.. في بيتنا قِطٌـة ..

[جبل عمر]

اقتباس:  المشاركة الأصلية كتبت بواسطة شموووخ     [align=center] آسفه عاللقافه بس وش معنى شطرطون؟؟ عشان افهم القصه [/align]

والله المشكلة أعرف معناه بالفرنسي والكيبورد حقي ما فيه إلا عربي وإنقلش

تعرفين اللصاق أو ألي يلفون به الجروح يعني لصقة افهميها عاد

[Queen of buraydh]

فيه احد جرّب يربي سمك ؟

افكر اربي سمكات بس يقولون يموتن على طول !!!

[Queen of buraydh]

عاد اذا تبون الجد ؟ اتمنى اربي صقــر

احس فيه شموخ وكبرياء مب بأحد

[شموووخ]

[align=center]

اقتباس: والله المشكلة أعرف معناه بالفرنسي والكيبورد حقي ما فيه إلا عربي وإنقلش

كثر منها

اقتباس: تعرفين اللصاق أو ألي يلفون به الجروح يعني لصقة افهميها عاد

اهاااااا ايه اعرفه الحين فهمت القصه
بس يا انك مجرم وغاوي تعذيب قطط
شكرا على التوضيح[/align]

[تلميذة الحياة]

اقتباس:  المشاركة الأصلية كتبت بواسطة باونتي     توتووو ياقلبي انت خطييييييره اجل تربين قطط بليز بهرب لك قطه اختي صغنونه وبيضا بس تفهم بشكل فضيع يعني تدري اني ماابغاها مستحيل تدخل غرفتي توقف عند الباب والا تدخل شوي خطوات وترجع والا لما اعصب عليها تجلس زعلانه وتهز بذيلها يااااااااي وهـ بسـ يازينها الا تعالي لاتنسين ترقصينها وتنقزينها لعبيها لعبة الخيط جيبي خيط صوف او حبل او اي شي وارفعيه عنها وخليها تحاول تمسكه وكل شوي ارفيعه زياده ولعبه ثانيه ارمي الكوره وتلاحقها وتلعب فيها <<< احس قطوتنا كلب بقط خخخ ووووووووو << انتبهي لتغذيتها زين لان قطوه خيتي تعبت لما وديناها البيطري عطاها ابره ياقلبي وقال غذوها مع انها ماشاء الله دبدوبه صغنونه بس الاهم بنوعيه الاكل اممم وبس بالليل تركض لمكانها ايوه مره بالاختبار النهائيه اخذتنا نومه والاخت صحت واقفه عند باب غرفتي ميوووووووووووو ميوووووووووووو <<<< جوعانه تبغى فطورها اقولك برسل لك قطوتنا عشان يلعبون مع بعض بس انتبهي لها ترى العين بالعين

هلا بخويتي ,, وش رايك عاد بتربية القطط .. رهيبة مووو ؟؟

طبعاً قطه وحده مو قطط


سبحان الله الحركات اللي قلتيها .. دايماً اسويها مع قطوتي ,,
ابشري ان شاء الله يكون لهن لقاء قطوتي وقطوتكم


منورة باونتي

[تلميذة الحياة]

اقتباس:  المشاركة الأصلية كتبت بواسطة أم خماس     ^ ^ ^ طيب ماتنقل أمـراض .. كثير مايمدحونه حتى الانواع الزينه

منورة ام خماس ,,

ننتظر جواب باونتي..

[تلميذة الحياة]

اقتباس:  المشاركة الأصلية كتبت بواسطة *يتيمة*     وساخة وامراض غير ان اكثرهن جن يخرعن بصراحة

واوك شكلك تقصدين البساسه الهايتات بالشوارع

[أم خماس]

السمكـ شكلهن حلو بس يبيلهن عنـايه وتنظيف يومي ولا استمتعي بالدود ههههه

انتي لابغيتي عدد معين جيبي اكثر منه لانه لازم بالايام الاولى يكون فيه ضحـايا تغيير الجو هههه

[سكايب]

اقتباس:  المشاركة الأصلية كتبت بواسطة Queen of buraydh     فيه احد جرّب يربي سمك ؟ افكر اربي سمكات بس يقولون يموتن على طول !!!

لا ما يموتن أسألي مجربه ,,

بس يبغن أهتمام وأكل خاص بهن وبس ..

[برق الوسم]

اقتباس:  المشاركة الأصلية كتبت بواسطة Queen of buraydh     فيه احد جرّب يربي سمك ؟ افكر اربي سمكات بس يقولون يموتن على طول !!!

يمدحون تربية سمك القرش
بس على شرط لازم توكلينه كل
يومين نص بسه (قطة )

[أنـفأإأس أإأللـيل]

[align=center]انا احب القطاوة وعندي وحدة أسمها لولو عشان توسع صدر بنتي ..
صدق بنتي صغيرة ويمكن ماتفهم بس يكفي انها تتفاعل معها
لما تشوفها ..[/align]
[align=center][/align]
[align=center]^ ^ ^
هذي لولو
وهذا النوع من القطاوة تحب اللعب والقفز والمشاكسة ..
يعني بهن خفة دم مو مثل قطاوة الشوارع ..

تلميذة بسألك انتي تودينها كل شهر لدكتور بيطري
عشان يعطيها أبره .. يقولون اذا ما أخذتها تسبب حساسية
لأصحاب البيت اللي تعيش فيه ؟؟ لكني مو متأكده!![/align]

[(جوانا)]

هلا جوانا

أجل كريهات

سبحان من زرع حبهن بقلبي

يمكن بسة جيرانكم تخرٌع لونه أسود .. والا مرنقطه ؟!!

أو مشجرة والا كاروهات <<ههههه

منورة جوانا

هههههههه حلوه كاروهات
واحد من جيراننا بستهم عاديه بيضاء مخططه ببيج (توصيف بلوزه) وجيراننا الثانين حقتهم أمريكيه لونه رصاصي ودبدوبه يخوف شكله
مره دخلت علينا الفجر وخليناه بالحوش يوم صار الظهر وتبدى تستفرغ *تكرمون* الله يكرهه .. قالت أمي يمكن انه من الحر وراحت شغلت له مكيف الحوش وخلته عنده ويوم صار الظهر قالوا جيبوه وتجي أمي بعصا المكنسه تطلعه وهي ربكم واحد ولا أتحرك<<<<رغبة محشومه
وحنا هش هش من بعيد وجت بنتهم كبيره لابسه عباته عشان هالبسه يوم دخلت علينا قالت( لا مو كذا شيلوه ) قالت أمي وععع مانشتهيه امر والله زميه وروحي
الله يحوم تسبد العدو <<<<اكثر قرقه ...

[هنري]

بصراحة أنا أشمئز من القطط والكلاب وغيرها من الحيوانات الأليفة!!!

....................

وقد عايشت هذا عندما ذهبت للدراسة وكان في منزل عائلتي قطتان وكلب!!!!

كنت أشمئز عندما أأكل معهم فتأتي تلك الحيوانات لتأكل معنا وبعد الأكل تلعق أطباقنا!!!

حتى أنني كرهت الأكل في المنزل!!!!

................

هناك سؤال لازال في خاطري كيف تعايشت القطط مع الكلب في ذلك المنزل!!!

.................

أنا لاأؤويد تربية القطط في المنازل وهذه وجهة نظري!!

...............

أخواتي الصغيرات عندما يدخل قط في فناء المنزل الكبير!!! يبقين في الداخل ولا يخرجن!!!

فكيف يربين القطط؟؟!!!

............................

ولكني سعيدٌ بخوفهن هذا!!


دمتِ بخير,,,,,,,

[جمان البحر]

يا حبي لك يا توتو ..

قبل يمكن 6شهور جان شيء مب طبيعي بديت أحن على رأس أبوي أبي بسة ..
ومرة وأنا أصلي دخل أبوي وقال فيه بسة دخلت بيتنا وشكلها من النوع الزين ..
وبقدرة قادر خلصت الصلاة وشبرت الصالة على كبرها بنقزتين ..
وطرت لم أبوي أستفسر منه عنها ..
وبعد فترة ولدت هذه البسة وجابت 3 بساسة يزنووووووون ..
وكنت آخذ العظامة اللي تبقى من الغداء ولا العشاء وأعطيهن اياهن ..
ووه ياملحهن يوم كبرن وبدن يناقزن على الدرج بالحوش ودي أمسكهن وأخمهن ..
بس الله يرحمهن ..
بعد ماكبرن طلعن للشارع وجاء "البس" (ولد الشوارع) وأكلهن ..<<<<تراي ماصحت أبد يوم قال لي أبوي انه ماتن ..

وبعدها بفترة وأنا أسولف مع صديقتي عن هذه السالفة ..
قالت لي انتبهي تربين بساسة ..
قلت لها : ليش ؟؟
قالت أعرف وحدة كانت تربي بساسة من صغرها ..
كبرت وتزوجت وحملت ..
لكن المصيبة هو أن الجنين فيه تشوهات وشخصوا الأطباء التشوهات بأنها حساسية انتقلت لها من القطط ..لكن ماظهرت عليها هي وإنما ظهرت على جنينها ..

وبعدها خفت وأسكت عن سالفة البساسة ..مع ذلك مازال حبهن في قلبي ..<<<بس أهم شيء أبوي ارتاح من حنّتي ..

وجدي لأمي عنده مئاااااااات البساسة بس راعيات الشوارع ..
علشان كذا حجزت لي وحدة منهن صغنووووووونه وتزنن واذا رحنا أتواعد أنا ويا بستي بالدرج وأعطيه لحم وأسولف عليه <<<<تراي امزح ..تخيلت روحي أسولف مع البسة ..
بس ماعمري لمسته <<<أصلاً هي تخاف من ..

^
^
^
شكلي مسكت خط الرياض بالسواليف ..

ـــــــــــــــــ
كوكو ..
السمك كد ربيتهن بس كانن متعباااااات مرة لازم كل يوم نغير الماء حقهن ..
وكلهن ماتن ..
وحنا نغير الماء ..وحدة منهن نقزت من العلبة اللي حاطينهن فيها وطاحت على الأرض وانقطعت أنفاسه بسرعة ..
والثانية بنفس الحكاية تقريباً لكن ماطاحت على الأرض ..
كانت أمي معها سكين ونقزت وطاحت على السكين وانتشر دمها على المطبخ
والثالثة ماتت موتة طبيعية بوسط الحوض ..
والأخيرة شكلها من الحزن لحقت خوياتها ..
بس زوجة خالي قبل فترة تسولف تقول عندها سمك بالبيت وحاطة في حوضهن فلتر وهو يفلتر الماء من نفسه ..
ومايحتاج تغيرين الماء الا أحياناً <<<قالت المدة بس ماأتذكرها ..

[To Be]

على طاري الموضوع

تلميذة الحياة


هل أبو هريرة رضي الله عنه لقب بهذا اللقب بعد اسلامه ام قبله ؟