اعدون البكيراوي وابو بسام وصرت انكت مثلهم ,ترجمة لقصة الخيار وجوز الهند

[خـــــــــــــــالـــــــــد]

جاء لي قبل ايميل من البكيراوي تبعه ايميل من ابو بسام



ويوم فتحتهن لقيت نفسي انكت <<<<< الظاهر هذا الفيروس اللي قال عنه ابو بسام

المهم يوم لقيت نفسي انكت قمت ونقلت لكم ترجمة لقصتي في منتدى الانجليزي
مع اني من العجز ولاني ما احب الكتابه على الكيبرود ما ترجمتها في صفحتها
بس العدوى الله يكفيكم شرها

طيب اوكي نرجع للقصه



اقول الله يطول اعماركم

اني فيني عادة عجزت اتركها متاصلة فيني من يوم انا صغير

وهي اني اول ما امسك كلمات انجليزيه اول مره اعرفها ,, على طول احاول استعملها
وهذا اللي حصل معي يوم عرفت معنى خيار وجوز الهند cucumber & coconut

وقتها كنت بالثانوي

ورحت للسوبر ماركت واثناء تجوالي في قسم الخضار والفواكه لفت انتباهي شي مثل الكوره البنيه وعليه شعر , :eek: استغربت وش هذا ؟؟

وقلت في نفسي يمكن يكون جوز الهند ؟ بس جوز الهند زي مانشوف في افلام الكرتون كوره بنيه ملساء ناعمة بدون وجود الطبقه الخشنه من الليف


رحت وسالت احد العمال بالانجليزي وانا اشير الى جوز الهند

هل هذا cucumber ((( خيــــــــــــــــــار ))):D :D :D :p :p ؟

طبعا لخبطت بين الكلمتين من حيث اللفظ

العامل جاوب علي وهو اكيد وده يذبحن على هالغباء:eek: :mad:


لااااااااا لاااااااااااا , واشار وهو يبتسم لغباء السؤال واشار الى الخيار وقال لا ذلك هو الخيــــــــــار

.............



شفتوا الفشيله :1: :D

انتبهوا تلطموا وانتم تقرون لاتنعدون مثلي

[البكيراوي]

هئ هئ هئ ..تراي اول مرة اضحك هالضحكة ...:p

هذا الموضوع اللي كاتبه بمنتدى اللغة الانجليزية وجلس البكيراوي ساعة يقراه وعجز يفهمه ...اح اح طلعت الفضايح ...:p

اقول مثل هالمواقف تصير واجد .......

خذن من هالسالفة ..

دكتور هندي عندنا بالجامعه ..يدرس رياضيات ..!

سألن ليه ما حليت التمارين المقررة ...طبعا بالانجليزي !!

رديت عليه بالانجليزي بس مكسر طبعا ومكسر ابوه بعد ..:D

كنت ابقول اني نسيت احله ( forget solving ) يعني نسيت احله

بس انا قلت له ( togather solving ) يعني نحله سوا مع بعض ..!!

الدكتوووووووور الهندي طير عيووونه بي وبغى يلفعن ..!

بس اشوا اني اطول منه بوااااجد وراسه يااااصل لكتفي ..:D

يعني شاف الوضع ما يساااعد ..:p

وفكن الله منه .

تحياتي للجميع . . .

[خـــــــــــــــالـــــــــد]

ابو محمد .....

تراي ناوي اسكر النت وتوكل على الله بس لقيتك راد عي قصتي قلنا خل نشوف الضحك
لكن انا اللي مت من الضحك على نحله سوا...............

وكلما جيت اسكر عجزت من الضحك

الله يقطع سواليفك

حسبي الله عليك هذي ثاني مره اطيح من الكرسي بسببكم:1: :D :mad: :D

[أبو بسام]

قمة القههههههههههههههههههر
والله مقهووووور


قاعدن اكتبلكم موقف صار علي ..... مثلكم



وقاعدن اضبطه وأزينه

وموضوع مهب قصير

يوم اضفت المشاركة قال :( يوجد صور كثيرة....)

المهم ابرجع للخلف لقيته ممسوووووح:3: :3:


اكتبه لكم مرة ثانية

أنا الحين مشغول


تحياتي لــ( أنا هنــا و البكيـــراوي )................;)
ولكم كلـــكم........................................... ........;)

[المعيد]

حيكم الله جميعا

ورى قصصكم اليوم كله هنود × هنود

أناهنا أجل خيار زين ما قلت حبحر ولا كان عطاك بصل

والله يا أخي بعض المرات الواحد يقوم من النوم ويرح يجيب طلبات نصفها غلط ولا يبغى

لكن تعيش وتاكل غيرها


أما أنت أخي أبو محمد

أجل فكك الله من الهندي زين ما صار معه خشبة حراس الأمن ولا كان علوم

شكرا لكم والله يعافيكم

أهلا أخي أبو بسام

أجل يوم رجعت مالقيت شي

والله يا هالحركه مطلعة براسي الشيب لكن الشكوى لله

[السعودي]

آآآآسـف لأنـي دخلت عليكم غلط ... ولكن ما اصبر ... نظراً لشكوى ( الكيبورد ) وكانت تنزف الدموع المحملة بالأحرف والأرقام وإصابة ( Shift ) بحالة من التشنج الحادة من كثرة الضرب عليه وعلى بقية زملاءه من الأزرار المجاورة ... وخصوصاً أن الشكوى آتية من أو ضد ( منتدى السوالف والطرائف ) لأنهم هم أكثر من يداعب لوحة المفاتيح ( الكيبورد )

ــ فهنا ورحمة بأزرار ( الكيبورد ) أقول للجميع / أحياناً الواحد منا يكتب مشاركة متعوب عليها ... وقد يذهب هذا التعب والجهد أدراج الرياح بسبب ما يصادف الإرسال من ضعف الاتصال أو رسالة تنبيه تفيد بكثرة الصور المرفقة ضمن المشاركة مما يؤدي بالعضو إلى التراجع لتصيحيح المشاركة ... وهنا يصاب بصدمة يخالطها نوع من القهر والحسرة والإحباط ..... وتلافياً لحدوث مثل ذلك أقول لكم مايلي من أجل الحفاظ على عدم ضياع تعب الجهد والتنسيق للموضوع :

أولاً : إذا كتبت المشاركة أو الرد الذي أخذ منك ما أخذ من التعب والجهد في كتابته وتنسيقه ... حاول في النهاية وقبل الضغط على اعتماد المشاركة أو الرد أن تقوم بوضع مؤشر الفأرة في منتصف المشاركة المكتوبة وتضغط بزر الفأرة الأيمن وتختار ( تحديد الكل ) ثم تعاود مرة أخرى وتضغط بزر الفأرة على المشاركة المكتوبة وهي في حالة التظليل بزر الفأرة الأيمن وتختار ( نسخ )

ثانياً : افتح المفكرة أو الدفتر أو الورد وتضغط بزر الفأرة الأيمن وتختار لصق فتجد أنك عملت نسخة من مشاركتك ويطمئن قلبك في حالة فشل ارسال أو اعتماد مشاركتك ...... الظاهر أنكم فهمتوا ما أرمي إليه

[خـــــــــــــــالـــــــــد]

ابو بسام ,,, المعيد

عندي لكم حل لهالحركه اللي يسويها فيكم الكمبيوتر

بديت اسويها بعد ماطلع في راسي الشيب من كثر ما مسح مشاركاتي

وهي:.....

بعد ما تنتهي من الكتابه وقبل ما ترسل

بالزر الايمن
نسخ


وبعدها نزل الموضوع ان مشت جت سليمه

لو انمسح فقط افتح صفحة الرد من جديد
وبالماوس الايمن

لصق وتنتهي المساله على خير

وتسلمون على هالتفاعل
===================

اخوي المعيد.......

ياويك من البكيراوي يبي يقولك انت داخل تضحك علينا وبس

وين موقفك
لذلك امكن نفسك وحط موضوع وموقف طريف مع الهنود والا حتى مع الامريكان
اهم شي يصير فيه انجليزي

[خـــــــــــــــالـــــــــد]

اخي السعودي
دائما سباق للخير

الا وش توارد هالافكار ؟؟؟؟
وبنفس الوقت بالضبط!!!!!!!!

وتسلم

[(عروس الهلالية )]

هلا وغلا



اقول انا داخله متلطمه
ومقفله عيوني
ومسكرة فمي

بس العدوى وانا اختك قوووووووووويه

تصدق حتى المعلومات اللي فرحانه فيها وشايلتها براسي تبخرت من يوم قريت موضوعك



يسلموووووووووووو والله يشفينا وياك من عدوى بعض ناااااس


ملاحظه للبكيراوي >><< اقول لا تفرح انك طويل برسل لك خالي نويصر اطول منك مرتين وتخصص تعذيب طلاب جامعه <======== مهيب نجسه ابد


تحياتي
عروس الهلاليه
============