|
بعض البشرطبعه مقدر ومحشوم ..::.. وبعض البشرعيبٍ عليك احترامه واللي ستر عيبه عن الناس بهدوم ..::.. وش يستره لا صار عيبه كلامه |
حينما كنت في الخامسة عشر قرأت قصيدة لفهد عافت... مازالت بعض كلماتها ترن في ذهني منها: اضحكتني كلمتك وين الدليل عن هواي اللي تقول وتدعي الدليل الهم والجسم النحيل وارتجاف الصوت لاصرت معي وهذه قصيدة رائعة لفهد عافت فتنة الحفل ــــــــــــــــــــــــــــــــــ فتنـة الحفـل زيـدي مشيتـك بختـره ----- كل خطوة بروق وكـل نفحـه صهيـل باقـي بيـن عقلـي والجنـون شعـره----- اقطعيها ياشينه عاشـقٍ .. مـو هبيـل خلي الارض تاخذ شكـل غيـر الكـره ----- خلي النار تاخـذ رمـز غيـر الفتيـل من غدى الليل شعرك قلت انا بسهـره ----- ومن غدى الصبح وجهك قلت مالي مقيل ارقصـي بيـن حـد الذنـب والمغفـره ----- ارحلي في سكونك واسكني في الرحيـل ارجفي كنـك المـا.. فززتـه حجـره ----- واثبتـي كنـك الفضـه بعيـن البخيـل وانحني مثل غصن فـي طرفـه ثمـره ----- واوقفي مثـل فزعـات بـدوي اصيـل والفحـي علمينـا كيـف تقـدر مـره ----- تزرع الليل صبح .. وتزرع الصبح ليـل فـي عيونـك سـواد يستحيـل اخـره ----- كامن ٍفي بيـاض ٍ .. اولـه يستحيـل واحـد تخزريـن ومـا يجيـك خبـره ----- اشهد انه عزيـز واشهـد انـه ذليـل اتركي العقـد بيـن الجـد والغشمـره ----- يخبر الناس وش معنى جميل في جميـل كن في الصدر ظبـي عيوننـا تذعـرة -----ينتفض يذعـر الـي مذعرينـه قبيـل ومفرق الصدر حبـة العـرق تجهـرة ----- كن لك عقد در وعقـد مـن سلسبيـل بينهم حسـد ربـي بعـد مـا صـوره ----- عقـد وده يجـف وعقـد وده يسـيـل آآه ولا لمحـتـك مقبـلـه مـدبـره ----- شفـت مثلـي نحيـل زم حمـل ثقيـل دام ذا عجـز وش للنـاس بالمـقـدره ----- دام ذا خصر وش لـي بالخواتـم بديـل وسط ثوب ٍ خيوطه صمت فـي ثرثـره ----- به قليـل ٍ كثيـر.. وبـه كثيـر قليـل كل شـيء بجسمـك يفضحـه يستـره ----- فيه فتنه قصير وفيـه حشمـت طويـل كنـه المخطـي الـي يطلـب المعـذره ----- وكنه الدامح الزلـه عـن الـي يعيـل فـي ردونـه نقـوش لـه سنابـل ذره ----- الله اعلم لـو ان الريـح هبـت تميـل كل شـيء ونقيضـه فيـك بالمسطـره -----اقرب من النفس وابعد مـن المستحيـل كنـك الكـذب لكـن مـاحـد ينـكـره ----- وكنك الصدق لكن مافـي يدينـا دليـل باشت الغيـد زيـدي مشيتـك بختـره ----- لاجل اطاول بحرفي شامخـات النخيـل شاعـر تلمـس ايدينـك علـى دفتـره ----- تغرق في اوسط اوزانه بحـور الخليـل |
اقتباس:
جزء رسالة وصلتني بالخاص.. اشكر من ارسلها.. وأتمنى أن يكون كلامه اعجابا بالمدونة مع أني لست راضيا عنها ولم أعطها روحي لعدم تفرغي للنت بشكل كثير ويمكن الرسالة تقصد الخواطر القصيرة التي كتبتها فاقول ان البيتين في الرد 30 و 31 ليست من نظمي بل من النت وكذلك قصيدة فهد عافت .. أما بقية الخواطر.. فهي من كتابتي.. ولم انقل من مكان آخر ومستقبلا سأذكر ما أنقله باسم صاحبه حفظا لحقوقه.. أما (هــي).. ويا (بختها) ... فلعل من يقرأ حروفي هنا.. أو في مدونتي الخاصة (خارج المنتدى) سيعرف حتما من هي (هــي ...).؟؟ ومن الأعماق أشكر هذه الكلمات التي تشعرني بالفرح ولا شك مع ان ما اكتبه لايوازي عطاءات مبدعين ومبدعات كثر هنا مررت على اكثرها في مدوناتهم وفي واحة الحرف.. |
جمرة غضى .. أضمها بكفي أضمها حيل . . أبي الدفا .. لو تحترق كفي وأبي سفر لليل بردان أنا تكفى .. أبي احترق بدفا لعيونك التحنان .. فعيونك المنفى جيتك من الإعصار .. جفني المطر .. والنار جمرة غضى والله الجفا برد .. وقل الوفا برد والموعد المهجور ما ينبت الورد ياحبي المغرور .. ياللي دفاك اشعور رد القمر للنور .. واحلى العمر .. في وعد بردان .. بردان أنا تكفى.. أبي احترق بدفا يا أول الحب .. شفتك أنا مره واهديت لك قلب ورديت لي جمرة ومن يومها كان الرحيل وليل الشتا .. القاسي الطويل وآه يا الحنين لليل باب له حارسين برد وسحاب بدر بن عبدالمحسن |
جمرة غضى .. أضمها بكفي أضمها حيل . . أبي الدفا .. لو تحترق كفي وأبي سفر لليل بردان أنا تكفى .. أبي احترق بدفا لعيونك التحنان .. فعيونك المنفى جيتك من الإعصار .. جفني المطر .. والنار جمرة غضى والله الجفا برد .. وقل الوفا برد والموعد المهجور ما ينبت الورد ياحبي المغرور .. ياللي دفاك اشعور رد القمر للنور .. واحلى العمر .. في وعد بردان .. بردان أنا تكفى.. أبي احترق بدفا يا أول الحب .. شفتك أنا مره واهديت لك قلب ورديت لي جمرة ومن يومها كان الرحيل وليل الشتا .. القاسي الطويل وآه يا الحنين لليل باب له حارسين برد وسحاب |
شايفك.. بأحاسيسي... شايفك.. أحس بنسمة عبيرك.. وهمسة..شفايفك.. أحس.. بهواك.. وعالمك... وبقلبي... شايلك.. أحس.. بك بقرب روحي .. لروحك... وطيبة.. شمايلك.... أحسك أنا.... بردي ودفاي.. وشوقي... للقاك.. وضمة جوارحك... ايه... أنا ... والله اني شايفك... ليه..؟ بس العيون اللي تشوف..؟ لا... حبيبي.... عيون قلبي... تشوفك أكثر... وتشووف... جمايلك.... |
الحب... حبيبي.. لحظة دفا.. واحساس مايتنسى.. الحب... حياتي... يمكن يصير عمر.. ويمكن بس وقت الضحى... الحب ... عيوني.. شعور.. نشعره.. نتفسه.. نستنشقه.. أجل ليش... سموه.. الهوى...!!؟؟ الحب... رحلة سفر.. مهما تطوووول لك يوم ترجع للوطن.. بشوق وهنا تعشق ديرتك.. هي دنيتك... وش مايكون... ماتتنسى... حر.. ورمال متحركة.. وبرد أليم.. وأوضاع .. متفككة.. بس .. حبك للوطن.. مايتركه.. وهناك.. خضرة.. وربيع وحياة.. متمدنة.. كل الجمال.. اللي تبي... هناك تملكه.. وهناك حبيبي.... حب صغير.. حب يخطي مشيته.. وهنا... حب طويل.. يعيش.. وينمو .. العمر باكمله.. حبيبي... ليش السفر.. ؟ ليه نحب نغير الامكنه.. ؟ وانت... حبيبي... و..حتى أنا ... لك.. لحظة سفر... ممكنه.. |
وش اللي جرا... وش اللي صار...؟؟ وش غيرك.. يانور عيني..؟؟ فجأة.. ثواني.. قلبت في خاطري كل الأفكار... ياهل ترا... حياتي.. جرحها ثار... باسباب حرفي... وقدام... عيني... ياهل ترا... قلت الغلط.. بحق سيد .. الأخيار... ياليت .. منهو بعلته.. يجيني... فجأة... تغير مزاجه... تكدر... ثم... غار.. وخلاني وسط حيرتي... حزيني...!!!! |
لو كنت أعلم.. أني.. في وجنتيك... أغني.. ماكنت.. رحلت.. ولتسمرت مكاني.. يوما.. بل دهرا.. بل عمرا.. عشقا بك أغني... زارني طيفك المفتون.. زادني اشتعالا.. في التمني.. حلق بي ارتفاعا.. نحو عشقك الصداح .. أيها المجنون.. زدني..!! |
http://n4hr.com/up/uploads/a5abfe849c.gif ايه... من كل قلبي.. يابعد روحي.. أحبك.. أحبك.. مع الصبح.. وترنيمة الفي.. أحبك.. في مساي.. وحين يسطع الضي.. أحبك.. كثر ماهلت مزون.. وأمطر السماء شيء... ايه أحبك.. أقولها اليوم... وكل يوم... يانوارة... الحي.. في خفاقي لك... حب و وله.. وأشواق.. شوق البدو.. للمي.... و.... مهما.... أغيب... اسمع خفوقك .. يحاكيني.. يناديني... يسأل علي... |
http://www6.0zz0.com/2010/04/05/15/572481525.jpg تدري وش أفكر فيه..؟ إني أغيب.. وأطول في الرحيل.. مو أني ما أحبك.. ولا آله عليك... بس عشان أسمع شدوك الجميل.. |
http://qds84.jeeran.com/sadness.jpg أشغـلت ذهنــي .. وشتـت تفكيــري... يـاروح الــروح.. وش فيـــك...!؟ ياليتنـي أقـــدر.. امشي... صوبـك وأوافيـــــك... ياليتنـي أشيــلك... فــوق روحـــي... وأعليــــك... وأمـــــــد لك... قلب تعلق بك وهـــام بحنانيـك... يازيـــن.. ياراعــي الوفـــا... ياسامــي الـــذات.. مجنــون قلبــــك... يناديــــــــــك.... يارب.. يارحمـــــــان... الطف بغالي الروح.. بأسمائك.. ربـي.. أناجيــــــــك.... |
كلام في العالم الافتراضي.... http://www.buraydh.com/forum/showthread.php?p=4363679#post4363679 |
رن التلفون.. ومير على طوول تجي هنا وترفع السماعة.. وتسمع ذاك الصوت النسائي.. - الو.. ممكن أكلم عبودي...؟ التفت منال يمين.. يسار.. تدور اذا بجبنه بزر وهي مو شايفته...وعلى طول ركزت باللي بالهاتف.. وردت.. - عفوا.. مين عبودي..!!؟ ردت عليها اللي بالجهة الثانية... - أكيد انتي منال.... صح..؟ وأثاري اللي متصله تبي تكلم عبودي هي اخته الكبيرة اللي مسافرة مع زوجها للخارج.. ومنال توه ماكملت اسبوع مع بعلها اللي تزوجته وهي خابرة ان اسمه (عبدالله).. وماتوقعت ان عبدالله ذاك الدب.. والجسم المليان.. يمشي معه .. عبودي..!!؟؟ طبعا منال توه متزوجه من عبودي.. واللي هو يصير ولد عمة جيران خالتهم.. بالرضاع.. وطبعا يوم تزوجته جت امه وخواته لزيارتهم بالبيت.. وشافوها واعجبتهم.. بس منال ماتنسى يوم يجي يشوفها.. الشوفة الشرعية.. وبعدين عرفت منه بعد الزواج ان أبوها هو اللي لزم عليه عشان يجي يشوفها الشوفة الشرعية.. وأكيد ان موضوع الشوفة موضوع حساس كثير للبنات... وتقعد تحسب له ألف حساب وحساب.. وماتنسى منال يوم دخلت عليهم بالمجلس ومعها صينية فيها شاي وقهوة.. مع ان أمها اقترحت يحطون عصير بدل الشاي والقهوة.. خاصة انهم كانوا بعز لاب اللهاب بس اختهم الكبيرة قالت مايصلح.. هالحين يحسبنون طايحين على ولدهم.. يوم دخلت منال المجلس.. كانت عيونها على الارض.. وبغت تطيح بالطاولة اللي بالنص.. كانت مرعوووووبة حيل.... ومتخيلة العيون بتاكلها أكل... أول مادخلت.. سمعت صوت ابوها... - تعالي هنا.. تعالي هنا يابنيتي.. ومع الصوت... راحت وجلست بجنب الوالد.... وللحين عيونها للاررض.... وقلبها يررررررررجف ثانية.. ثانيتن.. دقيقة.. دقيقتين... خافت ان المجلس مابه الا هي وابوه... ومير تجيها ذيك القوة.. والشجاعة... وترفع عيونها... تبي تشوف فيه أحد والا لا...؟ وهي أول شوفة لعبودي.... طبعا أبوها رجال فاهم .. وعشان كذا .. قال عن اذنكم شوي.. مسكين توقع ان عبودي منحرج منه.. او ماطلع الاب... ايضا... دقيقة .. دقيقتين... وترفع عيونها... والا الباب الشباب مستنر عيونه... بزولية المجلس...!! وعشان تقطع الجو... وتلفت انتباهه... صبت فنجال قهوة.. وقالت : تفضل.. مد ايده لها.. ورفع عيونه... ويوم جت عيونه بعيونها.... مثل اللي صابه زلزال... أخذ الفنجال... وشرب منه رشفة رشفتين...ومنول ياحول تبي أحد يحتسي...!! ويبدو أن ابوها خاف عليها من كثر قرقة... عشان كذا مامرت خمس دقايق الا وهو داخلن عليهم.. ويوم شاف الامور ... ماهناش... بدا يسولف هو مع عبودي... - انت وين تشتغل ياولدي ياعبدالله.... - بالبلدية.. - من زمان وانت تشتغل هناك.. - ايه ... - وشلون الشغل.. عساك مرتاح فيه.. - الحمدلله.... - وانت وش متخرج منه..؟ - من الكلية...!!! مرت ربع ساعة من هالاجابات المختصرة... وطلع عبودي... ولبس نعاله... وعلى طوووووووووول للسيارة... أول ماوصل البيت.. كانت امه وخواته على اعصابهن.. وعلى طووووول - هاااااه... بشر .. وشلون العلوم..؟ - زينة...!! - يعني اعجبتك البنت... - ايه... - الف مبروووووك... والله يسعدك ياوليدي ويوفقك.. وعلى طول ترفع ام عبدالله السماعة وتكلم ام منال.. - ابشركم الولد جازت له بنتكم... وودنا نحدد معاد عشان ترتبون مع أبوه الباقي مازال في حكاية عبودي... بقية.. |
| الساعة الآن 09:07 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة