من يومين والانباء تتواتر عن اصابة ياسر في تدريبات المنتخب وكانت فيه اشاعات عن عدم جاهزيته واليوم اكدها خلف ملفي في القناة السعودية الرياضية، حيث حمل الجهاز الطبي الهزيمة بعد بيسيرو بسبب اشراكهم للاعب مصاب وهو ياسر بالاضافة الى هوساوي اللي اخذ ابرة مسكن عشان يكمل المباراة!
كما ذكر ايضا انه في احصائية عن مجهود اللاعبين وضحت ان اقل لاعب بذل مجهود وتحرك في الملعب هو اسامة هوساوي بعد حارس المرمى وليد عبدالله!
لاحظنا كذلك ثقل حركة ياسر وكلنا نعرف ياسر لما يكون يلعب وهومصاب و مو جاهز يلعب على الواقف وهذا اللي صار اليوم، حتى في وحدة من الكرات حاول يلحق عليها قبل تطلع وجت الكميرا على تعابير وجهه وواضح فيه انه يعاني من اصابة!
اصابة كلا اللاعبين واضحة مثل وضوح الشمس .ومثل ذكر خلف ملفي ان الملامة تقع على الجهاز الطبي لان اللاعب جندي وما عليه اي ملامة اذا طلبت منه المشاركة او انه يكمل المباراة. والمشكلة الى اخر المباراة كان فيه تغييرات متاحة .
الاسئلة التي تطرح نفسها الان:
-من يحفظ حقوق اللاعبين اللي يضحي بمستقبله لما يلعب وهو مصاب؟
- من يحميهم من الاعلام والملامة وسيل الانتقادات اللي راح يطالهم مواسم عديده؟
-من يحفظ حقوق النادي اللي يدفع مقدمات عقود ورواتب خيالية خصوصا اذا كانت الاصابة تطول اثنين من افضل نجوم الكرة السعودي؟ هل يحق للهلال مقاضاتهم مثلا؟ والا لازم نرفع اصواتنا ونطلع في الاعلام عشان نعوض ويسجلوا لاعبينا مجانا ويتم تجاهل كل قضايانا على طريقة قابل صياح بصياح تسلم!!
- حتى الجمهور السعودي اللي يساند ويدعم ويحضر له حق مو اخرتها يلعب منتخبنا بلاعبين مصابين!
الهلال سلم 5 لاعبين بكامل جاهزيتهم للمنتخب كم سيعود منهم سليما ياترى؟؟
إنا لله وانا اليه راجعون
العرض المتطور
