خانت اهلها فكيف ماتبيها تخـــــــونك !!!!

[عاشق ديرتي بريده]

استغراب على اكثر الشباب اهتمامه بما يسميها حبيبته

اللي تعٌرف عليها بطريقة غزليه كترقيم او انتر نت وحزنه الشديد يوم يفقدها !

هي اصلاً بنت بلا مبدىء ولا تربيه سليمه وكما خانت اهلها

اقرب الناس لها ووثقوا فيها فكيف ماتبيها تخونك وتروح لغيرك

وكيف تحزن يوم تفقد بنت ساقطه بالحياة !

المشكله لو تسأل اي واحد عن بنت صاحبة غزل راح يقول

كلام لو تسمعه البنت كان تغيرت نظرتها للشباب والغزل !

اقل مايقال عن البنت صاحبة الغزل للأسف أنها ( دبشه ) !

اصحي يابنت وتوبي لربك فوالله العظيم أنك اردى الناس بعيون المغزلجيين !

سوف يملي غريزته ويرمك رمية الكلاب !

ان كنتي تشكين مجرد شك بكلامي فضعي موضوع وأسألي الشباب

ماهي نظرتك للي تغازلها وشوفي الجواب اللي مايسر اليهود !!

موضوع قد لايعجبكن ولكن للأسف هي الحقيقه .

ومااردى من البنت الا الشاب اللي كما قلت عنه من قبل جسم انسان بتفكير حيوان !

[سهاد]

صدق عاشق ديرتنا ...لكن ماذا تقول في الغرائز التي لم تجد من يشبعها ..والألفة في النت وعالمه

شيء أكبر من الوصف خاصة من بني جنسنا ..والدليل بمجرد غياب العضو او العضوه نشعر بألم

عليه وفقد ..وان كانت العلاقة عامه وسطحية ..لكن هي الأرواح ..!!


اخي ..المسألة ليست دباااشه بقدر ماهي اشباع رغبة ..من قبل الطرفين

أما ,,
المراهقات فـهن اللاتي يجب ان يعين الوضع بعكس المتزوجات والكبيرات فأعتقد انها فاهمه لكنها

تجدها متعه وكما قلت اشباع نقص حاصل ..

النظرة واحده منذ قديم الزمن وحتى الآن ..البنت التي تتقبله وتفتح له قلبها حتماً ستنصدم

لكن الصدمة بحسب ذئبها اقصد حبيبها ان كان خلوق وفيه نوع من الرحمه فلن يوصلها الى الكبرى

وان كان ذئب ووجهه وجه كلب فلن يرضى حتى يحقق مراده وهنا تصبح الصدمة كبرى ومصيبة عظيمه ..وهي ساقطه في نظره في كلا الأحوال ..

المشكله ان الكل يتفاعل مع الموضوع وهو في طريقه لايشعر بأنه من ضمن القائمه

يعني الوضع جدا مزري

شكرا لك

[aĻŖeem]

خانت اهلها فكيف ماتبيها تخـــــــونك !!!!

بلا شك من تخون أهلها تخونك يافهيم
ومن تخدع أهلها تخدعك
ومن تكلمك تكلم ألف غيرك .
فـ الله يصلح الحال
ويهدي كل ضال

جزيت خيراً عاشق ديرتك

[دِيم]

العذر أخي عاشق
لكن هذا الكلام أكل عليه الدهر وشرب
أصبح ورقة لاقيمة لها :(

.
.
الكل يعلم هذا الكلام , أصبحت كفة الفتاة والشاب متساويتين في الخطأ :)


.

[مشاكس عام]

اصحي يابنت وتوبي لربك فوالله العظيم أنك اردى الناس بعيون المغزلجيين !

سوف يملي غريزته ويرمك رمية الكلاب !


وهذا اللــــــــي حاصل للاسف !!!

رحم الله الاجيال الماضيه

لانت ولامغازله من فوق الجبال اذا ضربت الحمى يتغازلون بالاشعار

[عاشق الخير]

بل خانت ربها ودينها قبل هذا يا عاشق ...
فمن لم يردعها الحساب و العقاب الرباني ...
لن تهتم بسمعتها واهلها ..

