|
.. في بيتنا قِطٌـة ..
بسم لله الرحمن الرحيم http://www.qsimna.net/up1//uploads/i...21eaf611bf.jpg في بيتنا قطة .. بيضاء تسر الناظرين .. لها عينان جميلتان.. فروها الناعم يستهوي اللمس..وهي صديقتي في لحظات الوحدة.. إنها من فصيلة السنوريات الثديات..لقد اعتدت عليها.. ولا أقدر أن يذهب يوم واحد بدون أن أراها و أداعبها .. قد يعشق الناس تربية القطط ..خاصة الفتيات.. حيث إنهن يمضين أكثر أيامهن في البيت.. كما أن إطعام القطط يعود الفتاة منذ صغرها على فنون التربية لستفيد منها مستقبلاً ..حيث تشعرها بالحنان .. وتتأملها وهي تأكل ما تقدّم لها .. ما رأيكم في تربية القطط ..؟ وهل هي مفيدة تربوياً ؟! |
والله إني ماأدانيهن كريهاااااااااااات تصدقين البارح طلع أخوي ونسي الباب مفتوح ودخلت علينا بسة جيراننا وفزعتنا وأختي الصغيره نايمه وراحت وقفت عنده وقفنا أنا وأختي بباب الغرفه وبدينا نسمي عليه ماندري شلون نطلعه حتى أمي نايمه وإلا كان تطلعه لنا وأثنين من جيراننا عندهم بساسه كل داخل علينا وحده الله يقطعهن ...<<<هها قصة قصة حياته |
توتووو
ياقلبي انت خطييييييره اجل تربين قطط بليز بهرب لك قطه اختي صغنونه وبيضا بس تفهم بشكل فضيع يعني تدري اني ماابغاها مستحيل تدخل غرفتي توقف عند الباب والا تدخل شوي خطوات وترجع والا لما اعصب عليها تجلس زعلانه وتهز بذيلها يااااااااي وهـ بسـ يازينها الا تعالي لاتنسين ترقصينها وتنقزينها لعبيها لعبة الخيط جيبي خيط صوف او حبل او اي شي وارفعيه عنها وخليها تحاول تمسكه وكل شوي ارفيعه زياده ولعبه ثانيه ارمي الكوره وتلاحقها وتلعب فيها <<< احس قطوتنا كلب بقط خخخ ووووووووو << انتبهي لتغذيتها زين لان قطوه خيتي تعبت لما وديناها البيطري عطاها ابره ياقلبي وقال غذوها مع انها ماشاء الله دبدوبه صغنونه بس الاهم بنوعيه الاكل اممم وبس بالليل تركض لمكانها ايوه مره بالاختبار النهائيه اخذتنا نومه والاخت صحت واقفه عند باب غرفتي ميوووووووووووو ميوووووووووووو <<<< جوعانه تبغى فطورها اقولك برسل لك قطوتنا عشان يلعبون مع بعض بس انتبهي لها ترى العين بالعين |
^ ^ ^
طيب ماتنقل أمـراض .. كثير مايمدحونه حتى الانواع الزينه |
وساخة وامراض غير ان اكثرهن جن
يخرعن بصراحة |
أكيييييييييييييييد القطه شيء أساسي في التربيه تعلم الأطفال الحنيه والرفق على القطه والحيوانات ..والإنسان ..
عن نفسي أموت على القطاوة الأمريكيه طبعا .. كانت عندنا قطوة واااااااااو وربي جنان .. دبدوبه وبيضاء وعلى رقبتها شريط أحمر وفيه جرس ذهبي .. بس تم طردها من قبل أمي (أمها ما تحب الحيوانات والقطاوة) وطالبتهم يجيبو لي شيء تاني بس جابو لي نبته .. ما تتصوري كيف عنايتي بالنبته .. ولا يلمسها غيري (احم احم) على العموم أهي تعلم الأطفال الحنيه والرفق ويجربو المسؤليه مشكووووووووووووووره |
ما رأيكم في تربية القطط ..؟
مسؤولية وهل هي مفيدة تربوياً ؟! جائز الحقيقة لاشفت ( قطة ) تتبختر في طريق خليته لها ورحت لطريق ثاني :) يازينها من بعيد بس لاتقرب :) تحيتي |
قطو ؟!!!!! :(
مااحب القطاوه ابد ابد ,, سببن لي عقدة من ايام الطفوله , رعب خصوصاً اذا طلعت عليك بالحوش فجأة >> معاناة بس تصدقين ؟ افكّر اربي قطو ,, بس بشرط ؟ يكون صغنوووون واذا كبر بجدعه بالشارع , ماابغى كبير يروعني وابغاه كمان ماله مخالب ولا اسنان :) |
[align=center]امووووت من الخوف لاشفت قطو بالشارع اصير كاني بزره
وماتشوفين الا غبرتي وراي هه انا لا اؤيد تربية الفتاة للقطط لانها تعرضها لداء القطط ويؤثر على حملها مستقبلا على طاري الموضوع في بيتنا قطه والله ما اقعد لهم بالبيت يا انا ياهي وطبعا اهلي يحبوني وبيفرطون فيها:) اشكرك على الطرح[/align] |
[align=center]يؤ توتو قِطة !!
