مكرونة بالبيشاميل كما وعدناكم بالصور

بندر الحمر · 31-07-08, 04:12 am

كما وعدنكم بعد موضوع الشكشوكة

ها أنا ذا أعود لكم مره اخرى مع الطبخة الثانية وهي معكرونة بيشاميل

الحشوه عباره عن

1 > بصله

1 > ثوم

دجاج مسلوق ومنتف

بقدونس

بطاطا وباذنجان مقطعه على شكل مكعبات

مقادير البيشاميل

1>قشطة

3 ملاعق جبن سائل

الطريقة

نسلق المكرونه بماء وملح وزيت وماجي ابيض

ونجهز الحشوه ونحمس البصل بالزيت

ونضيف عليه الدجاج

نضيف عليه الملح والبهارات

ونتركة فتره على النار ونضيف عليه البقدونس والبطاطا والباذنجان

بعد ذلك نجهز البشاميل السريع

وذلك بخلط القشطة مع الجبن السائل

وبعد ذلك نجهز الصينية

ونخلط نصف كمية البيشاميل مع المكرونه ونص الكمية بالصينية

بعد ذلك نضيف الحشوه

نضيف الباقي من البشاميل كطبقة قبل الاخيره

وهنا الطبقة الاخيره قبل ادخال الفرن

هنا داخل الفرن >>عساكم ما تدخلونه

وبعد 45 دقيقه تقريبا

وبا الـــــــــــهنـــــــا والــــــــعافـــــيـــه

تقبلوا تحية اخيكم الشيف بندر الحمر >> بالتعاون مع ام لينا

بندر الحمر · 31-07-08, 04:16 am

أنـفأإأس أإأللـيل · 31-07-08, 08:03 am

يامال العافية
وش ذا السنع وش ذا الزين ..
اعجبتني الأكلة

لكن مافيها باشميل مع
ان عنوان الموضوع مكرونة بالباشميل ..

عموما طريقة جديدة بالنسبة لي
وتم الحفظ ..

والشكر موصول لأم لينا ..
تحية ,,

بندر الحمر · 31-07-08, 02:47 pm

اقتباس:

المشاركة الأصلية كتبت بواسطة أنـفأإأس أإأللـيل


	يامال العافية وش ذا السنع وش ذا الزين .. اعجبتني الأكلة لكن مافيها باشميل مع ان عنوان الموضوع مكرونة بالباشميل .. عموما طريقة جديدة بالنسبة لي وتم الحفظ .. والشكر موصول لأم لينا .. تحية ,,

شكرا لمرورك

وبعض المقادير لم تكن جاهزه

فجهزت الخلطة بالقشطه وثلاث ملاعق جبن سائل

>>صار خبره ههههههههه

طهر السماء · 31-07-08, 04:53 pm

.
.

أقول يا أبو لينا ..

لا يكون تسوي اعلانات حق نجدية و كرافت و قوودي : )

.
.

بس تصدق ../

ما شاء الله ..

شغل نظيف و مرتب ..

سلمت الايادي اللي عملتها ..

.
.

بلغ سلامي لام لينا .../

ربي يبارك فيك ..

..
.

بندر الحمر · 31-07-08, 11:26 pm

اقتباس:

المشاركة الأصلية كتبت بواسطة طهر السماء


	. . أقول يا أبو لينا .. لا يكون تسوي اعلانات حق نجدية و كرافت و قوودي : ) . . بس تصدق ../ ما شاء الله .. شغل نظيف و مرتب .. سلمت الايادي اللي عملتها .. . . بلغ سلامي لام لينا .../ ربي يبارك فيك .. .. .

انواع التدقيق أنا وهو انا مسوي الطبخة وانا ما انتبهت له

بعد ما قريت ردك تأكدت إنك مبقبقة

عيونك تدورين وش بالبيت

>>زي حركاتي بالضبط

شكرا لمرورك وام لينا تقول ورينا طبختكم وطريقتكم >>يبي يبقبق

عيونه بالطبيخ

شكرا لك على المرور

جوان2007 · 03-08-08, 02:09 am

تسلم الايادي يام لينا بس

ابو لينا مشكوووووووووور والصور بقط ياكافي ورا ماكبرتهن شوي لاني مالي

خلق ادخل الروابط الي انت حاطهن !!

&نجدية كووول& · 03-08-08, 04:03 am

مشكور أبولينا على المعكرونة

ياحول ياأم لينا تدهر علشاننا<<< فشلت منه

خاص لأم لينا ( الله يعطيك العافيه ويخلي لينا لك يااااارب) <<< يقاله تعرف تدعي .

shahd2007 · 03-08-08, 04:55 am

يامااال العافيه يام لينا طريقه مختلفه عن طريقتنا بس شكله مسكته <<<<<الاخت جوعانه

إشراق · 03-08-08, 05:10 am

تسلم الأيادي يا أم لينا

أبو لينا قاعد يحوق عندك ويصور تلقينه حاسك ماساعدك

لكن مشكور على نقله الطبخه لنا

الله يحفظ لكم لينا

cool girl · 03-08-08, 09:56 am

طبخه اكثر من رائعه

انا استخدم قشطه اسرع واسهل هذا بالبيت

لكن لما اروح للناس احط بيشاميل

سلمت يدينكـ ابو لينا وسلم ع ام لينا

دمت .,.

غديــــــــــر · 03-08-08, 12:03 pm

وشذا الزين ماشااء الله ..ام لينااا غلبت على بنات المنتدى ..<< بيسطروني البنات ههه

المكرونه شكلها يهبلللللل ..<< ياشين الي يدخل منتدى الطبخ وهو جيعان..

ويطيح بشيء زي كذاا...

يارب ابو الشباب مايطيح في ذا الموضوع ويبلشني بعدين << وحده ماتعرف تسوي الا ساندويتش بجبن ههه

الله يعطيك الصحه والعافيه ياأم لينااا..على الطبخه الرووووعه ..تسلم يدينك الحلوه ..ونورينا دايما ..

شكرا ابو ليناا الله يسلمك عالنقل الحلو..