|
من يسعفني فقد تعقدت نفسياً . . ! !
أعضاء وعضوات \ منتدى بريده الكرام - قسم المطبخ . . : السلام عليكم ورحمة الله وبركاته . . وتقبل الله منا ومنكم الصيام والقيام وصالح الأعمال . . ~ كثيراً ماحاولت عمل [ الخبز على الصاج ] او ماتسمى [ المقرصه السوداء الدائرية التيفال ] .. ولكن للأسف ماظبطت معي الأمور . !! فأتمنى من لديه أي معلومة عن طريقة عمل الخبر على الصاج والمقادير المستخدمة لايبخل علي .. فأنا استخدمها في [ البر ] والفرن غير متوفر هناك مع خالص شكري وتقديري للجميع . . \ \ |
بصراحه نفس الحال عندنا ماتضبط حاولت الوالده اكثر من مره بس ماضبط:(
ياليت احد يفيدنا:) |
يمكن انت ماتضبط العجينه ..؟! طيب انت تبي طريقة العجينه وإلا كيف ..؟! |
[align=center]ماجد
قبل فترة شفت هنا بالقسم .. لأحد الاعضاء مسوي خبز وكاتب طريقة عمل الخبز .. أشوفه كاتب ( خبز التنور ) ما أدري أيش هو الخبز التنور .. هل هو اللي أنت تقصده أو لا ..! لاني عرفت طريقة عمل خبز التنور ..! لو خبز الصاج طريقته مثل خبز التنور .. علمني علشان أحط لك الطريقه ..![/align] |
امـي تزينه وتضبط معه بس نايمه لآ قامت سئلته كيف تسويه
|
[align=center]لا تعقد أنا بعد ما أعرف أزينه
وأتمنى من العضوات يفيدنك[/align] |
اقتباس:
Śķőőŋ الصراحه العملية شبه معقده . . والعجينه بعد مادري وش قصة أهلها . . شاكر تواجدك . . وإن شاء الله احصل من يفيدن بالطريقه السليمه تحياتي . . \ \ |
اقتباس:
X 7oor S3od X انا بلاي من العجينه . . لو تضبط . . ضبط شغلي كله . . ! ! صحيح انا ابي طريقة العجينه بالضبط . . وكم المده اللي تحتاج للتخمير . . وما مقدار الخميره << يعني كل شيء !!! شاكر مرورك وياهلا . . \ \ |
اقتباس:
الغالي \ عادل حياك الله يابعدي . . ونورت المتصفح باطلالتك ..: وبالنسبه لخبز التنور باعتقادي انه يختلف عن خبز الصاج من حيث الاعداد وطريقة العمل . . : عشان كذا انا اسأل عن الصاج تحديداً ..!! شاكر تواجدك ياغالي ولاهنت . . \ \ |
اقتباس:
آرآم نوم العوافي يارب . . : شاكر تواجدك |
اقتباس:
بحبوحـــه ياهلابك وشرفتي المتصفح |
اقتباس:
ملعـقتين خميره فوريه ملعقة سكر ملعقة ملح بيالة زيت كاسين طحين وتخليه تخمر ساعه أو 45 دقيقه .. عاد علمنا إذا ضبطت :) |
[align=center]المقادير[/align][align=center]
مثل اللي قالت حور حنا الطريقه اللي نسويها هي : مويه ودقيق وملح وزيت أشوي تكورها على شكل دواوير بنفس حجم البيضه ونرش دقيق على الصنيه ( الصحن ) ثم نحط الكور .. ثم نجيب قماش يكون مثل قماش الغتره يكون لونها أبيض .. واهم شئ يكون القماش مبلل بالمويه .. ثم نغطي العجين اللي كورناها بالقماش المبلل .. ونخليه لمدة ساعه .. واهم شئ يكون بمكان حار . يعني ما يكون بمكان بارد ..! ثم طبعا نجهز الصاج ويكون ممسوح بالزيت .. ثم نطلع كل كوره ونفردها ونفرشها على الصاج . ثم نبدأ نقلبها ..! أنا أحتمال أذا حصل لي بكرا أبسوي الطريقه بكرا أو بعد العيد أذا سمحت لي الظروف .. وأبحط الصور بقسم المطبخ[/align] |
حور \ عادل شاكر لكما هذه المتابعه . . والنصائح القيمه . . : انا مشيت على مقادير حور . . وهذا اللي طلع معي . . : \ \ \ http://www.u06p.com/up/upfiles/1oB82599.jpg http://www.u06p.com/up/upfiles/S2f82600.jpg الحقيقه . . إني سعيد بهذه المرحله . . واشكر الجميع على تواجدهم من ناحية الشكل . . تمام << كأنه خبز خباز . . !!! لكن كأنه طلع [ عضل شوي ] وعلى طول ( يشسف ) >> مادري وشي ترجمتها ههههههه ولكن للمعلومية انا من قل الصبر . . ماخليتها تتخمر إلا نصف ساعه فقط !! ربما هذا السبب اللي يخليها ناشفه . . : تحياتي للجميع وشكرا لكم . . \ \ |
امي تسوي الخبز بالخبازه هذي
http://img687.imageshack.us/img687/3808/megnas2021.jpg مره يهبل لين وكل شي زين لا بعد تسوي امي حركات ماشاء الله عليه ياما حطت سكر ياما حطت جبن اللللللللللللللللللللله اشتهيته ص1 |
| الساعة الآن 04:11 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة