السؤال : هل يوجد حــــوريات بحر ؟ هنــــــــــا ( فتوى خيالية )!

[oldman]

إي عاااد جبتوا طاري حبيبنا

أيام زمان كنت أتمنى إني أكون سمكه (وش يقاله رجل السمكه يالله إنك تغربلهم )علشان أطب ببرستنا اللي بالمزرعه وادور الحوريه اللي شفتها بالتلفزيون كنت أجلس لحالي أفكر وشلون أوصل لها لقد شغفت قلبي (كان كبر قلب العصفور) <--بزر ويحب سمكه (عاد لوتشوفوني اول كل طمالة العالم بي الثوب صاير بلكاشه من الوصاخه والشعر كثيف وصاير تسنه مسامير كابن عليّ واحد ببسي ولا غسلته وحافي وكل المشق برجليني ويديني) كان تفكيري وشلون لا لقيتها بالبرتسه أبنقلها لبيتنا ويخطر على بالي أن ابوي يعيي عليّ إني أجيبها للبيت علشان ياخذها هو وجزمت إني لا لقيتها أبعيش معها داخل الماء لا عمرك تفكر وتهوجس وتحب يامال الللي ... ولاومهيب بس هي اللي حمستني وتمنيت إني أكون غير إنسان كنت أتمنى في مرة من المرات إني أكون نحله علشان إني تحمست لمسلسل نحول يوم يدور أمه ابصير ذكر نحل علشان أدور معه أمه انواع الصياح والحزن اول بس يوم شفت إن الدبابير تقتلهم وكل شي يعوق له خفت وهونت اذكر كان بزر بجنبي يوم لقا نحول أمه قعد يصيح ويقول نحوووول لقا أمه .<-- يقاله ماصاح مثله
وكم مرة تمنيت إني أكون عصفور علشان اهج من المدرسه فيه مدرس رياضه أول ياخذ زمزميتي حقت الشاهي غصب ولا أقدر أقوله شي بس أقعد أصيح هملت عن الموضوع
سامحني يابو يس تذكرت حبيبتي الحوريه ونسيت نفسي ولقد فتقت جرحاً قديما بقلبي

[line]-[/line]
سبحان الله وبحمده
.... سبحان الله ... الحمدلله .... لا إله إلا الله .... الله أكبر ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه