ياشباب .. خواتكم وزوجاتكم .. وحتى امهاتكم

[زمن الغرباء]

من الأشياء اللي تضيق الصدر
تعودوا _ بعض _ الناس ان اي شي بالبيت ينكسر أو شي ينتثر
او شي ينحاس يبي ترتيب أو أي عمل ( منزلي ) يبي يزين
لازم تنادى انسانة لها مشاعر وأحاسيس اسمها ( انثى) عشان تمسح أو ترتب اللي انحاس !!! والمصيبة انها احيانا تكون امه
يالله عاد هذي اللي ماطار طيرها ..

ياشباب .. والله لو اللي يحوس عمره سنة أو سنتين
ورب الكعبة ماراح اقول شي لكن رجل طول وعرض .. صعبة شوي !!
ليه يعني مايقدر أو مايعرف!!

ياشباب ..
والله ماطلبنا منكم تتعبون انفسكم
والله اني ماقلت اطبخوا ولا سبعوا ولانظفوا حنا نسوي كل ذولي وعلى روسنا من فوق وحق وواجب ولا سوينا شي بعد
لكن ماتوصل لدرجة ان الواحد عاد مايعرف يشيل اللي عقبه ويوديه للمطبخ او يحوس الشي ولا يعرف يرتبه .. هذا مو شغل اهلك هذا شغلك انت .. حتى غرفتك يرتبونها اهلك .. أحسها مو من الاحترام..
ورب الكعبة انه شي يحز بالخاطر ان الشاب يحوس والبنت هي اللي تتعب .. هذا كأنه يقول لأخته انتي ولا شي ..


لايجي أحد ويقول الشغالات اللي يزينن كل شي
حنا من طلعتنا على الدنيا مانعرف الشغالات _ الله يديم علينا _
وان شاء الله مايجي اليوم اللي تطب فيه بيتنا شغالة ..
وبعدين حتى اللي عندهم شغالة هذا مايمنع ان الانسان يخدم نفسه
الشغالة الأصل انها تساعد أهل البيت مو تسوي كل شي عنهم ..

العجيب بالموضوع _ ان بعضهم _ مع اصدقائه بالبر والاستراحة يتحول لشخص ثاني .. قرامة وخفة وسنع .. يعني بالبر يقطع ويطبخ ويقلط ويشيل ويحط
همن يجيب المواعين والكواتم للبيت كلهن رز ودسم !!!!!!!!!
يعني يعرف يطبخ بس مايعرف يسبع .. يعني الشغل على الهوى !!

واللي أعجب _ ان بعضهم _ دايم يقولون النبي عليه الصلاة والسلام عدد بالزوجات نبي تقتدي به ..
وانا أقول النبي عليه الصلاة والسلام كان يساعد أهل بيته بشغل المنزل رغم ضغوطاته وأعماله الشاقة _ فداه نفسي وروحي


ثاني شي ..
قراشيع السيارات اللي ماتنتهي
.. من حق أهل البيت ان البيت تكون مرتبة ونظيفة
يعني صعبة شوي جزء من الحوش يتحول لورشة
والمشكلة انه بعضهن مايبغن بس محطوطات منظر !!
والله اني يضيق صدري اذا شفت الحريم يشتكن من فوضى اخوانهن وأزواجهن وعيالهن

ثالث شي ..
ياشباب .. اذا تعبن زوجاتكم او خواتكم أو اذا انضغطن مثل ايام رمضان .. طلعوا قرامتكم وسنعكم
معليش لو تعبتوا بس مايصير ان كل شي يصير وسخ لأنها تعبانة
بالعكس هذي فرصتكم لزيادة الأجر وعشان تكبرون بعيونهن بعد

ياشباب والله لو يكون تكاتف وتعاون بين أهل البيت .. كان خف استقدام الشغالات ..

ياشباب ..
والله الموضوع جااااااد
راجعوا انفسكم

الله يسخرنا لاخواننا ويسخرهم لنا ياااارب

موفقين .....

[انتظرتك]

حلو الموضوع ..

بس شلون الرجال يحسون بوجود الحريم
إلا من خلال كنسهن وتسبيعهن وشغلهن بالبيت
والعكس البنت ماراح تحس بوجود الرجال عندها
إلا إذا شافت حوستهم ووساختهم ...


بس ألاحظ فيه أنانية
يعني تبون من الرجال يكد ويشتغل
برا البيت وإذا رجع يكمل داخل البيت !!


بعدين وش فيكم على قراشيع السيارات
فيها شي إذا الرجال حط أغراض سيارته بالبيت
وين يحطهن فيه إذا ماحطهن بالبيت ...

كل أمس وأنا هواش أنا واختي علشان الكفرات
تقول ترى إذا ماشلتهن باجدعهن بالشارع
وأنا اقولها ادفعي قيمتهن وسوي فيهن اللي تبين ...

[عـــــســـــولــي]

مابقى غير (نحمل ونالد عنكن).
أقول إتركن عنكن الكسل والنوم ومقابل النت والبلع ومتابع المسلسلات وروحن شوفن وش وراكن من كنس وطبغ وغسيل .

[ع ـروووبة]

لافض فووك

صح لسانك ولاعدمناك

بصراحه العيال الحين يبغون خواتهم وأهلهم

يسون كل شي نطبخ ونغسل وننظف ونلبي

طلاباتهم وحتى كلمه مشكورة مايطلعها من

فمه متحسف فيها ‏‏~‏

والأدهى والأمر لما تجيه البنت المسكينه

تبغى حاجه من برى قعد يذلها ويحوقن عليها

وشوله ماله داااعي ومن هالكلام‏~‏

أنا ماأقصد الجميييع فالبعض ماشاء الله عليهم

خدومين ولسانهم زي العسل ويقدرون

والحمدلله إخواني منهم ‏:‏)‏

بس والله لما أسمع صديقاتي يتكلمون

وكل وحده تشكي من جهه ماأدري وش

يحسون فيه إخوانهم ‏‏~‏‏~‏

نتمنى التقدير منهم فقط ‏‏~‏‏~‏‏~‏

[سراج اللوذه]

النساء أكسير الحياة ..

[فديكا التميمي]

انتظرتك حتى حنا نكد برى ....:)

وعسولي ماانتب افضل من الرسول عليه الصلاة والسلام والا جيدينن بالاقتداء على هواكم ...

تدرين منه اللي يعتبر منهم سنع وقرم
اللي يضف رجلينه لاجت اخته تكنس اللي حوله ...

http://www.buraydh.com/forum/images/icons/icon10.gif

[قـتـالـه]

جيت مدافعه ومندده عن الشغالات اللي تذمر منهن راعي الموضوع وكأنهن وباء
ربي يرحم أم اللي طلع فكرة الفيزه واستيراد الارواح البشريه !
وه يالبا الاسامي بعد سيتي وميمي وغفاره < دوك الاسم بس :)
الشغالات يوفرن جو نفسي رايق بالبيت
وخل اللي يحوس واللي ينثر واللي يدربي كفرات ..
وربي ماخلقني اكد بالبيت هاتوا لي دليل يقول ان التسبيع والكنس حكر على الحرمه!
ممكن اعدل بالديكورات واطباق الحلى والسلطات والباقي شغلي وشياكتي ..
وش نفع امي تقويم العزايم وطبخ الذبايح الا قولون كبر البرج وركب لهن طقطقه !

[الاخطبوط المرقط]

بعض الردود ياهي تمريرات متناغمة متقنة تذكرني بباصات زيكو وماردونا
وتمريراتي أنا يوم كنت في فصل سادس ب

الشغالة ماعنها غناة وسط عالم السيراميك والبزران والتدريس والكنس والتسبيع
وللهدم( قصر ريـــــــــــــــــــــــــــــــــــــــــال) مايخدم صاحبه

[قـتـالـه]

الشغالة ماعنها غناة وسط عالم السيراميك والبزران والتدريس والكنس والتسبيع
وللهدم( قصر ريـــــــــــــــــــــــــــــــــــــــــال) مايخدم صاحبه
واذا واحدهم كرف هالمسكينه زوجته من طلعة النهار ورا بزارينه وسيراميكه وغداهم وتدريس وهفوه وش بتصير النفس ؟
الروقان بيقام له مأتم بصالتهم !
عاد راح يتهبع يدور وحده رايقه تكون مسياريه ذات بيت وشغاله لزوم الفضوه له .. ترانا باخصينكم :(

[زمن الغرباء]

بس شلون الرجال يحسون بوجود الحريم
إلا من خلال كنسهن وتسبيعهن وشغلهن بالبيت
والعكس البنت ماراح تحس بوجود الرجال عندها
إلا إذا شافت حوستهم ووساختهم ...

وأنا وش قلت .. ماقلت انه من عيوننا نطبخ ونكنس
انا أقصد مثلا اللي ياخذ له فنجان شاهي مع الفصفص عند التلفزيون واذا خلص قام وخلاهن
هو المسؤول انه يشيلهن
بعدين وش فيكم على قراشيع السيارات
فيها شي إذا الرجال حط أغراض سيارته بالبيت
وين يحطهن فيه إذا ماحطهن بالبيت ...

كل أمس وأنا هواش أنا واختي علشان الكفرات
تقول ترى إذا ماشلتهن باجدعهن بالشارع
وأنا اقولها ادفعي قيمتهن وسوي فيهن اللي تبين ...
وشلون وش فيها
وشلون البيت تصير مرتبة وهي كلها قراشيع
وياليتها واقفة على كفر كفرين يحطن بأي مكان
وبعدين كثير من الاشياء اللي يحتفظون فيه الشباب مالها داعي
يعني اللي ماتبونه حطوه بالشارع

موفق ..

[زمن الغرباء]

مابقى غير (نحمل ونالد عنكن).
أقول إتركن عنكن الكسل والنوم ومقابل النت والبلع ومتابع المسلسلات وروحن شوفن وش وراكن من كنس وطبغ وغسيل .
غريييييييييييبة
توقعت انك اول من يفرح بالموضوع ويأيده
لأن لك موضوع عن الاقتداء بالرسول عليه الصلاة والسلام بالتعدد
فقلت اكيد انه بعد يبي يقتدي بالنبي بشغل البيت

لاتخاف ماراح يجي اليوم انكم تحملون وتولدون لأنكم اضعف بكثييير من ذلك

تبي الصدق
حرام نناظر المسلسلات والنت والبلع واخواننا مايرفعون روسهم من الكد والتعب
حراااااام يابنات حسن شوي
ماأقول الا الله يرحم حالي وحالك

[زمن الغرباء]

لافض فووك

صح لسانك ولاعدمناك

بصراحه العيال الحين يبغون خواتهم وأهلهم

يسون كل شي نطبخ ونغسل وننظف ونلبي

طلاباتهم وحتى كلمه مشكورة مايطلعها من

فمه متحسف فيها ‏‏~‏

والأدهى والأمر لما تجيه البنت المسكينه

تبغى حاجه من برى قعد يذلها ويحوقن عليها

وشوله ماله داااعي ومن هالكلام‏~‏

أنا ماأقصد الجميييع فالبعض ماشاء الله عليهم

خدومين ولسانهم زي العسل ويقدرون

والحمدلله إخواني منهم ‏:‏)‏

بس والله لما أسمع صديقاتي يتكلمون

وكل وحده تشكي من جهه ماأدري وش

يحسون فيه إخوانهم ‏‏~‏‏~‏

نتمنى التقدير منهم فقط ‏‏~‏‏~‏‏~‏

الحمدلله فيه شباب يحسون بأهلهم وياكثرهم
الله يجزاهم خير ويكتب الأجر لهم
ويهدي اللي مايحسون
موفقة عزيزتي

[زمن الغرباء]

النساء أكسير الحياة ..
مااااااااااافهمت ياستاااذ
لك الاحترام

[زمن الغرباء]

انتظرتك حتى حنا نكد برى ....:)

وعسولي ماانتب افضل من الرسول عليه الصلاة والسلام والا جيدينن بالاقتداء على هواكم ...