نعن أبو بليسك أنا لاشفت نمله تمشي بغرفتي قمت أرجف موب عاد أدخل بسه عندي:( سبحان الله عليكم هوايات مدري وش تبي :29_1_16[1 ذاك اليوم بنات عمتي يقصون لنا قصة أخوهن " محمد " يقولون رايحٍ للمطار بيستقبل بسّته جايه من أمريكا :( مدري أضحك وإلا أدعي له إن الله يشفيه ويعقل عليه وإلا مدري وش أقول وصلت إستقبال بالمطار !!!!!!!! توتو أبسألك : أنا أسمع إن اللي يربون قطط يكونوا ملمين بأشياء ضروريه بتربيتهن يعني لازم تطعيم مابين فترة وفتره .. ولازم تعويد على مكان قضاء الحاجه "الله يعزك والقارئين " وووو أشياء ثانيه .. كيف طريقتك اللي سلكتيها مع قطوتك المصون :) وسؤال آخر : وش إسمه <<< أبشوف تسان هي حليله أبخطبه لبسّه محمد ولد عمتي هه:) بس ماأؤيد تربيتهن أنا <<< عاد هي واقفه إيــــه أماكم مستانسين بس <<< بس يعني بس مو بِس :) دمتِ بخير :) ؛[/align] |
تشششش تربين بساسة قبل شهر مسكت بس بالمزرعة وحطييت في بطنه شطرطوون الله لا يوريك بدأ يمشي سحاحي وفكيت الشطرطون وحطيته بظهره وبدأ يمشي ياله ياله تلمس ايديه ورجليه الأرض مرفّع وده يوصل للي بظهرة ولا قضى المسلسل مسكته مره ثالثة وفكيت الشطرطون ولويت ذنبه على بطنه ولفيت الشطرطون عليه وربي إنه يمشي جنب ذاك اليوم صار يوم العالمي للضحك
لكن نصيحة إذا براسك شيء تربينه ربي حصني ولا قنذف أيضاً النصييحة الثانية انتبهي تخلينها تماشي بساسة الشارع تراى إن ماشتهن بتصير داشرة وبالذات البساسة الي يمرحن بسطول الزبايل " وأنتم بكرامه" هن البلاه والشر لانهن منحرفات ولا كملن تعليمهن فصارت السطول هي الملجأ لهن وش بعد ياربييه من نصايح ايه الله الله خليها تتستر تعرفين هالوقت خططير وانتبهي لها |
[align=center]^^^^^
اقتباس:
وشوو الحصني اللي أسمع فيه دايم ولاعمري شفته .. بس من المفهوم إنه حيوان مفترس <<< أسمع يوحشون البزران فيه .. وبعدين بلاش تحريض ترى تلميذة تصدق على طول وماندري إلا هي جارته عنده وأومن من وين لنا عاد توتو :( ؛[/align] |
[align=center]
اقتباس:
عشان افهم القصه :)[/align] |
[align=center]
اقتباس:
أجل كريهات :( سبحان من زرع حبهن بقلبي :( يمكن بسة جيرانكم تخرٌع لونه أسود .. والا مرنقطه ؟!! أو مشجرة والا كاروهات <<ههههه منورة جوانا ..[/align] |
اقتباس:
الحصني وشو، هذا الله يسلمتس يقولون إنه من أفضل أنواع الطيور وله شكل زاهي وألوانه ولا ألوان همبل للدهانات من كثرها وزينها يعني معتّق واستريحي الحصني ما تعرفينه تذكرين قصة الديك والثعلب بثاني ابتدائي الحصني هو التصرف الثالث من كلمة ثعلب منع من ظهورها العلة وقول آخر اسم الدلع للثلعب والسبب الي خلا وزارة التعليم ما تسميه حصني بالقرآءة يقولون ع شان الطلاب ما يتعلمون الدلع وكلن يدلع خويه وتصير الدعوى حيص بيص |
| الساعة الآن 05:17 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة