نعناع المدينه (الحبق) يحتوي على ماده مسببه للسرطان وامراض الكبد ( صورة

[جبل السكر]

لا لا ياباونتي مانقدر نستغنى عنو ابدا
اخويا قبل ايام قلنا لاتشتروه مسبب للسرطان وماصدقنا
مازال البيت مليء منو
سبحانكـ يارب نستخدم الحبق اكتر من العادي طلع مضر <<شويا تبكي
على فكره باونتي النعناع العادي يسمى (مغربي) يلي اوراقه عريضه
والنعناع الحبق يسمى (حساوي) اوراقه طويله
ويلي تقولو طعمو متل الورد هادا (الدوش)
والكل عارف فوائد الدوش
واغلب اهل المدينه يستخدمو مع النعناع (ورد مديني) يلي في صورتي الرمزيه
يعطيلو نكهه عطريه وجدا لزيز والشاي بدون نعناع مااعتبرو شاي
افتكر قبل 4 سنوات برمضان كان عندنا ضيوف جايين من القصيم
ولمن ضيفناهم شاي بالدوش يقولو انتو حاطين (عطر) بالشاي خخخ
طبعا مااحد شرب لانو غريب عليهم ومااستساغوه يقولو نشرب بدون الخرابيط شاي ساااده مافيلو حاجه<<اتحطمت ههه

باونتي الله يعطيكـ العافيه على هادي المعلومه <<تحاول تصدق

تحيتي