حـكــايـة أرمـلـه ..،؛

[عاشق الكلمة]

[align=right]
المرأة هذه تعتبر كنز دفين
الحصول عليها ضرب من الصعوبة
متى يجتمع زين ومال ـ مواصفات ليمتد ـ
لذا
الرجال يتسابقون عليها تسابق الجياد في المضمار
ومستعدين لبذل الغالي والنفيس للحصول عليها
وماألومهم
ماعلى الرجل إلا يجيب ثيابه وخلقانه ويدخل عليها ..

أعرف واحدة
ماأشغلوها الخطاب بعد وفاة زوجها
إلا لما توظفت واشترت منزل ..

بصراحة
أستغرب من جرأة البعض ، وطريقة العرض هذه
بتقديم القربات والشفاعات ، لعل القلب يلين ..
فلا
أخالفهم برغبة الزواج منها ، فالكثير له رغبة
بل
أخالفهم بالطريقة
والله إنه لشيء مخجل
الباب موجود فاطرقه دون هذه الحيل ..


إذا
إجتمع في الأرملة صغر السن والجمال والمال ـ يعني على سنقت عشرة ـ
فباعتقادي
إن إختيارها للرجل أصعب من لو كانت بكر ..


هذا كله كوم
ونظرة النساء وجفاؤهن منها كوم ثاني ، فهو الأصعب والأقوى على نفسها
كل وحدة من هالمسكينات
تهرب منها خوفا على حياتها
ولكن
كما صدمها رجال المجتمع
فلتنصدم من نساؤه ..
وهذا حكم المجتمع ـ للأسف ـ على الأرملة والمطلقة ..


انصحيها
بألا تترهب ، فكل جنس محتاج للآخر وبشدة
ولكن
الله يعينها على اختيار الرجل المناسب ..


بالمناسبة
تراي ماأحب المرأة الزينة واللي عندها فلوس
بس أحب الأجر ..
ولنرى من الأمير الذي ستختاره سندريلا ..
[/align]

[أبو الريش]

[align=center]غالبية الرجال بس بيتذوق,,

هوايته التذوق

لانه متمرس وتعود على اللعب هذا غير انه لاعب وصاير كابتن بهالأشيــاء مع ناس غيره آخذ المرأه مجرد جاريه ,,

الأرمله بمجتمعنا اذا مالقت اولاد ذيابه يحمونه ويعلمونه ويوجهونه مهما كان عمره انجرفت ورى كل شيئ وكل خطه مدبره لأنهن آخذات الرجال أنهم أجاويد

وهو ياخابر وراه خير وبيتمكن منها,

اللي اعجبني واحد توفى أبوه وجاء مطوع وتقدم لأمــه أول مافتح باب بيتهم لقى المطوع واقف عند الباب وبعد الحداد مباشره اللي أعجبني بالولد يقولي أول ماشفته تفلت بوجهه ومسكته مع لحيته قلتله اشوفك واقف عند بابنا أحرقت بلحيتك قبل وجهك ,,

قليل اللي يسدد ويقارب,,

[/align]

[خن بط]

تكفين ياوضوح توسطي لي عندها وأنا شاب وعمري خمس وعشرين بقراطيسي وجامعي بس ماتعينت للحين ومستعد اطبخ واكنس واسبع المواعين .. اهم شي القى صدر حنون . تكفين ياوضوح وحلاوتك محفوظه إذا تعينت بالوظيفه اكزها لتس مع ام محمد . >>ضمن العرس
على فكره ياوضوح كل اللي يشجبون ويستنكرون ترى سعابيلهم تقوطر على ام محمد

[العود الازرق]

^
خن بط انت غير مؤهل لها أنا اللي أصلح خخخ
تراي عريس لقطه ..اخت وضوح قولي له يسلم عليتس البل عشقي ويقول
انا لها ...والله ماتندم تراي ناوي لي على الثالثه خبرك ودي بوحدة جميله بدون طمع

صراحه مسكينه الارمله من كل النواحي
اذا طاحت عينه بعين عياله تفطر قلبه واذا احد ساعدهم نفس الشيء دائما تكون حساسه
حتى لو كان الناس يخدمونه من قلب بدون مصالح

الله يفرج له ويصلح عياله

[ميرنون]

اقتباس:  المشاركة الأصلية كتبت بواسطة وضوح     لجأت إلى قريبي الذي اعتبرهـ من عقلاء الرجال وأخبرته بعضاً من مشاعرها وأني أحتاج إلى بعض الحلول لمساندتها في تغيير وضعها النفسي ... قال لي بهذا اللفظ ( اعطيني رقم جوالها وأنا أحاول أحاكيها وأهدي الوضع لعله تعجب فيني وتتقبلني زوج لها )....!!!!!!!!!!!!!!! لاتعليق ،، تحيتي،؛

فعلاً ... لاتعليق !!!

