عضوة من أعضاء المنتدى اللي أنا فيه مركزة على مواضيعي
 

[c]http://www.arabiyat.com/forums/image...Untitled-1.gif [/c] [c]http://ali954.jeeran.com/slam.gif [/c][c]http://www.arabiyat.com/forums/image...heyatayeba.gif [/c]
القصة طويلة يا أحبابي .... وملخصها أن هناك فيه عضوة من أعضاء المنتدى اللي أنا فيه مركزة على مواضيعي وترد عليها.. وكانت ردودها ردود إعجاب شديد... لدرجة إنها صارت تدور مواضيعي كلها وترد عليها... حتى لو كانت قديمة.....

أنا جاني الغرور وبديت أشوف نفسي... إيه من قدي صار لي معجبات...
صرت أجلس على الإنترنت أكثر من جلستي مع أي شخص ثاني...

حتى إذا طلعت مع أخوياي ماأطول معهم وعلى طول أرجع للبيت وأجلس على الأنترنت وأبدأ بالأفكار والكتابة والتأليف كل هذا عشان المعجبين مايفقدون حسي في المنتدى.... يعني الغرور كان واصل حده عندي...

وفي يوم من الأيام كنت طالع للمقهى مع أخوياي وذاك اليوم كعادتي في الفترة الأخيرة مااطول معهم رجعت ذيك الليلة بدري يعني حوالي الساعة 12 بالليل...( حنا يالشباب الفاضي 12بالليل . يعتبر أول الليل عندنا )...

المهم وأنا راجع وقاعد أسولف مع نفسي وأهيجن وموسع الصدر على الآخر...
ويوم دخلت شارع حارتنا الرئيسي..وكان كالعادة في مثل هالأوقات فاضي تقريبا....

وفجأة...

لقيت وحده لحالها بالشارع وتأشر...

أنا حسبتها تأشر لليموزين وراي ... بس يوم طالعت مع المراية ماوراي سيارات...
قلت في نفسي ... وش عندها ذي...ووش قصتها..... خلني أخذ فرة ثانيه الشارع وأشوف وش السالفة...

اخذت لي فرة وفرتين وثلاث.... وكانت كل مامرت سيارة أشرت لها... ومحد يوقف لها...

أنا قلت أبوقف لها.. بس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي....

قلت أبجهز العجرا وامسكها بيدي وأوقف وأن شفت شي مريب نزلت عليه وجلدته بذا العجرا....

وفعلا وقفت....

قلت : نعم وش عندك تأشرين؟..

قالت: لو سمحت يااخوي أبيك توصلني للبيت....

أنا : ومتى المعرفة عشان أوصلك لبيتكم..

هي : أجل وشوله واقف لي....

أنا : أنا واقف أبشوف وش سالفتك... يعني بنت تالي الليل وفي شارع فاضي .. وش القصة..؟..

هي : ومو معنى هالشي إني أكون من اللي في بالك... أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو ؟؟؟؟؟؟؟؟؟؟





























ــ وبذلك يكون انتهى الجزء الأول من القصة ..... ولنا لقاء متجدد في يوم غـد لاستكمال أحــداث االقصة [c]http://rwasn.jeeran.com/photo/rw3sn74.gif [/c]

متردد أشارك معاك



أخاف تكتب موضوع ثاني وتقول فيه عضو بالمنتدى


اللي أنا اشارك فيه يتابع موضوعاتي ،،




تدري بعترف سجلني في قائمة المعجبين فيك



وكذا في سجل محبيك


الحين بيصيب ابو ابراهيم الغرور



<< لازال فاهم انك انت صاحب القصة





ننتظر الجزء الثاني ..


قصدي أنتظر الجزء الثاني

تسلم أخــي وائل ..... تحملني شوي .... فــهذا عنصر من عناصر التشويق لما يقرأ أو يكتب ..... وهو مفيد جــداً في العملية التربوية ....

ــ وأنا بإستطاعتي تكميل القصة الآن ..... ولكن هــذا نوع من التخفيف وجلب اهتمام القارىء .... فإسلوب الكتابة السردية وبدون فواصل يكون أحياناً ممل بالرغم من القيمة الغذائية للقصة أو المادة المكتوبة .... فـهـذا الاسلوب ناجح حتى مع الطلاب ... وهو مساعدة لحب التلاميذ لمعلمهم والحرص على الانضباط داخل الحصة فأحياناً هـذا الأسلوب يفعل بالطلاب فعل السحر فتجدهم كأن على رؤوسهم الطير .... وممكن أحياناً يكون اسلوب عقابي ... كأن تحرمهم اليوم من تكملة القصة بسبب عدم حفظ جدول الضرب هـذا اليوم ... أو تخلف فلان وفلان عن آداء الواجب ..... الكلام كثير وهــذا ليس مجاله

أبو ابراهيم شوقتنا والله .

أسلوب رائع وجذب جميل للقارئ .

العزيز السعودي

بصراحه الله يعينى واصير مثلك في تشوقي

على النت والحرص عليه ودى اسمع الجزء الثانى

اسلوب جدا رائع ومشوق وكل من يقرأه لابد ان

يحرص على تكملته

تحياتى لك ونورت منتدى السوالف وياليتك دائما

معنا ولاتبخل علينا بطلاتك


:for6: :for12:

معليش البنت مغتره
 

أغترت بمواضيعك كثير بس

لو تشوف وجهك كان يتغر تفكره"متأكد من ذالك"






























الحين
أبو أبراهيم أعيون طالعه:for7:

منقهر حمق علي:for9:

بس وده يكسر راسي:c6:















معليش أبو أبراهيم ترانا في منتدى السوالف والطرائف

القاص الكريم



أرجو ألا تقتلك برودة التفاعل فتتجاهل الحضور المتشوق


لأجزاء القصة الرائعة ...


ننتظرك إستاذنا أبوابراهيم

السلام عليكم

أخي السعودي : بصراحه قصتك مشوقه جدا ..

وأنا تفاعلت " قوه " معها لدرجة إني حطيت لك خمسة توقعات عن هوية المعجبه ؟؟؟!!!!

بس بصراحه ما ودي أخرب القصه ...

بانتظار " بقية القصه "


تحياتي

والله ياانت فلته مواهب بكل منتدى مشارك (يسمع بالسجع)

ياهب (واحد نحوت )
ماشاء الله لاقوة الابالله عليك يالغالي ابو ابراهيم
تكفى لاتأخر علينا بالجزء الثاني والله يعطيك مليون عافية

مرحــــــــــــــــــــبا
 

قصة جميلة أخوي السعودي



منتظرين الجزء الثاني



بس أشوف بعض الأعضاء معتقدين إن القصة تخصك أنت :confused: :confused:



تحياتي لك

سجلني انا رقم ثنين من متابعين مواضيعك بعد وائل

ونترحي باقي القصه


وش صارت الحرمه اللي لقيتها بالشارع وديتها والا لا؟؟ وش سوت بعد ما صرخت؟؟ شكلك توقهت ولا حد سما عليك مع هالجنيه اللي في الشارع تالي الليل


بس يا ويلك ان صار حلم

مرحبا
 

[c]ولتأخر السعودي بإكمال القصه >>>> سأضع له مهلة حتى مساء هــذا اليوم .... وإلا سوف أكمل القصة بنفسي لسابق علم لي بهذه القصة [/c]

يــا ولد ... أمكن عـمـرك ... الأمورة تهدد .... فالله يستر

ــ فبعد إذنكم جميعاً .... سأكمل الجزء الثاني من القصة .... مع الاعتذار المفهوم إن شاء الله لأختي الأمورة .... يركدون .... يركدون ... واللبيب بالإشارة يفهم !!

وهــذي هـدية لمحبي ركوب الخيل
[c]http://www.nawafith.net/phpBB/images...30aa36987a.gif [/c]

[c]http://www.arabiyat.com/forums/image...Untitled-1.gif [/c] [c]http://ali954.jeeran.com/slam.gif [/c][c]http://www.arabiyat.com/forums/image...heyatayeba.gif [/c]
عودة جديدة لإستكمال القصة في جزئها الثاني


وقفنا عندما قالت البنت : أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو خاف ووقفني هنا....

أنا : لاحوووووول ولاقوة إلا بالله... طيب طيب ...بيتكم وينه فيه؟....

هي : قريب ...يعني تقريبا ثلاث كيلوات من هنا....

أنا : طيب .. يالله أركبي خل نوصلك نكسب فيك أجر....



جت تبي تركب ورا وقلت لها : لا تعالي قداااام ... رفضت ..... قلت لها : ركوبك ورا يجيب لي الشبهة تعالي قدااام ومايكون إلا كل خير...

وفعلا ركبت قداام.... وأول ماركبت ..

قلت : إسمعي يابنت الناس... أنا مابعد تأكدت أنك بنت.. أنا اخاف أنك من قطاعين الطرق واللي يتقنون أصوات الحريم.. وعشان كذا ماخليتك تركبين ورا... أخاف وأنا أسوق تجيني من ورا غدر وتسوي فيني شي...

ردت علي وقالت : والله بنت ... وماني من ذا اللي تقول عنهم...صدقني..

قلت : إكشفي لي وجهك..

قالت: ( وبسرعة) مستحيل...

قلت : أجل إنزلي...

قالت: تكفى ياخوي أنا ماصدقت اني القى أحد يوصلني أرجوك لاتخليني في ذا الشارع المظلم لحالي...

قلت : أن لازم أتأكد أنك بنت..

قالت : والله بنت.. وأرجوك لاتستغل الموقف...

قلت : هذا حقي ... انا ماقلت أبسوي معك شي حرااام لاقدر الله.... أنا أبي أريح نفسي بس....

قالت: أنا وكلت رب العالمين في أمري....

وكشفت نصف وجهها.. وشفت دموع تسيل من عينها....

أستغربت... بس جمعت قواي وسحبت لثامها كله... وشفت شي عجيب.....

شفت وجهها ..... شفت الحسن كله....شفت الجمال... سبحان الله صورها....وشفت دموع تسيل على خدها..... كانت تبكي بدون صوت... حتى مارفعت عينها بعيني......

غطيت وجهها وصديت.. ومسكت طريقي ومشيت فيه....

كان تفكيري يلعب فيني شمال ويمين...
هي وش طلعها من ليموزين تالي الليل..وش سالفتها... ياولد لاتكون من بنات الليل ....وقاعدة تمثل عليك....أطلع بها ... اطلع بها محد داري عنك....
وبدأ إبليس يشاركني تفكيري....

بس كنت كلما تذكرت كلمتها ( وكلت رب العاملين في أمري ).... وكل ماتذكرت دموعها... أستغفر الله وأرجع عن الأفكار السوداء....

وبعد وقت قصير وصلتها لبيتهم ... ونزلت بسرعة أختفت ورا الجدران... وأنا قاعد أتابعها...وأفكر في هالبنت العجيبة... ووش قصتها ....

ومادريت إلا وأبوها ينزلني من السيارة غصب ... ويجلد فيني جلد... ومافكني منه إلا البنت...يوم حلفت له إني مالمستها بشر.....

الأب وقف وهو مازال ماسكني ... وطالعني وقال : تنام هنا... وبكرة نروح للمستشفى ونتأكد من كل شي...فااهم..




















ــ وبذلك يكون انتهى الجزء الثاني من القصة ..... ولنا لقاء متجدد في يوم غـد لاستكمال أحــداث االقصة [c]http://rwasn.jeeran.com/photo/rw3sn74.gif [/c]

الله يهديك بس على هذا الإستفزاز كمل وريحنا