تعالوا شوفوا رومانسية السعوديين , يالله من فضلك

[فتاة المستقبل]

هلا بك أبو خلود ..

اقتباس: الموضوع شيق وثري للنقاش :: ارمانسيه هي أساس إحاس الزوجاة بين الطرف الأول يعني الزوج : ومن هذا المنطلق تكون الرمانسية جزء من حياة التكامل لدى الجو الأسر ي وشكراً ,, { تقبلي قلمي المتواضع }

جميل حينما يقر الطرف الأخر بأهمية الرومانسية في الحياة الزوجيه ..

شكرا لك ..

[فتاة المستقبل]

هلا بك الخيالي ..

اقتباس: <<<هذا المستخدم فاطس من الضحك الحقوا عليه لايموت خخخخخ هههههههههه ياشينه اجل المدام متحمسه وشموع وحركات وآخر شي يدخل ويشغل النور خخخخخخخخ اقول اهم شي الاخلاق وحب الوطن ههههههههه مشكوره ع الموضوع من جد يضحك واعتقد ان السبب من كل الطرفينئ

]تكفى لا تموت ترى اهلك يبونك << تحسب الموت على كيفه

اقتباس: السبب من كل الطرفين

أجابة مختصرة جــــــــدا ..
شكرا لك ..[/color]

[فتاة المستقبل]

هلا بك الجوهرة ..

اقتباس: الحياة الزوجية تعتمد على مقومات عديدة والرومانسية تأتي كمرحلة لاحقة تسبقها مراحل من التقارب النفسي والتوافق الفكري والكثير الكثير من الحب والحنان

أنا أخالفك بهذه ..
الرومانسيه مطلب للوصول للحب والحنان
وليس العكس ..

اقتباس: فكيف تطلب الزوجة من زوجها( الرومانسية )ولم تصل الى قلبه اساساً

بتعامله معها برومانسيه سوف يجعلها كالريموت بيده , وبالتالي ستبذل جهودها للوصول لقلبه ..

اقتباس: فالمجتمع فرض عاداته وإن كانت قبيحة ولاتنسي دور التربية وسيطرة الذكورة في مجتمعنا كل ذلك له دور في عدم قدرة بعض الرجال على اظهار مشاعرهم والبوح بها

إذن برأيك هذا السبب الذي جعلهم يفتقدون لمشاعر الرومانسيه تجاه ازواجهم ..

اقتباس: كثير من الأزواج لايجمع بينهم سوى ورقة الزواج أما القلوب فكلاً منها في وادي

صــــــــدقتِ ... قد يوجد من الأزواج بينهما علاقة حب كبيرة , لكنهم لا يستطيعون بث مشاعرهم تجاه بعضهم ,لعدم مقدرتهم عن التعبير عما يخالج انفسهم , مما يجعل كلا من القلوب في وادي ...

شكرا لك على مداخلتك ..

[فتاة المستقبل]

اقتباس:  المشاركة الأصلية كتبت بواسطة العريف     هذه الاشياء أهون .. من تعلّق بنت رجال بـ شخصية معينة والاعجاب فيه ومتابعة اخباره ! او الاعجاب بصديقة الى حد العشق والهيام والواقع يشهد .. فزاع .. ياسر القحطاني .. سعد الحارثي .. جواد العلي .. سامي الجابر .. وقائمة من المنشدين .. وحتى الشيخ العريفي .. ووووو ببساطة لان هذا ينافي .. ماتربت عليه (بنت الحمولة) !

الأعجاب طيش مراهقه وتنتهي السالفه ..


لكن من يشيش , برأيي داشر لا يخاف الله ..

[فتاة المستقبل]

هلا بك الفتى الذهبي ..

اقتباس: ههههههههههههههههههههههه أما الثانيه صراحه مت ضحك عليه

<< راحت تشوف وشي الثانية
..

اقتباس: بس بالأخير ماتقدرون تستغنون عنا

وأنتم ما طلعتوا للدنيا إلا عن طريقنا << بدت حركات البزران

[فتاة المستقبل]

اقتباس: هلين فوفو

هلا وغلا خوخو << تقلد

اقتباس: تدرين ان العله مهب بالرجل ولا بالمره

أجل العلة بمين ؟؟؟

اقتباس: العلة بسؤ الإختيار

حـــــــــــلو ..سببك منطقي ..

اقتباس: اسمع كثير عن رجال فيهم لين ورحمه ومستعد يسوي اي شي عشان يشوف البسمه على وجه زوجته حتى ان بعضهم اساء لأمه وأخواته عشان يرضيه وهي هولة توحش ما تستاهل التضحيات من زوجها

تقصدين ناكرة للجميل ..

صحيح فيه زوجات تستصغر تضحيات زوجها التي يفعلها لأجلها لكنا في قرارة نفسها ممتنه له أشد الأمتنان وتعترف بفضله عليها بجوات قلبها,, وتظهر له العكس ...ليش ؟؟؟ ما ادري

اقتباس: ودائما اسأل نفسي هذا السؤال لماذا .. لماذا الرجل الطيب يتزوج امرأه شينه والمرأة الطيبه تتزوج رجل شين ؟؟؟؟ ولقيت الجواب ابشرتس

وشو علمينا تكفين ..

اقتباس: ولن يرضي الجميع ولكنه أقرب للحقيقه السبب ان الرجل الطيب في الحقيقه ليس طيبا ولكن يظهر لنا انه طيب وبالتالي يستحق تلك المرأه الشينه (لا اريد ان اقول خبيثه) والدليل انه يوم زوجته طلبت منه ظلم اخته مثلا ما قال حدتس عاد كلش ولا الظلم واختي بعد,,, لا بل طاعه وقال هماتس ترضين وتفكينن من شرتس. والعكس صحيح

أكيد ما يبي لها كلام ..

الرجل اللي يساير مرته بكل شئ ويطيعها على عماه , مثلا يظلم أمه أو أخواته بسبتها , علشان ترضى عليه

أعتبره دردغانه ولايشرفني أكون زوجه له ..

استغرب من بعض الزوجات من يسؤها اهتمام الزوج بامه وبره بها وتقديمه رضاه على رضى زوجته ..

ما قدم رضاها على رضى زوجته إلا لانه رجل يخاف الله ..

وإلا وشوله تتشرط رجل يخاف الله ..





مرورك شرفني ..

شكرا لك ..

[فتاة المستقبل]

اقتباس:  المشاركة الأصلية كتبت بواسطة مــسفـ..ـهل     جميل جدا ومضحك.... عموما مادري وشو مقياس الرومنسية عند النساء...هل هو لازم اسنتر قدامه اربع وعشرين ساعة ياملحتس وخف دمتس عشان اصير رومنسي؟؟ والله مدري.. شكرااا

هلا بك المسفهل ..

واضحه ما يبيلها تعريف ...

لا الله يسلمك ما يسنتر قدامه 24 ساعة ..وإلا تسان تصير هي وإياه مثل الجني وأبو شمس ..

العفو ..

[شموع تحت المطر]

فاطســــــــــة ضحك موضوعك خطير مع اني شايفه هالمواقف بمكانه الاساسي ومعورني قلبي ساعتها على هالحريم المسيكينات..


شوفي الكلام والنقاش معهم مايجيب شي وصدقيني كلن مقتنع برأية ومايغيرة حتى لو كان غير الواقع..

اعتبر ان الكلام بهالمنتدى مثل اللي يكتب بالوهم او ينقش على الموية.. مانطلع بنتيجة غير العكس ولو كان مخالف للواقع.. ولو نوفر كلامنا احسن ..
لان العود على اول ركزة .. ماطلعوا على هالشي هم كيف نطلب منهم شي وهم ماتعودوا عليه.. بس ليش اللعانه وحركات الاستغباء والاستحقار..؟؟!!
عاد مايحتاج هم مايعرفون الا لهالحركات هذي بــــس..<< مالت عليهم..

انا عن نفسي بديت بالضبان اللي عندي بديت احط عندهم شموع وحركات وبالحمام ورد واغصان ابشوف وش يسوون همن مادري الاهن بوسط الصاله مجدعات وش هالقراشيع..
الا واحد من اخواني ذبحته الرومانسية ذبـــــــــح وبدأ يحط ابجورة بلون الهلال ويقول انا احسن شي..


<<<<<< مستحيل الضبان يتحولون لحتات لباننييـــــــــــن..


الله ياجرنـــــــــــــــــــــابس ..