عاداتنا المتخلفة..!!!

[ناقه فسفوريه]

مساءكم /صباحكم

سعاده ورضا وخير

سؤال دايم يدور في بالي من وين طلعت العادات والتقاليد"الي ماأنزل الله بها من سلطان والتي لاتمت للدين بأي صله بالعكس بعضها مخالف تماما للدين بس علشانها من العادات صارت حلال سبحان الله

ووش سر تمسك الناس الفظيع فيها "لوالواحد يسوي شي يخالف هالتقاليد أعوذ بالله كأنه كفر او جريمه

نمااااااااااااااذج من الواقع على التقاليد المتخلفه:

1/سواقة المرأه للسيارة لو تطري هالموضوع نطو بوجهك..بس عاااادي تركب مع السواق بلحالها

2/الرجل عادي يتزوج اجنبيه بس البنت اعوذ بالله جريمه..مع انه كلهم مسلمين

3/الرجل اذا راح بزوجته او اخته للمستشفى يهبل بهم لين مايجيبون له طبيبه بس لو زوجته او اخته بتصير طبيبه مارضى طبعا"

4/عادي الوحده تلبس عبايه ضييقه ومبينه كل جسمه ومزخرفه بس أهم شي على الراس..ويقطعونه لو لبست على الكتف ووسيعه وساااتره مرررره

5/اذا أخطأ الولد عاادي زله- بكرى يعقل- الولد عيبه بجيبه-
بس لو البنت أخطأت تقوم القيامه مع ان الدين وااحد والحلال والحرام للولد والبنت وعذرهم العادات..

6/فلان مو من قبيلتنا ولا من مستوانا مستحيل نزوجه!!

7/اذا صرح الرجل بحبه لزوجته قدام الناس صااااار قليل أدب ومايستحي "مع ان الرسول صلى الله عليه وسلم كان يفخر بحبه لخديجه وصرح بحبه لعائشه في أحاديث كثيره..

8/البنت اذا جت تتزوج لازم تختفي شهر قبل العرس وجريمه لو أحد شافه "الحمدلله والشكر بس اهل العقول براحه
المصيبه انه تسوي زفه وتطلع للناس بيوم الزواج

9/الشخص الكبير بالسن سواء"شايب والا عجوز"ياويل أحد يناقشهم او يبين لهم شي خطأ سووه يعتبرونك قليل ادب وماتحترم الكبير

10/ناااس مغطين شغالاتهم وملبسينهم عبايات وهن موب مسلمات أصلا"قمة العجب

و.....و.......و.........الخ

وهذا غيض من فيض مدري متى تنمسح هالعادات الي ماانزل الله بها من سلطان ونعيش بسلاااااااام بدون كلمة عيب هذي عاداتنا -تقاليدنا تقول كذا-هااااو وش يقولون عنا النااااس...

تحياتي

ناقه فسفورية

[انتظرتك]

فعلاً أمور تدعو للتعجب ,,


ناااس مغطين شغالاتهم وملبسينهم عبايات وهن موب مسلمات أصلا"قمة العجب

يغطونهن علشان مايشوفونهن الافغانيه والا البنقاليه وينطون على البيت ,,,


البنت اذا جت تتزوج لازم تختفي شهر قبل العرس وجريمه لو أحد شافه "الحمدلله والشكر بس اهل العقول براحه
المصيبه انه تسوي زفه وتطلع للناس بيوم الزواج

هذا مافهمته شلون تختفي !!

[التنين الصيني]

مثل ما قلتي بـ عنوانك " المتخلفة " ....

هذولا ربعنا .... بس وش نسوي !

[t u l i p | n]

إيه يصير خير بعد!

[ناقه فسفوريه]

فعلاً أمور تدعو للتعجب ,,




يغطونهن علشان مايشوفونهن الافغانيه والا البنقاليه وينطون على البيت ,,,


وييين ينطون وين عايشين حنا "الا والله تخلف ورجعيه ادعوها للاسلام أول بعدين يصير خير


هذا مافهمته شلون تختفي !!



يعني الله يسلمك ماتطلع للناس ولاتروح للعزايم والمناسبات ولا أحد يشوفه من جماعته

[ناقه فسفوريه]

مثل ما قلتي بـ عنوانك " المتخلفة " ....

هذولا ربعنا .... بس وش نسوي !



