شاركنا همومك ...............""""""""..... فضفض

[سَـاكنة القـلب]

[align=right]
التنين وبسومة .. الله يفرج عنكم يارب ..
بس احمدوا ربكم ديونكم ببنوك .. أبوي فديته كانت ديونه من أوادم
وكان مبلغ كبير جدًا وليتها على سفرات وفشخرة بعد عمري هو ..
المهم الحمدلله فرجت عقب تجميع منه ومن اخواني وخواتي فديتهم ..
فلا تخافون وتشيلون هم .. بتفرج إن شاء الله مهما كان الدين ..
واحفظوا الحديث ..
قال رسول الله صلى الله عليه وسلّم لمعاذ ابن جبل :

ألا اُعلمّك دعاءً تدعو به .... لو كان عليك مثل جَبَل اُحُد دَيْناً لأدّى الله عنك؟

قل يامعاذ :

اللهمّ مالِكَ المُلك

تؤتِي المُلكَ من تشاء

وتنزعُ المُلك مِمّن تشاء

وتُعِزّ من تشاء .. وتُذِلّ من تشاء

بيدك الخير .. إنك على كلّ شئ قدير

رحمان الدنيا والآخرة

تُعطيهُما من تشاءُ .. وتَمنعُ مِنهُما مَن تشاءْ

إرحمني رَحمة ً تُغنيني بها عن رَحمةِ مَن سِواك .


أجي لهمومي اللي يصلح تنقال بعد بس ..

* أفك أمي حبيبتي من الناس اللي غاثينها لا حيا ولا حشيمة

* النصيب .. وإذا كنت بتزوج أولا ؟ ومن باخذ ؟ وإذا كفو أولا ؟
وبتوفق وأكون مبسوطة أو العكس ؟!

* أعدي في دراستي وأتوظف وظيفة محترمة وأستقر فيها .

* أخواني اللي ماتزوجوا .. شايله همهم وهم دراستهم ووظايفهم خصوصًا
مع وضع الشباب الحالي !

* أخواتي جعلي أشوفهم بأحسن حال ومبسوطات ..

* جدتي فديتها وأمراضها عسى الله يشفيها ويقومها بالسلامة .

* الروحات والعزايم والعروس اللي ترفع الضغط و اللي مااليه إجازة بين الترمين
واللي كلها لازم نحضرها !

* هم هالناس اللي كلما قلنا تطوروا إلا هم نازلين حدر لا عادات ولا طبع وتصرفات !


وهموم لاتعد ولاتحصى وكلها أفكر بها وأهوجس بها ( يوميًا) !
ما أدري ليه الهموم تحبني هالكثر !!

شكرًا عالموضوع .. لا خوش فضفضة والله ..
ماقصرت التنين الصيني الله يفرج همك وهمي وهم جميع المسلمين ..
وليتنا نهتم لصلاتنا ولا دينا ربع همنا بدنيانا الله يخلف علينا بس !
[/align]