السلام عليكم
بعد تردد لعدة أشهر ... ما بين أني أسوي الطبخة هذي أو لا .. قلت أبطبخها بوقت يكون مناسب ويكون أنا رااااايق 
... ختى جاءت الفرصة أني اسوي الطبخة اللي لأول مرة أطبخ مثل هذي ...!
رحت لمحل اللحم وأشتريت قطعة لحم كاملة من غير ما أقطعها ..
وطبعا هي عبارة عن طبخة لحم على الجمر .. ومكتومة فوقها القدر حق الطبخ
...!
أليكم صور طبختي مع صور المقادير ::
اللحمه مع المقادير ..!
ثم غسلت قطعة اللحمة وحطيتها فوق القصدير ...!
ثم تبلتها بالمقادير .....!
ثم غلفتها بالقصدير ...!
بعد ما جمرت ( النار ) جبت اللحم اللي بالقصدير وحطيت اللحم فوق الجمر ( طبعا اللحم ما حطيته جوا الجمر .. حطيته فوق الجمر ) ...!
ثم جبت القدر .. وحطيته على الجمر وحطيت الرمل على أطراف القدر .. علشان ما تطلع الحرارة ..!
وبعد ساعة بالضبط قمت وشلت القدر وطلعت اللحمه .. ووديتها للمطبخ ... لكن للأسف لم تنضج اللحمه زين .. ثم أضطريت وحطيت اللحمه جوا فرن المطبخ ... ( أتضح لي بحكم أني أول مره أطبخ مثل الطبخة هذي .. أتضح لي أنه لازم يكون الجمر كثير .. وبنفس الوقت لازم أخليها على الجمر من ساعتين ونص الى ثلاث ساعات .. علشان تنضج اللحمه زين ) ...!
طبعا الرز تم طبخه بفرن المطبخ ...!
وهذا بعد الأنتهاء من الأكل ....!
ملاحظه :
أولا : لازم تكون اللحمه لحمة غنم .. مو لحم حاشي .. طبعا علشان تنضج بأسرع وقت ...!
وثانيا : لو تم طبخها بالماء الحار لمدة نص ساعة .. ثم تتم تتبيلها ووضعها بالقصدير ثم توضع فوق الجمر ... بعتقد أن الطريقة هذي أحسن علشان تنضج اللحمة بسرعة ...!
وتحيااااااتي للجميع 
...!
العرض الشجري