بَجِيــْـــــــــــــــــــــحٌ ...!!

[" TWIX "]

اقتباس:  المشاركة الأصلية كتبت بواسطة همسة قلب     البجحــين والبجيحـآآآآات كثيريـــن هاليومـين!! شكل الفضآآآوه ذآبحتـــهم... موضوعك رآآآيق.

بس هاليومين ...؟!!


شكريا على مرورك .

[" TWIX "]

(جوانا)...

اقتباس: استغفر الله الله يعافيهم ولا يبلانا انا بليت بوحده من هالفئه الله يذكره بالخير كل شي تسأل عنه الى درجة أنه تقول لي أنت متوظفه لحاجه والا تضيع وقت .. خير ان شاء الله ذا سؤال بالله ؟؟!! والا تقول اهلك راضين أنك تشتغلين أسغفر الله العظيم .. وهذا نقطه من بحر أسئلته اللي ماله داعي .. آخر شي بديت اذا شفته اتحاشاه واشغل نفسي بأي شي واذا سئلتني ارد عليه من غير ماأرفع راسي عشان تفهم أنه شخص غير مرغوب فيه .. يعطيك العافيه ..

كان الله بعونك .. مأجوة إن شاء الله .
تحمليها ..
ترى الدنيا من كذا وأردى ..
شكرا لمرورك العطــر ..

[" TWIX "]

اقتباس:  المشاركة الأصلية كتبت بواسطة α₥ẹẹṟα     موضوع في قمة الروعة

مو مثل روعة مرورك >>>> مصري أمدحني وأمدحك ...

[" TWIX "]

بورش...

اقتباس: بالفعل كثيراً ما نقابل ونعايش هؤلاء الشرذمه من المتطفلين الذين يريدون معرفه كل شيء عن الغير من خلال البحث والتنقيب عن كل شيء وكأنما أوكل اليهم أمر ذلك وكثيرا مانتصادم معهم فتنتهي علاقتنا بهم بسبب ذلك .. فإذا ابتليت بمتطفل فكن خيراً منه .. أحسِن الخروج من الموقف من غير أن تجرحه حتى لاتخسرأشخاص بسبب عيب بسيط يمكن تلافيه فأنت بتصرفك هذا توصله رساله - ان والله هالشيء يزعجني - ومن الطرق المفيده مع هؤلاء - مواجهه السؤال بسؤال اخر مثل لما يسألك :كم تتقاضى من عملك يكون ردك عليه بلطف : عندك لي فرصه عمل بمكافئه اعلى - الرد بإجابات عامه مثل لو سألك السؤال السابق تقول له : الحمدلله عندي خير - او تغيير الموضوع وذلك يحتاج الى اجاده الخروج بدون جرح لمشاعر المتطفل لكن توصل له رساله اني ماأحبذ هذه الطريقه من الاسئله

شكرا لك ولمداخلتك التي أثرت الموضوع .
وخطوات لتفادي الاحراج من هذه الفئة معقولة ومفيدة .
أكرر الشكر عزيزي .

[" TWIX "]

اقتباس:  المشاركة الأصلية كتبت بواسطة بنت الهولندية     بجاااااااااااااااااااااااااااحة

شكرا لمرورك الخفيف ع القلب ..

[" TWIX "]

لبيه...

اقتباس: اذ انت اكرمت الكريم اتحداك تملكه واذ انت اكرمت البجيح زاد بجاحة ذكرتني يوم اقرر ما اتعب نفسي مع البجيحين من ثاني يوم طاح بنا بالاستراحه باقرب شي بجنبي وصنه مع الجبهه .. وزاعلن اي واحد عنده مثل تسذا لايتعب نفسه اذا بجيح عابر خليها تعدي لاكن لاصق .. اصدمه بالسياره وهو يمشي بعض الناس منزل موضوعين كلهن عن اللي يستخفون دمهم وعن البجيحين شكلهم اكلين خابور بواحد بثر

شكرا لمرورك .

[" TWIX "]

مشروع فيلسوفة...

اقتباس: هذا طبع فيهم الله يعافيهم ولا يبتلينا .. لكن الأكيد أنهم واعين لتصرفتهم وطبيعي أن في كثير صارحوهم بسوء طبعهم .. في ناس تتغير أو تحاول تتغير .. وهذا شيء حلو .. لكن اللي مهو ناوي يتغير وعاجبه حاله " مثل رئيستي بالعمل " لازم نشد حيلنا معهم .. يعني بالعربي ننزل ستين درجه تحت ونصير بجحين في ردودنا .. ولا بنصير من ضحايا " البجاحه " .. ولا تقولون نتعامل معهم باسلوب .. لانهم يستغلونك داااايركت ..

فيلسوفة ..
الله يعينك حرمة ولها سلطة وبجيحة ..
هذي اللي ما تنترقع ..!!
يا صبر أيوب معها ..
أنا أتوقع الدوام كوم والتعامل معها كوم ..

[" TWIX "]

تـولين...

اقتباس: ياربيييييييييييييييييه اليوم سائلة صديقتي عن راتبها يعني صرت بجيحة انا ماهمني راتبها بس السواليف جرتنا لهالشي ليتي ماقريت موضوعك ضاق صدري يعني أنا بجيحة؟؟

تولين .. كانك من بريدة مو بجيحة لأن هذا رضعتيه من المهد ...
ولا لك ذنب ..


ما فيه أحد ..؟!!
إلا بجيحة مع مرتبة الشرف ...

[" TWIX "]

yousef

اقتباس: مرحباَ تويكس رغم عدم إختلاطي الكثير لكن إذا رأيت ثم رأيت هذه النوعية أقول اللهم لا شماتة ولابد من ذكر شيء في نفسي ( يا صبـــــــــــر الأرض ) .! تحياتي وتقديري

والله صدقت ..
يا صبرنا إحنا والأرض عليهم ...!!

شكرا لمرورك ..

[" TWIX "]

*فيمتو*...
هلا حبيب ألـــبي ..

اقتباس: أنا ودي أعرف هل فيه ناس بجحاء في اوربا ولا امريكا ولا بس عند ربعنا

فيمتو ..
لو نرسل اللي قلت لك عنه البارح لأروبا وأمريكا
وش بيسوي فيهم ...؟!!
واااااوه ..
كان يغطسونه بأحد المحيطات اللي حولهم ...

[" TWIX "]

نهاية الحتسي...

اقتباس: حقك وماجاك لا تكثر النشاء حتى مايدرى عن حالك

اقتباس:

ردودك كوم .. وردك هذا كوم بلحاله...
سم وابشر تدلل على كل اللي قلته ..
شكرا لك على تشريح الموضوع وشرشحته ..

[" TWIX "]

يكفيني حنانك...

اقتباس: لايكون بس اللي ساْلته تويكس،،ههههه

كل شيء جايز .. وتوقع أي شيء من البجيح ..

شكرا لمرورك ..

[" TWIX "]

مشقاص...

اقتباس: توكس البجيح له حسنات أسأل مجرب ولا تسأل طبيب. ممكن لاراحو الشباب يوسع الصدر يسولف عليك و يغسل المواعين ويساعد وينظف ويصك باب الأستراحه ويطفي الأنوار . يستفاد منه بالأستراحه ما يقول لا . ماهو مثل البعض يضع سبحته بمخباته وينفض ثوبه بيده ويقول عللتكم العافيه أكرمكم الله . ويمشي ما غسل ولا بيالته ...

سجلوا واحد مبتلي مثلي بحتة بجيح ...

[" TWIX "]

أُنثى خُرآفيًـًہ...

اقتباس: يآآكثر البجيحين والبجيحآآت وخآصه هالحريم الفاضيآت يدقن بالتلفون ووين رحتوا ووين جيتوا ؟ من راح معكم ووش اخذتوا معكم ووش عشوكم وخذ من الاسأله اللي أدق من الدقيق عاد الراتب سالفه ,, متى يطلع راتبك ؟ وتعطين امك منه ؟ بقى منه شي ولا قضيتيه بالسوق ؟؟ ناس وجيههم مرشوشه بمرق قرصان وخانس بعد كررررررره الله يعافيهم ولا يبلانا

يا حليلنا إحنا ..
بحل يا صديقي ...

[" TWIX "]

أم احمد...

اقتباس: أين صناعة النفس؟

شكلها توها مخلصة من برنامج ثقافي ...
ممكن توضحين وش تقصدين بهاي السؤال ...؟!!