لكن هذا الكلام أكل عليه الدهر وشرب
أصبح ورقة لاقيمة لها

لهذا سمي تذكير ..

[جبل السكر]

موضوع بوقته وبمكانه :)



تحيتي

[أبو الريش]

خابر الموضوع اللي قبل آخر موضوع وش الللي خلاك تجدد ههههههههه

عاشق موضوعك على الجرح, لكن من يعلم ,, صدقني مايتصدى للأمور هذي الا البنت الذكيه اللي تقاوم فراغ العاطفه ,,

انا اذا شفت بعض من اللي اعرف يغازلون أرحم البنت اللي تكلمه لأنه بصراحه (شين) لكن عليه اسلوب يخلي نفسه بنظر البنت حلووو ,, بس الشكل الله يرحم الحال ( أثرم ولا سنونه صفر , ولا نص راس ثعلبه)

إذا على الخيانه الآن الشباب اللي يخونون مهب هن صار اللي يتعلق بالثاني البنت مهب الشاب وهذا الغالبيه اللي نشوفه

[لِـيم’]

من خان لأجلك يخونك

جزيت خيراً

[مناكير فوشي]

اكيد بتخونه شي طبيعي ..

انا استغرب من الشاب خاصه لاصار مسوي نفسه يغارعليه ويزعل؟؟؟


الله يجزاك خير ,, ويهديهم ولايبلانا,,

[كفاني عذاب]

جعل الله كل حرف كتبته في موازين حسناتك
وكل سنه وانت بـ الف صحه وسلامه



خابر الموضوع اللي قبل آخر موضوع وش الللي خلاك تجدد

اسكت لا يسمع كلامك همن يهون ويغيب تراي فرح يوم جاء ورجع لنا

[eivl girl]

موضوعك حلو عاشق والردود جت احلا
لكن لو بتكلم بالحقيقه هذي مو خيانه
الحب امر فطري حتى نشوفه بين الاطفال والرسول كان يشوف العشاق يهيمون بالاسواق ماكان ينكر عليهم بالعكس
كان يحاول يجمع بينهم
لكن حنا تقاليد مجتمع سميناه خيانه الحب مااحد يقدر يوقف بوجهه مو معناته ان البنت راحت من وراء اهلها انها خانت لا هذا لانهم هم ضيقو عليها فتمردت عليهم
انا مو هنا مؤيده او اشجعهم لا ابرء لله منهم لكن الحق حق الخطاء خطاء مجتمع وعادات وتقاليد
انا ضد مقولتك هذي ان من خانت اهلها تخون حبيبها ياكثر متزوجات قطعت اهلها وعادتهم وهي وزوجها باحلا عيشه
دمت

[≈ Śķőőŋ »]

جزاك الله خير

والله يعافيهم ولا يبلانا

ويستر ع الجمييييييييييييييع ياااارب

يمآآل العافيه ..~

[سحايب نجد]

وهـ ياقدمك
شكلك توك تستوعب هع

[ذات]

يا حبينيلكم ..
موضوعك من القرون الوسطى ...(: ..
يمكن الشيء اللي غفلت عنه ان البنات الحين ماعدهم مثل زمان ..الحين اللي دبش وخروف هو الولد ..وماعد فيه احد يهددد احد الحين فيه قانون ...واقرب شيء جيب الهيئه راس ماله تبلغ وينقفط هو وقرونه وهي تسرح وتمرح على كيفها ...

يعني ماعد صاروا الشباب يخوفونا مثل اول ...الحين تلزق لك لزقه وتفضحك عند جماعتك ..وتروح لين ابووك وتقول هذا حبي ...ما اتنازل عنه ...(:
الحين العيال مساكين يهربون ..والبنات تلاحق ..
يعني الايه انقلبت ..والقادم احلى ..
نظامهن يا تدفع يا ابلغ عليك ....(:
الحين الخوف عليكم يا العيال ...اتقوا النمسات البشريه ...لانها بتسلخك انت وسمعتك ...
....................................تشاو ...

[سمو ذات]

حزنه ربما على الفراغ الذي تخلفه في وقته ليس حزناً على فقدها


ومااردى من البنت الا الشاب اللي كما قلت عنه من قبل جسم انسان بتفكير حيوان !


جمله تغني عن مؤلفات ..

اللهم استر علينا وعلى شبابنا وفتياتنا واسترهم بسترك واهدهم بهداك
هذا مانستطيع قوله في وسط معمعة الفتن

[فديكا التميمي]

انا مااتفق مع عنوان الموضوووع .....
والله يستر عالمسلمين شباب وبنات
بــ تتزوج !! جآوبني بــ تتــزوج !!

ليه سآكت .. سؤالي مُــحرج !!

روح الله يوفقك كنت أدري ..

بخافقك وش قدري !!

عارفه مصيري من البدآيه ..

حبك أعماني عن النهايه !!

كنت مثل اللي يتعآطى الجرعه

بـ خوف و قلق و سرعه !!

لإجل يسكن رجفته .. http://forum.upkelk.com/images/smilies/frown.gif

ويجمع شتات كلمته ..

يطمن روحه !!

يطبطب على جروحه !!

ويحس بوجوده وينسى http://forum.upkelk.com/images/smilies/frown.gif

إنه تايه بلا مرسى !!

غبي يتجاهل نهايته بــ ( يموووت )

وحيد ..منسي .. بلا صوت !!

حطيتك على رآسي وسكنتك بعيني http://forum.upkelk.com/images/smilies/frown.gif

والحين تقول بتفرق الأقدار بينك وبيني !!

خاف ربك وش سويت فيني

تقول مدري بس يقولون ..خآنت أهلها تخونك

كذآ تبيع نآس يشترونك !!

تعرف معدني زين

ما أرضى لنفسي الشين !!

ليه تعمم الأمثــال

وتصدق كلام ينقــال .. !!

المثل هذا صحيح للي تعرفك للمصالح ..

و حبها الكذآب وآضح !!

تبتزك لأجل غايه تبيها http://forum.upkelk.com/images/smilies/frown.gif

توصل لها ثم ترميها !!

أصابع يدينك ماهي سوآ ..

ولو قويت أنت قلبي ما قوآ .. !!

هذا جزاء الإحسان..

جحود و نكران .. !!

فهمني قبل تمشي أنت وآعي !!

ولا تتعمد أوجاعي !!

وش ينقصني ؟؟

بعز القيظ تتركني !!

وتروح شهر العسل

ولا كأن شيء بالدنيا حصل !!

وش طينتك وش معدنك !!

وش اللي فيها يفتنك !!

جمال .. آنا بشهادة من شافني زينه ..

أخلاق .. بشهادتك عاقله و رزينه ..

ليه تزيدني غبينه !!

سنين حبيتك فيها ..

دآريت روحك .. سميت عليها ..

كنت أهتم بك وأنت تدرس http://forum.upkelk.com/images/smilies/frown.gif

و جآي تقول أبي أعرس !!

ما أمداني أفرح إنك تخرجت ..

لفرحــيقتلت ..

ولـ قلبي طعنت ..

وش ذنبي إني بنت !!

فهمني وش المطلوووب !!

أحس قلبي معطووب ..

وش لازم أسوي !!

لأجل أطفي ضوي ..

وقفت جنبك ..

شريت قربك ..

وينه دفا قلبك ؟؟

ليه قل لي ليـــه !!

آدري كلامي مايغير شيء بــ تسويه !!

لكن آنهد حيلي http://forum.upkelk.com/images/smilies/frown.gif

بأحاول اشفي غليلي ..

لعلي آصبر على شقا ليلي ..

روووح الله يهنيك بعرسك ..

صعب علي آفهم درسك !!

من يسقي بغيبتك غرسك !!

كل شيء بــ يذبل ..

وانت بــ تـرحل !!

وش يعني لو أزعل ؟؟

زعلوا قبلي ..

بنات كثير مثلي ..

ماكتب نزفي لأجل أعاتب أو آلووم ..

يمكن الخطا مو منك من المفهــوم ..

بـ تتزوج ( مبرووك عليك )

والله يصبرني لا جاء طاريك ..

بـ أبكي بس ماهو عليك .. !!

على روح حساسه ..

على نفس تمر بإنتكاسه ..

على مجتمع ينكر أساسه

بـ أسباب عقلي قلبي مات إحساسه !!

وصلت لمرحله عفت فيها الكون و نآسه

صعب أتكيف ..

مع وآقع مزيف !!

أمــر بمراحل تقليديه

تعتمد على المظاهر والسطحيه ..

مايمشي معي أسلوب تكشخي يابنيه..

لآجل تلفتين الأنظار ..

وتصيرين سوبر ستار !!

وتخطبك ذيك العجوز .. لولدها ..

وتذوقين من الدنيا شهدها !!

بتعرسين .. آووه من قدك لفلآن بتاخذين ..

سآعتها سوي اللي تبين !!

كفايه آسمحوا لي اقول آنهم جاهلين !!

اقدر البس من الملابس أحلاها ..

وآتطيب بعطور ولا أحلى من شذاها ..

وآصير ذيك البنت اللي كل من شافها ناداها !!

ما أقدر أعيش تمثيليه .. تلغى فيني الشخصيه !!

مافي أمل أكون .. زي مايبووون !!

بتقولون هذآ تمرد ..

أهون من أن الروح تستعبد !!

مآهمني كل اللي يقولونه ..

ما أرضى أكون ميني كان يعرضون عليه اللي يبونه !!

المشكله لآجاهم الطيّب يردونه !!

يعني هم أحسن ناس .. مااحد يساويهم !!

اصل وفصل ومنصب .. ماشاء الله عليهم !!

طلعوا من بطون إمهاتهم بفمهم ملعقه من ذهب !!

كل شيء ورثوه بلا تعب !!

ليتهم بس يرجعون للدين .. ويفهمون إن البشر متسآويين ..

مايدرون إن الرسول قال فيما معناه ..

زواج المحبين أفضل حل يراه !!

وهم مسوين زحمه ومشربكين المواضيع ..

و الإسلام بأخلاقه رفيع ..

رجاء لايتكلمون عن الدين !!

وهم بـ الجهاله متمسكين !!

والنتيجه .. حنا ضآيعين !!

للصدف متروكين !!

عالعموم مايضيعنا رب العالمين ..

وقبل أختم كلامي ودي أوضح شيء !!

مو دليل إن الكلام اللي كتبته ينطبق علي !!

الكاتب مرءآه لأحوال نــآسه ..

ابسط شيء يقدمه يشاركهم بإحساسه ..

وأنا من كثر ماشفت دموع سالت من عيون البنات ..

ضاق صدري قلت أكتب لعل الباقين يآخذون درس بالحياة ..

ومايكررون التصرف نفسه !!

لاصار بيجي يوم يعزمها على عرسه !!


http://up.upkelk.com//uploads/images/up-98ebdead06.gif


والمعذره كاني طولت بالكلام ..

بس ودي احط يدي ع الجرح وأخفف الآلآم !!

وأقول لكل بنت .. فكري وش بيصير على مر الأيام ..

ما أحد معصوم عن الخطا لكن نقدر نعمل بالأسباب ..

ونسد عن الريح باب ..

شيء ماتضمنينه ..

على نفسك لا ترضينه .. !!

وأنا والله ماجيت أعطي دروس .. قصدي أذكر ..

إننا لازم قبل كل خطوه نفكر ..

ومن ترك شيء لله عوضه خير منه ..

ربي قادر يغنيك عنه ..

واللي عنده شيء يحب يحكيه ..

ليته مايبخل فيه ..

كلنا في صـرقعه على قلب واحــد ..

ورب العالمين شــــــاهد ..

[ممكن اكون بكونك]

يمكن الموضوع من الامور المتجددة في هذا الزمان لكن لا ألوم البنت لو بحثت عن الحب ولا ألوم الولد لو حصل مبتغاهـ ...


اللوم الكبير على التربية الصحيحة والحوار الصادق والعلاقات الاخوية والحب المتبادل بين افراد الاسرة الواحدة ..
فإذا كانت العائلة الواحدة مترامية الاطراف ولا يلتقون الا مرة واحدة في اليوم وغاب الاهتمام الابوي فهذا الشيء الاساسي للمغازل .

[الصلفه]

من الي حلله لكم وحرمه على غيركم يا (جسم انسان بتفكير حيوان)

الله سبحانه وتعالى ساوا بين الرجل والمرأة بالعقاب والثواب



أقتباس:[ اصحي يابنت وتوبي لربك فوالله العظيم أنك اردى الناس بعيون المغازلجيين]


والله مشكله شايفين بروحكم شوفه وش عليه مأدري؟ أجل البنات يبن يطيحن

من عيون المغازلجيين!!!! صحيح مجتمع ذكوري100%ما يخاف الله


أقتباس:[ان كنتي تشكين مجرد شك بكلامي فضعي موضوع وأسالي الشباب ماهي نظرتك للي تغازلها وشوفي الجواب اللي مايسر اليهود]

والله انتم اليهود0 هالحين صارنظرت الشاب المتخلف التافه أهم من نظرت

الخالق سبحانه لها 0 ونظرتها هي لنفسها !!!!!!!!!!!!!

وبعدين يمكن هي تبي تلعب على ها الدبشه وتروح وتخليه لافرت راسه الفاضي

على قولتك (جسم انسان بعقل حيوان)

انا ضد التفسخ والمغازل للجنسيين الشاب والشابه على السوا مهب على كيفكم تحرمون وتحللون بشرع الله

[خالد2007]

سوءال : من اكثر هل النار ..الرجال او النساء ؟؟ علشان تعرفون من هو سبب البلاوي والمشاكل .
الحريم هن اكثر اهل النار مع ابوجهل وابولهب خخخخخخخخخخخ

[سكر الأرض]

سوءال : من اكثر هل النار ..الرجال او النساء ؟؟ علشان تعرفون من هو سبب البلاوي والمشاكل .
الحريم هن اكثر اهل النار مع ابوجهل وابولهب خخخخخخخخخخخ

وانتم مع الدجال يا اشباه الرجال

[ثمن الساعة]

اخواني
قبل مانتكلم عن الخيانه ومن خان من

نتكلم عن الاسرة الذي جعل البنت كذا

كيف يتعامل الرجل مع الانثى في الاسرة

الفتيات مكبوتات وعمرها ماتسمع كلمة مديح منهم غير التحقير والتهميش والتطنيش
تصبح مثل الطفل اليتيم الذي يفرح عندما تعطف عليه او تمدحه
الحب حاجة مثلة مثل الحاجة للامان وغيرها فاذا البنت لم تشبع هذة الحاجة من الاسرة
تبحث عنها في الخارج من المدرسة الشارع الجوال النت

يحسسها انها مرغوبةبدل التهميش ومحبوبة وذات اهمية

نحن لا نسمعها كلمات المديح لها



ولو رايت ابنتك او اختك والام كذالك وتقول لو لبست فستان جديدماشاء الله قمر حلوة احلى بنيه


واذا عملت شي وش حلاته الى عملتيه شاطر

واذا غبنا عنها ياعمري ياحياتي مشتاقة لك وتحضنها

ونسمعها كلمة احبك وخاصة من الولدين
حتى تصبح كلمة الحب شبعانه منها وما تبحث عنها في الخارج واذا سمعتها ما تطربها ولا تغريها


وتصير تقول كل الذي في قلبها لك

واذا تكلمت مهم جدا تسمعها

هذا العمل يحصنها ويجعلها قويه
تحياتي
.

[شقاء]

اخواني




قبل مانتكلم عن الخيانه ومن خان من

نتكلم عن الاسرة الذي جعل البنت كذا

كيف يتعامل الرجل مع الانثى في الاسرة

الفتيات مكبوتات وعمرها ماتسمع كلمة مديح منهم غير التحقير والتهميش والتطنيش
تصبح مثل الطفل اليتيم الذي يفرح عندما تعطف عليه او تمدحه
الحب حاجة مثلة مثل الحاجة للامان وغيرها فاذا البنت لم تشبع هذة الحاجة من الاسرة
تبحث عنها في الخارج من المدرسة الشارع الجوال النت

يحسسها انها مرغوبةبدل التهميش ومحبوبة وذات اهمية

نحن لا نسمعها كلمات المديح لها



ولو رايت ابنتك او اختك والام كذالك وتقول لو لبست فستان جديدماشاء الله قمر حلوة احلى بنيه


واذا عملت شي وش حلاته الى عملتيه شاطر

واذا غبنا عنها ياعمري ياحياتي مشتاقة لك وتحضنها

ونسمعها كلمة احبك وخاصة من الولدين
حتى تصبح كلمة الحب شبعانه منها وما تبحث عنها في الخارج واذا سمعتها ما تطربها ولا تغريها


وتصير تقول كل الذي في قلبها لك

واذا تكلمت مهم جدا تسمعها

هذا العمل يحصنها ويجعلها قويه
تحياتي

.

