[align=center]
يا خايفه مني وانا منك مرتاب
مزروع دون الوصل خوفن وريبه
مضى على الليل واقف على الباب
وانتِ مع الشباك عينك رقيبه
وهذي سوات الحب ما بين الاغراب
انا غريبن عنك وانتِ غريبه
اتوق مير الخوف من ذنب وعقاب
ومن الزمان اللي طعني نديبه
يا هيه لو لايه من الخلق منصاب
والجمر الاحمر زد كلاني لهيبه
لا جيك لو آطا على هامة الداب
ترى المسافة بين الاحيا قريبه
لكن خايف من عذول وكذاب
يمشي على نور القمر ويحكيبه
اليوم حنا في زمن ما له ثياب
ومبدى الشهر بالليل ما ينسريبه
ما قلته الا من تجاريب وحساب
اكلت من شوكه ويابس عسيبه
وجرحه عطيب بضامري ما بعد طاب
انا ضحية هالزمان وصويبه
يا ما على الابهام عضيت الانياب
ودموع عيني فوق خدي سكيبه
والنار في صدري تلهب تلهاب
من كود ما جاني وعظم المصيبه
الضيق والعبره وتقفيل الابواب
واللي جرالي للعدا يندعيبه
عبدن خلقه الله تعاقبه الاسباب
يوم آتذكر بالليال العصيبه
لكن خلينا على ستر وحجاب
وصكي حديد النافذة يالحبيبه
ما عاد إلى بالحب مبدى ومرقاب
ما دام دون الوصل خوفن وريبه
ممدوح المرزوقي [/align]
[/align]
العرض الشجري