عضوة من أعضاء المنتدى اللي أنا فيه مركزة على مواضيعي

[السعودي]

http://www.arabiyat.com/forums/images/smilies/Untitled-1.gif http://ali954.jeeran.com/slam.gif http://www.arabiyat.com/forums/images/smilies/taheyatayeba.gif
القصة طويلة يا أحبابي .... وملخصها أن هناك فيه عضوة من أعضاء المنتدى اللي أنا فيه مركزة على مواضيعي وترد عليها.. وكانت ردودها ردود إعجاب شديد... لدرجة إنها صارت تدور مواضيعي كلها وترد عليها... حتى لو كانت قديمة.....

أنا جاني الغرور وبديت أشوف نفسي... إيه من قدي صار لي معجبات...
صرت أجلس على الإنترنت أكثر من جلستي مع أي شخص ثاني...

حتى إذا طلعت مع أخوياي ماأطول معهم وعلى طول أرجع للبيت وأجلس على الأنترنت وأبدأ بالأفكار والكتابة والتأليف كل هذا عشان المعجبين مايفقدون حسي في المنتدى.... يعني الغرور كان واصل حده عندي...

وفي يوم من الأيام كنت طالع للمقهى مع أخوياي وذاك اليوم كعادتي في الفترة الأخيرة مااطول معهم رجعت ذيك الليلة بدري يعني حوالي الساعة 12 بالليل...( حنا يالشباب الفاضي 12بالليل . يعتبر أول الليل عندنا )...

المهم وأنا راجع وقاعد أسولف مع نفسي وأهيجن وموسع الصدر على الآخر...
ويوم دخلت شارع حارتنا الرئيسي..وكان كالعادة في مثل هالأوقات فاضي تقريبا....

وفجأة...

لقيت وحده لحالها بالشارع وتأشر...

أنا حسبتها تأشر لليموزين وراي ... بس يوم طالعت مع المراية ماوراي سيارات...
قلت في نفسي ... وش عندها ذي...ووش قصتها..... خلني أخذ فرة ثانيه الشارع وأشوف وش السالفة...

اخذت لي فرة وفرتين وثلاث.... وكانت كل مامرت سيارة أشرت لها... ومحد يوقف لها...

أنا قلت أبوقف لها.. بس خفت تكون رجال من ذا اللي يقطعون الطريق ويكون لابس عباية يعني مسوي تمويه ولا شي....

قلت أبجهز العجرا وامسكها بيدي وأوقف وأن شفت شي مريب نزلت عليه وجلدته بذا العجرا....

وفعلا وقفت....

قلت : نعم وش عندك تأشرين؟..

قالت: لو سمحت يااخوي أبيك توصلني للبيت....

أنا : ومتى المعرفة عشان أوصلك لبيتكم..

هي : أجل وشوله واقف لي....

أنا : أنا واقف أبشوف وش سالفتك... يعني بنت تالي الليل وفي شارع فاضي .. وش القصة..؟..

هي : ومو معنى هالشي إني أكون من اللي في بالك... أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو ؟؟؟؟؟؟؟؟؟؟





























ــ وبذلك يكون انتهى الجزء الأول من القصة ..... ولنا لقاء متجدد في يوم غـد لاستكمال أحــداث االقصة http://rwasn.jeeran.com/photo/rw3sn74.gif

[وائل]

متردد أشارك معاك



أخاف تكتب موضوع ثاني وتقول فيه عضو بالمنتدى


اللي أنا اشارك فيه يتابع موضوعاتي ،،




تدري بعترف سجلني في قائمة المعجبين فيك



وكذا في سجل محبيك


الحين بيصيب ابو ابراهيم الغرور



<< لازال فاهم انك انت صاحب القصة





ننتظر الجزء الثاني ..


قصدي أنتظر الجزء الثاني

[السعودي]

تسلم أخــي وائل ..... تحملني شوي .... فــهذا عنصر من عناصر التشويق لما يقرأ أو يكتب ..... وهو مفيد جــداً في العملية التربوية ....

