|
ياشباب .. خواتكم وزوجاتكم .. وحتى امهاتكم
من الأشياء اللي تضيق الصدر
تعودوا _ بعض _ الناس ان اي شي بالبيت ينكسر أو شي ينتثر او شي ينحاس يبي ترتيب أو أي عمل ( منزلي ) يبي يزين لازم تنادى انسانة لها مشاعر وأحاسيس اسمها ( انثى) عشان تمسح أو ترتب اللي انحاس !!! والمصيبة انها احيانا تكون امه يالله عاد هذي اللي ماطار طيرها .. ياشباب .. والله لو اللي يحوس عمره سنة أو سنتين ورب الكعبة ماراح اقول شي لكن رجل طول وعرض .. صعبة شوي !! ليه يعني مايقدر أو مايعرف!! ياشباب .. والله ماطلبنا منكم تتعبون انفسكم والله اني ماقلت اطبخوا ولا سبعوا ولانظفوا حنا نسوي كل ذولي وعلى روسنا من فوق وحق وواجب ولا سوينا شي بعد لكن ماتوصل لدرجة ان الواحد عاد مايعرف يشيل اللي عقبه ويوديه للمطبخ او يحوس الشي ولا يعرف يرتبه .. هذا مو شغل اهلك هذا شغلك انت .. حتى غرفتك يرتبونها اهلك .. أحسها مو من الاحترام.. ورب الكعبة انه شي يحز بالخاطر ان الشاب يحوس والبنت هي اللي تتعب .. هذا كأنه يقول لأخته انتي ولا شي .. لايجي أحد ويقول الشغالات اللي يزينن كل شي حنا من طلعتنا على الدنيا مانعرف الشغالات _ الله يديم علينا _ وان شاء الله مايجي اليوم اللي تطب فيه بيتنا شغالة .. وبعدين حتى اللي عندهم شغالة هذا مايمنع ان الانسان يخدم نفسه الشغالة الأصل انها تساعد أهل البيت مو تسوي كل شي عنهم .. العجيب بالموضوع _ ان بعضهم _ مع اصدقائه بالبر والاستراحة يتحول لشخص ثاني .. قرامة وخفة وسنع .. يعني بالبر يقطع ويطبخ ويقلط ويشيل ويحط همن يجيب المواعين والكواتم للبيت كلهن رز ودسم !!!!!!!!! يعني يعرف يطبخ بس مايعرف يسبع .. يعني الشغل على الهوى !! واللي أعجب _ ان بعضهم _ دايم يقولون النبي عليه الصلاة والسلام عدد بالزوجات نبي تقتدي به .. وانا أقول النبي عليه الصلاة والسلام كان يساعد أهل بيته بشغل المنزل رغم ضغوطاته وأعماله الشاقة _ فداه نفسي وروحي ثاني شي .. قراشيع السيارات اللي ماتنتهي .. من حق أهل البيت ان البيت تكون مرتبة ونظيفة يعني صعبة شوي جزء من الحوش يتحول لورشة والمشكلة انه بعضهن مايبغن بس محطوطات منظر !! والله اني يضيق صدري اذا شفت الحريم يشتكن من فوضى اخوانهن وأزواجهن وعيالهن ثالث شي .. ياشباب .. اذا تعبن زوجاتكم او خواتكم أو اذا انضغطن مثل ايام رمضان .. طلعوا قرامتكم وسنعكم معليش لو تعبتوا بس مايصير ان كل شي يصير وسخ لأنها تعبانة بالعكس هذي فرصتكم لزيادة الأجر وعشان تكبرون بعيونهن بعد ياشباب والله لو يكون تكاتف وتعاون بين أهل البيت .. كان خف استقدام الشغالات .. ياشباب .. والله الموضوع جااااااد راجعوا انفسكم الله يسخرنا لاخواننا ويسخرهم لنا ياااارب موفقين ..... |
حلو الموضوع .. بس شلون الرجال يحسون بوجود الحريم إلا من خلال كنسهن وتسبيعهن وشغلهن بالبيت والعكس البنت ماراح تحس بوجود الرجال عندها إلا إذا شافت حوستهم ووساختهم ... بس ألاحظ فيه أنانية يعني تبون من الرجال يكد ويشتغل برا البيت وإذا رجع يكمل داخل البيت !! بعدين وش فيكم على قراشيع السيارات فيها شي إذا الرجال حط أغراض سيارته بالبيت وين يحطهن فيه إذا ماحطهن بالبيت ... كل أمس وأنا هواش أنا واختي علشان الكفرات تقول ترى إذا ماشلتهن باجدعهن بالشارع وأنا اقولها ادفعي قيمتهن وسوي فيهن اللي تبين ... |
مابقى غير (نحمل ونالد عنكن).
أقول إتركن عنكن الكسل والنوم ومقابل النت والبلع ومتابع المسلسلات وروحن شوفن وش وراكن من كنس وطبغ وغسيل . |
لافض فووك
صح لسانك ولاعدمناك بصراحه العيال الحين يبغون خواتهم وأهلهم يسون كل شي نطبخ ونغسل وننظف ونلبي طلاباتهم وحتى كلمه مشكورة مايطلعها من فمه متحسف فيها ~ والأدهى والأمر لما تجيه البنت المسكينه تبغى حاجه من برى قعد يذلها ويحوقن عليها وشوله ماله داااعي ومن هالكلام~ أنا ماأقصد الجميييع فالبعض ماشاء الله عليهم خدومين ولسانهم زي العسل ويقدرون والحمدلله إخواني منهم :) بس والله لما أسمع صديقاتي يتكلمون وكل وحده تشكي من جهه ماأدري وش يحسون فيه إخوانهم ~~ نتمنى التقدير منهم فقط ~~~ |
النساء أكسير الحياة ..
|
انتظرتك حتى حنا نكد برى ....:) وعسولي ماانتب افضل من الرسول عليه الصلاة والسلام والا جيدينن بالاقتداء على هواكم ... تدرين منه اللي يعتبر منهم سنع وقرم اللي يضف رجلينه لاجت اخته تكنس اللي حوله ... http://www.buraydh.com/forum/images/icons/icon10.gif |
جيت مدافعه ومندده عن الشغالات اللي تذمر منهن راعي الموضوع وكأنهن وباء ربي يرحم أم اللي طلع فكرة الفيزه واستيراد الارواح البشريه ! وه يالبا الاسامي بعد سيتي وميمي وغفاره < دوك الاسم بس :) الشغالات يوفرن جو نفسي رايق بالبيت وخل اللي يحوس واللي ينثر واللي يدربي كفرات .. وربي ماخلقني اكد بالبيت هاتوا لي دليل يقول ان التسبيع والكنس حكر على الحرمه! ممكن اعدل بالديكورات واطباق الحلى والسلطات والباقي شغلي وشياكتي .. وش نفع امي تقويم العزايم وطبخ الذبايح الا قولون كبر البرج وركب لهن طقطقه ! |
بعض الردود ياهي تمريرات متناغمة متقنة تذكرني بباصات زيكو وماردونا
وتمريراتي أنا يوم كنت في فصل سادس ب الشغالة ماعنها غناة وسط عالم السيراميك والبزران والتدريس والكنس والتسبيع وللهدم( قصر ريـــــــــــــــــــــــــــــــــــــــــال) مايخدم صاحبه |
اقتباس:
واذا واحدهم كرف هالمسكينه زوجته من طلعة النهار ورا بزارينه وسيراميكه وغداهم وتدريس وهفوه وش بتصير النفس ؟ الروقان بيقام له مأتم بصالتهم ! عاد راح يتهبع يدور وحده رايقه تكون مسياريه ذات بيت وشغاله لزوم الفضوه له .. ترانا باخصينكم :( |
اقتباس:
انا أقصد مثلا اللي ياخذ له فنجان شاهي مع الفصفص عند التلفزيون واذا خلص قام وخلاهن هو المسؤول انه يشيلهن اقتباس:
وشلون البيت تصير مرتبة وهي كلها قراشيع وياليتها واقفة على كفر كفرين يحطن بأي مكان وبعدين كثير من الاشياء اللي يحتفظون فيه الشباب مالها داعي يعني اللي ماتبونه حطوه بالشارع موفق .. |
اقتباس:
اقتباس:
غريييييييييييبة توقعت انك اول من يفرح بالموضوع ويأيده لأن لك موضوع عن الاقتداء بالرسول عليه الصلاة والسلام بالتعدد فقلت اكيد انه بعد يبي يقتدي بالنبي بشغل البيت لاتخاف ماراح يجي اليوم انكم تحملون وتولدون لأنكم اضعف بكثييير من ذلك تبي الصدق حرام نناظر المسلسلات والنت والبلع واخواننا مايرفعون روسهم من الكد والتعب حراااااام يابنات حسن شوي ماأقول الا الله يرحم حالي وحالك |
اقتباس:
اقتباس:
الحمدلله فيه شباب يحسون بأهلهم وياكثرهم الله يجزاهم خير ويكتب الأجر لهم ويهدي اللي مايحسون موفقة عزيزتي |
اقتباس:
مااااااااااافهمت ياستاااذ لك الاحترام |
اقتباس:
منوووورة فديكا |
اقتباس:
انتي وهالمصطلحات اللي تنكت ياحبي لك وبالنسبة لي أنا أنا ماأحب الخدامة اللي تحوس وتدوس مع الشباب بالبيت وكأنهم اخوانها اخواني كلهم شباب الله يحفظهم |
| الساعة الآن 04:06 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة