اخدم بجد ونصح في دنــــياك

[الفاخري]

[align=center][size=4]
يالعين تسكيبك عليه مذلة
من يوما لا رجع ولا بعث مرسال

اوموش كل من سافر اوصل بسم الله
ولا كل من طالــــــــب احقوقه نال

ولا كل بيــــــت جديد طق انجــــــله
عليــــــه يضمنوا مالريح ما ينشال

ولا كل من عنده غرض يوصــــــله
ولا كل من طاله ايقولوا طـــــــال

ولا كل من يسمع كــــــــــــلام ايعله
ولا كل متــــعلم ايرد ســـــــــــوال

ولا كل متعضد الحمل ايقـــــــــــــله
ولا كل راجل يخلفوه ارجــــــــال

ولا كل من ذاهب النجم ايدلــــــــــــه
ولا كــــل من يقنص ايجب غزال

ولا كل مــــــــــــــــن يدناك تطمانله
ولا كل من يجفى عليه اتســــال

ولا كل قاضــــــــي في الاحكام اجلى
ولا كل فقري دام في هالحــــــال

ولا كل من تعب النـــــــــــــاس اسلى
ولا كل من يضحك هنــــــي البال

ولا كل عين ادموعها منشـــــــــــله
خاطر عليـــــــــها في المنام خيال

الدنيا قديمة يا أسمـــــــــــــــاح الطلة
كمين جيل عدن وراه أجيــــــــال

الدنيا امتاع الله وتبـــــــــــــــــــقى لله
ما ايدوم فيها غير حــال او حال

ويا ما نظرنا من زروع و غلــــــــه
ويـــــــا ما نظرنا من ربيع وزال

أسباب حالتــــــــــي هي طلعتي نسله
اشربت كاسهم راضي امغير اهبال

و العين من البكا ما عاد فيها بـــــــــــله
كمين عام ادموعــــــــــــها شتوال

نرجاك يا غني و الله عمري كلـــــه
وأن كانهوا ابقي في العمر شي مازال

ونختم كلامي عل النبـــي ومن صلى
شفيع امته يوم الكفن ينشــــــــــــال


للشاعر الليبي/ الشريف العميري size][/align]