تسلم الانامل يا{ثمن} هذا ماردت قوله
ولله بناتنا مغدقات ماديآ ومحرومات عطفيآ
والعتب على الجهل من الولدين ونشغالهم بتوافه الامور دون كبارها@

[فديكا التميمي]

سوءال : من اكثر هل النار ..الرجال او النساء ؟؟ علشان تعرفون من هو سبب البلاوي والمشاكل .
الحريم هن اكثر اهل النار مع ابوجهل وابولهب خخخخخخخخخخخ
ياشين اللي فاهمن غالط خخخخخخخخخخخخخخخخ رح دور وراااه اكثر النار حريم والا خل احد كبير يعلمك وتعال اسدحه هوني....

[سمو ذات]

من الي حلله لكم وحرمه على غيركم يا (جسم انسان بتفكير حيوان)

الله سبحانه وتعالى ساوا بين الرجل والمرأة بالعقاب والثواب



أقتباس:[ اصحي يابنت وتوبي لربك فوالله العظيم أنك اردى الناس بعيون المغازلجيين]


والله مشكله شايفين بروحكم شوفه وش عليه مأدري؟ أجل البنات يبن يطيحن

من عيون المغازلجيين!!!! صحيح مجتمع ذكوري100%ما يخاف الله


أقتباس:[ان كنتي تشكين مجرد شك بكلامي فضعي موضوع وأسالي الشباب ماهي نظرتك للي تغازلها وشوفي الجواب اللي مايسر اليهود]

والله انتم اليهود0 هالحين صارنظرت الشاب المتخلف التافه أهم من نظرت

الخالق سبحانه لها 0 ونظرتها هي لنفسها !!!!!!!!!!!!!

وبعدين يمكن هي تبي تلعب على ها الدبشه وتروح وتخليه لافرت راسه الفاضي

على قولتك (جسم انسان بعقل حيوان)

انا ضد التفسخ والمغازل للجنسيين الشاب والشابه على السوا مهب على كيفكم تحرمون وتحللون بشرع الله



تعجبت !!!
ومن (المعرف) بطل عجبي ..
صلفه فعلا ولكن على من هذه الصلافه !!

[سمو ذات]

سوءال : من اكثر هل النار ..الرجال او النساء ؟؟ علشان تعرفون من هو سبب البلاوي والمشاكل .
الحريم هن اكثر اهل النار مع ابوجهل وابولهب خخخخخخخخخخخ


أحببت أن اصحح معلومه عن السبب في أن النساء هن أكثر أهل النار ..
ولكن بعد كلمة ((سوءال )) :e5:
آثرت الصمت على تصحيح الخطاء ..

[سيدآنه]

.
.

أنا من خلال معرفتي بكم وحده تكلم <~ كلهم حبتين يآ خآلة! :c7:
المهم ..
الحين حتّى البنآت صآروآ بس يوسعون صدورهم
وموقنين إن اللي يسوونه لآ يمكن يكون بعده زوآج
وإن كلمات الحب اللي يتلقونه كذب
لكن يقولون نتسلى !



أعوذ بالله من هالتسلية !
خلصت الوسآئل يعني :(



الله يحفظ الجميع ., :)



.
.