طيب الى متى ؟؟؟ متى نتطور المشكله ان أغلب الناس يسوونه وهم موب مقتنعين

[ناقه فسفوريه]

إيه يصير خير بعد!



ويجيب الله مطر بعد

[التنين الصيني]

طيب الى متى ؟؟؟ متى نتطور المشكله ان أغلب الناس يسوونه وهم موب مقتنعين

السباحة عكس التيار متعبة ....

و اي شيء جديد سيكون له ضحايا ....

اذكر قبل 10 سنوات .... اقترحت في احد المجالس " اندية رياضية " نسائية ....

تكون تلك الأندية متنفس للنساء وعمل تمارين رياضية وحضور محاضرات و و و .... الخ

بدأ البعض بالضحك والآخر بالسب ....

والآن .... ما هي النتيجة .... !

عموماً مجتمعنا يهتم بالعادات وبعض التدين الحقيقي ....

خوفاً من الفلان و وش يقولون عنا علان ....

سي يو ....

[ناقه فسفوريه]

السباحة عكس التيار متعبة ....

و اي شيء جديد سيكون له ضحايا ....

اذكر قبل 10 سنوات .... اقترحت في احد المجالس " اندية رياضية " نسائية ....

تكون تلك الأندية متنفس للنساء وعمل تمارين رياضية وحضور محاضرات و و و .... الخ

بدأ البعض بالضحك والآخر بالسب ....

والآن .... ما هي النتيجة .... !

عموماً مجتمعنا يهتم بالعادات وبعض التدين الحقيقي ....

خوفاً من الفلان و وش يقولون عنا علان ....

سي يو ....

متعبه بس أهم شي انك راح تطلع بنتيجه أقل شي تعيش مرتاح وماعليك من أحد

هذا بلا أبوك ياعقاب هذا وأنت رجل لو انك بنت كان قطعوك تقطيع

التنين مشكور على المرور

[Chocolate]

عاجبتنا العادات واللهم لك الحمد

[Miss Tala]

تراهن ذولي شويات اللي فوق ..باقي كثرهم عشر مرات ..

بس صامدون

[ما يهزني مخلوق]

حبيبتي كلامك كلـــــــــــه روعه


ع القوه

[ما يهزني مخلوق]

عاجبتنا العادات واللهم لك الحمد



يماما ليش عاجبك

جيبي اي مبرر علشان حتى حنا نعجب بهالتخلف هذا

[ما يهزني مخلوق]

1/سواقة المرأه للسيارة لو تطري هالموضوع نطو بوجهك..بس عاااادي تركب مع السواق بلحالها

2/الرجل عادي يتزوج اجنبيه بس البنت اعوذ بالله جريمه..مع انه كلهم مسلمين


8/البنت اذا جت تتزوج لازم تختفي شهر قبل العرس وجريمه لو أحد شافه "الحمدلله والشكر بس اهل العقول براحه
المصيبه انه تسوي زفه وتطلع للناس بيوم الزواج



هذولي مو مره مقتنعه فيهن ولا كللللللللللهن بجد تخلف

والثامنه ... أقليـــه يسوون كذا

[مجرد إنسانه]

1/سواقة المرأه للسيارة لو تطري هالموضوع نطو بوجهك..بس عاااادي تركب مع السواق بلحالها


تعالي شوفي اذا ساقو بعد بتجينا ثوره نفس الثوره على كل جديد

/الشخص الكبير بالسن سواء"شايب والا عجوز"ياويل أحد يناقشهم او يبين لهم شي خطأ سووه يعتبرونك قليل ادب وماتحترم الكبير

بنظرهم اننا بزران مانعرف شي

خاصة بالدين والله ياهو اخذين بنفسهم مقالب مو مقلب واحد


هذا غيض من فيض

[بريداويهـ]

المشاركة الأصلية كتبت بواسطة ناقه فسفوريه http://www.buraydh.com/forum/tl4s-boryda/buttons/viewpost.gif (http://www.buraydh.com/forum/showthread.php?p=4557528#post4557528)


http://www.buraydh.com/forum/clear.gif
مساءكم /صباحكم

سعاده ورضا وخير






ومساك



1/سواقة المرأه للسيارة لو تطري هالموضوع نطو بوجهك..بس عاااادي تركب مع السواق بلحالها

على ان السواقه بحد ذاته ليست حرام لكن التبعات المترتبه على ذلك حرام
فقدموا درء المفسده على المصلحه
وانا عموما مع عدم القياده للسياره لاني بصراحه حت لو قادن السياره
بجيب سواقه تودين وتجيبن وبنفس الوقت شغاله
واخلي عن وجع الراس



2/الرجل عادي يتزوج اجنبيه بس البنت اعوذ بالله جريمه..مع انه كلهم مسلمين

هذي عادي جداً لان الولد مهما تزوج بينكتبون عياله باسمه وجنسيتهم من جنسيته خلاف المرأه لتزوجت اجنبي

لكن الطامة الكبرى والي دايما اردده على كل من قال ابتزوج اجنبيه
ليش الواحد لتزوج اجنبيه يايدونه ويقولون له ماشاءالله عليك رجال
ولتزوج من بنت البلد لكنه مب قبليه قالوا له رخمه وفشلتنا ويتبرون منه ؟!!!
مع العلم ان بنت البلد يكفينا اننا نعرف تربيته
والاجنبيه ماندري وش امه وابوه عاد كيف التربيه




3/الرجل اذا راح بزوجته او اخته للمستشفى يهبل بهم لين مايجيبون له طبيبه بس لو زوجته او اخته بتصير طبيبه مارضى طبعا"

اتوقع هالنقطه اندثرت
الا ماندر
وهالندر رؤيتهم الدوام صعب


4/عادي الوحده تلبس عبايه ضييقه ومبينه كل جسمه ومزخرفه بس أهم شي على الراس..ويقطعونه لو لبست على الكتف ووسيعه وساااتره مرررره

صدقتي بهالنقطه
يانا اكرهه موووت
مب كله تاييد لعباة الكتف
لكن بالعقل كريه شوفة الي لابسه عباية راصه خير خيررره


5/اذا أخطأ الولد عاادي زله- بكرى يعقل- الولد عيبه بجيبه-
بس لو البنت أخطأت تقوم القيامه مع ان الدين وااحد والحلال والحرام للولد والبنت وعذرهم العادات..

قمة القهر هنا
ودايما على لساني الحرام حرام ومايصنف



6/فلان مو من قبيلتنا ولا من مستوانا مستحيل نزوجه!!

اتوقع هنا الناس تغيروا وصاروا يقولون فلان من اقاربنا مانبيه
مب عيب فيه لكن بنغير


7/اذا صرح الرجل بحبه لزوجته قدام الناس صااااار قليل أدب ومايستحي "مع ان الرسول صلى الله عليه وسلم كان يفخر بحبه لخديجه وصرح بحبه لعائشه في أحاديث كثيره..

والله شوفي عدم التصريح زين شين
اذا يعتبره عيب
فهذي دباشه
لكن اذا الدعوا درى للعين
فانا معه
الناس ياخيتي شهبان لهبان
وعادي يرقعونهم بعين


8/البنت اذا جت تتزوج لازم تختفي شهر قبل العرس وجريمه لو أحد شافه "الحمدلله والشكر بس اهل العقول براحه
المصيبه انه تسوي زفه وتطلع للناس بيوم الزواج

اولاً محد يسوي هالشي هالحين

واتوقع كان مردهم لهالفعل
ان البنت تتزين بهالفتره وتتفتح بشرته ثم لزفوها تتغير جذريا عنهم




10/ناااس مغطين شغالاتهم وملبسينهم عبايات وهن موب مسلمات أصلا"قمة العجب

هن يغطن مب لانهن مسلمات او كافرات
هن يغطن عشان مايشوفهن من في نفسه مرض





ولاتخافين
بيجي يوم ويروحن
لان اصلهن مب من القرآن والسنه
فجيل اجدادنا غير جيلنا عاداتهم كانت اعظم من عاداتنا



تحياتي

[| ~ ســمــو ~ |]

يابنت الحلال ..

وسعي الصدر :)

[الأرجوانه]

وآلله يآآهم يرفعوووووووون الضغط
ويآويلك بعد تخآلفهن !
تقل مرتكب اشد الجرآئم والمعاصي !
,
مير أنا خلآص قررت اسوي مظآهرآت احتجآجاً على العادات المتخلفه
التي مآأنزل آلله بهآ من سلطآن
ي آلله اللي يبي يتظآهر معي يرفع اصبعه ض1
,
لكِ ودي

[هنؤؤنه]

اي والله تخلف في تخلف

لكن املنا بالله كبير
وإن شاء الله يتطورا ويتغيروا

3/الرجل اذا راح بزوجته او اخته للمستشفى يهبل بهم لين مايجيبون له طبيبه بس لو زوجته او اخته بتصير طبيبه مارضى طبعا"


!!!!!!!!!!!!!

[عاشقة العطر]

اسمح لي ابدي اعجابي بقلمك وتميزك واسلوبك الراقي وتالقك

[فديكا التميمي]

الله يعيننا على هالعقول صدقتي والله لكن مابيدينا شي عندهم الحراام اهون من التقاليد الله يرحم الحال بس ,,,

واكره مااشوف سالفة الخطوط عساهم للالتمااااس ,,,

:(

[ناقه فسفوريه]

عاجبتنا العادات واللهم لك الحمد



عاجبتك أنت بس حنا مو عاجبتنا

شكرا لمرورك

[ناقه فسفوريه]

تراهن ذولي شويات اللي فوق ..باقي كثرهم عشر مرات ..

بس صامدون



كثرهم مليون مو بس عشر هذولي على سبيل المثال "الله يرحم الحال بس

اسعدني مرورك

[ناقه فسفوريه]

حبيبتي كلامك كلـــــــــــه روعه


ع القوه


تسلمين خيتو شكرا لمرورك

[ناقه فسفوريه]

هذولي مو مره مقتنعه فيهن ولا كللللللللللهن بجد تخلف

والثامنه ... أقليـــه يسوون كذا




لا والله مو أقليه أغلب الناس واسألي بتسمعين العجب العجاب

[ناقه فسفوريه]

تعالي شوفي اذا ساقو بعد بتجينا ثوره نفس الثوره على كل جديد

ماشاءالله هالعادات قابله للتجديد والتغيير ومن سيء لأسوأ
بنظرهم اننا بزران مانعرف شي

خاصة بالدين والله ياهو اخذين بنفسهم مقالب مو مقلب واحد


ايه والله صادقه مره قعدت أناقش عجوز عن الصيام بالسفر وجبت لها احاديث وأدله

بس عيت تقتنع وقالت ايه اسكتي بس وش عرفك انتي!!! بغيت انتحر وقته
هذا غيض من فيض


شكرا لمرورك وتعليقك

[باسمة]

هههه

والله أنك صادقه (عاداتنا المتخلفة)

وستظل هذه العادات حتى تقوم القيامة

[ناقه فسفوريه]

المشاركة الأصلية كتبت بواسطة ناقه فسفوريه http://www.buraydh.com/forum/tl4s-boryda/buttons/viewpost.gif (http://www.buraydh.com/forum/showthread.php?p=4557528#post4557528)


http://www.buraydh.com/forum/clear.gif
مساءكم /صباحكم

سعاده ورضا وخير






ومساك





على ان السواقه بحد ذاته ليست حرام لكن التبعات المترتبه على ذلك حرام
فقدموا درء المفسده على المصلحه
وانا عموما مع عدم القياده للسياره لاني بصراحه حت لو قادن السياره
بجيب سواقه تودين وتجيبن وبنفس الوقت شغاله
واخلي عن وجع الراس


مفاسد من شعبنا المتخلف والا كل الدول يسوقون حريمهم وش معنا حنا؟!!

سواقه شغاله أهم شي مره يعني


هذي عادي جداً لان الولد مهما تزوج بينكتبون عياله باسمه وجنسيتهم من جنسيته خلاف المرأه لتزوجت اجنبي

طيب عادي واذا صارو عيالي أجانب مو مشكله..
لكن الطامة الكبرى والي دايما اردده على كل من قال ابتزوج اجنبيه
ليش الواحد لتزوج اجنبيه يايدونه ويقولون له ماشاءالله عليك رجال
ولتزوج من بنت البلد لكنه مب قبليه قالوا له رخمه وفشلتنا ويتبرون منه ؟!!!
مع العلم ان بنت البلد يكفينا اننا نعرف تربيته
والاجنبيه ماندري وش امه وابوه عاد كيف التربيه