تدرين منه اللي يعتبر منهم سنع وقرم
اللي يضف رجلينه لاجت اخته تكنس اللي حوله ...


http://www.buraydh.com/forum/images/icons/icon10.gif

منوووورة فديكا

[زمن الغرباء]

جيت مدافعه ومندده عن الشغالات اللي تذمر منهن راعي الموضوع وكأنهن وباء
ربي يرحم أم اللي طلع فكرة الفيزه واستيراد الارواح البشريه !
وه يالبا الاسامي بعد سيتي وميمي وغفاره < دوك الاسم بس :)
الشغالات يوفرن جو نفسي رايق بالبيت
وخل اللي يحوس واللي ينثر واللي يدربي كفرات ..
وربي ماخلقني اكد بالبيت هاتوا لي دليل يقول ان التسبيع والكنس حكر على الحرمه!
ممكن اعدل بالديكورات واطباق الحلى والسلطات والباقي شغلي وشياكتي ..

وش نفع امي تقويم العزايم وطبخ الذبايح الا قولون كبر البرج وركب لهن طقطقه !

منوووووورة ياقتالة
انتي وهالمصطلحات اللي تنكت
ياحبي لك
وبالنسبة لي أنا
أنا ماأحب الخدامة اللي تحوس وتدوس مع الشباب بالبيت وكأنهم اخوانها
اخواني كلهم شباب الله يحفظهم

[زمن الغرباء]

بعض الردود ياهي تمريرات متناغمة متقنة تذكرني بباصات زيكو وماردونا
وتمريراتي أنا يوم كنت في فصل سادس ب

الشغالة ماعنها غناة وسط عالم السيراميك والبزران والتدريس والكنس والتسبيع
وللهدم( قصر ريـــــــــــــــــــــــــــــــــــــــــال) مايخدم صاحبه

مشكوور
بس السطر الأخير مافهمت له

[ام الزعيم]

لماذاالمراة تخرج وتشتغل وتشارك الرجل فى جميع امور الحياة؟

ولا تقول هذا ليس من اختصاصى والرجل عندما يطلب منه غسل

كاس يقول هذا من شغل المراة ,,,,مسكينة المراة تتحمل شغلها

وشغل غيرها ودائما مذمومه

[قـتـالـه]

الشباب بالبيت وكأنهم اخوانها



واثرتس زمنة الغرباء ياحيي :)
شوفي جيبوها وحطوا تعليمات ضد أخوة الجذور !
مامن ملازز بالمطبخ وعند الثلاجات .. :)

[╝◄ ساندرا ►╚]

معك حق لكن شنقول عاده تعودو عليها http://smilles.5d5l.com/smile_albums/small/104.gif (http://smilles.5d5l.com/)

[زمن الغرباء]

لماذاالمراة تخرج وتشتغل وتشارك الرجل فى جميع امور الحياة؟

ولا تقول هذا ليس من اختصاصى والرجل عندما يطلب منه غسل

كاس يقول هذا من شغل المراة ,,,,مسكينة المراة تتحمل شغلها

وشغل غيرها ودائما مذمومه
الشكوى لله
منوررررة عزيزتي

[زمن الغرباء]

واثرتس زمنة الغرباء ياحيي
شوفي جيبوها وحطوا تعليمات ضد أخوة الجذور !
مامن ملازز بالمطبخ وعند الثلاجات ..
ايييه زمنة الغرباء .. وهالبنية المرزوزة بالصورة وشي الله يصلحك
مامن ملاز ولا حتى عند الفرن
هه

[زمن الغرباء]

معك حق لكن شنقول عاده تعودو عليها http://smilles.5d5l.com/smile_albums/small/104.gif (http://smilles.5d5l.com/)
ولو ياساندرا حتى لو
تعودوا يحاولون يغيرون عاداتهم