ــ وأنا بإستطاعتي تكميل القصة الآن ..... ولكن هــذا نوع من التخفيف وجلب اهتمام القارىء .... فإسلوب الكتابة السردية وبدون فواصل يكون أحياناً ممل بالرغم من القيمة الغذائية للقصة أو المادة المكتوبة .... فـهـذا الاسلوب ناجح حتى مع الطلاب ... وهو مساعدة لحب التلاميذ لمعلمهم والحرص على الانضباط داخل الحصة فأحياناً هـذا الأسلوب يفعل بالطلاب فعل السحر فتجدهم كأن على رؤوسهم الطير .... وممكن أحياناً يكون اسلوب عقابي ... كأن تحرمهم اليوم من تكملة القصة بسبب عدم حفظ جدول الضرب هـذا اليوم ... أو تخلف فلان وفلان عن آداء الواجب ..... الكلام كثير وهــذا ليس مجاله

[عاشق التحدي]

أبو ابراهيم شوقتنا والله .

أسلوب رائع وجذب جميل للقارئ .

[شبية الريح]

العزيز السعودي

بصراحه الله يعينى واصير مثلك في تشوقي

على النت والحرص عليه ودى اسمع الجزء الثانى

اسلوب جدا رائع ومشوق وكل من يقرأه لابد ان

يحرص على تكملته

تحياتى لك ونورت منتدى السوالف وياليتك دائما

معنا ولاتبخل علينا بطلاتك


:for6: :for12:

[عبداللطيف]

أغترت بمواضيعك كثير بس

لو تشوف وجهك كان يتغر تفكره"متأكد من ذالك"






























الحين
أبو أبراهيم أعيون طالعه:for7:

منقهر حمق علي:for9:

بس وده يكسر راسي:c6:















معليش أبو أبراهيم ترانا في منتدى السوالف والطرائف

[وائل]

القاص الكريم



أرجو ألا تقتلك برودة التفاعل فتتجاهل الحضور المتشوق


لأجزاء القصة الرائعة ...


ننتظرك إستاذنا أبوابراهيم

[خزامى نجـد]

السلام عليكم

أخي السعودي : بصراحه قصتك مشوقه جدا ..

وأنا تفاعلت " قوه " معها لدرجة إني حطيت لك خمسة توقعات عن هوية المعجبه ؟؟؟!!!!

بس بصراحه ما ودي أخرب القصه ...

بانتظار " بقية القصه "


تحياتي

[بروق نجد]

والله ياانت فلته مواهب بكل منتدى مشارك (يسمع بالسجع)

ياهب (واحد نحوت )
ماشاء الله لاقوة الابالله عليك يالغالي ابو ابراهيم
تكفى لاتأخر علينا بالجزء الثاني والله يعطيك مليون عافية

[رايق]

قصة جميلة أخوي السعودي



منتظرين الجزء الثاني



بس أشوف بعض الأعضاء معتقدين إن القصة تخصك أنت :confused: :confused:



تحياتي لك

[شقرديه]

سجلني انا رقم ثنين من متابعين مواضيعك بعد وائل

ونترحي باقي القصه


وش صارت الحرمه اللي لقيتها بالشارع وديتها والا لا؟؟ وش سوت بعد ما صرخت؟؟ شكلك توقهت ولا حد سما عليك مع هالجنيه اللي في الشارع تالي الليل


بس يا ويلك ان صار حلم

[الأمّوره]

ولتأخر السعودي بإكمال القصه >>>> سأضع له مهلة حتى مساء هــذا اليوم .... وإلا سوف أكمل القصة بنفسي لسابق علم لي بهذه القصة

[السعودي]

يــا ولد ... أمكن عـمـرك ... الأمورة تهدد .... فالله يستر

ــ فبعد إذنكم جميعاً .... سأكمل الجزء الثاني من القصة .... مع الاعتذار المفهوم إن شاء الله لأختي الأمورة .... يركدون .... يركدون ... واللبيب بالإشارة يفهم !!

وهــذي هـدية لمحبي ركوب الخيل
http://www.nawafith.net/phpBB/images/avatars/d5b5b35f3db30aa36987a.gif

[السعودي]

http://www.arabiyat.com/forums/images/smilies/Untitled-1.gif http://ali954.jeeran.com/slam.gif http://www.arabiyat.com/forums/images/smilies/taheyatayeba.gif
عودة جديدة لإستكمال القصة في جزئها الثاني


وقفنا عندما قالت البنت : أنا كنت راكبة مع ليموزين.. وبدأ يتحرش فيني وأنا بديت أزاعق واصارخ وهو خاف ووقفني هنا....

أنا : لاحوووووول ولاقوة إلا بالله... طيب طيب ...بيتكم وينه فيه؟....

هي : قريب ...يعني تقريبا ثلاث كيلوات من هنا....

أنا : طيب .. يالله أركبي خل نوصلك نكسب فيك أجر....



