الزنون والقصص (قصة القصاص) حصري لمنتدى بريدة

[الزنون]

ايه الدعوة وصلت كذا
ونقعد نتصابخ أنا وهو
ومير يضرب بوري إلا ويطلعون اثنين يوحشون
واحد معه مسدس والثاني معه رشاش
قالوا انزل يا حمار
قلت ابشروا طول الله بأعماركم
الدعوة فيها رشاشات نصير حمار بس
وينزلونن ويدخلونن ذيك الغرفة المظلمة الموحشة ويربطونن بذاك العمود
وأنا أقول لهم فكون وأفك فكون وأفك
يا ناس تراي بروح اخذ عمرة
فكون اخذ عمرة وإذا فضيت ارجع لكم
اخذوا بوكي وفلوسي وجوالي وكل اللي بمخباتي

والله ويطلعون ويتركونن ما كن فيه احد يكلمهم
واجلس بالغرفة الموحشة ساعة ساعتين ثلاث ما اسمع صوت ولا حس0
أصوت يا ناس يا هوه يا ولد يا ناس ما يرد احد
هيه ياولد أنت وإياه جوعان أبي شي يوكل0
ما يرد احد
راح الليل وانا بمكاني لا تعشيت ولا ذقت العود0
طيب ابي الحمام مظطر تكفون ابي حماااااام
للأسف ما فيه احد