واااااااااااااااااو المديره تتزوج زوج معلمة عندها

[بريداوي كول]

السلام عليكم ورحمة الله وبركاته

مرحبا

كيفكم أعضاء قروب ليل السهارى

بدون مقدمات اليوم موضوعي قصتين

القصة الأولى طريفة وقصيرة

بخل وراثي

يحكى أن أحدهم نزل ضيفاً على صديق له من البخلاء وما أن وصل الضيف حتى نادى البخيل ابنه

وقال له : يا ولد عندنا ضيف عزيز على قلبي فاذهب واشترى لنا نصف كيلو لحم من أحسن لحم

ذهب الولد وبعد مدة عاد ولم يشترى شيئاً

فسأله أبوه : أين اللحم !!

فقال الولد : ذهبت إلى الجزار وقلت له : أعطنا أحسن ما عندك من لحم

فقال الجزار : سأعطيك لحماً كأنه الزبد

قلت لنفسي إذا كان كذلك فلماذا لاأشتري الزبد بدل اللحم .. فذهبت إلى البقال

وقلت له : أعطنا أحسن ما عندك من الزبد

فقال: أعطيك زبداً كأنه الدبس

فقلت : إذا كان الأمر كذلك فالأفضل أن أشتري الدبس .. فذهبت إلى بائع الدبس

وقلت: أعطنا أحسن ما عندك من الدبس

فقال الرجل: أعطيك دبساً كأنه الماء الصافي

فقلت لنفسي : إذا كان الأمر كذلك .. فعندنا ماء صافٍ في البيت

وهكذا عدت دون أن أشتري شيئاً

قال الأب : يالك من صبي شاطر .. ولكن فاتك شيء

لقد استهلكت حذاءك بالجري من دكانٍ إلى دكان

فأجاب الابن لا يا أبي .. أنا لبست حذاء الضيف







القصة الثانية

مديرة مدرسة تزوجت زوج إحدى مدرسات مدرستها

تدور القصة حول مديرة مدرسة عزباء غابت عن المدرسة يومين

ولما عادت لمدرستها قابلتها المدرسات سلامات وينك يامديرة ؟

قالت باركولي تزوجت

قالن مبروك يامديرة ولكن منهو زوجك ؟

قالت بصراحة زوجي هو زوج إحداكن !!

المدرسات تكفين علميننا أي وحدة منا ؟

قالت المديرة والله ما أعلمكن

المهم لزمن عليها فقالت أنا منيب متكلمة اللي تبي تعرف هل هو زوجها وإلا لا

تجيب بكرا معها خمسمية ريال وإذا جت توقع تحط الخمسمية على الطاولة

واللي آخذ خمسميتها فهي مهو زوجها

واللي أخلي خمسميتها على الطاولة ولا آخذها فهو زوجها

عيب علي أتزوج زوجها وآخذ بعد منها خمسمية ريال

وافقن المدرسات على الطريقة

ويوم جاء بكرا وكل وحدة مزهبه معها الدراهم

جت الأوله والثانية والثالثة والرابعة حتى العاشرة والمديرة تاخذ الدراهم

يوم جت المدرسة الـ 11 وبدت المديرة تأفف .. المهم حطت الدراهم على الطاولة

وقالت لها تكفين خذيها يالمديرة قالت

المديرة اعذريني قالت المدرسة كأنها قليلة حطيت ألف بدال الخمسمية

قالت المديرة أووووووووووووه معليش أثرك أنتي جواهر

والله إني آسفه غلطت يوم تنفست المدرسة وقالت الحمد لله يعني بتاخذين الفلوس

المهم أخذتها المديرة

ودخلن بقية المدرسات حتى الـ 23 والمديرة تلعب بأعصاب كل وحده

وفي النهاية تاخذ الخمسمية

المهم بقي مدرسة وحدة فقط ماجت يوم اتصلن عليها المدرسات هاه وينك ياأستاذه

قالت والله اني تعبانه وماني جايه

قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات

( يلعبن عليها بس يبونها تجي عشان يتطمنون إنها هي لأنه مابقى إلا هي )

وقالن المدرسات لازم تجين تكفين

المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي

وبدن يسمن على المدرسة الـ 24 عشان ماتنصدم

دخلت المدرسة الأخيرة غرفة المديرة وحطن باقي المدرسات أيديهن على قلوبهن

وحطت المدرسة الخمسمية على الطاولة وضفتها المديرة

يوم طلعت لقنها عادية وما صار شي وفلوسها أخذتها المديرة

قالن يابنات فيه وحده منكن ماخذت المديرة دراهمها ؟

قالن لا والله كلنا أخذت دراهمنا

ودخلن المدرسات على المديرة وقالن أخذتي الفلوس من كل المدرسات تلعبين علينا

!! منهو زوجك !!

قالت المديرة المهم الدراهم ( 12000 ريال ) ماراح ترجع

وأنا والله لا تزوجت ولاشي لين الحين عزوبية ووالله كنت مريضة هاليومين

ولكني اطلبككن قبل شهر تدفعن على مية ريال نصلح المصلى

ولا وحدة منكن دفعت .. قلت والله لأدفعكن 500 ريال

نصلح المصلى ونشتري مصاحف وقف للمسجد

قالن المدرسات بردها الله بالعافية فداك الدراهم ولو تبين زود عطيناك

هو صدق بس رجالنا ماتزوجوا علينا



مايستفاد من القصة

1- المرأة تدفع فلوس الدنيا كلها ولا يتزوج زوجها عليها

2- المدير الناجح هو من يفكر في عمل مفيد إجتماعياً ويستطيع فرضه بإقناع

3- عمل الخير موجود في النفس المسلمة ولكن يحتاج إلى إيقاظ في بعض الأوقات

4- من واجبات مدراء ومديرات المدارس والمدرسين الاهتمام بالمصليات

5- القصة لاتعني الانتقاص بأي شكل من قدر واحترام المرأة

[اخر دلع]

يسلمووووووووووووووووووووو

[Tulane]

1- المرأة تدفع فلوس الدنيا كلها ولا يتزوج زوجها عليها
ع حسب الزوج إذا هو يستاهل دفعت عمري له مو بس فلوس

ألف شكر

[ولد الشمال]

بريداوي كول

كلام سليم لكن الحريم فيهن حب تملك وحسد والا وش فيها اذا تزوج الواحد اربعة هذا الحل الوحيد للعنوسه اللي بلشانه ومو لاقيه أحد يتزوجها بشرط انها معلمه أنا جاهز .



تحياتي

[مندوب الشمال]

يسلمووو كوول على الموضوع

بالنسبه للمرأه يعني أذا موحسد وحب تملك يوم تعي على زوجها يتزوج عليها

وش نسميه أذا

سؤالي وش هو المزعج للمرأه بالزواج عليها ؟؟؟؟؟؟؟؟؟؟

في حالة أن الزوج يقوم بحقوقها كامله مع أن التعدد له فوائد وهو محلل من رب العالمين

وليش فيه حريم تنظر للتعدد أنه تخلف ورجعيه

تحياتي للجميع

[ولد الشمال]

يعني نعرس

بس وين اللي تقبل فينا<<<قصدي فيني

[جبل عمر]

من له حيلة فليحتال

[الفلته 9]

هههههههههههه
مديره ذكية

[ibn suhail]

وين هالمديره للحين ماتزوجت ترا حنا حاضرين هههه
امزح ..... ... مشكو ر على القصه بريداوي كول ..

[الزين كلة]

اسلوب المديرة يدل علي ذكاءماشاء الله
بس ماعتقد كل زوجة تدفع علشان مايتزوج عليها الااذا كان يستهل امااذا كان مصيبة والله لويموت مادفع ينقلع