تعال شاركنا بــ بطة تسبدك ..!!!!

["المهاجر"]

السلام عليكم .....

ايييييييييييييييه يابو هليل
حركت الاشجان وخليتن اكتب غصب

أنا لي كم موقف حار كبدي
لكن الأبرز منهن موقفين
أعطيكم واحد اللحين والثاني بعدين..

هذا الله يسلمكم وأنا ادرس برابع ابتدائي نقلت لمدرسة جديدة توها فاتحة حول بيتنا ، أنا تأخرت بالمباشرة بالمدرسة لأجل آخذ إخلاء طرف من المدرسة السابقة - مالكم بالطوالة- بعدما جيت للمدرسة ويالله صباح خير على الدرس الثاني أو الثالث تقريبا قالي المدرس -- والله كأني اشوفه قدامي ، وأنا جالس بالصف الأول بناء على توصية من الوالدة -- يالله يالمهاجر قم أقرأ قرآن قمت وحاولت القراءة وأتيت بجهد المقل ، وفجأة قالي: وقف وقف -- بنبرة عالية -- خلك واقف (( للمعلومية ذيك الأيام كانت أيام شتاء قارس )) وبعدها جاب ذيك العصا اللي يحبها قلبك ، وعطاني لي كم عصا باليد اليمنى يحبها قلبك -- كانت لأول مرة آخذ فيها علقة من مدرس -وآخر مرة في تلك المدرسة- خلتن آخذ منه ومن المدرسة موقف لن أنساهب...(( اللي قاهرني اللحين إن حياي تلك الأيام لم يجعلني أنبس ببنت شفة أو أدافع بكلمة عن نفسي ، تقبلت الضرب فقط دون تعليق خارجي ))

وسأوافيكم بغيره مما يبط التسبد لاحقا ..


بس فيه معلومة لم تثبت عندي حتى الآن
أذكر تقولي الوالدة تلك الأيام
ياوليدي بعدين إذا كبرت تبي تدعي للمدرس علشانه ضربك..
وأنا حتى الآن مادعيت لأحد
بالعكس فيه منهم من كرهن بالمادة مع حبى لها ..

والله الموفق..