(((((( طـبخـتي : طبـق رز البـريـاني ... يوجـد صـور ))))))

[عادل الحبيتر]

السلام عليكم ورحمة الله وبركاته



بما أني رايق . قلت أبطبخ طبخه ما قد طبختها قبل ..
مدري كيف جاء ببالي أطبخ هالطبخه .. أممم أقصد .. أني لقيت أحد الاجانب بالبقاله يشتري توابل هالطبخه . وقلت بيني وبين نفسي ..
أبجزم وأطبخ هالطبخه ذي .. وعالطول من بكرا أشتريت توابل وأغراض الطبخه ..

الطبخة الجديده اللي لأول مره اطبخها هي ((( طبق رز برياني )))


بالبداية : أشتريت ( Eastern ) اللي هي توابل البرياني كما موضح شكلها بالصور ..وأنصحكم بشرائها ,, لأن توابلها طعمها لذيذ . خاصة أذا تطعمتوا بالمرقه ..
أما بقية المقادير هي :

قطع دجاج
رز برياني
زنجبيل
نعناع
بصل
زبده أو سمنه
طماط
كزبره
حبحر أخضر
ثوم
ملح


أول حاجه نسويها هي :
نقوم بطحن الثوم والزنجبيل والفلفل الأخضر
ثم نقوم بحمس البصل مع الزبده أو السمنه ..
ثم نقوم بوضع قطع الدجاج مع البصل بعد الحمسه ( اهم شي تقطع الدجاج قطع صغيره ) ..
ونضع توابل البرياني .
ونضع اللي طحناه اللي هو الثوم والزنجبيل والفلفل الاخضر
ونضع أيضا شرائح الطماط والكزبره والنعناع
وطبعا نخمر الرز بالمويه لمدة ( 15 ) دقيقه .
وبعد التخمير نقلي الرز مع الزبدة او السمنه . وبعدما ينشف .. نحط الرز مع الدجاج وباقي المقادير

وأليكم صور طبختي :











يتم وضع كوب مويه مع الدجاج . ويترك الدجاج ع النار لحتي يطبخ



أشرب كوب الزنجبيل .. ولحظات ترقبي وأنتظاري لنتائج طبختي ..



نقلي الرز مع الزبده أو السمنه



ثم نضع الرز مع الدجاج بعد النتهاء من قلي الرز



هذي الكشنه . قلت أحطها زيادة على طبختي















وبهذا تنتهي طبختي المتواضعه ...