موقف حصل لي في غرفه العمليات

[نيزك]

افصلي و من ترك شيئاً لله عوضه الله خيراً منه .
لا تقولين دراستي و تعبي إذا العمل غير مختلط عادي بالعكس نشجعك .أما بالوضع هذا لا و الله ......الله يستر عليك .
و على قولة نــــــــــــونـــــا كيف هو يشيلك !!!؟ ما فيه ممرضات .
.................................
الله يعينك موضوعك يبي يطلع عن النص .

[حائــرة]

اقتباس:  المشاركة الأصلية كتبت بواسطة صريح جد     كلامك صحيح اذا كان مستشفى مافية اختلاط يعني يكون نسائي اما امراة في اول بداية حياتها وتتعرض لمثل ها الموقف ويحملها رجل غريب من عند عورتها ويجلسون لوحدهم في غرفة حتى تفيق لو كان نيتة سليمة كان عندما افاقت طلب من الممرضة حملها مو يحملها هو وهو انسان غريب عنها وهي طلبت راينا وانا اعتذر منها ان اخطئت في حقها

هلا فيك اخوي

احس بكلامك شئ من القسوة

صحيح الموقف اللي تعرضت عليه مو هين

لكن ظروف العمل تتحدده وتفرضه!

بعدين تقول جلست معاه لوحدنا !! انا مو كنت اتسلى او اضيع وقت!!

كنت بحاله تحتاج لإسعاف!!! ومو بوعي فرجاء لا تلقي اللوم عليّ وتعاتب!

[حائــرة]

اقتباس:  المشاركة الأصلية كتبت بواسطة نيزك     افصلي و من ترك شيئاً لله عوضه الله خيراً منه . لا تقولين دراستي و تعبي إذا العمل غير مختلط عادي بالعكس نشجعك .أما بالوضع هذا لا و الله ......الله يستر عليك . و على قولة نــــــــــــونـــــا كيف هو يشيلك !!!؟ ما فيه ممرضات . ................................. الله يعينك موضوعك يبي يطلع عن النص .

هلا فيك

الفصل مو حل !!

هروب من الواقع فقط! ومو مواجهه للمشكلة !

بعدين انا ما رضيت ولا قلت اني رضيت بالشئ هذا

لكن كنت وقتها لا خيار لدي! ياليت ما يكون في اتهامات !

[نيزك]

8
8


لا وش دعواااا من جاب سالفة الاتهامتا ؟!!



بالعكس أشجعك لكن بحدود و خلينا من هالكلام قفلي موضوعه.

عموماً :

موقفك جداً عادي و لا تكبرين الموضوع و الله عااادي تتوقعين ما فيه قبلك حصلهم هالشيء ؟

شخصياً أعرف قصص كثيرة عن مثل هالأمور وبحكم مجال عملي شاهدت و سمعت منها الكثير .
ترااا عاااااااااااااااااااااااادي جداً الوضع حتى الدكتور الي معك تتوقيعن ما صار له من هالمواقف شيء ؟

[حائــرة]

اقتباس:  المشاركة الأصلية كتبت بواسطة نيزك     8 8 لا وش دعواااا من جاب سالفة الاتهامتا ؟!! بالعكس أشجعك لكن بحدود و خلينا من هالكلام قفلي موضوعه. عموماً : موقفك جداً عادي و لا تكبرين الموضوع و الله عااادي تتوقعين ما فيه قبلك حصلهم هالشيء ؟ شخصياً أعرف قصص كثيرة عن مثل هالأمور وبحكم مجال عملي شاهدت و سمعت منها الكثير . ترااا عاااااااااااااااااااااااادي جداً الوضع حتى الدكتور الي معك تتوقيعن ما صار له من هالمواقف شيء ؟

هلا فيك ..

هذا الكلام اللي يريح البال ويهدئ الاعصاب!!

الموقف عادي جدا ولا همني بنفسه كل انسان ممكن يمر فيه

لكن التبعات اللي حدثت بعده هي التي اشغلت بالي!

سوري اذا ازعجتكم او ضايقتكم هني

[وضوح]

[align=center]اهلين ،،،الله يستر علينا وعليك [/align][align=center]

صراحة انت دخلت مجال لايحتاج الى الخجل ولا الى التحرج من شي ..!

اختاري احد امرين : اما الاخلاق والستر والخجل..!

أو نزع الحياء والتحرج وبلادة الاحساس..!

اذا كنتي لبستي لباس ليس لك ..فتحملي سلبياته وعيوبه ..أو انزعيه

اتمنى ...ان لا تنزعجي من كلامي وأن تبحثي لك عن شي يقل فيه الرجال والشباب ..

وأن يعينك الله على العمل في ما يرضيه عز وجل ..[/align]

[نبراس القصيم]

أختي الحائرة



أهم في الموضوع أن الإجازة لن تحل المشكلة بل بالعكس راح تزيدها

وهذ ا يعتبر هروب من المواجهه فخوذي الأمر بدون أي حساسيات

وأرجعي لعملك واشكري الممرض الذي ساعدك ولا كأن شيء صار

تعاملي مع الكل بدون أن تتذكري اللي حصل لأنه مهما هربتي من المواجهه

فأن الذي حصل سوف يبقى في أذهان الناس ولو أخذتي إجازة لمدة سنه

فأنكي عندما ترجعين فأنهم على طول سيتذكرون ماحصل

فأنا اقول أنسي ماحصل وأرجعي لعملك

لكن أختي ما أتعجب منه كيف تخرجتي من كلية الطب وأنت تخافين

من مناظر الدم والعمليات فالطبيب لابد أن يكون قوي في مثل هذه

المواضع

فهذه وجهة نظري وأتمنى أن ترجعي وتنسين ماحدث وتخبرينا بأنك

تجاوزتي المشكلة وعدتي لعملك وهذه وجهة نظري وافعلي ماترينه مناسب

نبراس

[علشانك بس]

من وين ابدا ومن وين انتهي ,, معقولة اللي كاتبة الموضوع طبيبة .. !!
لو ماكتبتي طبيعة عملك كان قلت هالبنت عمرها 20 ,, هذا اذا كنتي فعلا بنت ,, ومو ولد وجالس يسحّب بالخلق ,,
المهم .. انا اتوقعتك جاية تكتبين الموضوع ومقهورة من الممرض اللي شالك ولمس جسمك وانتي غايبة عن الوعي ,, ولا مقهورة من جلسته معاك بنفس الغرفة لحالكم وانتي مازلتي متعبه ,, ولا لأنه جلس يلبسك عبايتك ( مع اني اشوف ان سالفة العباية داخلة عرض لأنك وقتها أفقتي ومافيك الا العافية بس جازلك التدلع ) ,, ولا مقهورة على العملية اللي فاتتك وماتعلمتي منها شي ,,
بالأخير اكتشف انك مستحية ترجعين لأنك دختي من منظر لتشريح .. !!
أو مستحية من نظرة الممرض لك .. !!!
قالو لك الأعضاء اتركي التدريس واستري على نفسك في بيتك ,, وقلتي لا وشهادتي وتعليمي ,,
قالو لي روحي قلتي لا مستحية منهم ,,
وش تبين يسوون لك ياترى .. !! يداومون عنك ؟؟ ولا يطقون ويرقصون لك عشان يروح الحياء وترجعين لشغلتك .. !!!
داخلة بقوة ماشاء الله عليك ,,,
أولها وصف لكيفية اسعاف الممرض لك ,, اللي مالأمها داعي .. ولا راح تضيف للموضوع الا التميلح الزايد عن حدّه ,,
وآخرها بطلب الحلول على الخاص ,,
اذا تشوفين موضوعك مافيه شي مخجل ليه تطلبين الحلول على الخاص أبي أعرف .. !!!!
واللي كمّل على الموضوع هاللي طارو للخاص يعلمونك الحلول ,, مدري ليه مايكتبون رأيهم هنا بالموضوع ,,
نصيحة لك ,, اذا حبيتي تقبلينها حلو ,, ماحبيتي تقبلينها خليها للأعضاء يمكن يستفيدون منها ,,
( اسلوبك بكتابة القصة اللي أشك بمصداقيتها يجرّء بعض الأعضاء عليك وخاصه انك فتحتي باب الرسائل الخاصة من أول موضوع لك ,, فـ نصيحتي لك تغيرين من اسلوبك بكتابة المواضيع ,, لأن اللي في قلوبهم مرض كاثرين هالأيام ,, مع اني اتوقع انهم مايهمونك بعد سالفة الممرض ,, لكن هي نصيحة وأسديتها لك )


هذي للأعضاء إيّاهم ( أحس ان هالطبيبة تقرب لإمرؤ القيس خخخ )

[لمعةالألماس]

....أختي الكريمة طبيبة المستقبل...

** حرجك من الموقف دليل حيائك ..
أولا إستغفري الله فهو منجاة..
وثانيا كوني رسمية جدا مع الجنس الاخر..
وثالثا ماتسمعينه من الآخرين لا يكن حاجزا لتقدمك..

والله يوفقك وثابري على عملك ولا تستسلمي مهما كانت الظروف ..

وياكثر اللي ينتقدون مهنة الطب وهذا المجال عموما

بحجة أنه إختلاط..

وليه ما تقولون إن دخول الدكتور على المريضة وهي لوحدها بالغرفه إختلاط..
وليه ما يكون توليد الدكتور للمرأة << كشف عورة
وليه ما تقولون عن بعض الاطباء اللي يضع يده على جسد المرأة للكشف عليها << عيب وقلة حياء..!




بصوت عال نقول >> نريد الطبيبات والممرضات نساآء للنساء وإن كان الافضل سعوديات..