مشكورة غلاي

[باسم الثغر]

أحيانا ماألومكم يالحريم
من شي أشوفه من بعض الرجال
بعضهم الله يستر منه

لي اخو
إذا دخل البيت لمن بناتنا روسهن ، ويدعن الله إن تكون جلسته فيها أقل الأضرار
وإذا طلع من البيت طلبت الوالدة تقرير سريع ومفصل عن الأضرار اللي خلفها => هذا إعصار مهب آدمي
المهم إنه ماعمره جلس بمكان وطلع منه مثل ماهو

حاليا نفكر
نجيب شغالتين
وحد نشيطة وقوية خاصه له ، ياإنها تضف وراه أو إنها تكمخه إلى مايتأدب
والثانية دعم للأولى

وإلا باقي البيت فيه من يخليه جنة

[ونة خفية]

هلا بـ( زمن الغرباء) مبطيه عن المنتدى ؟

كرف الحريم بالبيوت عادة توارثتها الآجيال جيل بعد جيل وحنا الحريم من ايد هذه العادة
بالخضوع والصمت مع مباشره العمل المثابر
بس شوفي برا بالدول الأجنبية وربي كل مايدعون له من مساواة بين الرجل و المرأة
مو خاش مزاجي إلا في قضية الأعمال المنزلية وتربية الأولاد ياهي داخله مزاجي وبقوة

كل الشكر لك يالغلا ...

[أوزان تشوبان]

كل ميسر لما خلق له

[لعيون دودي]

النساء أكسير الحياة ..



ذبحتوا هالاكسير!!!

[لعيون دودي]

غاليتي...
كثير من الاسر تعود ابنائها منذا الصغر على الاهتمام بمكان جلوسهم ونومهم واغراضهم الشخصية
وكذلك تعاونهم مع باقي افراد الاسره فيما من شأنه ان يجعل المنزل مكان هادىء ومرتبا والمغزى الاساسي تعويدهم على "الاعتماد" على النفس وغرس مبدأ التعاون في الاسره ذكورا كانوا ام اناث ...
وهذا مااحرص"أنا" شخصيا في تعويد ابنائي عليه لاني اثق باني ساجني الثمر طيبا ..ماداموا صغارا
شاهدت شبابا يشاركون اهاليهم اعمال المنزل بدون استثناء فقد اعتادوا هذا الامر منذا الصغر وهم فرحون بذلك ولكم تمنيت ان اخذكم بجوله لمنازلهم لتروا مالا ستصدقوه من روعه التنظيم وحسن التدبير ..ويتمتعون بافضل الشهادات ورقي ومكانه اجتماعية .. ومع هذا لم تسيطر عليهم نظريه السعودي بأن مايفعلوه فيه "تقليل " من رجولتهم!!
شبابنا فقط ليكن الرسول عليه الصلاة والسلام "قدوة" لكم قولا وعملا
وابتعدوا عن كثره المهاترات فلا خير لكم الا بنا..
للجميع الود

[شميساوي]

لاتخاف ماراح يجي اليوم انكم تحملون وتولدون لأنكم اضعف بكثييير من ذلك




يا أختي ....

الرجل خلقه الله لا يحمل و لا يلد ...

ليس دليلاً لـ الضعف ...

بل لأن الله له حكمة في كل شئ ...

و هناك نساء تموت أثناء الولادة ,,, فهل هذا دليل قوتها ..؟؟؟

أو دليل على أن الضعف موجود لدى المرأه ...

حتى و هي تلد و تحمل ..!!!

..

[البـــBADERـــدر B.D.Q]

بالنسبه لي لا ابيه تنظف ولا تكنس

يكفينه وجود امي وخواتي بالبيت

<-- فاقدهم بلحيل :(

[Miss Tala]

تخيل انظف شي لاخواني مافي امل كل واحد يسوي شغله بيده ماعمرنا سوينا لاحد شي لاتنظيف ولاشاي ولاغيره كل واحد يحوس يظف وينظف حوسته يعني هذا ماله دخل برجال او بحرمه ..كل واحد مسؤول عن نفسه بس بعض الناس يعودون عيالهم على التدليع وملاحق حوستهم ..

[| ~ ســمــو ~ |]

آآآه بس ياحبي لـ اندونيسيا او اندونيشيااا والله شايله حمل !
لكن الاخوان على حسب اللي تعود عليه
لكن انصحك كان اخوانك من النوع اللي تقل بزر يحوس ويطلع غيري الاسلوب معه واذا حاس شي لاتزينينه لين يبدا يمشي ويوطي الحوسه بغرفته هههههه

[زمن الغرباء]

أحيانا ماألومكم يالحريم
من شي أشوفه من بعض الرجال
بعضهم الله يستر منه

لي اخو
إذا دخل البيت لمن بناتنا روسهن ، ويدعن الله إن تكون جلسته فيها أقل الأضرار
وإذا طلع من البيت طلبت الوالدة تقرير سريع ومفصل عن الأضرار اللي خلفها => هذا إعصار مهب آدمي
المهم إنه ماعمره جلس بمكان وطلع منه مثل ماهو

حاليا نفكر
نجيب شغالتين
وحد نشيطة وقوية خاصه له ، ياإنها تضف وراه أو إنها تكمخه إلى مايتأدب
والثانية دعم للأولى

وإلا باقي البيت فيه من يخليه جنة


الحمد لله انك فهمت قصدي ياستاذ ..
فهم اللي فهموا اني اقصد انهم يكدون بالبيت ولا يقعدون من الشغل
والله يفتح على قلب اخوك

موفق يارب

[زمن الغرباء]

هلا بـ( زمن الغرباء) مبطيه عن المنتدى ؟

كرف الحريم بالبيوت عادة توارثتها الآجيال جيل بعد جيل وحنا الحريم من ايد هذه العادة
بالخضوع والصمت مع مباشره العمل المثابر
بس شوفي برا بالدول الأجنبية وربي كل مايدعون له من مساواة بين الرجل و المرأة
مو خاش مزاجي إلا في قضية الأعمال المنزلية وتربية الأولاد ياهي داخله مزاجي وبقوة

كل الشكر لك يالغلا ...
هلا وغلا ومرحبا حبيبة قلبي
ياحبيبتي
مايخالف نشتغل بس نبي تقدير واحساس
وبالنسبة للغرب
خليها على الله .. كثير من أنظمتهم المفروض حنا أولى بها كمسلمين

منووووووووووووووووووووووووووووورة

[زمن الغرباء]

كل ميسر لما خلق له
ارجع للموضوع
وافهم القصد

بوركت

[زمن الغرباء]

غاليتي...
كثير من الاسر تعود ابنائها منذا الصغر على الاهتمام بمكان جلوسهم ونومهم واغراضهم الشخصية
وكذلك تعاونهم مع باقي افراد الاسره فيما من شأنه ان يجعل المنزل مكان هادىء ومرتبا والمغزى الاساسي تعويدهم على "الاعتماد" على النفس وغرس مبدأ التعاون في الاسره ذكورا كانوا ام اناث ...
وهذا مااحرص"أنا" شخصيا في تعويد ابنائي عليه لاني اثق باني ساجني الثمر طيبا ..ماداموا صغارا
شاهدت شبابا يشاركون اهاليهم اعمال المنزل بدون استثناء فقد اعتادوا هذا الامر منذا الصغر وهم فرحون بذلك ولكم تمنيت ان اخذكم بجوله لمنازلهم لتروا مالا ستصدقوه من روعه التنظيم وحسن التدبير ..ويتمتعون بافضل الشهادات ورقي ومكانه اجتماعية .. ومع هذا لم تسيطر عليهم نظريه السعودي بأن مايفعلوه فيه "تقليل " من رجولتهم!!
شبابنا فقط ليكن الرسول عليه الصلاة والسلام "قدوة" لكم قولا وعملا
وابتعدوا عن كثره المهاترات فلا خير لكم الا بنا..
للجميع الود
اكيد ان شاء الله اولادك بيطلعون نجباء مادام انتي امهم
انتي دائما رااااائعة

وصدقيني عزيزتي
اشوف الشباب اللي يحسون بأهلهم
واخوي واحد منهم وان شاء الله يبي يوفقهم

بس عسى الله يهدي اللي مايحسون

ربي يسعدك

[زمن الغرباء]

يا أختي ....


الرجل خلقه الله لا يحمل و لا يلد ...

ليس دليلاً لـ الضعف ...

بل لأن الله له حكمة في كل شئ ...

و هناك نساء تموت أثناء الولادة ,,, فهل هذا دليل قوتها ..؟؟؟

أو دليل على أن الضعف موجود لدى المرأه ...

حتى و هي تلد و تحمل ..!!!

..

اعتذر ياأخوي ..
ماكنت أقصد اني أجرح مشاعر أحد
لكن الشخص اللي رديت عليه هو اللي أثار غضبي ..


اكرر اعتذاري

[زمن الغرباء]

بالنسبه لي لا ابيه تنظف ولا تكنس

يكفينه وجود امي وخواتي بالبيت

<-- فاقدهم بلحيل :(
عسى الله يقر عينك بشوفتهم
مشكور ..

[زمن الغرباء]

تخيل انظف شي لاخواني مافي امل كل واحد يسوي شغله بيده ماعمرنا سوينا لاحد شي لاتنظيف ولاشاي ولاغيره كل واحد يحوس يظف وينظف حوسته يعني هذا ماله دخل برجال او بحرمه ..كل واحد مسؤول عن نفسه بس بعض الناس يعودون عيالهم على التدليع وملاحق حوستهم ..
صدقتي ..
واللي بالأحمر
هذا اللي ابي أوصله

مشكورة وموفقة ..

[زمن الغرباء]

آآآه بس ياحبي لـ اندونيسيا او اندونيشيااا والله شايله حمل !
لكن الاخوان على حسب اللي تعود عليه
لكن انصحك كان اخوانك من النوع اللي تقل بزر يحوس ويطلع غيري الاسلوب معه واذا حاس شي لاتزينينه لين يبدا يمشي ويوطي الحوسه بغرفته هههههه
لا الحمدلله ماتوصل انهم تقل بزران
الله يحفظهم ويخليهم لنا ..

بس الله يعين

مشكوورة عزيزتي
والله يخفف عنك ..

[لعيون دودي]

اكيد ان شاء الله اولادك بيطلعون نجباء مادام انتي امهم
انتي دائما رااااائعة
فديت قلبك ياذوق انتي اروع ياقلبي

وصدقيني عزيزتي
اشوف الشباب اللي يحسون بأهلهم
واخوي واحد منهم وان شاء الله يبي يوفقهم

بس عسى الله يهدي اللي مايحسون

ربي يسعدك
آآآآمين
دمت بود

[هلاوين]

اعتقد كل له مهمته الولد غالب نطاق عمله خارج البيت مثل البقاله اغراض البيت وووو الى اخره


والبنت مهمتها داخل البيت مثل الكوي والتغسيل والطبخ


مع ذلك ما يعفى من مساعدة اهله

ولو يحصل يخلون عليه تسبيح وتنظيف البزران تسان زين ههههههه


شكرالك زمن الغرباء

[مقصود]

خير ان شاء الله

[زمن الغرباء]

اعتقد كل له مهمته الولد غالب نطاق عمله خارج البيت مثل البقاله اغراض البيت وووو الى اخره


والبنت مهمتها داخل البيت مثل الكوي والتغسيل والطبخ


مع ذلك ما يعفى من مساعدة اهله

ولو يحصل يخلون عليه تسبيح وتنظيف البزران تسان زين ههههههه


شكرالك زمن الغرباء
موفق ياأخوي
انا كل قصدي انه اذا حاس شي هو اللي يزينه

ولك الشكر الجزيل ...

[زمن الغرباء]

خير ان شاء الله
ان شاء الله خير ..