هذي عاد سالفه ثانيه "هذا التخلف بعينه وعلمه


اتوقع هالنقطه اندثرت
الا ماندر
وهالندر رؤيتهم الدوام صعب


لا والله مااندثرت يمكن قلت بس موجوده "يتعلثون بالدوام



صدقتي بهالنقطه
يانا اكرهه موووت
مب كله تاييد لعباة الكتف
لكن بالعقل كريه شوفة الي لابسه عباية راصه خير خيررره


ماخذين السالفه عاده مو عباده




قمة القهر هنا
ودايما على لساني الحرام حرام ومايصنف




اتوقع هنا الناس تغيروا وصاروا يقولون فلان من اقاربنا مانبيه
مب عيب فيه لكن بنغير

لا بالعكس أتحداك ناس اغنياء يزوجون واحد على قد حاله



والله شوفي عدم التصريح زين شين
اذا يعتبره عيب
فهذي دباشه
لكن اذا الدعوا درى للعين
فانا معه
الناس ياخيتي شهبان لهبان
وعادي يرقعونهم بعين


يابنت الحلال الواحد يقرأ ورده والأذكار ويتوكل على الله والا كان ماعاش أحد متهني



اولاً محد يسوي هالشي هالحين

واتوقع كان مردهم لهالفعل
ان البنت تتزين بهالفتره وتتفتح بشرته ثم لزفوها تتغير جذريا عنهم


أتحداتس تشوفين وحده حاضره عزيمه او زواج أحد يقرب له وعرسه بعد أسبوع

ياكافي أبد مهب محترقه بشرته





هن يغطن مب لانهن مسلمات او كافرات
هن يغطن عشان مايشوفهن من في نفسه مرض

المريض مريض لو يشوف سواد





ولاتخافين
بيجي يوم ويروحن
لان اصلهن مب من القرآن والسنه
فجيل اجدادنا غير جيلنا عاداتهم كانت اعظم من عاداتنا

يارب الله يسمع منك
تحياتي






شكرا لمرورك العطر نورتي

[ناقه فسفوريه]

يابنت الحلال ..

وسعي الصدر :)



موسعينه يابعدي والا كان منهبلين من زمان..

أسعدني مرورك شكرا

[ناقه فسفوريه]

وآلله يآآهم يرفعوووووووون الضغط
ويآويلك بعد تخآلفهن !
تقل مرتكب اشد الجرآئم والمعاصي !
,
مير أنا خلآص قررت اسوي مظآهرآت احتجآجاً على العادات المتخلفه
التي مآأنزل آلله بهآ من سلطآن
ي آلله اللي يبي يتظآهر معي يرفع اصبعه ض1
,
لكِ ودي



هههههههههههههههه لو تظاهرين الى يوم الدين ماتغير شي لاتتعبين عمرتس بس

فيه أشياء تقدرين تضربين به عرض الحائط على قولتهم بس فيه أشياء ماش قويه ماتقدرين

الارجوانه تسلم يداتك خيتو نورتي بمرورك

[ناقه فسفوريه]

[quote=هنؤؤنه;4559698]اي والله تخلف في تخلف

لكن املنا بالله كبير
وإن شاء الله يتطورا ويتغيروا



آآآآآآآآميييييييييييييييين الله يسمع منك يارب

شكرا لمرورك

[ناقه فسفوريه]

اسمح لي ابدي اعجابي بقلمك وتميزك واسلوبك الراقي وتالقك


تسلمين من ذوقك شكرا لمرورك العطر نورتي متصفحي

[ناقه فسفوريه]

الله يعيننا على هالعقول صدقتي والله لكن مابيدينا شي عندهم الحراام اهون من التقاليد الله يرحم الحال بس ,,,

واكره مااشوف سالفة الخطوط عساهم للالتمااااس ,,,

:(



ههههههههههههههههه اوما سالفة الخطوط ذي الى قيام الساعة مستحيييل تنمسح والله ياأنا ودي أمسحه بس أخاف يتبرون من أهلي

فديكا أسعدني مرورك دامت طلتك

[ناقه فسفوريه]

هههه

والله أنك صادقه (عاداتنا المتخلفة)

وستظل هذه العادات حتى تقوم القيامة



الله يكون بعوننا ويرحم حالنا

شكرا لمرورك نورتي

[زمن الغرباء]

يابنت الحلال وش تقولين وش تخلين
خليها على الله ياختي

ان شاء الله اننا ماجورين

اجل اسم البنت عيب يكتب بالبطاقة ؟؟!!!

الله يعين بس

مشكورة عزيزتي