جت تبي تركب ورا وقلت لها : لا تعالي قداااام ... رفضت ..... قلت لها : ركوبك ورا يجيب لي الشبهة تعالي قدااام ومايكون إلا كل خير...

وفعلا ركبت قداام.... وأول ماركبت ..

قلت : إسمعي يابنت الناس... أنا مابعد تأكدت أنك بنت.. أنا اخاف أنك من قطاعين الطرق واللي يتقنون أصوات الحريم.. وعشان كذا ماخليتك تركبين ورا... أخاف وأنا أسوق تجيني من ورا غدر وتسوي فيني شي...

ردت علي وقالت : والله بنت ... وماني من ذا اللي تقول عنهم...صدقني..

قلت : إكشفي لي وجهك..

قالت: ( وبسرعة) مستحيل...

قلت : أجل إنزلي...

قالت: تكفى ياخوي أنا ماصدقت اني القى أحد يوصلني أرجوك لاتخليني في ذا الشارع المظلم لحالي...

قلت : أن لازم أتأكد أنك بنت..

قالت : والله بنت.. وأرجوك لاتستغل الموقف...

قلت : هذا حقي ... انا ماقلت أبسوي معك شي حرااام لاقدر الله.... أنا أبي أريح نفسي بس....

قالت: أنا وكلت رب العالمين في أمري....

وكشفت نصف وجهها.. وشفت دموع تسيل من عينها....

أستغربت... بس جمعت قواي وسحبت لثامها كله... وشفت شي عجيب.....

شفت وجهها ..... شفت الحسن كله....شفت الجمال... سبحان الله صورها....وشفت دموع تسيل على خدها..... كانت تبكي بدون صوت... حتى مارفعت عينها بعيني......

غطيت وجهها وصديت.. ومسكت طريقي ومشيت فيه....

كان تفكيري يلعب فيني شمال ويمين...
هي وش طلعها من ليموزين تالي الليل..وش سالفتها... ياولد لاتكون من بنات الليل ....وقاعدة تمثل عليك....أطلع بها ... اطلع بها محد داري عنك....
وبدأ إبليس يشاركني تفكيري....

بس كنت كلما تذكرت كلمتها ( وكلت رب العاملين في أمري ).... وكل ماتذكرت دموعها... أستغفر الله وأرجع عن الأفكار السوداء....

وبعد وقت قصير وصلتها لبيتهم ... ونزلت بسرعة أختفت ورا الجدران... وأنا قاعد أتابعها...وأفكر في هالبنت العجيبة... ووش قصتها ....

ومادريت إلا وأبوها ينزلني من السيارة غصب ... ويجلد فيني جلد... ومافكني منه إلا البنت...يوم حلفت له إني مالمستها بشر.....

الأب وقف وهو مازال ماسكني ... وطالعني وقال : تنام هنا... وبكرة نروح للمستشفى ونتأكد من كل شي...فااهم..




















ــ وبذلك يكون انتهى الجزء الثاني من القصة ..... ولنا لقاء متجدد في يوم غـد لاستكمال أحــداث االقصة http://rwasn.jeeran.com/photo/rw3sn74.gif

[رمـــ نجد ــايل]

الله يهديك بس على هذا الإستفزاز كمل وريحنا

[السعودي]

http://www.arabiyat.com/forums/images/smilies/Untitled-1.gif http://ali954.jeeran.com/slam.gif http://www.arabiyat.com/forums/images/smilies/taheyatayeba.gif
نرجـع من جديد لنضع اللمسة الأخيرة لأحـداث القصة

أيـــه ..... وقفنا عندما عندما طلب مني أب الفتاة أن انام عندهم ... وبكرة نروح للمستشفى ونتأكد من كل شي...فااهم..

وافقت مضطر يعني واحد في نفس موقفي وش يبي يسوي...

واتصلت على أهلى وقلت لهم إني أبنام عند صديقي محمد اللي ساكن لحاله لأنه مريض وابغى أشوف طلباته....

والله ويدخلني أبوها للمجلس..ويقفل علي الباب....

نمت عندهم وأنا عيوني مفتوحة...أفكر في هالورطة اللي ورطت نفسي فيها بدون داعي....البنت أنا وش دخلني فيها أروح أوصلها كان خليتها ويرزقها رب العالمين من يوصلها...

كنت خايف ويزداد خوفي إذا سمعت خطوات أبوها وهو قاعد يمشي عند الباب رايح جاي......

وأصبح الصبح...وقبل كل شي... نقزنا للمستشفى...وسوينا التحاليل للبنت والفحوصات وكل شي...

والحمد لله طلعت البنت شريفة وأنها مازالت بكر... هالشي خلاني أشيل فكرة أنها من بنات الليل نهائيا عن بالي....

وحنا طالعين من المستشفى ...

قال لي أبوها.. ياوليدي أنا اسف ... بس العذر والسموحة يعني واحد موقفه مثل موقفي ...يعني يطلع للحوش الساعه 1 الفجر ويلقى بنته تدخل عليه البيت... وواحد غريب هو اللي موصلها.. وش تبغا يكون تصرفي غير هذا....

قلت : ياعم .. أنا ماشرهت عليك... ومن حقك كل اللي سويته.. وتتطمن على بنتكم المصون...

قال : ياوليدي أنا أبسألك سؤال؟.

قلت : تفضل .

قال : أنت متزوج؟؟..

قلت : خلني أخلص دارستي واتوظف وبعدين أفكر بالزاوج..يا عم أنت عارف أن هالزمن صعب...

قال : الله يستر عليك زي ماسترت على بنتي... ويوفقك لبنت الحلال اللي تسعدك ان شاء الله....

قلت : اللهم أمين... أنا أبمشي اللحين توصيني على شي..

قال : سلامتك ياوليدي والله يحفظك.... وانا اسف مرة ثانية


تركتهم ومشيت.... ورجعت لبيتنا...
والخوف و الروعة مازالت في قمتها..لدرجة أني ماطلعت من البيت أسبوع... إلا ما طلعت حتى من غرفتي....

وبعد هالأسبوع بديت على شوي شوي أطلع على خفيف.. ورجعت للأنترنت مرة ثانيه ..وتذكرت المعجبين.... إيه اللي يدورون مواضيعي.... واروح أشوف وش صار على المنتدى وعلى مواضيعي.... ويوم دخلت المنتدى ...لقيت موجود رساله خاصة.... قلت أشوف منهي منه...

لقيتها من العضوة اللي دايم ترد على مواضيعي بأعجاب... وكانت تطلب في الرسالة... أن عندها قصة وتبغاني أكتبها بأسلوبي لأنه زي ماتقول معجبها الأسلوب...

أنا ارسلت لها وقلت هاتي القصه ونشوف وش نقدر نسوي....

المهم رجعت للمنتدى وقعدت أتصفحه ... كنت مشتاق له حيل....

وبعد نص ساعه لقيت .... انه يوجد عندي رساله خاصة توها تجي .... فتحت الرسالة.. ولقيتها من نفس العضوة.. وترد على رسالتي.... وكاتبة القصة... قعدت أقرأ بطريقة الكبار يعني أدقق عند كل حرف واوقف عند كل كلمة...

بس...... هذي هي نفس قصتي.... إيه قصتي مع البنت اللي لقيتها بالشارع....

وش الكلام هذا.....

وشلون.... معقوله تكون هي نفسها البنت..... لالا ما أظن.. إذا أنا وأنا رجال... قعدت منهار أسبوع كامل... وشلون حالتها هي....

فكرت كثير .. وقررت إني أعرف منهي ذا العضوة...

ارسلت لها وطلبت انها تسوي اضافه بالماسنجر عندها عشان أناقشها على القصة





وفعلا بعد يومين لقيت إضافه بالماسنجر..

((@HOTMAIL.COM------ ) .... عبق الزهور يرغب بالتحدث إليك)....

قبلت الإضافة.... وجلست أنتظرها... وفعلا بعد ثلاث ساعات لقيتها داخلة الماسنجر...ودار بيننا الحوار التالي:

سلطان :
السلام عليكم...

عبق الزهور :
وعليكم السلام

سلطان :
يالله حيها ... كيف الحال ... وش الأخبار.. بشرينا عنك...

عبق الزهور :
بخير..

عبق :
ممكن تقولي إيش سويت بالقصة لو سمحت؟؟..

سلطان :
أنا ودي أسألك سؤال إذا ممكن؟..

عبق الزهور :
بس أنت ماجاوبت على سؤالي؟؟...

سلطان :
القصة غريبة شوي... وما أتوقع انها ممكن تكون حقيقية زي ماقلتي لي بالرسالة الخاصة..

عبق الزهور :
لأ... لا والله حقيقية وصايرة مع صديقتي...

سلطان :
صديقتك...؟؟؟... ممكن أعرف أسمها ؟؟...

عبق الزهور :
نعم؟؟... أنت وش خصك بالإسم ... صحيح إنك تجيد فن القصص بس الأسماء مالها علاقة بالموضوع...

سلطان :
أنتي تعرفين اللي وصلها لبيتهم من يكون....

عبق الزهور :
لأ.. طبعا لأنه وصل صديقتي ماوصلني أنا و مو من طبعي الإلحاح مثل الغير...

سلطان :
عموما أنا أبقولك من اللي وصلها... مادام أنا اجيد فن القصص... ترا أنا أجيد فن التوقعات..

عبق الزهور :
طيب خل نشوف يابديع زمانك.. من هو..

سلطان :
أنا..

عبق الزهور :
؟؟؟؟؟ إيش تقصد ؟؟؟؟ ...

سلطان :
أنا اللي وصلتها... وعندي الدليل...

عبق الزهور :
الدليل ؟؟؟..

سلطان :
إيه الدليل اللي يثبت أنه أنا نفس الشخص... أنا مستعد أذكر لك أشياء... صارت في نفس الليلة ومااحد غريب ممكن يعرفها غير نفس الشخص اللي وصلها...

عبق الزهور :
مثل؟؟؟؟؟..

سلطان :
وش كانت شنطتها ووصف ووجهها ... ولون ثوبها..... ووأوصف لك أبوها بعد لوتبين..

عبق الزهور :
طيب يالله قول أوصف خلني اشوف...

سلطان :
أنتي وش يهمك طيب؟...

عبق الزهور :
أنت اللي طلبت مو أنا ؟؟؟...

سلطان :
إيه صح ....






وبديت أوصف لها كل شي ... واثبت لها اني أنا نفس الشخص اللي وصل صديقتها...

عبق الزهور :
فعلا أنت صادق بكل اللي قلته...

سلطان :
شفتي أنه أنا نفس الشخص اللي وصل صديقتك...

عبق الزهور :
أنت تدري مين البنت؟؟؟...

سلطان :
كل اللي أعرفه انها صديقتك...

عبق الزهور :
أنا... هي نفس البنت...

سلطان :
معقولة؟؟؟؟....

( تعذر تسليم الرسالة لكافة المستخدمين
سلطان:
معقولة؟؟؟؟؟؟.)

وانتهت ذيك المحادثة وأنا ماخذت جواب شافي... وكنت مستغرب كيف الأقدار تجمع بيننا بعد ماظنيت أني خلاص أنتهيت من سالفتها...

قررت أني أجلس لها واقعد أنتظرها في كل الأوقات لين ألقاها....

وجاء يوم ودخلت وكلمتها.... وسألتها


سلطان :
ممكن سؤال ؟

عبق الزهور :
تفضل...

سلطان :
أنا أبغى أفهم أنتي وش طلعك ذيك الليلة وخلاك تركبين مع ليموزين ... انا ترا من ذيك الأيام وأنا أفكر في هالشيء....

عبق الزهور :
إسمع سلطان .. أنا أمنتك على نفسي وركبت معك توصلني...وأظن لو قلت لك على سري ماراح تتكلم عني فيه عند الناس.. وخصوصا... إنك حتى البيت تعرفه..

سلطان :
وأنا ان شاء الله أبكون عند حسن ظنك...

عبق الزهور :
أنا كنت عند نايمة عند خالتي ...لأنه بنت خالتي في نفس عمري.... وفي الليل سمعت زوج خالتي قاعد يصارخ على خالتي... وبدأ يتكلم كلام جرحني... يقول أننا ماتحملنا بناتنا عشان نتحمل بنات العالم... ومن هذا الكلام اللي يجرح....وخالتي مسكينه تحاول تسكته وهو يصارخ بصوت أعلى ...

أنا ماقدرت اتحمل أني قاعدة في بيته وهو مايبغاني أجلس فيه... حسيت إني أنجرحت بكلامه.. ومالقيت نفسي إلا برا البيت...

سلطان :
إيه بس انتي بنت ومايصير تطلعين لحالك في وقت متأخر....

عبق الزهور :
وقتها ماقدرت أفكر... لاتلومني... حس فيني الله يخليك...

سلطان :
انا ماأدري وش أقولك بس الأيام راح تبين لك هل اللي سويتيه صح ولا خطأ...


أخيرا عرفت السبب اللي خلاها تطلع تالي الليل.. وكان بالنسبة لي كافي ومقنع ماادري ليش....

ومع مرور الأيام بديت أحس بقرب لها..... وبديت احس انها لي .... وبديت أحس أن رب العالمين أرسلها لي ذيك الليلة... ووخلاها بطريقي عشان أعرفها... وتكون من نصيبي...

وصارحتها بهالشي.... وكان عندها نفس الإحساس والشعور...

وعشنا مع بعض ايام كلها حب وسعادة... وماكن ينغص علينا شي أبد ... أصلا ماكنا نسمح لشي يخرب علينا جونا اللي معيشين نفسنا فيه....

ولكن.. كان القدر اقوى مننا...
ومارست الأيام جبروتها علينا.....

وفرقت بيننا.. إيه فرقت .... تقدم لخطبتها شاب من هالشباب... هي ماكانت تبغاه..بس ابوها كان خايف عليها لأن العمر يمشي وهي مابعد تزوجت...

وفعلا تزوجت بعدها بشهور... وانا متضايق ومقهوور....

بس جاء الخبر اللي أسعدني وضايقني بنفس الوقت.....


وعلى طول وبعد ماانتهت عدة لأربعة شهور عشرة ايام .. تقدمت لها وطلبتها ووافقوا.... وعشنا حياتنا من جديد حياة سعيدة بديناها حب وأنتهت قصة الحب بزاوج... وخالفنا القاعدة... وأثبتنا للكل أنه ممكن للحب ان يعيش إذا خالط الحب صدق...




























ــ وبذلك أكــون انهيت القصة ..... صه محزنه وحلووووووه
كنت اتصفح أحد المنتديات واعجبتني هذي القصه وحبيتكم تقرونها معي واللي يبي يرجع لها تلقونها في منتدى سوالف كويت نت.
http://rwasn.jeeran.com/photo/rw3sn74.gif

[وائل]

روعة ابو ابراهيم


قصة مثيره وجميلة


أشعر أنها حقيقية مع التبهير


وأنها حدثت في مدينة صغيرة

كنت أبصم أنك لست أنت بطل القصة


أصلا مافيه أحد معجب فيك







إلا رجال من الرجاجيل يسمونه وائل خخخخخخ



لدي أربع قصص واقعية مثيرة جدا جرت أحداثها لبريداويين


واللة تبتل تقول مثيره ..


كنت أفكر بصياغتها ، ويراودني الخوف من هتك الخصوصية

وزاد خوفي من عدم صبر القراء في انتظار أجزاء قصتك



تحياتي لك

[جلوي العتيبي]

كمل يابو ابراهيم


اصعب شيء الانتظار والا وش رايك

[السعودي]

الزعيم .... وت إز يـور نيم

ــ حبيبي القصة أنهينها .... يبدو أنك لم تنتبه ...أن الموضوع عبارة عن صفحتين

ــ تحياتي لأبي شهد

[خـــــــــــــــالـــــــــد]

ابو ابراهيم

السعودي متعدد المواهب <<<<<<<<<<<<ورطه بيقول هذا يتابع مواضيعي حتى القديم امس راد على موضوع التجربه واليوم يحرث بالقديم

اقول وانا اخوك قصه محبوكه

وتشد القاري صدق متعدد المواهب ماشاء الله عليك

وخل اعلمكم وشلون طحت بهالموضوع واثبت برائتي من تهمه ممكن يوجهها النجده لنا


بس


بشرط






=




=






=


تكفى يا ابو ابراهيم


=
=



= شف لنا حل بخاصيه البحث

لاني نادر ما اكتب موضوع للبحث ويطلع لي اللي ابي

والدليل هالقصه طلعت لي وانا ادور على موضوع قديم لي بالطرائف

يا اما يقول تعذر البحث والا يعطين عنوان بعيييييييييييييييد كل البعد عما طلبت

[شقرديه]

لله يجزاك خير يا خالد


تدري ليه

لاني قريت اول جزئين من القصة

همين ضاعت

انهد حيلي وانا ادورها ما لقيتها

قلت اطلب الرابط من السعودي بس يوم فكرت قلت هو فاضي بس يدور الرابط يبي يقول ذا العجازه وراها هي ما تدوره


المهم صار اكثر من شهر وانا افكر بهالبنت وش صار عليها

واخيرن انتهت القصه

من الحماس نبت فيني نخله بس ما خرفوها هلي

يقولون ما فيك نفع لو ينبت فيك سكريه تصير مالغة بلا طعم

تحياتي للجميع وانتبهو للتاء