[خالد2007]

ياشين اللي فاهمن غالط خخخخخخخخخخخخخخخخ رح دور وراااه اكثر النار حريم والا خل احد كبير يعلمك وتعال اسدحه هوني....
وشدعوى يام المفهوميه . ورى ماتجيبين صبوره وتشرحين لخلوودي .
بالقران الكريم ليش ربي بداء بصيغة المؤنث ((والزانية وازاني)) لانكن سبب بلاوي هالمجتمع وانتن من يبداء بجذب الرجال بلبسكن وكشختكن وتمغنجكن وهمن يجي الرجل على وجهه ..يعني اغفلن وتحشمن قسم ان مايحصل من الرجال اي خيانة .
الخيانة انتن سببها .
خليتن الشباب يهج برى يتزوج من الاجنبيات لاننا فقدنا الثقة بكن ...ماقريتي جريدة الرياض اليوم الاحد ..شوفي بنت سعوديه خاينتن اهلها وساكنتن مع يماني ويمارس الجنس معها ولهم نص شهر على هالحاله وقبضت الهيئة عليهم .
الـــــــــــــــــــى اوزبكــــــــــــستـــــــــــــان.

[الصلفه]

تعجبت !!!
ومن (المعرف) بطل عجبي ..
صلفه فعلا ولكن على من هذه الصلافه !!



هلا سمو ذات

الصلافه على انصاف الرجال 0 على الي قال

عنهم أخوي عاشق ديرتي بريدة

(جسم انسان بتفكير حيوان)

مع احترامي للرجال الحقيقيين

[مالي غيرحب القصيم]

هلين اخوي عاشق
الله يرحم والديك ويستر عليك على هذا الموضوع الجميل

وكيف تحزن يوم تفقد بنت ساقطه بالحياة !

بجد ليه تحزن وليه تفكر في علاقه ثانيه وليه ماتفكر قبل اي علاقه انه خانت اهلها علشانك وبكرى تخونك علشان غيرك

الى اقوله الله يستر على جميع المسلمين والمسلمات
الله يهدي شبابنا وبناتنا
تسلم عاشق
تحياتي

[سمو ذات]

هلا سمو ذات

الصلافه على انصاف الرجال 0 على الي قال

عنهم أخوي عاشق ديرتي بريدة

(جسم انسان بتفكير حيوان)

مع احترامي للرجال الحقيقيين

مرحبا ..
شكرا للتوضيح
تمنيت الرد مثل ماقلتي وحصل ..
صلافه على الباطل ..

[إحساس مرهف]

صراحه الموضع جدا جدا جميل وموضوع حساااس قريت الموضوع زين وبصراحه الاعضاء ماقصرو يعني كفو ووفوو مشاء الله عليهم والله يعطيهـم العافيه ويجعله في موازين حسناتهم وإنشاء الله يستفيدو منه الشباب والبنات والله يصلح الحال وبصـراحه فديكا بريده مشاء الله ماخليت شيء اوفقكي الراي وسلامتكم

[╝◄ ساندرا ►╚]

اكيد مافيه شك الي خانت اهلها بتخونك وتدعس على راسه

[بنت منيره]

طيب ابطلع عن الموضوع شووي

المشكله مو في البنت اللي تخوون ولا في الولد اللي يخوون

بدايت المشكله من الاهل

لسبب بسيط وهو التربيه لم تزرع في البنت ولا الولد المراقبه الذاتيه ولم يعرف مع الاحسان صح
(اللي هو ان تعبد الله كانك ترى فان لم تكن ترى فهوو يراك)

يعني البنت والولد اذا رتكبو معصيه مافكر في هذا ان ربي يراقبه واعمالهم مكتوبه وراح تشهد عليهم السنتهم وارجلهم وايديهم

مو بس تسذا

الفراغ العاطفي عند البنت وتعامل السئ مع البنت
وخاصه في مجتمع القصيم(اتمنى ماتنطون بي ولاتزعلون هذي حقيقه كل البنات بالكليه يشتكون من شين اخوانهم معاهم)
يعني انه البنت تعامل بإستحقرا واخوها يصرخ فيها ولا يعطونها اي قيمه او حتى مايسالونها عن رائيها في بعض الاحيان
ليه لانه هو ولد والولد في مجتمعنا افضل من البنت
حتى زوجها لازم اخوها يوفق وهي تتفاجاء انه فلان خطبتس وتبي تاخذينه (الطبعنا الكلام ينقالها بصغيه تهديد)

وتقولوون تخون

طبعا انا ما ابرر للبنت خينتها

بس المشكله لازم تحل من جذورها

اشكرك عاشق

[مدرعمهـ]

منهو الغبي الي بيوثق فيها من الاصل علشان يتوقع خيانته
لانها خانت ربها قبل كل شيئ

شكرااا

[نوره الجمعه]

السلام عليكم ورحمة الله وبركاته


الخيانة ونظرة كلا الجنسين للأخر بأنه ردي ولا يستحق الثقة والزواج منه ي أخي الفاضل عاشق
هذا أمر مفروغ منه وليس بجديد ولا مبتدع
ولو أن الزوج تناسى خيانتها لأهلها فهذا ما يفكر فيه الشاب أنها خانت أهلها تناسى بأنه شريك معها فقد خان أهله وربه كما هي فعلت
فأن المرأة أشد شكاً ولن تستطيع أن تنسى خيانته لربه ولدينه
ولا ننكر الدور الكبير والأهم والأبرز للشباب وحتى الرجال المتزوجين بهذا الأمر
فلو كان لديه غيرة ورجولة حقيقية لما تأنق وذهب للمجمعات لملاقاة النساء وملاحقتهن والتحرش فيهن
لكن نناشدهم بضمائرهم ونطرح تساؤل لهم
ما ألذي جني توه من الأمر ما التحصيل للنتيجة . هل زادكم راحة . هل أكسبكم بركة وتوفيقاً وعملاً متقبلاً. هل انتم راضون عن أنفسكم . وهل يرضاه أحداً منكم مثلاً لزوجته, لآخته , لأبنته ..
من منكم راضي عن الأمر ومتقبله حتى على من يعز وتربطه صلة قرابة معه .
من رضي عن نفسه وكسب الراحة من هذا الأمر فل يخبرني لكن بكل صراحة
مع العلم إن الجواب معروف مسبقاً
شكراً لك أخي الفاضل عاشق على إثارة الموضوع
وكل سنه وأنت سالم

أختك:
نوره الجمعة

[صريح جد]

ماشاء الله كل الي هنا ما شاء الله يمدحون ارواحهم وانهم اطهر البشر يعني ما فية احد اخطاء في حياتة ايام المراهقة بعدين انتم حكمتو ان من اخطئت قبل الزواج راح تخطي عندما تتزوج يعني الوحدة ما تتوب ما فية امل لها في حياتها

[فديكا التميمي]

ماشاء الله كل الي هنا ما شاء الله يمدحون ارواحهم وانهم اطهر البشر يعني ما فية احد اخطاء في حياتة ايام المراهقة بعدين انتم حكمتو ان من اخطئت قبل الزواج راح تخطي عندما تتزوج يعني الوحدة ما تتوب ما فية امل لها في حياتها
هذا الكلام.....
كل ابني آدم خطأ وخير الخطائين التوبين...
الله سبحانه يغفر موب عاد انتم!!!!!!!!!

[بنت منيره]

فديكا وصريح كلامكم صحيح

بس مو معناته انه كل ادمي غلط وخائن لي اهله

[زخات المطر]

صحيح انَّا استهلكنا النقاش بهالموضوع ، و عدنا و زدنا فيه لكن المشكلة مانحلت !


للحين فيه ضحاياً تسقط يوم عن يوم !


لحين فيه بلاغات للهيئة عن عملية ابتزاز من الشاب الى الفتاة !


للحين هناك ( مغفلاَّت ) يصدقن بعض الشباب .. !


و لازالت المأساة مُستمرة .... و لا مُعتبر ..


اصحوا يابنات اصحوا .. ترى خسارتك اكبر من خسارة الشاب ..

اذ سمعتك بس راحت .. فعليكِ السلام ..


عاشق ديرتي بريدة ..

عوداً حميداً .. و جزاك الله خيراً بحجم غيرتك .. و بقدر وعيك ..

[إنسان بسيط]

الكل يبحث عن شهوهـ , لاحب ولا غيرهـ .. سواء شاب او بنت

وصاحب الشهوهـ يستمر يلهث خلف شهوته , فمثله كمثل الكلب ان تحمل عليه يلهث او تتركه يلهث ..
و الشهوة مرض , والمرض يحتاج إلى علاج ..