حين يكون هذا هو تفكير الرجال
فـعلى الدنيا السلام ،،

أتمنى لها حياة سعيده وهادئه بعيداً عن الرجال
وأن تسعد بماوهبها الله به من مال وابناء

والبيت الخاص والسائق الخاص كافيان
فنصيحه لا تقدم على هذه الخطوة بعد زوجها
لأنها سوف تنصدم !

الرجل الحقيقي رحل ،،

،

تقديري ؛

[وضوح]

اقتباس:  المشاركة الأصلية كتبت بواسطة سمو ذات     . غريبه مااستغليتي الوضع ونشرتي اوراق المهنة وإلا تنتظريني اجي افتح الشنطه طبيعي ان تؤول الأمور لهذه المرحلة من استغلال لضعف الأثنى في مجتمع رجولي لايفكر إلا باهوائه شكراً وضوح ,,

أهلاً بصاحبة السمو /
أي مهنه وأي أوراق ..؟! <بريئه


مشكلة إذا كان عقلاء المجتمع
مستغلون لضعف الأنثى ...!

من سيبقى لها بعد الله ؟!

إذا كان قريبها وجارها ومن قد تلجأ لهم
بعد الله في يوم ما .. لايفكرون إلا بأهوائهم ..!

حتى مسح رأس اليتيم
لم يكن لله ..!!



تحيتي،؛

[shahd2007]

ياقلبي يالحرمه عندنا ماتطلق ولا تترمل الاويجتمع عليه النطيحه والمترديه ....

يحسون انه منكسره وهو الشهم اللي يبي يطلع من مصيبه الطلاق والترمل

هالنموذج اللي ذكرتيه ..اعرف كثير كذا بس مطلقات ...

والله مايحقرون انفسهم ..يجون ويخطبون وهذا وسع وجيههم

وحده قريبتي توفي زوجها وعمره 18 سنه <<<قسم كل زملاء زوجه اخطبوها باليوم اللي طلعت فيه من العده ..

[ابو فارس الحمادا]

أناأقول من وجهة نظر
بصراحة المفروض تعطي الرجل شهادة شكروعرفان
لأنه جاءيبي يتزوجه على شان الأطفال اللي عنده
فيه أحد يتزوج على حرمه ومعه بزارين بالله عليكم كيف يقضي الحياة الزوجية معه
ومع البزران
وان صال احد البزران على الزوج وبدايهاوش ويسبب مشاكل بالبيت
ويقول إطلع عن بيتناوش تبي عندنا ومن هاالمشاكل
تعتقدون هذه حياة
لاتقولون المال هو اللي يرغب ومن هاالكلام الفارغ
يحليلك حريم الوقت ذهينات وعارفات كل شي
آخرالمطاف أقولها وبصراحة اللي يتزوج إمرأة ومعه كومة بزران الله يعينه
إلاإنه يبي يحتسب الأجرمن الله فهذاشي ثاني
الأخت المشرفة وضوح الرجال أهم شي عندهم الراحة النفسية
وأخبرِزميلتك الأرملة إذاهي تبي الأجرتقعد بيته ولاتتزوج أبد نهائياً
وتربي إعياله وتفتح لهم بعض المشاريع الصغيرة
ويعوضه الله بالجنه

[وضوح]

[align=center]^

أبو فارس ..الرجل ماوافق يتزوج مثل العالم والناس ..!

هذا يبغى يسّير طال عمرك ..،؛


لي عودهـ بإذنن الله ؛[/align]

[عازفة ألحان الليل]

اقتباس: المال سالب عقول الرجال و الجاذب الاول و الاخير وهو اللحمة الشهية التي تملكها قريبتك و تدور و تحوم الذئاب من أجلها ..

اي والله صدقت همتهم الدنيا في المقام الأول !


بالنسبة للموضوع اولا الحمدلله انها تعمل وهذه نعمة كبيرة لها ولأولادها لأنها لو كانت بدون وظيفة كيف يكون حالها وغالبا العمل ينسي ويخفف المصائب التي تقع على النفس سبحان الله .

اما بالنسبة لمنبوذة تنبذهم مثل ما ينبذونها والحمدلله ولا اعتقد ان كل اقربائها ينظرون اليها نفس النظرة..الناس دائما تصدر طاقات سلبية إتجاه الشخص الذي يكرهونه اوللشخص الموجب (الإيجابي) حتى يثبطونه .

صدقيني

[روح لايسعهآ جسـد]

[align=center]

بفهم ليش انا اشــــارك وصاحب الموضوع مآ يعقب على ردي ؟
وش سويت لكم انا ..؟ خاصه مواضيع المشرفين!!
ماعجبكم ردي احذفوهـ مو تتجاهلونهـ
مو اول مره تصير لي
تعقبون على كل الــــردود واذا جـــاء ردي تتجــــاهلونه وتكملون على البـــاقي
لايصير بس ردي هو اللي يقطعكم وماعندكم وقت لــــــه ؟

[/align]

[عازفة ألحان الليل]

اقتباس:  المشاركة الأصلية كتبت بواسطة روح لايسعهآ جسـد     [align=center] بفهم ليش انا اشــــارك وصاحب الموضوع مآ يعقب على ردي ؟ وش سويت لكم انا ..؟ خاصه مواضيع المشرفين!! ماعجبكم ردي احذفوهـ مو تتجاهلونهـ مو اول مره تصير لي تعقبون على كل الــــردود واذا جـــاء ردي تتجــــاهلونه وتكملون على البـــاقي لايصير بس ردي هو اللي يقطعكم وماعندكم وقت لــــــه ؟ [/align]

ما اعتقد انها نست ردك ..

كوني بخير.

[وضوح]

اقتباس:  المشاركة الأصلية كتبت بواسطة روح لايسعهآ جسـد     ماجبتي جديد ..! شيء معروف عند البعض ..ماحد ينفع احد الا لجل شيء يبيه أمآ الحين او بعـد!! .. مش غريب ابدآ الحاصل هنا ..! ولكن الغريب تحسر تلك الارملهـ على انقطاعهم من المساعدهـ اذا هي موظفة وعندهآ سواق اظن مش بحاجهـ لهم حلويات وخضار وحث ابنها على الصلاة بأعتقادي الحياة ماراح تتوقف على متطلبات مثل هذي المراه قادرة ان تعيش بدون رجل اذا كانت موظفهـ مهما كان الراتب قادرة على التعايش مع وضعها بشرط ان تكون راغبه بذلك ومقتنعهـ من الداخل بعدم وجود رجل بحياتها واقول ربما من حديثها معهم وقع شيء من الأعجاب ثم الرغبه بالأرتباط حبذا لو اغلقت باب التعامل مع الرجآل بما انها أرملـــه فهي مطمع للجميع ومن أراد المساعدهـ لله تجعل احد ابنائها او محارمهآ يتحدث معه ويادآر مادخلك شر

أهلين بالشطه روح /


اعذريني ماوصلت لردك ...وليس تجاهل كما فهمتي ..!


ياغاليه ..لم تتحسر على تركهم لمساعدتها ..بالعكس هي ليست بحاجة لهم الآن ..!
تتحسر على الرجولة والخلق
كيف كان تعامل الرسول صلى الله عليه وسلم مع اليتيم والأرملة ...؟!
لماذا حرموا أنفسهم الأجر ..؟


/
من الصعب أن تغلق باب التعامل مع الرجال
لأنها لابد أن تحتاج إلى خدماتهم في يوم من الأيام !

ولو حاولت ..لكن أن تستغل الخدمه لأغراض شخصيه هنا
الألم ..!

نورتي الحته ..،


تحيتي ،؛

[وضوح]

اقتباس: محبة الجنان; أعان الله قريبتك ثقى أن أرملة ومعها أربع أطفال ليست مطمع للرجال إلا من كان في نفسه خير ويريد مساعدتها واحتواءها واحتواء أطفالها لكن قريبتك هى مطمع للرجال من عدة جهات الوظيفة - المال - الجمال وأظن أكثرها إغراءً هو المال فهو فتنة الرجال اليوم وصلنا لمرحلة المصالح مقدمة على فعل الخير نسأل الله العافية اسأل الله العظيم أن يرزقها ويحفظ لها أبناءها

أهلاً بمحبة الجنان /



صدقتِ المال ...هو الفتنه كيف وإذا اجتمع معه جمال وسنٌ مناسب ..!!

في السابق كان الرجل يستعيب بل لايقبل أن يأخذ المال من إمرأهـ ..
والآن انقلب الحال
وأصبح مستعد حتى لغسل الأواني مقابل أن تصرف عليه المرأهـ ..!

فـ سبحان مغير الأحوال ،؛
تقبل الله دعواتك يافاضله ألف شكر ،،


تحيتي،؛

[سرياليه]

هذا الواقع للأسف!
وستتوالى عليها العروض الى الدفنه ..طالما هي موظفه ولديها بيت ومال!
هذا قدر النساء الوحيدات في مجتمع صممه الرجل لنفسه ,,
وليس للأنثى سوى بعض التفاصيل ,
اعانها ربي وكفاها شرهم ,,