|
عجوز سمنسي (عامل نظافه) وعاشق (سواق)والبـــــــدر(مغسل سيارات)والبقية بالداخل!!!
ياجماعة ماودكم الواحد يضربها كبسه ويشرب لبن وينام الظهر وهو تعبان (أنواع الكوابيس والحلوم) وهذا ماحصل معي .
نمت ذيك النومه اللي يحبها قلبكم ويجيني ذاك الحلم وأحلم إننا صرنا دولة فقيرة مثل (النيجر وتشاد وبنجلاديش الخ...) وصار برميل البترول بريالين . المهم صرنا مثل الدول الفقيرة ندور على فيزه ونبي نسافر للهند وبنجلاديش وباكستان ونيبال وأندونيسيا وهالدول ذي صايرة بالحلم دول غنية . المهم ضاقت بي الدنيا وبعت كل ماأملك علشان أحصل فيزه لدخول بنجلاديش (بلد الحلم والثراء) وفعلا بعد جهد جهيد حصلت فيزه عن طريق (عجوز سمنسي ) اللي سابقني لبنجلاديش ويشتغل بمستوصف درجه ثالثه (عامل نظافه ) والعصر معه سيكل يدور بالحارات يقصقص شجر بيوت البنغاليين ....ماقصر سمنسي ضبط أموري وسافرت علشان أشتغل معه (عامل نظافه ) وفعلا وصلت بنجلاديش وتسلمت العمل والأمور تمام ..... سألت عجوز عن حبايبنا من أهل بريده ,,قال فيه مجموعه كبيرة يشتغلون هنا وفعلا تعرفت عليهم عند عجوز بغرفته البلكاش (تقل عشة حمام) وهضلوا الشله : البدر (معه سيكل وسطل وخرقه تمسيح) ويدوج بالشوارع يلقط رزقه (صراحة كسر خاطري) ...وشفت عشقشق هو الحضيض فينا يشتغل عند عائله بنجلاديشيه (سواق وينظف إذا صار فاضي) ....وشفت الخيالي يشتغل قصاب وماعنده محل يذبح تحت شجره . وشفت قلب ضب ويشتغل ببوفية مدرسه وينظف المدرسه من القراطيس والوسخ .....وشفت برق الوسم ويشتغل بمزرعه بنجلاديشي يسقي ويحرث وطبعا الحراثه اللي معه هي (بقره ) خخخ وشفت ماني مثل غيري (يعجبني مدوخ السلطات ببنجلاديش ) يشتغل بتمرير المكالمات وتزوير العمله ومطلوب بعدة قضايا أمنيه . والمفاجأه اللي شفتها إن عضوات بالمنتدى شفتهن يشتغلن شغالات ببنجلاديش ...طبعا تبي تقولون وشلون عرفت؟؟؟ أصلا المكتب اللي جابني لبنجلاديش إتصلوا فيني للحضور وياللمفاجأه أشوف عضوات المنتدى بالمكتب :اللي هاربه من كفيلها واللي زعلانين عليها وتترجاهم علشان مايسفرونها للسعوديه وطبعا عرفتهن بأسمائهن الرمزيه بالمنتدى وكسرن خاطري الصراحه .......مالكم بطوالته وغثى وغرابيل وشغل وكرف وكل واحد فينا معه ألبوم صور وإذا صار بالليل قعدنا نطالع بالصور ونشغل أغاني ( أنواع العواطف والوله على أهلنا ) .......ويوم صحوني من النوم ويوم شفت روحي بغرفة نومي وكل هالحلم خرطي قلت (الحمدلله على هالنعمه ) ....تتوقعون من شفت من العضوات ؟!؟!؟!؟!؟ تراي صادق شايفهن هناك بمكتب الإستقدام هع هع |
ههههههههههه
تكفى لاتتخيل مره ثانيه يابرمودا والله ينت دمار |
ههههههههههههههههههههه اندري عنك بسرعه قل من شفت >> تحمست خخ
الحمدلله على النعمه تخيلت اننا فعلا كذا الله يديم علينا النعمه |
فال الله ولا فالك..
الله يكفينا الشر ويديم علينا نعمة الامن..والامان ولا يواخذنا بسبب ذنوبنا وتقصيرنا.. طلبتك.. الله يخليك..لا عمرك تنام بعد الغدا والا تدري لاتنام ابد اختك/الامل الظامي |
خخخخخ يحليلك انت وحلمك
اجل بعد جهد جهيد اخت الفيزه ؟ كركركر:4_1_104[1 كمل بعد من شفت بمكتب الاستقدام جاياتن يشتغلت شغالات :4_16_1[1] <"* شكلك شايفن حلقة مسك وعنبر يوم يقلبون الناس فوقرا وحلمت به :for6: مشكور خيو على هالموضوع :f5: |
ههههههههههههههههههه
عاد عمال نظافه مره وحده؟؟؟ ولا ماني مثل غيري طلع راعي سوابق خخخخخخخخخخخ طيب مين العضوات والله فاقده كثار لايصيرن هن رايحات يترزقن الله خخخخخخ.. لكن مانقول الا الحمد لله على هالنعمة والله مايحس به الا فاقده.. تقبل مروري.. |
الحمد لله ع هالنعمة وعسى ربّي يديمها كبسة +لبن+نوم=كابوس بايعن أمّه:c7::c7: كمّل من شفت بعد؟؟عسى متجلجلات بالحلم هالعضوات.:d1:.<<<وحده ذابحه الغطاء:8[1]::c7: اقتباس:
|
سبحان الله
دايم اللي أشكالهم من خلقه الله مرعبه واللي يشوف وجهك مستحيل يتفائل تكون أحلامهم نفس المضمون ما قد أحلموا حلمن زين مير أشوى شوي أنا أزينكم بالحلم تصدق اعرف واحد هنا بالسعوديه مثل شغلتي يمرر مكالمات وبعد يبيع مثل حق ندااااوي أخر شيء << هذي عاد من عندي أقولك تاجر أبن الريح يقدر يشتري ثلاثه من نمونة سمنسي تدري أن فيزة سمنسي ضاربه بالسوق ماحد يشتريها تعال بس أشتغل مثل شغلتي وأنا أضمن لك حياة حلوو صح أنها ممنوعه بس وش نسوي (( القانون لايحمي المغفلين )) |
ههههههههههههههههههههههههههـ
الله يرجكـ انصح البدر لايحدحد بالعالم تكفى |
خخخخخخخ
برمودا تدري وش اتوقع اللي يبي يصير عجوز ما راح يكمل سنة لانة يبي يحمق بسرعة ولا تصلح لة الغربة اتوقع يرجع لديرتة ويشتغل مع الاخوان ( الهيئة ) عشقشق خفيف دم وراح يستمر كم سنة بعدين راح ينطرد لأنة اتوقع راح ينكت على كفيلة له يوم وكفيلة خسران خسارة كبيرة همن يقوم ويرطبة رطب و يحط الحرة به ثمن يسفرة لاهلة البدر هو ابخلكم اعرفة تشوفة ترحمة لكن هو العنكم ويروح يسوي صداقات مع شغالات الحارة ماني مثل غيري هو اكثر واحد يدخل فلوس بس مشكلتة انة راعي صرف يصرف كثير وراح ينمسك وهو يلعب قمار وكان معة القصاب الخيالي و يرجعون من شينهم بباص لديرتهم برق الوسم اتوقع كفيلة ينكبة ولا يشوف ولا ريال وراح يرجع مثل ما جاء يعني راحت غربتة ميييح قلب ضب والله عجزت اتخيل شكلة .. |
جايز حلمك هذا يتحقق في يوم من الأيام القادمة علينا جميعنا
يوم صار أكبر واحد في البيت إلى اصغر واحد يرافس ويكفخ الخدم ويكون الجزاء من جنس العمل وشكرا لك فقد امتعتنا بسردك الرائع |
هههههههههههههههههههههههههههههه
والله حلوو اشوى اني ماني قديمه علشان مايعرفتي>>>تدعي ربه مومنهن ههههههه اما الشباب ياانا مت من الضحك ماتدرون يمكن تحتدون وتروحون هههههههه خالص امنياتي |
ههههههههههههههههههههههههه
خخخخخخخخخخخخخخ وش هالحلم يابرمودا لاعاد تنام وانت شبعان بس عاد من شفت هناك من العضوات .. ابنحتهن عشان حصلن فيزه عمل .. بدوله غنيه مثل بنجلاديش <<ياربيه الله لايقوله اقتباس:
|
اقتباس:
|
اقتباس:
|
| الساعة الآن 12:07 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة