صرااخ وضجيج [الأرشيف]

زمن الغرباء

17-05-11, 07:29 am

صباحكم رضى وعافية //

العوايل ينقسمون لقسمين

القسم الاول
الهادين اللي ماتسمع لهم الا همسا
اصواتهم خاافتة وكل شي يزعجهم
الاصوات العالية واصوات الاطفال !
وحدث ولا حرج عن معاناة المعلمين والمعلمات من اصواتهم اذا قاموا يجاوبون
واجسامهم ومشاعرهم حساسة وبسرعة تنجرح

اما القسم الثاني
اه يازينهم
تبارك الله
صرااخ ولجة وصجة ودفاشة وجلافة
وينعشوون المكان اللي هم فيه ويستمتعون بالحياة صح
ومايزعلون بسرعة ولا يعطون الشي اكبر من حجمه

ربما يعجبوني القسم الثاني لاني انا واهلي من القسم الاول
بجد كل شي يزعجنا
اذا كنا عند احد وشغلوا التلفزيون
نبدا نتناظر وعلامات التعجب فوق روسنا :
(( غريبة مايسمعون ))
وهم يقولون عاادي مانسمع الا كذا !!!
لا
وبزاريننا اللي هم عيال اخوي
اذا بدوا يلعبون .....
1- اصصصص شوي شوي
2_ لاتطيحون
3- اقصروا صوت التلفزيون
ومن حسن الحظ ان زوجة اخوي الله يوفقها نفس الطينة ربما لانها بنت عمي

يعني لو جينا للخلاصة
اجمل مافي القسم الاول انهم يحترمون المشاعر وتعني لهم شي كثيير
ربما صح وربما خطا هالقاعدة لكني لاحظتها

واجمل مافي القسم الثاني انهم يستمتعون بالحيااة صح
وخاصة اطفالهم اللي اذا ماستمتعوا الحين مدري متى بيستمتعون

لكنها سبحان الله تبقى خلقة وسبحان اللي خلق هالاختلاف

طيب لو تزوج واحد من القسم الاول بوحدة من القسم الثاني او العكس
هل بينسجمون بحياتهم

بالنسبة لي اراها من جانب حلوة لانها تبي تغير حياة الانسان ويكون مخضرم
عاش زمن الهدوووء وزمن الازعااج ...

مايا

17-05-11, 07:40 am

أنا وعائلتي من القسم الأول ...
لكن يعجبوني القسم الثاني أحسهم عايشين حياتهم ولا عليهم من أحد
وأعرف واحد من القسم الثاني تزوج بنت من القسم الأول على أنه قايل لأهله أبيه مثل خواتي لجلجة ولكن النصيب

اجمل مافي القسم الاول انهم يحترمون المشاعر وتعني لهم شي كثيير
ربما صح وربما خطا هالقاعدة لكني لاحظتها

الا صح يراعون المشاعر بعكس القسم الثاني يجدعون الكلمة وبس

مشكور/ة زمن الغرباء

زمن الغرباء

17-05-11, 07:44 am

أنا وعائلتي من القسم الأول ...

يعني مثلي

لكن يعجبوني القسم الثاني أحسهم عايشين حياتهم ولا عليهم من أحد

تشبهين وجهة نظري

وأعرف واحد من القسم الثاني تزوج بنت من القسم الأول على أنه قايل لأهله أبيه مثل خواتي لجلجة ولكن النصيب

اي والله النصيب يمكنها خيرة

مشكور/ة زمن الغرباء
قصدك مشكوورة ياعزيزتي
ولك الشكر يالغالية
مرورك شرف

shahd2007

17-05-11, 08:08 am

اممم عائلتنا وسط عند الناس الغريبين قمه الهدوء وكلامناهمس
لكن اللي نمون عليهم ونجتمع معهم كثير نصبح من القسم الثاني

عائله ابوي تنتمي للقسم الاول ...قمه الهدوء والثقل والاتيكيت الزايد عن حده <<وقسم اجتماع يوم العيد لو تطيح الابره سمعتيها الكلام بصوت هادي الجلسه لها طريقه الاكل له طريقه
طريقه السلام ..مختلفه عن خوالي

عكس خوالي اللي هم القسم الثاني ..
لجه وسوالف بصوت عالي تحسين بطعم الجمعه والوناسه عندهم
يعني نعيش تناقض كبير وخاصه يوم العيد لاننا نجتمع مع القسم الاول بالنهار والقسم الثاني بالليل لدرجه من نوصل حارتهم تدرين ان هالبيت فيه مناسبه .,,

طيب لو تزوج واحد من القسم الاول بوحدة من القسم الثاني او العكس
هل بينسجمون بحياتهم

اذا تزوج القسم الاول من القسم الثاني تتعود غصب
لكن المصيبه بلعكس اذا كان الرجل من القسم الثاني كيف تعيش معه :(

مشكوره عزيزتي زمن الغرباء
.

عاشق ديرتي بريده

17-05-11, 08:39 am

والله يانا مالي خلق اللجه

واللي مالي خلقه اذا قمت من النوم يجي احد يتكلم معي

ولو تزوج رقم واحد من وحده من رقم 2 اكيد مع مرور الوقت تبي تصير مثله لانها تبي تتكلم ولاتلقى احد يعطيه وجه

&سفآنه&

17-05-11, 09:40 am

&سفآنه&

17-05-11, 10:00 am

أتوقع لو تزوجت وحده من رقم 1بواحد رقم2
صعععبه على الزوج انه يتقبل طبعه بسهوله لأنه
بتكون هاااديه وحسااااسه وهو ماتعود على كذا
والمرأه غالبآ تتأثر بسرعه بطبع الزوج بس يبيلها صبر,
لكن اذا تزوج هااادي بوحده رقم2 يتقبل طبعها و
يؤثر فيها بطبعه
مشكوره زمن الغرباء وآسفه لإطالتي

الأرجوانه

17-05-11, 03:10 pm

حنا وسط
بيتنا هادي لأن ماعندنا بزران يلجون ويصجون
بس اذا جت اختي , اعياله قلبو البيت كلله
واذا جتمعنا مع عماني عادي مافيه ازعاج مره لكن يبقى صوت الحريم من أول ماتدخلين الأستراحه
تسمعين السالفه هههه , والبزارين يتهاوشون وتسذا
اما خوالي الحريم عادي مافيه ازعاج مره ولا هدوء , والبزران بهم حقهم ب اللجه

يعني خوالي وعماني يميلون للهدوء اكثر ( =
وعن نفسي ماأحب الأزعاج , خصوصا لا صار ببيتنا
لو بأستراحه ممكن لكن بالبيت ماأحب الأزعاج ابدددداً يسببلي صداع
لكِ ودي

Miss Tala

17-05-11, 05:41 pm

الوسط زين ...
بس احيانا فيه طلعاات غير رسميه افضل فيها الفله والوناسه ..

بس ذولا الللي بيتزوجون مشكله ؟؟!!من وجهة نظري الرجال عادي عنده الحرمه تصير هاديه حتى لو هو راعي فله وازعاج لكن العكس غير صحيح احس الحرمه تمل ...اذا ماتعودت

بريداويهـ

18-05-11, 12:10 am

تصدقين عاد اني مدري وش انا ؟!

تقدرين تقولين اخذه من هنا وهناك
من القسم الاول الحساسيه محب اجرح احد ومستحيل ارد على احد حتى لو غلط علي
الا اذا طفح الكيل ونادرا مايطفح

واكره ماعلي الازعاج
لكن صديقاتي يسمنن " خّـــرشه "

لكن من كلامك اطلع من القسم الول
تزوجت رجل ازعاج هو وعيالي
التلفزيون يحط على اخر شي
الراديوا على اخر شي
حتى اني اشك احيان انه مايسمع

يحب اللعب
وانا احبه ايه بس ما احب كثره

يعني لو رحت ملاهي لعبتين يكفنن ويتخمنن
لكن هو واهله لو يلعبون من اليوم لبكرى ماملوا

احس كثير اني سلحفاة قدام عجلة اسرته

واتضايق من البزران لما يجون كل شوي يطلبون لعبه
احس مب كذا الحياة
اللعب زين لكن بحدود

خاصه اني اعتبر الالعاب الالكترونيه والملاهي تغيير مب شبعه
والاصل باللعب هي الالعاب الي تحرك عضلات الجسم هذي لو يلعبونه ليل نهار مو مشكله

تحياتي

فديكا التميمي

18-05-11, 12:51 am

امممم حنا تقريبا من القسم الثاني لا الخوال ولا العمومه ومن الصجه
لا بدينا نسولف ماندري من اللي يسمع ومن اللي يتكلم كلهم يسولفون جميع هه

بحر العطاء

18-05-11, 01:42 am

بنت عمي

انا لا دخلت بيتكم احس ب راحه نفسية ..:)

لاني احب القسم الاول .. :)

تكون الحياة افضل

لما تكون الطبائع مختلفه

لايمكن الهادي يعيش من الهادية

او العصبي مع العصبيه

او البارد مع البارده

احس لم يجون مختلفين الطبع تمشي حياته افضل

اتوقع ب

زمن الغرباء

18-05-11, 07:26 am

اممم عائلتنا وسط عند الناس الغريبين قمه الهدوء وكلامناهمس
لكن اللي نمون عليهم ونجتمع معهم كثير نصبح من القسم الثاني

عائله ابوي تنتمي للقسم الاول ...قمه الهدوء والثقل والاتيكيت الزايد عن حده <<وقسم اجتماع يوم العيد لو تطيح الابره سمعتيها الكلام بصوت هادي الجلسه لها طريقه الاكل له طريقه
طريقه السلام ..مختلفه عن خوالي

عكس خوالي اللي هم القسم الثاني ..
لجه وسوالف بصوت عالي تحسين بطعم الجمعه والوناسه عندهم
يعني نعيش تناقض كبير وخاصه يوم العيد لاننا نجتمع مع القسم الاول بالنهار والقسم الثاني بالليل لدرجه من نوصل حارتهم تدرين ان هالبيت فيه مناسبه .,,

ماشاء الله تبارك الله
ربي يعينكم ياشهد
لازم يصير عندكم نفسيتين عشان تتأقلمون مع العايلتين

اذا تزوج القسم الاول من القسم الثاني تتعود غصب
لكن المصيبه بلعكس اذا كان الرجل من القسم الثاني كيف تعيش معه :(

مشكوره عزيزتي زمن الغرباء
.
تتأقلم وتاخذ عليه مع طول الزمن

ولك الشكر الجزيل ياغالية

زمن الغرباء

18-05-11, 07:33 am

لله في خلقه شؤون
الهدوء بالأعياد والإجتماعات ماأحبه
سبحان الله كنا نتكلم أنا وأختي قبل يومين عن هالعاده الشينه والرسميه الزااايده
مليااانه الغرفه حريم ولا كأن فيها أحد
من الهدوء
*
يمكن يرجع طبع العائله غالبآ لطبيعة الأب
يعني اذا كان عصبي ومزاجه صعب يبي يصير أهل
البيت هاااادييين غصب
وإذا كان يحب المزح ووسيعن صدره
يصيرون ونااسه وصجه ولجه ماعندهم مشكله

ماأظن طبع الاب لحاله اللي يأثر
كل شي يلعب دوره

أتوقع لو تزوجت وحده من رقم 1بواحد رقم2
صعععبه على الزوج انه يتقبل طبعه بسهوله لأنه
بتكون هاااديه وحسااااسه وهو ماتعود على كذا
والمرأه غالبآ تتأثر بسرعه بطبع الزوج بس يبيلها صبر,
لكن اذا تزوج هااادي بوحده رقم2 يتقبل طبعها و
يؤثر فيها بطبعه
مشكوره زمن الغرباء وآسفه لإطالتي

انا اختلف معك
ارى ان كل الزوجين له تأثير على الاخر مالاحظت ان تأثير الزوج اقوى

هو في بداية الزواج راح يكون فيه حساسية اذا كانوا مختلفين وماراح يتأقلمون مع بعض بسرعة لكن مع الزمن يتعودون ويكون الوضع طبيبعي ايا كان الاختلاف

منووورة عزيزتي

زمن الغرباء

18-05-11, 07:37 am

حنا وسط
بيتنا هادي لأن ماعندنا بزران يلجون ويصجون
بس اذا جت اختي , اعياله قلبو البيت كلله

الله يصلحهم ويخليهم

واذا جتمعنا مع عماني عادي مافيه ازعاج مره لكن يبقى صوت الحريم من أول ماتدخلين الأستراحه
تسمعين السالفه هههه , والبزارين يتهاوشون وتسذا
اما خوالي الحريم عادي مافيه ازعاج مره ولا هدوء , والبزران بهم حقهم ب اللجه

يعني خوالي وعماني يميلون للهدوء اكثر ( =
وعن نفسي ماأحب الأزعاج , خصوصا لا صار ببيتنا
لو بأستراحه ممكن لكن بالبيت ماأحب الأزعاج ابدددداً يسببلي صداع

ربما لعدم وجود اطفال

لكِ ودي

ولك والود والتقدير
منوورة يالحبيبة

زمن الغرباء

18-05-11, 07:45 am

والله يانا مالي خلق اللجه

الله يعينك

واللي مالي خلقه اذا قمت من النوم يجي احد يتكلم معي

هذي ماظنتي ان فيه احد يحبها

ولو تزوج رقم واحد من وحده من رقم 2 اكيد مع مرور الوقت تبي تصير مثله لانها تبي تتكلم ولاتلقى احد يعطيه وجه
ربـــــــــــما

موفق

زمن الغرباء

18-05-11, 07:49 am

الوسط زين ...
بس احيانا فيه طلعاات غير رسميه افضل فيها الفله والوناسه ..

صادقة تالا
لكن سبحان الله خلقة مو الانسان اللي يتحكم بطبعه

بس ذولا الللي بيتزوجون مشكله ؟؟!!من وجهة نظري الرجال عادي عنده الحرمه تصير هاديه حتى لو هو راعي فله وازعاج لكن العكس غير صحيح احس الحرمه تمل ...اذا ماتعودت

لا بالعكس فيه رجال هادين ويحبون المرة الفرفوشة والمزعجة

منوورة عزيزتي مس تالا

زمن الغرباء

18-05-11, 08:22 am

تصدقين عاد اني مدري وش انا ؟!

تقدرين تقولين اخذه من هنا وهناك
من القسم الاول الحساسيه محب اجرح احد ومستحيل ارد على احد حتى لو غلط علي
الا اذا طفح الكيل ونادرا مايطفح

واكره ماعلي الازعاج
لكن صديقاتي يسمنن " خّـــرشه "

ماشاء الله حلوة شخصيتك ياابريداوية
فرفوشة بس تحترمين المشاعر

لكن من كلامك اطلع من القسم الول
تزوجت رجل ازعاج هو وعيالي

من شابه اباه ماظلم
الله يصلحهم

التلفزيون يحط على اخر شي
الراديوا على اخر شي
حتى اني اشك احيان انه مايسمع

يحب اللعب
وانا احبه ايه بس ما احب كثره

يعني لو رحت ملاهي لعبتين يكفنن ويتخمنن
لكن هو واهله لو يلعبون من اليوم لبكرى ماملوا

احس كثير اني سلحفاة قدام عجلة اسرته

ياستاار !!!

واتضايق من البزران لما يجون كل شوي يطلبون لعبه
احس مب كذا الحياة
اللعب زين لكن بحدود

البزران غير
يبي يلعبون بدون حدوود
ومايبون احد يقيدهم

خاصه اني اعتبر الالعاب الالكترونيه والملاهي تغيير مب شبعه
والاصل باللعب هي الالعاب الي تحرك عضلات الجسم هذي لو يلعبونه ليل نهار مو مشكله

تحياتي

ماشاء الله عليك يابريداوية
اعجبتني شخصيتك
الله يسعدك

موفقة
ولك التحايا

زين نجد

18-05-11, 04:27 pm

زمن الغرباء..

لا أعتقد أن الزواج سوف يؤثر إذا كان كلا واحد من جهة.. فهذا ليس شيئاً كبيراً حتى نقول إنه يحتاج لوقت لكي يتطبع أحدهما بالآخر..

فرضاً لو كان الزوج من النوع الأول والزوجة من النوع الثاني فمجرد أنه ينبهها لهذا الشيء ستنقاد له طوعاً وهذا مثال في مسألة ارتفاع صوت التليفزيون.

أما عن نفسي وعائلتنا فلا نحب الإزعاج وخاصةً وقت الجلسة الجماعية ( العائلية ).

تقديري لكِ سيدتي،،،

لعيون دودي

19-05-11, 03:24 am

زمن الغرباء...

جميل ان يكون الانسان بين البينين لا الصراخ والعويل ولا الهدوء الزائد
لدي زميله بالعمل "ارجو ان لا اكون اغتبتها" ذات نبره صوت حااااد على الرغم من اني"حركه" بطبيعتي الا ان صوتها وازعاجها لي بالمكتب يسبب لي النرفزه...
دمتِ بخير

سحر الورد

19-05-11, 05:08 am

السلام عليكم

انا بتكلم معك عن مساوء التى اراها في العائلتين لاني قريبة منهم

العائلة الاولى تلااقيهم كل شيء عندهم محسوب واي شيء ياثر فيهم
ويحبون الروتين وغير قابلين للغيير اذا حدثت لهم مشكلة بسيطة تلااقيهم بكبرونها

اكبر من حجمها احسهم يفقدون الاسمتاع بالحياة الحقيقي

العائلة الثانية

جميلة لكن تعب من جميع النواحي لكنها مستمتعة بالحياة اكثر من العائلة الولى
وهي الافضل عندي

,

طقاقة بدون مايك

19-05-11, 05:37 am

حنآ ايام الاجازة نصير 2:|$http://www.buraydh.com/forum/images/icons/icon10.gif

وآيآم الدرآســـة نصير 1:|$http://www.buraydh.com/forum/images/icons/icon10.gif

زمن الغرباء

19-05-11, 07:59 am

امممم حنا تقريبا من القسم الثاني لا الخوال ولا العمومه ومن الصجه

لا بدينا نسولف ماندري من اللي يسمع ومن اللي يتكلم كلهم يسولفون جميع هه

والله اني حاسة يافديكا من طريقة كلامك انكم كذا

الله يسعدك يالغالية

زمن الغرباء

19-05-11, 08:06 am

بنت عمي

انا لا دخلت بيتكم احس ب راحه نفسية ..:)

لاني احب القسم الاول .. :)

فديتك
ياللي مكسرة عتب الباب من كثر الجيات
ربي يحبك

تكون الحياة افضل

لما تكون الطبائع مختلفه

لايمكن الهادي يعيش من الهادية

او العصبي مع العصبيه

او البارد مع البارده

احس لم يجون مختلفين الطبع تمشي حياته افضل

غريبة وجهة نظرك يالغالية
ربما بعد سنين من حياتهم يكونون منسجمين
لكن اول حياتهم اتوقع راح يتعبون من شدة الاختلاف اللي بينهم

اتوقع ب

منوورة
يالغالية

زمن الغرباء

19-05-11, 08:15 am

زمن الغرباء..

لا أعتقد أن الزواج سوف يؤثر إذا كان كلا واحد من جهة.. فهذا ليس شيئاً كبيراً حتى نقول إنه يحتاج لوقت لكي يتطبع أحدهما بالآخر..

ربما في نظرك استاذنا انه ليس شيئا كبيرا
بعض الناس الحساسة الاصوات المزعجة تسبب لهم القلق النفسي والتوتر وعدم الراحة

فرضاً لو كان الزوج من النوع الأول والزوجة من النوع الثاني فمجرد أنه ينبهها لهذا الشيء ستنقاد له طوعاً وهذا مثال في مسألة ارتفاع صوت التليفزيون.

هو سينبهها لكن ليس دليل انها ستنقاد له بكل سهولة
لانه ليس من السهل ان يغير الانسان ماتطبع عليه سنوات طويلة بلحظة بسيطة

أما عن نفسي وعائلتنا فلا نحب الإزعاج وخاصةً وقت الجلسة الجماعية ( العائلية ).

ادام الله عليكم وجمع شملكم

تقديري لكِ سيدتي،،،

ولك التقدير والاحترام

زمن الغرباء

19-05-11, 08:21 am

زمن الغرباء...

جميل ان يكون الانسان بين البينين لا الصراخ والعويل ولا الهدوء الزائد
أحسنتي
لكنها تبقى خلقة
لكن على الانسان ان يجاهد نفسه لكي يبقى وسطا
لدي زميله بالعمل "ارجو ان لا اكون اغتبتها" ذات نبره صوت حااااد على الرغم من اني"حركه" بطبيعتي الا ان صوتها وازعاجها لي بالمكتب يسبب لي النرفزه...
الله يعينك ياارب على عشرتها
دمتِ بخير
منوورة عزيزتي
لكي شكري الجزيل

زمن الغرباء

19-05-11, 08:25 am

السلام عليكم

انا بتكلم معك عن مساوء التى اراها في العائلتين لاني قريبة منهم

العائلة الاولى تلااقيهم كل شيء عندهم محسوب واي شيء ياثر فيهم
ويحبون الروتين وغير قابلين للغيير اذا حدثت لهم مشكلة بسيطة تلااقيهم بكبرونها

اكبر من حجمها احسهم يفقدون الاسمتاع بالحياة الحقيقي

ايوه صحيح
وانا اقول كذا

العائلة الثانية

جميلة لكن تعب من جميع النواحي لكنها مستمتعة بالحياة اكثر من العائلة الولى
وهي الافضل عندي

,
صحيح
استمتاع العائلة الضجيجية بالحياة اكثر من العائلة الهادية

ولكن يضل لكل منهما سلبيات وايجابيات

منوورة والله