ياشباب .. خواتكم وزوجاتكم .. وحتى امهاتكم

[زمن الغرباء]

من الأشياء اللي تضيق الصدر
تعودوا _ بعض _ الناس ان اي شي بالبيت ينكسر أو شي ينتثر
او شي ينحاس يبي ترتيب أو أي عمل ( منزلي ) يبي يزين
لازم تنادى انسانة لها مشاعر وأحاسيس اسمها ( انثى) عشان تمسح أو ترتب اللي انحاس !!! والمصيبة انها احيانا تكون امه
يالله عاد هذي اللي ماطار طيرها ..

ياشباب .. والله لو اللي يحوس عمره سنة أو سنتين
ورب الكعبة ماراح اقول شي لكن رجل طول وعرض .. صعبة شوي !!
ليه يعني مايقدر أو مايعرف!!

ياشباب ..
والله ماطلبنا منكم تتعبون انفسكم
والله اني ماقلت اطبخوا ولا سبعوا ولانظفوا حنا نسوي كل ذولي وعلى روسنا من فوق وحق وواجب ولا سوينا شي بعد
لكن ماتوصل لدرجة ان الواحد عاد مايعرف يشيل اللي عقبه ويوديه للمطبخ او يحوس الشي ولا يعرف يرتبه .. هذا مو شغل اهلك هذا شغلك انت .. حتى غرفتك يرتبونها اهلك .. أحسها مو من الاحترام..
ورب الكعبة انه شي يحز بالخاطر ان الشاب يحوس والبنت هي اللي تتعب .. هذا كأنه يقول لأخته انتي ولا شي ..


لايجي أحد ويقول الشغالات اللي يزينن كل شي
حنا من طلعتنا على الدنيا مانعرف الشغالات _ الله يديم علينا _
وان شاء الله مايجي اليوم اللي تطب فيه بيتنا شغالة ..
وبعدين حتى اللي عندهم شغالة هذا مايمنع ان الانسان يخدم نفسه
الشغالة الأصل انها تساعد أهل البيت مو تسوي كل شي عنهم ..

العجيب بالموضوع _ ان بعضهم _ مع اصدقائه بالبر والاستراحة يتحول لشخص ثاني .. قرامة وخفة وسنع .. يعني بالبر يقطع ويطبخ ويقلط ويشيل ويحط
همن يجيب المواعين والكواتم للبيت كلهن رز ودسم !!!!!!!!!
يعني يعرف يطبخ بس مايعرف يسبع .. يعني الشغل على الهوى !!

واللي أعجب _ ان بعضهم _ دايم يقولون النبي عليه الصلاة والسلام عدد بالزوجات نبي تقتدي به ..
وانا أقول النبي عليه الصلاة والسلام كان يساعد أهل بيته بشغل المنزل رغم ضغوطاته وأعماله الشاقة _ فداه نفسي وروحي


ثاني شي ..
قراشيع السيارات اللي ماتنتهي
.. من حق أهل البيت ان البيت تكون مرتبة ونظيفة
يعني صعبة شوي جزء من الحوش يتحول لورشة
والمشكلة انه بعضهن مايبغن بس محطوطات منظر !!
والله اني يضيق صدري اذا شفت الحريم يشتكن من فوضى اخوانهن وأزواجهن وعيالهن

ثالث شي ..
ياشباب .. اذا تعبن زوجاتكم او خواتكم أو اذا انضغطن مثل ايام رمضان .. طلعوا قرامتكم وسنعكم
معليش لو تعبتوا بس مايصير ان كل شي يصير وسخ لأنها تعبانة
بالعكس هذي فرصتكم لزيادة الأجر وعشان تكبرون بعيونهن بعد

ياشباب والله لو يكون تكاتف وتعاون بين أهل البيت .. كان خف استقدام الشغالات ..

ياشباب ..
والله الموضوع جااااااد
راجعوا انفسكم

الله يسخرنا لاخواننا ويسخرهم لنا ياااارب

موفقين .....

[انتظرتك]

حلو الموضوع ..

بس شلون الرجال يحسون بوجود الحريم
إلا من خلال كنسهن وتسبيعهن وشغلهن بالبيت
والعكس البنت ماراح تحس بوجود الرجال عندها
إلا إذا شافت حوستهم ووساختهم ...


بس ألاحظ فيه أنانية
يعني تبون من الرجال يكد ويشتغل
برا البيت وإذا رجع يكمل داخل البيت !!


بعدين وش فيكم على قراشيع السيارات
فيها شي إذا الرجال حط أغراض سيارته بالبيت
وين يحطهن فيه إذا ماحطهن بالبيت ...

كل أمس وأنا هواش أنا واختي علشان الكفرات
تقول ترى إذا ماشلتهن باجدعهن بالشارع
وأنا اقولها ادفعي قيمتهن وسوي فيهن اللي تبين ...

[عـــــســـــولــي]

مابقى غير (نحمل ونالد عنكن).
أقول إتركن عنكن الكسل والنوم ومقابل النت والبلع ومتابع المسلسلات وروحن شوفن وش وراكن من كنس وطبغ وغسيل .

[زمن الغرباء]

اقتباس:  المشاركة الأصلية كتبت بواسطة عـــــســـــولــي     مابقى غير (نحمل ونالد عنكن).

اقتباس:  المشاركة الأصلية كتبت بواسطة عـــــســـــولــي     أقول إتركن عنكن الكسل والنوم ومقابل النت والبلع ومتابع المسلسلات وروحن شوفن وش وراكن من كنس وطبغ وغسيل .

غريييييييييييبة
توقعت انك اول من يفرح بالموضوع ويأيده
لأن لك موضوع عن الاقتداء بالرسول عليه الصلاة والسلام بالتعدد
فقلت اكيد انه بعد يبي يقتدي بالنبي بشغل البيت

لاتخاف ماراح يجي اليوم انكم تحملون وتولدون لأنكم اضعف بكثييير من ذلك

تبي الصدق
حرام نناظر المسلسلات والنت والبلع واخواننا مايرفعون روسهم من الكد والتعب
حراااااام يابنات حسن شوي
ماأقول الا الله يرحم حالي وحالك

[شميساوي]

اقتباس:  المشاركة الأصلية كتبت بواسطة زمن الغرباء     لاتخاف ماراح يجي اليوم انكم تحملون وتولدون لأنكم اضعف بكثييير من ذلك

يا أختي ....

الرجل خلقه الله لا يحمل و لا يلد ...

ليس دليلاً لـ الضعف ...

بل لأن الله له حكمة في كل شئ ...

و هناك نساء تموت أثناء الولادة ,,, فهل هذا دليل قوتها ..؟؟؟

أو دليل على أن الضعف موجود لدى المرأه ...

حتى و هي تلد و تحمل ..!!!

..

[زمن الغرباء]

اقتباس:  المشاركة الأصلية كتبت بواسطة •» شُمِّيـسآآوي «•     يا أختي .... الرجل خلقه الله لا يحمل و لا يلد ... ليس دليلاً لـ الضعف ... بل لأن الله له حكمة في كل شئ ... و هناك نساء تموت أثناء الولادة ,,, فهل هذا دليل قوتها ..؟؟؟ أو دليل على أن الضعف موجود لدى المرأه ... حتى و هي تلد و تحمل ..!!! ..

اعتذر ياأخوي ..
ماكنت أقصد اني أجرح مشاعر أحد
لكن الشخص اللي رديت عليه هو اللي أثار غضبي ..


اكرر اعتذاري

[ع ـروووبة]

لافض فووك

صح لسانك ولاعدمناك

بصراحه العيال الحين يبغون خواتهم وأهلهم

يسون كل شي نطبخ ونغسل وننظف ونلبي

طلاباتهم وحتى كلمه مشكورة مايطلعها من

فمه متحسف فيها ‏‏~‏

والأدهى والأمر لما تجيه البنت المسكينه

تبغى حاجه من برى قعد يذلها ويحوقن عليها

وشوله ماله داااعي ومن هالكلام‏~‏

أنا ماأقصد الجميييع فالبعض ماشاء الله عليهم

خدومين ولسانهم زي العسل ويقدرون

والحمدلله إخواني منهم ‏:‏)‏

بس والله لما أسمع صديقاتي يتكلمون

وكل وحده تشكي من جهه ماأدري وش

يحسون فيه إخوانهم ‏‏~‏‏~‏

نتمنى التقدير منهم فقط ‏‏~‏‏~‏‏~‏

[زمن الغرباء]

اقتباس:  المشاركة الأصلية كتبت بواسطة عروووبة     لافض فووك

اقتباس:  المشاركة الأصلية كتبت بواسطة عروووبة     صح لسانك ولاعدمناك بصراحه العيال الحين يبغون خواتهم وأهلهم يسون كل شي نطبخ ونغسل وننظف ونلبي طلاباتهم وحتى كلمه مشكورة مايطلعها من فمه متحسف فيها ‏‏~‏ والأدهى والأمر لما تجيه البنت المسكينه تبغى حاجه من برى قعد يذلها ويحوقن عليها وشوله ماله داااعي ومن هالكلام‏~‏ أنا ماأقصد الجميييع فالبعض ماشاء الله عليهم خدومين ولسانهم زي العسل ويقدرون والحمدلله إخواني منهم ‏:‏)‏ بس والله لما أسمع صديقاتي يتكلمون وكل وحده تشكي من جهه ماأدري وش يحسون فيه إخوانهم ‏‏~‏‏~‏ نتمنى التقدير منهم فقط ‏‏~‏‏~‏‏~‏

الحمدلله فيه شباب يحسون بأهلهم وياكثرهم
الله يجزاهم خير ويكتب الأجر لهم
ويهدي اللي مايحسون
موفقة عزيزتي

[سراج اللوذه]

النساء أكسير الحياة ..

[زمن الغرباء]

اقتباس:  المشاركة الأصلية كتبت بواسطة سراج اللوذه     النساء أكسير الحياة ..

مااااااااااافهمت ياستاااذ
لك الاحترام

[لعيون دودي]

اقتباس:  المشاركة الأصلية كتبت بواسطة سراج اللوذه     النساء أكسير الحياة ..

ذبحتوا هالاكسير!!!

[فديكا التميمي]

انتظرتك حتى حنا نكد برى ....

وعسولي ماانتب افضل من الرسول عليه الصلاة والسلام والا جيدينن بالاقتداء على هواكم ...

تدرين منه اللي يعتبر منهم سنع وقرم
اللي يضف رجلينه لاجت اخته تكنس اللي حوله ...

[زمن الغرباء]

اقتباس:  المشاركة الأصلية كتبت بواسطة فديكا التميمي     انتظرتك حتى حنا نكد برى .... وعسولي ماانتب افضل من الرسول عليه الصلاة والسلام والا جيدينن بالاقتداء على هواكم ... تدرين منه اللي يعتبر منهم سنع وقرم اللي يضف رجلينه لاجت اخته تكنس اللي حوله ...

منوووورة فديكا

[قـتـالـه]

جيت مدافعه ومندده عن الشغالات اللي تذمر منهن راعي الموضوع وكأنهن وباء
ربي يرحم أم اللي طلع فكرة الفيزه واستيراد الارواح البشريه !
وه يالبا الاسامي بعد سيتي وميمي وغفاره < دوك الاسم بس
الشغالات يوفرن جو نفسي رايق بالبيت
وخل اللي يحوس واللي ينثر واللي يدربي كفرات ..
وربي ماخلقني اكد بالبيت هاتوا لي دليل يقول ان التسبيع والكنس حكر على الحرمه!
ممكن اعدل بالديكورات واطباق الحلى والسلطات والباقي شغلي وشياكتي ..
وش نفع امي تقويم العزايم وطبخ الذبايح الا قولون كبر البرج وركب لهن طقطقه !

[زمن الغرباء]

اقتباس:  المشاركة الأصلية كتبت بواسطة قـتـالـه     جيت مدافعه ومندده عن الشغالات اللي تذمر منهن راعي الموضوع وكأنهن وباء ربي يرحم أم اللي طلع فكرة الفيزه واستيراد الارواح البشريه ! وه يالبا الاسامي بعد سيتي وميمي وغفاره < دوك الاسم بس الشغالات يوفرن جو نفسي رايق بالبيت وخل اللي يحوس واللي ينثر واللي يدربي كفرات .. وربي ماخلقني اكد بالبيت هاتوا لي دليل يقول ان التسبيع والكنس حكر على الحرمه! ممكن اعدل بالديكورات واطباق الحلى والسلطات والباقي شغلي وشياكتي .. وش نفع امي تقويم العزايم وطبخ الذبايح الا قولون كبر البرج وركب لهن طقطقه !

منوووووورة ياقتالة
انتي وهالمصطلحات اللي تنكت
ياحبي لك
وبالنسبة لي أنا
أنا ماأحب الخدامة اللي تحوس وتدوس مع الشباب بالبيت وكأنهم اخوانها
اخواني كلهم شباب الله يحفظهم