|| المعـــــــــــــــادله ...!!||

[نـدى الـورد]

تهي تهي ...وهم تهي

اليوم انا أتهنت ياصبايا او كل السعوديات إتهانوا ان جيتوا للحق

على فكره...!!



انا هنا اناجي فقط الصبايا... مش عاوزه ولازول وحش اقصد رجل

يكفي انكم سبب إهانتنا عند الغريب ...تهي تهي




بنات

اليوم وانا في شغلي كان تجي صوبي وحده رفيقتي ب العمل من الجنسيه ( السعلوه..

اقصد السوريه)

كان قالت لي كيفك ارجوووه شو عامله مع رمضان.... عاد انا رديت عليها قلت منيحه

كتير >>> تعرف لهجة الشوام

المهم كان ترمي البوم صور بين يديني وقالت تطلعي فيها اروجه شوف ماي فملي ...

يعني عيلتها المصونه

عاد انا ماحب اتفرج ب الصور بس ماحبيت اكسحها قلت لها هاتي لشوف

يابنات ويش ويش .... والله اني بققت عويناتي على زين ماشفت

شي موعندنا ولا نتأمل اننا نشوف مثله

قلت لها منو هذا الملاك اقصد هذا الرجال قالت لي هذا زوجي لألي عدوله

قلت لها عدوله

الله يخلف بس على محماس وصنهات وسعيدان وحميدان



بعدها حسيت با العبره خانقتني قلت ايه يا الحرمه السعوديه مظلومه ب كل شي حتى

رجلها

رحت اقارن ب الكائنات عندنا والكائنات الي عند السوريه

ياناس رجلها يلق لق بيااض وحمار ...عفوا الحمار مو الحيوان ؟ لا لا

هو حمار الخدود

شي شي ماقد شفناه الشعر شقار والعيون خضر والوسامه ماشالله واللبس اووف

شورت مره ومره ترنق ومره بدله حليوه تزيده وسامه



عاد سرحت شوي واتخيل رجالنا وشلون صايرين شهباان سمران شعورهم ليفه يااكافي

ويمكن بها كائنات من الوسخ

والواحد منهم لما تناظر فيه تلاقي عامود كهربه ويش كبره ينصف وجه نصفين يقاله خشم هه

والا الكرش تقول حرمه في شهرها الأخير

والصلعه تبرق من بعيد

المهم قفلت البوم الصور وانا اتمتم وقلت لها ياحبوبتي ربنا يهنيك

عاد هي خبيثه شوي عرفت اني سرحت في المقارنه بين شبابنا وشبابهم وقالت

الا بسال ارووجه قلت لها هلا امري تدللي يا الغاليه

قالت بصراحه انا مستغربه من شي عندكم ونفسي ونفسي بعرفه

قلت وشو حبيبتي قولي انا تحت امرك ومالك الا الي يقولك الصدق

قالت... من غير زعل

قلت لها ويش دعوه ياحافظ ابدن ابدن من غير زعل

قالت انا ملاحظه ان رجالكم بس يلبسون فانيلا وسروال طويل الي بتسمونه سنه

ليه بالله عليك انتم ماعندكم لبس وهدوم ؟

مع ان ماشالله بسم الله ربنا فاتح عليكم ب نعمتة وانتم صبايا انيقات رشيقات جميلات

واشوف من طرفكم الإهتمام بس الإهمال ليش من طرفهم

عندها بس يامسلمات حسيت بشي يسري ويطلع مع حلقي

ومادريت الا وانا اضمها وابكي بحرقه واقولها بس بس لاتزيدين المواجع دخيلك سوزان ... البنت اسمها سوزان

خلااص ... لاتقلبين الألم الي جواايا .... جواي يعني داخلي

وهي تقول مالك يا اروجه وانا اعيط

وتمسح دموعي وانا اعيط

وتمسح على شعراتي وانا اعيط

ويومني خلصت عياط

قلت لها ... وانا مدنقه راسي

قلت هذول هم شبابنا الزين بصوب وهم بصوب

والأناقه بصوب واهم بصوب

والإهتمام بصوب وهم بصوب

عاد قالت لي

الله يكون بعونكم والله انا عدووله يهتم بنفسه علشاني

ومثل ما اهتم بحالي علشانه من حقي عليه انه يهتم بنفسه علشاني

هي معادله ارووجه

الإهتمام لازم يكون من الطرفين

قلت لها خابره يابنت الناس لكن الي عندنا ماهم خابرين

كشختهم برا البيت ولكن داخله فقط بسروال وفنيله

لا ويتشرط ويعذرب فينا بعد

مايدري ان حتى المرأه تبحث عن الجمال في الشكل والهندام والإهتمام ب النظافه

صدق من قال

مظلومه الي تتزوج سعودي


بنات عندكم مناديل؟

خانقتني العبره

تهي تهي



سلام
.

[إشراق]

أريج

قلبتي الموااااااااااااااجع تكفين

خلينا على شهباننا متلبدين

خلي الطايق مستوووووووووووور

مايجيتس الا ياهيييييييييييييش

[شموع تحت المطر]

هههههههههههههههههههههههههههههههههههههههههههه

صروال وفنيــــــــــــــــــــــــــــــــــــــلة...

هذولاء ضبـــــــــــــــــــــان.... لويلبسون لبس ستــــــــــايل كان سكروا المحلات من الاستنكار

صروال وفنيلة...عشان يتسدحون زيـــــــــن ويتأمرون...

الله لايكثرهم..

[ابوخالد382]

رائعه ياأريج الحياة ,ضحكت بقوه,,بس ترى الحال من بعضه ,لاتطهرين كفارات العشير,الوحده منكن إذا جاء زوجها تعبان وأثره لابستهن هالقميص اللي يحوم الكبد وريحته بصل وكشام وآكلتن من الكراث إلين قالت العيد الليله وأنواع المتاغر,ولابستن هالعصابه على رأسها كأنها من زعماء المافيا ,,وشطوب رجلينه اللهم لك الحمد تقل صبخة يابسه.أجل سعيدان ياشيريهان.

[إشراق]

أريج

أعرف لك وحده مسويه ليله رومانسيهومولعه من هالشموع وهالبخور وهالعطور

وهاللبس وهالدلع وهالحركات


اول مادخل زوجها عليها قال هه حنا بكنيسه مسيحين على هالشموع

[عجوز سمنسي]

الله يهنيك فيهم يا اريج

عقبال ماتاخذين سوري يقومك كل صبح تصفين جلد الدجاج وتسوينه شاورما

والا عقبال ماتاخذين مصري كل ليلة يبلع من الثوم والصبح يتغرها بكشرتك

والله يعيننا اللي متحملين شطوب رجلينكم اللي تمخش السيقان وتسحب فرشة البيت

واللي متحملين كراعيبكن اللي تقل ليمون اسود

واللي متحملين صفطات اللهم ياكافي كل من ضيع مفتاح السيارة يلاقي نسخة بالدرج المصفوط

اقول : مالت على افكاركن والله مايطيقكن ولا بنقالي في دكا

تتعبون علشان تحصلون سعودي

والله والله انكم محضوضين فينا اللي متحملين قشارتكن وغثاكم

نفس شينة وجلد مروح والا بالله وش فيكم من زين ؟

عاد الحين تجي الطقاقات خوياتك فرحانة بالموضوع

نبي نفتح لكم بست علشان الرقص وحنا نضحك ونتفرج

[&نجدية كووول&]

مو كل الشباب يلبسون فنيله وسروال فيه متزوجين عليهم لبس خيال


أنا عقدتي اللي يلبس كذا أحسنه وسخ

[شموع تحت المطر]

ابو خالد اذا ضارت زوجتك كذا...

مو معناته كل الحريم مثلها..

انواع اللبس والفشخرة...

انا توي ادري ان فيه حريم يلبسون كذا بالبيت...>قميص ان شاء الله هذاك اللي بشارع الصناعه احسبهن للشغالات ..مادريت ان فيه حريم تسوي كذا...

وش القراوة هذي..

[عاشق ديرتي بريده]

اختي اريج لم تسمعي بالمثل اللي يقول ...
الطيــــــــــــــور على اشكالها تقع !!!!!

تهى تهى تهى

ياحظهم حريمهم اساميهن زينه سوزان مهوب مثلنا رقيه تهى تهى تهى

عجوز سمنسي معك منديل نزل بدال دموعي دم يوم قريت اسم سوزان

[عجوز سمنسي]

[align=center]

اقتباس:  المشاركة الأصلية كتبت بواسطة أنتظار تحت المطر     مو كل الشباب يلبسون فنيله وسروال فيه متزوجين عليهم لبس خيال أنا عقدتي اللي يلبس كذا أحسنه وسخ

هههههههههههه

وش تبينه يلبس ؟

تنورة وبلوزة؟

والا تبينه يلبس برمودا ستريتش؟

ياحليلكن بنات اخر زمن مصرقعة تحب الرجل اللي ماتفرقه عن الحريم[/align]

[ابوخالد382]

اقتباس:  المشاركة الأصلية كتبت بواسطة شموع تحت المطر     ابو خالد اذا ضارت زوجتك كذا... مو معناته كل الحريم مثلها.. انواع اللبس والفشخرة... انا توي ادري ان فيه حريم يلبسون كذا بالبيت...>قميص ان شاء الله هذاك اللي بشارع الصناعه احسبهن للشغالات ..مادريت ان فيه حريم تسوي كذا... وش القراوة هذي..

عاد أنتي تاريخ ميلادك بفرنسا وعشتي طفولتك بولاية نيوجيرسي ثم رجعتي للدراسه في لندن,,,يعني معذوره اللي ماتعرفين إن السعوديات كذا.دمت بخير

[عجوز سمنسي]

[align=center]

عجوز سمنسي معك منديل نزل بدال دموعي دم يوم قريت اسم سوزان[/QUOTE]

والله مايكفيك خيشة تمسح فيها دموعك

ياشيخ هذي حريم تستاهل ؟

من رقية الى الخ=هلي وحصيصة

الموضة الجديدة اللي طايحات فيها كل وحدة تغير اسمها من حصة الى ناني وسوزي[/align]

[إشراق]

اسوي له شاورما اسوي له اللي يبي

بس ابي واحد في قمة قهره وغضبه يقول

ياعِمري ياروحي لك تؤبريني افهمي علييي

[&نجدية كووول&]

عجوزمو قصدي يلبس لبس فيه تشبه بالرجال

فيه شي اسمه لبس بيت وبيجامات وتكميلات مو فنيله وصروال قراوه انتم

[عجوز سمنسي]

[align=center]

اقتباس:  المشاركة الأصلية كتبت بواسطة ابوخالد382     عاد أنتي تاريخ ميلادك بفرنسا وعشتي طفولتك بولاية نيوجيرسي ثم رجعتي للدراسه في لندن,,,يعني معذوره اللي ماتعرفين إن السعوديات كذا.دمت بخير

تشششششششش يابو خالد

انت ماتدري وش سياسة البنات الداجة

عايشة بالعجيبة والا بشوارع الشماس وتبي تورينا انها هاي هاي

وهي والله ماعندها معين جدتي[/align]