[align=right]اخ عاشق .. لا اتفق معك من ناحية الاغلبيه فهناك ازواج قمة في الانسجام والتفاهم .. وعلى النقيض هناك من حياتهم تبادل مصالح كما ذكرت ..
ولعل لأساسيات وقواعد تربية الرجل بمجتمعنا يد في ذلك ..
فعيب تقول اسم زوجتك .. وياويلك يشوفونك معها بمكان عام ماسك يدها او تسولف لها ..
ساعاتها بتصير خدايتها وسيكل وسلسله ومن هالاوصاف اللي ما انزل الله بها من سلطان ..
وبعض اهل الزوج الله يهديهم يجلسون يقطون عليه كلام ماله داعي لو شافوه يناظر لزوجته بس ولا يشاورها فشي ..
فتجد الشاب من بداية زواجه يثبت لأهله و لربعه انه حمش وانه نمس ..
فيسهر معهم للفجر عشان مايقولون لعبت عليه السلسله وسحبته وتركنا ..
ونتيجة كل هذولي يبدا يبعد عن زوجته وهي تبعد عنه..
ويصير لكل شخص عالمه الخاص وعلاقتهم تكون تبادل مصالح فقط ..
ودائما تلاقي الزوج اللي منسجم مع زوجته امه وابوه منسجمين مع بعض وبالتالي حذا حذوهم وماحس انه يسوي غلط او نقد على روحه ...
اما اللي امه وابوه زيت ونار يستكثر على زوجته اي شي ويقول احمدي ربك لانه يقيس على ماماته وباباته ...
عذراً عالاطاله بس هذا واقعنا ..
تشكرات كثيرات اخ عاشق ..[/align]
العرض الشجري