الأربعيــن يوماً ( النفـــاس )وسعــادة الزوج بالعزوبيه , علامة تعجب!! لماذا ؟

[قلب الأسد]

اقتباس: اذكر ان رحت لـ سوريا وسيرت على واحد من اخوياي طبعاً سوري الجنسيه انت ياقلبي تعرف السوريين المهم اخت السوري هذا والده وجايبه بنت له يومين (( انا اذكر اذا ولدت السعوديه يصير البيت كله رحيته حلب ورشاد )) يوم دخلت على ذيك البيت وش اشم وش اخلي عطور وريحه تهيل العقل عاد انا جالس افكر عند بيوت السعوديه وبيت السوريين والله ياهو فرق كبير

هههههههههههه وعساهن يرجعن مثل اول عاد ,,

ياشين ريحة النفاس من جد ,,,

[قلب الأسد]

اقتباس:  المشاركة الأصلية كتبت بواسطة عبود زمان     والله ياقلب الأسد أنا معك في أول مولود بصراحة لأنه مازالت ذكريات العزوبيه معشعشه براسه والزواج بصراحة موب ذيك الراحة المتوقعه أو المرجوه من المقبلين على الزواج بحم الجهل بالحياة الزوجيه أو قلت الثقافه بالنقله من العزوبي للمنتزوج . ولاكن الوناسه اللي يقول عنها العزوبي ترآها اسبوع أو بالكثير اسبوعين وبعده شف حاله يصير تقل بنقالي من الحوسه وفي المولود الثاني ممكن يقل الحماس للعزوبيه شوي وبعده تلقاه يكره العزوبيه إلا إذا كان ليله بالكثير . ياقلب الأسد والله لو يجيك مساك يومين همّن يسهل الله عليك وترتاح إن تسافر وتباشر على كل اللي حولك وتسنّك ملكت العالم ههههههه اجل الحريم يتدلّعن كفو والله بذي هههههه شكراً ياقلب الاسد ولا تعرس إلا بعد ما تعدي الخمس وثلاثين

هلا عبود ,, والله يابعدي اللي نشوفه من الكثير يستانسون

كل الأربعين وبعضهم وده يصير 60 يوم بعد ,,

وهذاك تقوله مب ذاك الراحه ,, وانت مجرب ,,واللي حاس

العزوبيه هههه ,,

يارجال والله من واحد وواحد يبي العزوبيه شكله هه

[دقات قلب]

خالد الى الحين ملزم على الاوزبكيه
انا اعتقد ان السبب وراء ترك الزوجه لزوجها لمدة اربعين يوم عدم قدرته على خدمة زوجها بهذه الفتره يعني مين بيطبخ وينفخ ويكنس ويجلي فكروا بهذا الشي لانه بهذه الفتره تحتاج الى من يعينها ... ولا برايكم انتم الي تسون كل هاالاشغال!! لا والله حصلنا خير
احمدو ربكم متحملون ولا تولدون ولا كان علوم والله من الجواره باالرجال الواحد لو يوجعه ضرسه سوى النون وما يعلمون

[قلب الأسد]

الله يخليكم ياليت مانخرج عــن مسار الموضوع ,,

مجــرد رأي وكلن يقول رأيه بحريه تامه ,,

اشكركم والله على حماسكم ,,

[قلب الأسد]

اقتباس:  المشاركة الأصلية كتبت بواسطة فديكا بريده     انا ماانكر الحين لاحريم ولارجال حتى الرجل تخلى عن مسؤليته..... موب مثل رجال اول....انا اعرف واحد كاشت باول ايااام عرسه عاد بالله هذا يستاهل يزوج...

كــل شي تغير , ولكن لايقاس تغير الرجل بتغير المراءه

[سلطانة]

وش بلاك ياخالد شانن حمله لا عادت على الاوزبك اركد وانا اختك
هالمقوله مالها دخل بالخطاطيب هي يقولها اللي يفقد زوجته فتره وترجع له

[فديكا التميمي]

اقتباس:  المشاركة الأصلية كتبت بواسطة قلب الأسد     كــل شي تغير , ولكن لايقاس تغير الرجل بتغير المراءه

ايه قصدك الرجل اشد انا معك بذي...
اللحين الرجال يعدون بالاصااابع يمكن اقل بعد من قالك ان المره اشد تغير والله من الصبر بنا اللي يثبتنا بس...

[قلب الأسد]

اقتباس:  المشاركة الأصلية كتبت بواسطة نـدى الـورد     ومن هنا... ومن خلال هذا المنبر... ووفق مجربه لا قائله فقط... اوصي بنات جنسي... ان تلتزم بيتها وقت هذه المرحله المسماه " بأيام النفاس" والزم زوجي مجبراً لامخيراً بخدمتي.... ولا اقوم بغربلة ابي واخي الذين ليس لهم ذنب في خدمتي... والأفضل ان ادعو امي الى منزلي حتى استفيد من نصائحها وقت هذه المرحله وخصوصاً ان كان اول مولود... وفي المولود رقم 2 و 3 و4 سوف يكون الوضع تمام وسووف يشعر الزوج بتعبي ويشاركني معاناتي ويفهم ان هذه المرحله صعبه جداً من حيث الجسد والنفسيه وعندما تنتهي اقوم بزياره لأهلي وانا في اتم الصحه والسلام.. .

تلزم بيتها بس لاتأتي بدلع البنات بالنفاس تحسبه عند

امــه لأن الزوج طاقه سبده منه بالحمل وقبل الحمـــــل

يعني تكون تخدم نفسه احيانا ,,

وياليت البعض يسوي ماتسوينه ,, وهذا دليل الموضوع ,

[ثلاثي الابعاد]

اقتباس: وغيرنــا من بعض الجنسيات العربيه والأجنبيه يجلس مــــع زوجته ويقوم بخدمتها اثناء تعبها وولادتها ويلازمها في الأربعين

اللي اعرفه ان الاربعينية عند الملاك بناتنا بس والا الاجانب يومين والثالث بالمطبخ
ونصيحتي للرجال يضبط تاريخ ولاده الزوجه مع الاجازة ويفله

[قلب الأسد]

اقتباس:  المشاركة الأصلية كتبت بواسطة شمس الصباح     والله لم اخوض التجربــــــــة حتى أعرف مشاعره تحية طيبـــه،،،

وان شاء الله تخوضها , بالتوفيق ,,


ولكن من حولك اكيد فيه من خاض التجربه ,,


بس اتوقع انك شفتي الدلع من اللي حولك ,, صح ؟؟؟

[قلب الأسد]

اقتباس:  المشاركة الأصلية كتبت بواسطة eivl girl     يمينتس النداوي هذا الكلام ولا بلاش انا احس هالمده الاربعين عادات وتقاليد مو كلها اوجاع [/center]

يالله شهاده اخرى ,, انه مب واجاع ,,

[قلب الأسد]

اقتباس:  المشاركة الأصلية كتبت بواسطة روح بجسدين     وراه تحسب الولاده عملية مراره انت <<تراه ولادة ويكفي انه ذاكرينه بالقراااان بعدين هالاجنبيااات عنده واحد يشتغل عنه ويرفع معنوياته <<انتم قومي بلا دلع مابس الا العافيه قارن بين كلامهم وكلامكم <<لاتحط اللوم على الجنس اللطيف

اكيد ان الولاده صعبه ولكن مابعد الولاده هل تستوجب مانشاهده

من عدم المشي والتكلف والألم , والشغالات , والعلاجات ,,

الأجنبيات يشتغل اللي عندهن لأن من عنده تساعده ,,

وقارني بين كلامهن ايضا وكلامكن ,,

[أم احمد]

اللي مايعرف للصقر يشويه

هذا ردي,,

[عازفة ألحان الليل]

اقتباس:  المشاركة الأصلية كتبت بواسطة قلب الأسد     وان شاء الله تخوضها , بالتوفيق ,, ولكن من حولك اكيد فيه من خاض التجربه ,, بس اتوقع انك شفتي الدلع من اللي حولك ,, صح ؟؟؟

لا والله لا دلع ولاشيئ

والله يعلم ماذا يحسن فيه

سهر وآلام وقل نوم وصياح رضيع ونفسية مكتئبة من عوامل النفاس

ماذا ترجي من هذه الأحاسيس والألام

[سهاد]

اقتباس: فما رأيكم ،،،

قلب الأسد الصغار هنا من بني جنسكم لم يتركوا لنا رأي ..!
وكأنهم خاضوا تجارب ...
/
المسألة أكبر من أن تشخص ..لأن مقابلك واحد سعودي

الزوجة التي تجلس في بيتها اثناء النفاس إرتكبت جرائم ..الأولى على نفسها ونفسيتها

الثانية على زوجها واعاقة تحقيق طموحه ...

الثالثة على اهلها الذين يتمنون وجودها في بيتهم ووافضل بكثير من تواجدهم

اليومي مثلاً او يوم بعد يوم ..

كذلك بحق الزوار الذين في االغالب يصعب عليهم ولايتجرءون لزيارتها في بيتها

الوضع يريد رجل بحق يستحق ان يطلق عليه زوج ويكون على قدر من المسؤولية

هل يسمى رجل وهو يخطط على السفر قبل الولادة ..؟؟؟

أين الاخلاص والوفاء ..لايفكر بصحتها بل يتجه الى الحجز ليسعد بفترة النفاس

اين الحب واحترام العشرة ...حينم نسمع عن الكثير من مايسمون بأزواج حين تجد

هديتها بقدوم المولود وبالصحة بعده..هي تلك الزوجة الثانية التي خطط أن تكون في هذه الفترة لكي يجلس معها الوقت الكافي بعيداً عن العدل المنغص ووجوداً للعذر..

ماذا تنتظر بعد النفاس غير الروتين ..؟؟؟؟؟

وماذا تنتظر اثناء النفاس غير التهميش ؟؟؟

لا وسط في الرجل السعودي ..اما عله ونشبة حلق ويريدها في البيت وينزعج من الزوار ومن اهلها يريد روتينه وحياته ..

او المطنش والباحث عن سعادته فقط ..والمستعد للهرب حال وجود الدافع له

ربي اغفر لهن ..يكفيهن الأآلام ورعاية المولود التعب النفسي <<وأركز عليه

الذي لايعيه ذاك العشير ..وآثار الحمل والوضع وآلام الظهر ..

لن يخيب الله تعبها بإذن الله لكنها تريد ان تنسى الآلام بنظرة او كلمة من زوجها الأناني ..
شكرا لك