تأكدت إن مافيه مراقبة وسويتها ورجليني عرقن من الخوف

[•°سـرىآ اللـيـل°•]

أكره السرعه حتى النخاع ., وأكره السيارة صار فيني عقدة منها .,
واحد من أخواني الله يهديه السرعه عنده مثل السلام عليكم .,
لكن من تالي خفف لعل أنه تاب إلى الله توبة نصوح هه .,
ياسيد موقف لن أنساه ماحييت يوم كنت في ثاني متوسط تقريباً عام 20 كذا
وحنا راجعين من مكة بليلة 29 شفنا حادث وكان الوقت ليل وزحمة فمشينا وخليناه .,
يوم رجعنا جانا الخبر وطلع صديق أخوي توفي الله يغفر له ويرحمه هو وبنته بالأشهر .,
بكرا العيد والشكوى لله ربك كريم وأرحم بعبادة .,
لازلت حتى اليوم لاجاء عيد الفطر يلوح طيف أبو مالك أمام عيني ., ويصير العيد نكد .,
والله ياجبل ماسكة معي أطبخ العيد منذ سنوات علشان لاصحت أقول من أثار حرارة البصل وماهو إلا ذكرى له .,
حسبنا الله ونعم الوكيل السرعة شينة ياجماعة لاتسرعون بحيث ماتجرحون قلوب اللي يعرفونكم .,

أهذب تاهيه’

[جبل عمر]

اقتباس:  المشاركة الأصلية كتبت بواسطة •°سـرىآ اللـيـل°•     أكره السرعه حتى النخاع ., وأكره السيارة صار فيني عقدة منها ., واحد من أخواني الله يهديه السرعه عنده مثل السلام عليكم ., لكن من تالي خفف لعل أنه تاب إلى الله توبة نصوح هه ., ياسيد موقف لن أنساه ماحييت يوم كنت في ثاني متوسط تقريباً عام 20 كذا وحنا راجعين من مكة بليلة 29 شفنا حادث وكان الوقت ليل وزحمة فمشينا وخليناه ., يوم رجعنا جانا الخبر وطلع صديق أخوي توفي الله يغفر له ويرحمه هو وبنته بالأشهر ., بكرا العيد والشكوى لله ربك كريم وأرحم بعبادة ., لازلت حتى اليوم لاجاء عيد الفطر يلوح طيف أبو مالك أمام عيني ., ويصير العيد نكد ., والله ياجبل ماسكة معي أطبخ العيد منذ سنوات علشان لاصحت أقول من أثار حرارة البصل وماهو إلا ذكرى له ., حسبنا الله ونعم الوكيل السرعة شينة ياجماعة لاتسرعون بحيث ماتجرحون قلوب اللي يعرفونكم ., أهذب تاهيه’

صدقتي ياسرىآ لكن لا تحسبوني راعي سرعة لكن أعرف ناس كثارين كانوا يكرهون السرعة كره الشياطين ويخافون لكن بعد ما توظفوا وصار يترددون مثلي مات الأحساس والوحدة بالسيارة وطول الطريق يجيب الطفش والهستيريا تخيَّلي كل اسبوع رايح جاي وأكره شي يوم الجمعة لأنه فيه رجعة أقول يمكن كثرة التردد هي ألي تخلي بعضنا يطير طريران ولاتنسين سيارات هالوقت ياربي لك الحمد مريحة وفخمة يعني كملت من كل جههه

أما الأموات والحواث كل يوم أشوف قدام عيوني حوادث وموت بعض المرات يبس ريقي من الخوف وعسى الله يستر علينا ويحمانا ويحفظنا بحفظه ويحسن لنا ولككم الخامتة دعواتكم أهم شي

دمتى يعزٍ وفلاح

[البـــBADERـــدر B.D.Q]

<< اغمى عليه يوم شاف الطلبون

[الصافي]

أحياناً يجيك واحد يدبل كبدك يقوم يدق إشارات ويلعب قدامك يطلع يمين ويطلع يسار ثم يبدا يزول الثقل شوي شوي وتدعس وراه وتنسى الموت > الله يستر ولا يبلانا

[صاحي و رايـق]

كود أخذ منك المفتاح يا متهور
أول كنت ما أواطن شيء أسمه سرعه أبد
بس بديت أروح مع قريب لي لإحد الدول
وطياران اللهم يا كافي
220 هذي أقلها وخر مر كل أسبوع تقل نسعى على هذا الشارع
صارت عاده عندي السرعه
وبالذات إذا كان الشخص لوحده كسل يتمشى
أحسن شيء وتقل بادن أنا أطبقها
إذا مسكت الخط دق على أي واحد وسولف وياه طوال الطريق
هنا ثبت السرعه على 140 ويروح الطريق وأنت ما تدري !

شفا يا جبل
دام لا عندك لا ولد ولا تلد
خل سرعتك صاروخ أرض جو
بس تدري وشو اللي يخوفك يادب
سيارتك تراها قريبه حيل للآرض أقالها فراري ههههه
يعني تسمع صوت الكفرات
وهذا اللي يخليك متخوف
يابن الحلال أسرع وماجاك علي
وربي قبل كم شهر أمشي 220 طالع من دبي
المهم سقطت على فورد كالبرق
شكله عطان عين ولد الكفت وضرب علي كفر
والله ما تحركت السياره أبد
السيارات الصغار ما عليهن خوف
مجرد يضرب الكفر ولا تميل بك السياره تمشي سيدا !

عاد كل شيء مكتوب ومقدر
أسرع بس ما راح تموت قبل يومك !


بايو

[نسيم السحر]

على الرعدة هذي ما ينفع معك كاميرا ضد الاهتزاز مع الحامل

بس والله معذور إذا كنت لوحدك.. واللي مجرب المشاوير الوحدانية يجيه ملل غير طبيعي فيضطر يرخي الرجل شوي

فعلك هذا يصلح طريقة لطرد النوم .. وخصوصاً للخوافين مثــــلــــ......

بس إذا توهقت ما أعرف ألا أنت!!

مشكور أخي على المشاركة والصور الخطافية

[تلميذة الحياة]

اقتباس: سؤالي وشلون الواحد يجزم يمشي 220 ولا أكثر طول الطريق يعني فاسخ عقله مهبول مجنون

جبل عمر .. المفروض تقول وشلون الواحد يصور السرعه ووشلون يمسك الجوال وقتها ..!!
الله يصلحك بس لاتعود له ..(( لاتسرع فالموت اسرع))

[مهند شاد اوغلو]

((موكل مره تسلم الجره))

[جبل عمر]

اقتباس:  المشاركة الأصلية كتبت بواسطة البـــBADERـــدر B.D.Q     << اغمى عليه يوم شاف الطلبون

بسم الله عليك أجل وش تقول لو أنت شايفني وأنا أجزم أصلح هالأجرام بغيت انهبل الحين وأنا بالأرض كل ما شفت الصورة أنهبلت وجتني النفاضة وأقول عز الله إني مخ ما فيه لكن ربك ستر

[جبل عمر]

اقتباس:  المشاركة الأصلية كتبت بواسطة الصافي     أحياناً يجيك واحد يدبل كبدك يقوم يدق إشارات ويلعب قدامك يطلع يمين ويطلع يسار ثم يبدا يزول الثقل شوي شوي وتدعس وراه وتنسى الموت > الله يستر ولا يبلانا

ياكثرهم ألي كذا ياهم نشبة حلق وبالذات ألي يسقط عليك مع الكتف ولا يصبر لين تسقط أنت على الأي بجنبك لكن ذولا لقيت علاجهم إذا بدا يكبس وهو يشوفن أسقط على الي بجنبي ألف يمين وأصير بالوسط شوي يعني بين الكتتف والمسار الأيسر حتى ما يقدر يسقط مع الكتف إذا شافك كذا يخاف غصب يهدي لانه يقول هذا الحين يدخلنا بالشبك

دمت بعزٍ وفلاح

[شاطئ الراحة]

[align=center]ويحك يا ابن عمر .. !!


ثكلتك عيون القطط , و التفاتيش ....


ما تصلح تسافر معي .. لأنك من قوم - في العجلة الندامة - .. !!

طـر و لا يردك الا تفتيش أم سدرة ..
خلك مثلي .. 200 وربي ما أنزل عنه .. !!
و أنهي السريع بـ ساعة و عشرين دقيقة تقريباً ..
خلك أبضاي مفتل شواربك معتأ ..

:

في العجلة السلامة و في التأني الندامة ..

متى ما صار الوضع عندك على 200 تولّم أمرك و نمشي سوا [/align]

[لجه]

اقول عساك وديت السياره لم المغسله شكلك سويت بلاوي من الروعه.

السرعه وانا اخوك مابه خير اسال مجرب والله ما وراه الا شدة الأعصاب والإرهاق اذا وصلت تقل مجلود بخشبه.

[برق الوسم]

الحمدلله على العافيه جبل عمر

صدق كيف الواحد يسوي كذا

هل سمعتم بحركة الموت او تحدي الموت

هي مجموعة شباب يسيرون بسرعة مجنونه ويقومون بقطع الاشارة هل رأيتم مثل هذا الجنون وقد سألت واحد من هؤلا الشباب ماهو شعورك وانت تقترب الى الاشارة هل تصدقون ماذا قال: نقوم بإغلاق عيوننا لحظة قطعنا للاشارة وماهي الا لحظات ننظر هل نجونا ام لا وكل هذا مقابل 500 ريال فقط

وتقبلوا مروروي

[لجه]

اقتباس:  المشاركة الأصلية كتبت بواسطة صاحي و رايـق     كود أخذ منك المفتاح يا متهور أول كنت ما أواطن شيء أسمه سرعه أبد بس بديت أروح مع قريب لي لإحد الدول وطياران اللهم يا كافي 220 هذي أقلها وخر مر كل أسبوع تقل نسعى على هذا الشارع صارت عاده عندي السرعه وبالذات إذا كان الشخص لوحده كسل يتمشى أحسن شيء وتقل بادن أنا أطبقها إذا مسكت الخط دق على أي واحد وسولف وياه طوال الطريق هنا ثبت السرعه على 140 ويروح الطريق وأنت ما تدري ! شفا يا جبل دام لا عندك لا ولد ولا تلد خل سرعتك صاروخ أرض جو بس تدري وشو اللي يخوفك يادب سيارتك تراها قريبه حيل للآرض أقالها فراري ههههه يعني تسمع صوت الكفرات وهذا اللي يخليك متخوف يابن الحلال أسرع وماجاك علي وربي قبل كم شهر أمشي 220 طالع من دبي المهم سقطت على فورد كالبرق شكله عطان عين ولد الكفت وضرب علي كفر والله ما تحركت السياره أبد السيارات الصغار ما عليهن خوف مجرد يضرب الكفر ولا تميل بك السياره تمشي سيدا !عاد كل شيء مكتوب ومقدر أسرع بس ما راح تموت قبل يومك ! بايو

قام بتوهيق المذكور وتدخيله الأثل .

ناس كثيرين ماتوا ومعهم شبح ولكزس بسبب حوادث السرعه.

[شاطئ الراحة]

[align=center]

اقتباس:  المشاركة الأصلية كتبت بواسطة لجه     ....... ما وراه الا شدة الأعصاب والإرهاق اذا وصلت تقل مجلود بخشبه.

هذا ما يكون معي لما أوصل ..

دعواتكم لي أهدددي .. [/align]