك .. بعض العاالم يحب السووواليف الي مااااله سنععع