|
اتمنى عدم خروج الموضوع الى تصنيفات او تلميحات ينظر لها البعض بالاستفزاز
حتى لايتم حذف الموضوع او اغلاقه الموضوع واضح ومايحتاج كل هالكميه من التشعب الغير ايجابي شكرآ للجميع |
اسلوب مشوق اختي ديم ,,ذكريات حلوه
سبحان الله من قريت موضوعك قعدت اتعجب ,,يعني انتي قد تشعرين بالغربه وسط مجتمعك سواء الجامعه او الوظيفه وانا ايضا اشعر بالغربه في المدينه الي انا فيها خصوصآ اذا تكلمو عن عاداتهم وتقاليدهم اصبح مثل الاطرش بالزفه خخخ أخر سالفه كنت فيها مثل الأطرش أمس كانو يتكلمون عن أن المراءه عيب ترقص بالزواج على أسم زوجها ,,وتفتخر أنه ترقص على أسم ابيها أو اخيها ,,وأنا ما غير مطيره عيوني حنا ما عندنا ألا القوس قوسك وطقته,, تقبلي مداخلتي ياحلوه,, |
ديم
موضوعك حرك شهيتي للكتابة بعد صيام طويل عن الردود في مواضيع المجلس التي لم تستهويني هذه الأيام لعل كلماتك حركت الذكريات الجميلة أيام الطفولة ما أروع تلك الأيام وما أشد حنيني لها لم أرعي الأغنام فقد كنت أصغر من أن توكل لها تلك المهمة كنت استمتع بمنظرها بعد أن يعود بها أبي - رحمه الله قبيل الغروب تستقبله أمي بإبتسامتها الساحرة تحمل بين يديها الرائعتين أقداح لحلب تلك الأغنام أراقبها من بعيد بشغف فتناديني لأشاركها حلب تلك الشويهات أمسك بيدي الصغيرتين ذلك الضرع الممتليء فلا تقوي يدي على حلبه احاول ثانية .... فبدل أن أحلبه في الإناء أحلبه تجاه عيني فتضحك أمي وتأخذه لتكمل تلك المهمة ما أروع حياة الصحراء وما أصفى قلوب ساكنيها وما أشد ترابطهم الصحراء أضافت لساكنيها الكثير من القيم -الأخلاق- المباديء أشياء كثيره لايمكن حصرها بالمقابل ماذا أضافت المدينة لساكنيها ؟؟؟؟ شكرا لك ديم حركت المشاعر وا لشجون شكرا من الأعماق |
اقتباس:
رز :c7: |
اقتباس:
لا مخمليه روح مآآبي اخض اللبن ابروح للغدير مع ديــم عشان اشوف فارس القبيله خخخخ |
باقي الحليب، يا بنت الأجواد، كأنه غير موجود، ترا البدوا ما يستغنون عنه، أبد، |
ياديم يازينه البنات الحريم
ابك كلامك عسل ياحلو ذكرياتك احس فيهن الشيمه والعفه والطهر يوه يقطع بليسك ويسعد عريسك متعه ونكهه خاصه بالطيب الفواح والصدر المرتاح والوجه الوضاح قولى امين ربي يسعدك وبالمكان اللي تحبينه يسكنك ماجمل قحتك وبداوتك ونقاوتك تعبنا من المكاييج والمداويج والبهاريج |
أفضل شيء عملته صغيرا ورجعت اليه بعد كبري هو رعي الاغنام
حيث اشتريت قبل خمس سنوات قطيعا لابأس به من الغنم وكنت أستمتع برعيه فالرعي فيه روحانية العبادة ديم حياتك وتفصيلاتك الجانبية توحي بأنك شاعرة وتصلحي لأن تكوني قاصة ولو كان لدي قناة لسارعت باستقطابك مديرة حوار بس بدون اختلاط خخخ لك الشكر |
بعيدا عن العنصرية ..
في اي عصر انا اعيش .. هل هناك من يعيش .. في أمراح الغنم .. ورائحة دمن الأبل .. ذكريات البؤس والحرمان .. أين انتي من ترف الحياة ونعيمها .. أنثى ترعى الغنم .. وأخرى تعزف بشفتيها .. أحلى نغم .. لن اتخيلها واضعه.. حقيبتها على كتفها .. لابسه الجنز والشال بعنها .. العطر الفرنسي عبيرها .. والروج الفوشي بشفتيها .. ترقص الراب .. ويتطاير شعرها .. وتتعالى ضحكتها .. فيتفجر بركان انوثتها .. وتحمر وجنتيها .. فرحا بالحياة .. ليس كما تقول .. محبة الجنان .. ما أروع الصحراء .. بلا ماء أو كهرباء .. .. |
^^^
رغم أن مافيني جلاده على قرأة المواضيع والردود الطويلة بالكثير الخمس الأسطر الأولى بعدين تجيني زغلله وحول وأضيع بس رد المنطق ذكرني بقصيدة الشاعر / طلال السعيد الشهيرة : قالت بدو!! صدت قالت بدو وقالتها بقرف بنت الأكابر والترف متكبره متعاليه يعني بدوي يقعد طرف والمعنى دون المستوى ماحنا وياها سوى حنا بنظرها من نكون ريشه يطيرها الهوى بمفهومها حنا: عدد رقم ولا اكثر بعد يعني مجرد تكمله والا اهي اصل البلد قالت : بدو تعني صفر على الشمال هذا على احسن احتمال تصدر حكم ماتلتفت تحكم ولا تترك مجال قالت بدو متصورتني باستحي واترك مكاني وانتحي تفاجئت .. تغيرت .. تلعثمت ماتدري اني ابفتخر لي الفخر حنا بدو حنا عمى عين العدو حنا البداوه وضعنا واهل الوفا هم ربعنا حنا نتفاخر باصلنا يابنت هذا طبعنا ماهي بداوة تليفزيون والا مسلسل اردني بس بدوي بالمكرفون ولا هد سيفه ينثني ولا بدو بيت السدو حنا البدو حنا بداوتنا الاصل بالقمه حنا مو اقل حنا بداوتنا تراث من جيل الى جيل انتقل حنا معاني ساميه نروي السيوف الضاميه نرد المنايا ما نهاب لو هي سعاير حاميه حنا بدو حنا البداوة عيدنا ماناكل الى صيدنا مانعيش عالة مجتمع نموت مانمد ايدنا حنا بدو حنا البداوه بدمنا مانسمي احد عمنا حتى ولو منهو يكون لو هو زعل ماهمنا حنا البدو حنا البداوة عمرنا محداً بيصبر صبرنا لانها مصنع للرجال نمشي وتمشي بامرنا حنا البدو حنا البداوة اصلنا وحنا البداوة فصلنا حنا بدو متماسكين وهذي نتيجه وصلنا يابنت يالي تضحكين قلتي بدوي تستهزئين غرك لباسك الاجنبي المشكله ماتعرفين ان البدو اصل العرب تبغين هالكلمه طرب صارت نشب ياانسة .. ياعانسة .. ياضايعه ومستانسة ياتارسه وجهك صبغ ياتارسه عينك شدو حنا البدو ولو كان قلتيها بقرف لنا الشرف انا بدو حنا البدو حنا بداوتنا شيم دين وقيم طيب وظفر معنى كبير ما اظن مثلك يعرفه لو تدعين المعرفه شيء عسير ما اظن مثلك ياصله صعبه ولاهي حاصله كلمه بدو تعني التمسك بالجذور ماهو التخلف والجهل ولا بعد حب الظهور ولا التنكر للاهل كلمه بدو تعني الشمم فعل وكرم مبدى حضارات الامم حنا القمم نار على راس العلم يشهد لنا سيف وقلم وان كان ماعندك خبر لنا الفخر لو عشنا ببيوت شعر عيشت الم عيشت فقر عيشه تعلمنا الصبر مانقترض لاجل السفر ونحسب ايام الشهر مانفترض ونعيش واقعنا بحذر وبالضيق نرخص بالعمر نشرب من الماي الهماج ونكحل نواظرنا بعجاج وغسيلنا حفنه رمل اهي الدواء واهي العلاج عيشت رضى ماهي نكد مافيها تعقيد ابد ساعات مافيها ذرى يكفي نتلحف بالنجوم وفراشنا رمل الثرى وسراجنا نور القمر لامن ظهر ونام من عقب العشاء ونصحى قبل وقت الفجر نؤمن بقضانا والقدر ماهو كسل ولا نعيش ابلا امل نملك طموح علم وامل ونرعى الابل ونرعى الغنم ونعزف من الونه نغم ونتابع اخبار المطر وندور الروض الخضر ونسرى ورى برق سرى ولا نتراجع للوراى نبحث عن المرعى العشيب ومن شعيب الى شعيب مانستقر عنوانا كل الديار تجوالنا ليل ونهار نعيش عيشه هاديه وهذي حياة الباديه سنه الربيع سنه الدهر ورغم الفقر نخاف من قوله افا ونتعب على قول نعم ونعيش عالين الهمم من فضل ربي مانخون نرعى الذمم ونركض ونتعب ما نمل محنا مثلك لا شغل ولا عمل ماغير بس اكل ونوم ومن الشحم ضاقت عباتك والهدوم يااسمن انواع الحريم ياعايشه على الرجيم ياانسة .. ياعانسة .. ياضايعة ومستانسة ياتارسه وجهك صبغ ياتارسه عينك شدو حنا البدو يالي تقولين بدوي انا بدوي ولي الفخر اني بدوي عزمي قوي مااخون ماابوق الخوي يبدا نهاري بالصلاه واصارع امواج الحياه ماضاقت الدنيا ابد ولاني من اصحاب الحسد ارفع ايديني للسماء واطلب من الله واستخير ماقول يمكن ربما ولا يصير ولا مايصير محافظ على الخمس الفروض واضح ولا احب الغموض ولا اتلون والتوي لاني بدوي متمسك باصالتي ولا اغير لهجتي انا بدوي في فزعتي وفي قومتي وبقعدتي وفي مشيتي وبجلستي وفي كلمتي وبنخوتي حتى عقالي ولبستي ولو قلتي عني فوضوي ما ضرني بالحيل يابنت بدوي ويسرني اعرف من انتي .. ومن انا والفرق واضح بيننا تدرين وادري من اكون ويكفينا نعرف بعضنا انتي مثل عمر الزهور ومالك عمر مالك سنين شهرين ويجيك الجفاف وتذبلين وتصبح الوانك باهته وانا جذوري ثابته ماخذ من الصحراء الهدوء وان كان هذا يسعدك حطي على راسك يدك هالمره لاقلتي بدو ياتارسه وجهك صبغ |
اييييييييييييييه ياديم هيضتين وطيرتي النوم من عيني ..
ياليتني كنت راعياً غنما، في البر أقضي الحياة منفردا |
8888
من أجل عيون البدو أنا اشهد ان البدو.. حلوين حلوين .. وخفة الدم زودتهم حلاوه .. عشرتهم الحلوه .. على الراس والعين .. محلى مرابعهم .. وتلك الطراوه .. البدو فيهم كامل .. الملح والزين .. زادت غلاوتهم .. في قلبي غلاوه .. يوم تذكرت .. يوم كنا مقيمين .. البدو للطيب .. والشهامه عناوين .. والزين حطه الله .. فيهم نقاوه.. |
^^^
المنطق على هالشعر مدري نظم عادي مروقه ماشاء الله بس للمعلومه ماني من البدو ولو كنت لكان لي الشرف ودمتي ،، |
اقتباس:
ياحليلك ياديم ياعيون من يرجيك والله يخليك لهم وعلى فكره انا مااستهزي لان الاستهزاء بشخاص ولا شخص معين من صفات الجاهلين . ديم يابنت ابوك ترفقي وانت ماسكه السريع من اجل سلامتك وسلامة الاخرين شيخ العرب يعني امير القبيله وكل قبيله بنجد لها امير رسالتي لك للتذكير تبين اعلمك بشيوخ القبايل ولا تعرفينهم بصفتك بدويه قحه هههههههههههه . |
اقتباس:
ما أجمل ان يبتسم الأنسان .. حين يعتقد الأخرون أنه يبكي .. ديم تعيش في عالم الخيال .. تدون الذكريات .. ك أنها واقع .. بل هي تداوي الجراح .. ك اشياء جميله ومثيره .. |
| الساعة الآن 01:43 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة