مجموعة من الاعضاء والعضوات يسقطون بفخ ابو زينب وشكر خاص,,

[آلـأنس]

فخ اليوم من نصيب بطلة العالم ( آلشــــــــــوش ..~ )قامت بإعدام الشر وعمت بالخير أرجاء البلاد

1-

اقتباس: المشاركة الأصلية كتبت بواسطة حياة بأمل : السلام عليكم ورحمة الله كيفك ؟ ياخيتي جيتك مظطرة وأبي منك مساعده خاصة احد المشرفات بالمنتدى دلتني عليك ومالك إلا الأجر و رمضان قرب والرجل تعرفين يحب التشكيل وأنا لسا عروس ما طبيت المطبخ من قبل ولا أعرف ومتفشلة منه حيل ,وأخاف أقول لأهلي يقولون لي ساده دبريني ياويل حالي الله يخليك ويسعدك ويجزاك الجنة وأبدعيلك كل مغرب عند الفطور.. وحمولتنا عندهم سواق وفلوسي والمة بس أبغى تدبريني بطباخه تطبخ لي كل يوم جاهز العصر ترسلينه لي

2-

اقتباس: المشاركة الأصلية كتبت بواسطة آلشــــــــــوش ..~ : وشلون دلتس المشرفه وقسمن بالله ماعمري حطيت طبخه ابد وسسآدتس ورآتس ماعرفتي تطبخين انا يوم انا كبرتس كنت ما اطلع من المطبخ ابد وكآآن ابونــآآ الله يرحمه بس يمدح طبخي بس الله يهديه رآح وطب بالخزآن ومآت مير ششوري عليتس وانا اخيتس تطلقي من ابوكم وشوله طبخ ونفخ فآضيتن لوه انتي خلآص تعآلي كل عصر لم بيتنآآ وآبد لآ اطبخ لتس اللي تبين تبين سمبوسآ حشيش موجود تبين فطآير عنب فاسد موجود تبين عصاير وسكي موجود اللي عوزآه موقود ياحبيبتششي انتي بس أوؤموري وإحنآآ بينفز .. بس ترآآ كل شغلنا بالكتمآن والسريه ياويلتس باتسر ينتشر رقمي بالمنتدى فاهمه بلا بشكلتس تسيف تسذا ناس تغث لآ يصير بس مقلب وانا كبيت عشاي

منسمه انتهت صلاحيته ههههههه

3-

اقتباس: المشاركة الأصلية كتبت بواسطة حياة بأمل : أختي الفاضلة أشكر لك تجاوبك ويسعدني أنك كنت ضيفة معي في برنامج ((احلى الصيدات للأعضاء والعضوات)) الذي سيتم عرضه قريباً على قناة منتدى بريدة في قسم رمضان إن شاء الله وقد كان هذا اسلوبي مع عدد من العضوات في البرنامج .. عموماً هل تسمحين لي بالنشر معك العضوة : مسرعه بشويش ملاحظة : ياليت يكون بيني وبينتس حتى نكمل المشوار ولا تتسرب خطتنا وأشكر لكم تعاونكم

4-

اقتباس: المشاركة الأصلية كتبت بواسطة آلشــــــــــوش ..~ : هههههههههههههههههههههههههههههههه الله يقلع خشتس هههههههههههههههههه زاد والله اني شاكه انه مقلب بعذري ماعمري حطيت طبخه ههههههههههه ايه ميخالف بس والله من زين الهرج اللي انا كاتبته .. انتزلعي بس ههههههههههه

وانكشف المقلب

اليوم آخر يوم لي بتنزيل المقالب .. يلا عاد يكفي