[دلوعة جدها]

والله عندك بـــــــــرود اعذرينى بس كيف سمحتي له يلبسك عباتك

والله انا يوم صارلى الحادث وانا نصف واعيه ماخليته يلمسنى مجرد لمس وهو يبى يطلعنى من

الحطام

صح انه موقف محرج وممكن قعد يضحك على بس الحياء خلانى اسوى كذا

[engel]

بعض الناس تمتلك قلوب جباااااارة والله هو من يساعدها ، لعلك تسألين الله الثبات والتيسير فمثلا قبل فتره كنت اخاف من الموت وفجأة صرت أغسل أموااااااااااات بمتعه

[خربشات عاشق]

اقتباس:  المشاركة الأصلية كتبت بواسطة حائــرة     السلام علكيم ورحمة الله مساء / صباح النور ارحب بكم في اول مشاركة لي في هذا الكيان الجميل سأروي لكم قصة حدثت لي أثرت علي بعض الشئ أريد منكم نصائح وتوجيهه تجاها من الفتيات وكذلك الشباب أنا أعمل في مستشفى كـ طبيبة عامة حديثتة التخرج وتحت إشراف إستشاري منذ دخولي لعالم الطب وانا اخشى التشريح ومناظر الدم التي خفت يوما بعد يوم لكنها لم تزل موجوده حدد الاستشاري موعد العملية الجراحية وكان هو المشرف عليها وانا الطبيبة المساعده ومعنا بقية طاقم العملية كنت خائفة ومرتبكة من هذه العملية! فهناك فرق شاسع بين حضور العملية كـ طالبة او طبيبة بدأت العملية وبدا التشريح ومنظر الدم .. وبدأت معه اعصابي تنهار !!! ألتفت للوراء .. واستاذنت من الاستشاري الذي رأى من عيني الذبول قبل ان يسمعه مني عدت للخلف لأخرج من غرفه العمليات ولكني سقطت في منتصف الطريق! لحقي بي أحد الممرضين ليسعفني فغرفه العمليات لا تحتمل أكثر من مريض! حاول تحريك راسي يداي لم استجب! رشق بعض قطرات الماء عليّ لم استجب!! فوضع يده تحت ظهري والاخرى تحت أرجلي وحملني لخارج غرفه العمليات ووضعني بغرفه خالية وأسعفني هناك باخذ نبضات القلب والضغط وكذلك وضع لي مغذي بعد ساعه أفقت وأحسست بتحسن كثير وفضلت العودة للبيت للراحة فأحضر لي عربه وعبائتي وحملني من السرير ليضعفني في العربه ليخرج بي خارج المستشفى حيث ان السائق كان هناك وعدت للمنزل!! بعدها أصبت بحرج شديد من ذالك الموقف... حرج من الاستشاري وكيف تسقط طبيبة في غرفة العمليات !! حرج من موظفي الاستقبال وزملاء العمل الذي شاهدوني محمولة بين يدي الممرض! والحرج الأكبر من الممرض نفسه الذي يصغرني سناً .. فانا لا اعلم هل اشكره على هذا الموقف الرجولي وعلى شهامته ومبادرته ؟! وهل هذا الموقف سيقلل من هيبتني ومكانتي أمامه ويسوء لسمعتي أمام الاخرين؟ كيف أتصرف مع هذا الموقف الذي انتشر انتشار النار في الهشيم في وسط العمل ؟! يداخلي شك احيانا في نية الممرض! أحاول ان استبعدها!! الموقف حصل يوم أمس وحتى الان لم اعد للعمل! بحجه المرض ياليت الكل يدلي برأيه هنا او برسالة خاصة بعيد عن نقل الموضوع والتحدث به ياليت تفيدوني واطلع من المأزق اللي انا فيه . تحياتي

أولاً يجب أن يكون لديك الثقة بنفسك شيء ومن ثم ثقة بمن حولك ،،، والممرض لم يتعمد أن يحملك إلا عند إحساسه أنه مضطر لهذا العمل ..

تابعي مسيرتك ولا تلتفتي للخلف ،،، والأنثى هي الوحيده القادره على زرع إحترام الأخرين لها .


تحياتي

[دانتيل]

انا اذكرك غايبه عن الوعي كيف عرفتي بالضبط وشلون شاللك ووشلون رشق عليك ماء ؟؟؟؟؟؟؟

موضوعك كله ؟؟؟؟؟؟؟؟؟؟؟؟؟؟؟؟؟ الله يستر علينا وعليك

[مخاوي الدمعه]

الله يستر عليك .. اكره شي في المستشفيات الاختلاط . ليش مايقصلونهم ؟؟؟
ليش مايكون قسم منفصل

[قطرة الندى]

اقتباس:  المشاركة الأصلية كتبت بواسطة حائــرة     فوضع يده تحت ظهري والاخرى تحت أرجلي وحملني لخارج غرفه العمليات ووضعني بغرفه خالية وأسعفني هناك باخذ نبضات القلب والضغط وكذلك وضع لي مغذي بعد ساعه أفقت وأحسست بتحسن كثير وفضلت العودة للبيت للراحة فأحضر لي عربه وعبائتي وحملني من السرير ليضعفني في العربه ليخرج بي خارج المستشفى

تصدقين أختي يوم وصلت لهذه الجزئية على بالي إني

اقرأ روايــــه ,,