؟؟؟؟؟؟؟؟؟؟؟

[جبل عمر]

[align=center]حركات المعاريس[/align]

منقول من الإميل

[align=center]





اقرؤوها كاملة

اللي ما أعرس وتوه .. يبي يستانس

واللي أعرسوا .. كان الله في عونهم





** الفرق بين المرأة في السنة الأولى من الزواج والسنة العاشرة **



السنة الأولى



تشير

الساعة إلى 6:30 صباحا



تودع زوجها وهو طالع للعمل وتقول له بالسلامه يا حبيبي





الساعة 11 صباحا



تتصل عليه في العمل وتقول له حبيت اسمع صوتك بس يا عمري



الساعة 3 العصر



تستقبله وهو متشيكه وتبوسه وهو داخل للبيت وتقول له

الغدا جاهز يا حياتي ..تحب أحطه لك الحين ؟





الساعة 5 العصر



تصحيه من النوم ببوسه وتقول له اعمل لك شاي يا حبي ؟



الساعة 6 المغرب



تسبل عيونها وتقول بكل خجل يا ريت يا حبيبي ..

يعني لو ما عليك كلافه ..

يعني إذا تقدر توديني شوي لبيت أهلي

إذا كنت تقدر يا عمري وقبل ما ينطق بكلمه

( إذا ما تقدر خلاص مو لازم )

وطبعا يضيع هو في نظره من عيونها



ويوديها لأهلها ولو أنهم ساكنين في الدمام وهو ساكن في الخبر



الساعة 8 بالليل



تتصل على الجوال وتقول

( اشتقت لك يا عمري .. يا ريت تمرني ونروح للبيت )

وطبعا هو عارف وش بيجيه في البيت

فيطمر ويقول للشباب آسف والله يا شباب راسي مصدع ولازم امشي



الساعة 10 بالليل



تجلس في حضنه وتقول

( الله يا حبي تتذكر ؟

تتذكر أيام الخطوبة لما كنت تعمل المستحيل عشان تشوفني ..

وأنا قد ايش كنت سعيدة بشوفتك ياعيوني



الساعة 11 بالليل




!! الوصول إلى هذه الصفحة غير مسموح






























وبعد مرور عشر سنوات



الساعة 6:30 صباحا



هي في سابع نومه



الساعة 11 صباحا



هي برضه في سابع نومه





الساعة 3 العصر



تستقبله وهي نافخه خشتها وتقول

( شف لي حل مع ولدك سعد هذا ..حتى الآن ما حل الواجب ..

وسوير الله يأخذ عمرها إن شاء الله شاقه مريولها في المدرسة ..

عطني فلوس لازم ... أروح اشتري لها واحد غيره ...

وصويلح يبي علبة هندسه .. توه يقول لي يوم أن الاختبار صار بكره ...

وترى موضي تكنفست مع الدرج وهي كانت في المشاية ... والظاهر إنها تعورت ...



كله من هالشغاله الله يا خذها ...

اسمع يا آنا يا هالشغاله في هالبيت ..

أبيك اليوم تسفرها ما أبي أشوفها

وأبيك بسرعة تقدم على وحده ثانيه ...

وما أبيها تصير حلوه .. يا ويلك لو صارت حلوه ...

وبعدين شغالتي أبيك تشرط عليها إذا سفرتها ما عاد تشتغل عند احد ....

عشان ما تقول إسرار بيتنا للناس اللي تشتغل عندهم

( ما تدري أن أسرار بيتهم كلها عند الجيران من لسانها هاللي وش طوله )



و …و …..و



الساعة 5 العصر



هي تفك هوشه بين سوير وأخوها ويصحى هو على صوتها وهي

تهاوش وتدعي عليهم بجميع الأمراض الخطيرة الحديث منها والقديم

( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعية ..الخ )





الساعة 6 المغرب



هو جالس يشرب الشاهي وهي تقول

( نبي نروح لامي بتجيهم بنت خالة جد ولد عم أبوي ...

وبعدين نبي نروح نشتري للبنت مريول ....

وبعدين بنت عمي والده ولازم أروح اشتري لها هديه من باتشي

و أبي أمر على المشغل ..

وبعدين حطنا عند أختي في الشفا من زمان ما شفناهم !



وفي هاللحظه فكر هو انه يشتغل ليموزين أحسن له



الساعة 8 بالليل



تتصل على الجوال

( وينك فيه ؟ وبعدين وين بتروح ؟ ومنهو اللي معك هذا ؟

ووش بتسوون ؟ ومتى بتجي ؟ لا ما فيه الساعة

تعال الساعة 10



الساعة 10 بالليل



جالسين هي وياه عند التلفزيون ..

أخيرا هدوء ...والعيال نايمين ...والجو جميل ..

وفجأة تطالعه وهي ماده بوزها وتقول

( الحين أمك وش عندها اليوم ما ترد يوم إني سلمت ؟



هاه ؟ ( والله ما ادري كان سألتيها )

( وأختك وش هالحركات اللي مالها سنع ...

ليش عازمة الجيران وكل حريم إخوانك إلا أنا ؟؟

لكن هين والله لأسوي عزيمة وما أناديها ..

أصلا هي ما زارتني في المستشفى يوم إني ولدت

وأنا فاهمه قصدها ..لكن هين ..والله لو تحب السما مانيب زايرتها إذا ولدت ...

وبعدين بنات عمك وش عندهم نافخين عمرهم ؟؟

على ايش أبي افهم .. على جمالهم الزايد اللهم لك الحمد بس )

تسكت شوي بعدين تقول

( وبعدين أختك نوره يوم إنها تقول أن سعد ولدي يشبهني ما يشبه أبوه وش قصدها ؟

هاه ؟!



ملاحظه : سعد هو أشين إخوانه



أنا فاهمه قصدها



وتراها إذا ما بطلت هالحركات والغمز واللمز

تراني أبسمعها كلمتين وأخليها تحترم نفسها ...

لا وذاك اليوم تقول اخوي محمد ( اللي هو الزوج )

حلو مره و3 من حريم الجيران قد خطبوه لبناتهم ..

( من زينك بس ما ادري وش لاقين فيك )

يسكت وما يرد !

تسكت هي ثم تقول

( وبعدين أخوك شاري لحرمته ساعة قيمتها عشرين ألف ريال )

يرد ( طيب وش المشكلة ؟ )

( وأنا ليش ما تشتري لي ..وألا أنا ما استاهل ..

وألا هي يعني أحسن مني .. بلاك ما شفتها ...

شينه وطبايعها شينه وحتى طبخ ما تعرف تطبخ )

( خلاص اشتري لك ساعة )

تعصب وتقول ( إيه تسكتني بهالكلام ....

والله لانت شاري ولا شي )

( وش تبيني أقول يا بنت الحلال ؟ )

تقوم وهي تبكي خلاص ما أبي منك شي !



الساعة 11 بالليل



هي زعلانه و نايمة مع العيال[/align]

[بنت الاسلام]

ههههههههههههههههههههههههه
خخخخخخخخخخخخخخخخخخخخ
ارحمهم
الله يكون بعونهم

[جبل عمر]

ليه مافيه ردووود يالمتزوجييين

[قلب الأسد]

اما تبوسك وانت داخل ههههههههههههههه
والله ماتشوف عيونه من النوم يارجــــــــــــال..

بس والله انك صدقت بأكثر الوصف الله يعينهم.

[دينا]

^
^
يعني اللي ماتزوجوا مايردون
بس غصب برد

اقترح انو كل سنه او سنتين يغيرون لابالرجال ولا بالحرمه
يعني هي تدور لهاا زوج ثاني وهو بعد << دنوو طلعت فكره جهنميه وحلت الموشكله
ايه كذا احسن عشاان تكون حياتهووم وناسه كل يوم << مصدقتن روحه بالاقترااح


بعدين بالعكس اذا فيه توافق بين الزوجين ومتفاهمين ويحبون بعض اكيد بيكونوا مبسوطين طول حياتهم
بس مشكلتهم يقارنون انفسهم بغيرهم لحد ماتصير حياتهم طفش وكل واحد ينكد ع الثاني
>> وه بص ياحبي لي اعرف اهرج اثري اكتشبت موهبه مدفونه << اقول تراس تاخرتي ع المعهد النت مهب طااير قومي قبل ماتطردين



والله يسعد الجميع دوم يارب مو يووم

[أخت <<NONI>>]

هههههههههههههههههه
مشكورجبل عمر عالموظوع
مع أنك بالغت فيه شوي

[هادي الطبع]

لا وأنت الصادق ثاني سنه من الزواج مب 10 ياليته عشر ناس أعرفهم يقول الله يقعله بس خلها على ربك يا رجل

[<<NONI>>]

خخخخخخخخخخخخخخخخخخخخخ
الله يكون بعون الرجال

[جبل عمر]

اقتباس:  المشاركة الأصلية كتبت بواسطة دينا     ^ ^ يعني اللي ماتزوجوا مايردون بس غصب برد اقترح انو كل سنه او سنتين يغيرون لابالرجال ولا بالحرمه يعني هي تدور لهاا زوج ثاني وهو بعد << دنوو طلعت فكره جهنميه وحلت الموشكله ايه كذا احسن عشاان تكون حياتهووم وناسه كل يوم << مصدقتن روحه بالاقترااح بعدين بالعكس اذا فيه توافق بين الزوجين ومتفاهمين ويحبون بعض اكيد بيكونوا مبسوطين طول حياتهم بس مشكلتهم يقارنون انفسهم بغيرهم لحد ماتصير حياتهم طفش وكل واحد ينكد ع الثاني >> وه بص ياحبي لي اعرف اهرج اثري اكتشبت موهبه مدفونه << اقول تراس تاخرتي ع المعهد النت مهب طااير قومي قبل ماتطردين والله يسعد الجميع دوم يارب مو يووم

[align=center]الفكرة جهنمية تحال للدراسة[/align]

[جبل عمر]

وينكم يالمعرسين صحيح الكلام ولالا لا تخوفوننا

[جبل عمر]

تصدقون قريتتها من جديد وجلست أضحك وحبيت أضحكم معي

[صدى الصوت]

هههههههههههههههههههههههههههههههههههههههههههههههههه ه
حلووووووووووه

قصه نستفيد منه بالمستقبل

[ﬡ REEMA ﬡ]

والله يانكم عقدتونا بعد

كل موضوع الي يسب الزوجه والي يسب الزوج

< توحشت البنت

مير نصبر ونشوف وش يقولون المتزوجين

[الشفااف]

اقتباس:  المشاركة الأصلية كتبت بواسطة ^جبل عمر^     تصدقون قريتتها من جديد وجلست أضحك وحبيت أضحكم معي

هههههههههههههههه
جبل شفيك انهبلت على اخر عمرك هع

هههههههههههه
بصراحه موضوع حلووو تشكر حبي عليه

[هيفاء انا]

اقتباس:  المشاركة الأصلية كتبت بواسطة هادي الطبع     لا وأنت الصادق ثاني سنه من الزواج مب 10 ياليته عشر ناس أعرفهم يقول الله يقعله بس خلها على ربك يا رجل

هههههههههههههههههههههههههههههه

بعد ترى المره مب اله تبونه كامله والكامل وجه الله

مثل مابكم عيوب لازم هى به عيوب

يعنى لاتبحثون عن الكمال