مشرفي احد المنتديات مغازلجيه.... [الأرشيف]

رانسيM

16-09-09, 11:27 pm

السلام عليكم ورحمه الله

طبعن قبل مأقول قصتي ....حابه اقولكم كلمه حق اقولها في هذا الصرح الرائع

اولا ...اعذروني راح اتكلم بالعاميه

انا ادرس بثاني ثانوي...وعمري 18

انطردت من احد المنتديات.....بس عشاني قلت الحقيقه امام الأعضاء!!!

السبب الطرد من الأداره: انتي شوهتي سمعت المشرفين......

بدايه القصه.......

اعجبت بكلامهم ومثاليتهم امام الاعضاء.........مو بس مشرفين الا ملائكه بالمنتدى....

جميع الاعضاء يثقون بهم...وانا ارتحت لهم.....ارسلت رساله للمراقب العام ...بخصوص موضوع بالمنتدى فأرسل لي رساله فيها رقم احد المشرفين لهذا المنتدى الظالم......

فكرت وقلت ليه ماتصل جميعهم اساتذه وكبار ويكفي من المواضيع الي ينزلونها انهم اناس ايخافون الله......

اتصلت ......وياليتني ماتصلت......

صااارت مشاكل بيني وبينهم..... اخطيت عليهم .وفي الاخير اطردوني وكانوا هاذي المره على حق...

لكن بعد ماطردوني اتصل علي واحد منهم...فأستغربت وقلت له...انتم ماتبوني اشارك بالمنتدى والحين تتصل ع جوالي ليييه؟؟ حنا الي بيننا منتدى وانتم طردتوني يعني انتهى كل شي...فقااال لي: انا ابي اتواصل معك...

ومع مرور الوقت.....اطلبوا مني اعتذر لهم عشان اشااارك بالمنتدى....فواقفت وكتبت لهم الاعتذاار

يعني اعتذرت لهم....وقال لي احد المشرفين.راح اخليك تشاركين بس....ياليت مايكون بينك وبين اي مشرف اتصال.....فقلت له ان شاء الله وانا كنت عند كلمتي...

وبالفعل رجعت للمنتدى وشاركت والتزمت بحدودي وكل ارقامهم مسحته...

لكن....المشكله ان هذا المشرف رجع يتصل ع جوالي....وانا والله مستغربه....يعني هم عند الاعضاء محترمين..ومايسون هاذي الحركات....

فكتبت شكوى بقسم المساعدات وقلت لهم ان هاذا المشرف يزعجني...وكتبت رقمه...لهم

واول مانزلت الشكوى وقرأها اتصل ع جوالي ولما رديت عليه يقعد ايهاوشني وايقول ليش كاتبه رقمي بقسم الشكاوي؟؟!! فهاوشته وقلت له اكثر من مره ياليت تلتزم بحدودك....ولاتتصل علي ولاتخليني اظطر اخلي ابوي ايكلمك.......فقالي ياليت والله امنيتي اني اكلم ابوك عشان اعلمه عليك........فخفت ان المسأله تكبر!!

واكثر من مررره قلت لهم لاتدخلون بحياتي اي شي بيننا خلوه بالمنتدى...مأحد عطاني وجهه منهم

واستمر يزعجني ويرسل لي رسايل يحاول يستفزني...........ففكرت وقلت لازم اقهرره ....وافشله امام الاعضاء

فنزلت موضوع.....وكان عنوانه...من المشرف الي قاعدن يتصل ع جوالي؟؟؟

كل الأعضاء ماصدقوا واكثرهم قالي مشرفي منتدى.... من احسن المشرفين ولا يمكن يسون هاذي الحركات!!!

فقط قليل الي وقفوا معي وصدقو السالفه...حتى بعضهم قال....اكيد من بينهم ضعاف النفوس...

اما الباقي فشتم وسب فيني...مو مصدقين...كمان حلفت لهم اكثر من مرره بس ماقتنعوا....هم منخدعين فيهم وانا اولهم لدرجت اني اخطيت وعطيتهم رقمي..من الثقه الزايده فيهم....

دخلو المشرفين ....واحذفو الموضوع....بعد ماستمر عشر دقايق والكل قراه....

احضرو اسمي.....عشان فضيحتهم الي كتبتها...وكنت عارفه انهم بيطردوني لكن انا كتبت الموضوع عشان اكثر البنات ماتنخدع فيهم.!!!

واناانسانه اخاف الله واعرف ايش هي عاقبه الظلم ولايمكن اني اتبلى اواتهم احد بالظلم....

واهم اظلموني واتهموني اني احاول اشوه سمعتهم....وانا اقسم بالله اني ماكذبت.....حتى بعد الطرد الى هاذي اللحظه يتصل ع جوالي يعني وش رايكم بهذا الظلم اسكت ولا وش اسوي؟؟؟

.{ عن طريق الخاص اقول لكم اسم المنتدى}

ملاحظه:
بعض الاعضاء ايعرفون القصه لانهم مسجلين هنا وهناك....كمان شافوا بعيونهم موضوعي الي كتبته واحذفوه المشرفين.....

قلم صريح

16-09-09, 11:43 pm

الله يصلحتس ويهديك .الخطأ من الأساس يقع عليكي وأنتي فتحتي باب المشاكل بعد أن أخذتي رقم تلفون ذلك المشرف .
أختي الكريمه إحمدي ربك إنها إنتهت هكذا ...تخيلي لو المشرف معاه صوره ليكي أو مسجل صوتك مثلا .
خذيها نصيحة : لاتثقي إلا في أبيك وأمك فقط لاغير

عاشق الخير

16-09-09, 11:45 pm

والله اذا انتي بالسهوله هذي تعطين ارقاامك بالمنتديات ..

فارى انهم ذئااب وجدوا صيده سهله ....

المشكلة الاكبر ليست منهم بل منك انت ..

بصرااااااااحه وبس

عبدالله الحلوه

16-09-09, 11:47 pm

سحايب نجد

16-09-09, 11:50 pm

استغربت قصتك يعني بعد كل اللي سمعتيه من مأساي وقصص برضو اعطيتهم رقمك!!!
الدنيا عبر والمحظوظ من اعتبر

عشق الزعامه

16-09-09, 11:51 pm

أنا وأنا رجال ما راح أعطي رقم جوالي لأي أحد ،،

خير إن شاء الله راس ماله منتدى وش دخل رقم الجوال بالإعتذار .

لعله خيره وأنتبهي تثقين بإي أحد مهما كان .

رانسيM

16-09-09, 11:54 pm

ツ • بسْـطـَويِـسـْي

16-09-09, 11:56 pm

انتي اخطأتي واتمنى غيرك مايقع بالخطأ الي وقعتي فيه .

والسعيد من وعظ بغيرهـ .

احترامي:)

رانسيM

16-09-09, 11:58 pm

رجأن لاحد يفهمني غلط انا مأكلم احد....

بس كل شي صاار صدفه....يعني هم شيبان....واسلوبهم محترم بس بعدين تفاجأت منهم

ياليت الي ماعنده رد لايجرح

مشقاص

16-09-09, 11:58 pm

الحمد لله عمري في حياتي ما صرت مشرف ولا سوبر فايزر

يقول المثل
الباب الي يجيك منه ريح سدو وأستريح..... والي فيه ريح ما يستريح

عجوز سمنسي

17-09-09, 12:03 am

ياحليلها رانسي

اثاري البنات دلوح على طول ينهك عليهم ويوزعون اراقامهم

راس ماله منتدى لو يقفل المنتدى بوجهك المفترض ماتدقين ولاتتصلين

انا ما ادري ليه البنات يهمهم امر المنتديات وتثيرهم اشياء تافهة جدا

الاحظ كثير ان البنت يهمها فلان وعلان ويهمها تجمع اخبار وتعرف وش شكل هذا والاقي حساسية بينهم ليش هذي ترد على هذا وهذا يرد على هذي وتثير في انفسهم امو تافة لابعد حد

ياصغيرتي انت لازلتي في عمر المراهقة ويجب ان تدركي ان هذا العالم عالم غابة كل كبير يريد ان يأكل الصغير فاذا لم تنتبهي لنفسك فلن يرحمك احد

وبعدين استغرب انا من غفلة الاباء عن اولادهم
وين اهلك انتي عنك ؟ تاركينك تسولفين براحتك وتكلمين ولارقيب عليك ؟
هذا جزاء ثقتهم فيك ؟ معطينك جوال وتقرقين مع رجال ؟

الجوال للاشياء الضرورية ولا اجد ان المنتديات ضرورية علشان تكلمين اصحابه

بصراحة اللي عطاك فهلوي صاير بمعرفين عطاك الرقم على اساس انه مشرف اخر وتلاقينه هو نفسه ذلك المشرف يلعب على الحبلين الداشر

الله يستر عليك

عاشق الخير

17-09-09, 12:05 am

رجأن لاحد يفهمني غلط انا مأكلم احد....

بس كل شي صاار صدفه....يعني هم شيبان....واسلوبهم محترم بس بعدين تفاجأت منهم

ياليت الي ماعنده رد لايجرح

الله يستر لا يشوف هالرد العجوز السمنسي ويقوول انا شاايب عطين رقمك ..

يا بنت المسلمين ..

يا اختي الفاضله ..

يا حشاشة جووف امك وابووك ...

ندري ان هذولاك مخطين ..

بس البيت اللي باابه مخلووع وش يرد البس يدخل فيه ...

انت تساهلتي بخصوصياات كان اولى ان تخفيها حتى مع العضوااات المشاركات بالنت ..

فمن يجد بنت بسهوله ترسل رقمها ...

يقووول ماااااااااااشاء الله ما اسهلها ....

رانسيM

17-09-09, 12:06 am

والله اذا انتي بالسهوله هذي تعطين ارقاامك بالمنتديات ..

فارى انهم ذئااب وجدوا صيده سهله ....

المشكلة الاكبر ليست منهم بل منك انت ..

بصرااااااااحه وبس

مو عشان عطيته رقمي صرت ا اوزع رقمي بكل المنتديات...ياليت تفهمون السالفه اول شي....

عجوز سمنسي

17-09-09, 12:09 am

الله يستر لا يشوف هالرد العجوز السمنسي ويقوول انا شاايب عطين رقمك ..

يا بنت المسلمين ..

يا اختي الفاضله ..

يا حشاشة جووف امك وابووك ...

ندري ان هذولاك مخطين ..

بس البيت اللي باابه مخلووع وش يرد البس يدخل فيه ...

انت تساهلتي بخصوصياات كان اولى ان تخفيها حتى مع العضوااات المشاركات بالنت ..

فمن يجد بنت بسهوله ترسل رقمها ...

يقووول ماااااااااااشاء الله ما اسهلها ....

ياويلي يالسمنسي

وش ابي برقمها ياشيف عاشق الخير << جايزة له كيكة الشلال

انا شايب وابي وحده طال عمرك تخدمني باقي عمري ما ابي صغيرة ابلش فيها

عجوز سمنسي

17-09-09, 12:12 am

مو عشان عطيته رقمي صرت ا اوزع رقمي بكل المنتديات...ياليت تفهمون السالفه اول شي....
فاهمين السالفة وماتبي فهم

انتي بسذاجة صدقتي ناس مجهولين ياصغيرتي

الله يستر عليك ويصلحك

هذي ماتبي فهم

رانسيM

17-09-09, 12:13 am

رانسي

مع احترامي لكِ إلا انك انتي سبب ماحدث منهم فمن فتح الباب على نفسه لايشكي مرور الرياح

سذاجه منكِ ان تثقي بأشخاص خلف معرفات مستعاره اياً كان موقعهم وأياً كان مظهرهم في النت

ولأول مره اسمع بأن هناك من يرسل رقمه بهذه البجاحه ويجد من يتجاوب معه بهذا الشكل !

من ارخص نفسه لاينتظر ان يغليه الآخرون

وفي كل مكان قد تجدي امثال هؤلائك فلاتقدسي الأماكن ولا الأشخاص فإن لم تحفظي نفسك لن يتوانى امثالهم عن استغلال الفرص للوصول إليك

تحياتي ,,,

لو سمحت هاذي مب سذاجه...مثل ماتقول!!

انت لو تقرا مواضيعهم تنصدم بهم...

ومعرفاتهم مب مستعاره...واحد بوازاره التربيه والتعليم...

انا الي قاهرني...اني اكتشفت ان واحد منهم مسجل بهاذ المنتدى...طبعن عضو اهو

ツ • بسْـطـَويِـسـْي

17-09-09, 12:17 am

^
انتي هذا الي بتوصلين له . تفضحين العضو .

ياليت المشرفين يحذفون موضوعك لاني بصراحه اشك بنيتك فيه ..

عبدالله الحلوه

17-09-09, 12:20 am

انا الي قاهرني...اني اكتشفت ان واحد منهم مسجل بهاذ المنتدى...طبعن عضو اهو

لاتنقهري ولاشئ فليس كل من كان هناك كان سيئاً ولا كل من كان هنا صالحاً

اهتمي بنفسك وكيف هي طريقة تعاملك مع الآخرين ومن احسن فلنفسه ومن اساء فعليها

ايضا ليس من في وزارة التعليم فقط فحتى من في المحكمة وفي الهيئة ايضا لايجب ان تثقي بهم بهذه الطريقة ولاتتعاملي معهم إلا بما توجبه الضروره القصوى

تحياتي

كاترينا

17-09-09, 12:21 am

الله يحفظك ويخليك لعين ترجيك

مافيه مشكله ولا شي اذا طردوك

ما كثر الله من المنتديات بدل العشر الف

بس الصراحه انتي اخطيتي يوم عطيتيه رقمك

بالزمن ده كل شي يخوف

وعالم النت عالم غريب ومخيف,,

انتبهي لنفسك المره الجايه ,,واذا طردوك على طول اطلعي بدون هواش,,,

وغيري رقمك وارتاحي,,,

أبو الريش

17-09-09, 12:23 am

ليش تعطينه رقمك ,,,, أنتي الغلطانه .. فيه شباب خطييييييييييييييييرين ماتتوقعين وش يسوون ماتقولين ذولا مسلمين,,,, وأنا أبخص بهم أنتبهن بس , أقولها من جـــــد

رانسي فاهمين وش قصدك ,,, لكن انتبهي الحذر واجب

مدام عبدالله

17-09-09, 12:56 am

رانسي
ماراح اقولك غلطانة ومدري ايش وووو
الشي الوحيد الي بقوله لك

انتتبهي تثقي باي رجل غير محرم لك
صدقيني مافي رجل يتواصل مع بنت وخاصة باسلوب مخفي ومن تحت لتحت الا لهدف دنيء في نفسه

انتي صغيرة ياقلبي ويمكن ماعندك خبرة ولا احد علمك عشان كذا
اقولك عفا الله عما سلف

لاتكلمين احد بالجوال انتبهي حتى البنات ماتضمنين انهم بنات انتبهي
ولاتضيفي احد ماتعرفيه بالمسن

حبيبتي اهلك وثقوا فيك
انتي عرض اهلك وسمعتهم بين الناس
لاتكسرينهم وتخذلينهم وانتي ماتدرين

عالم النت ياقلبي خطر اذا ماتكوني فطنة وصاحيه والله تنطحني

بالنهايه ارحب بك من كل قلبي
واقولك قلوبنا كلنا مفتوحه لك
ولك كل احترام وتقدير

محبتك مدام عبدالله

وعلى قولة البعض هنا مريت عبدالله

بالنهايه كل الطرق تؤدي الى ايطاليا :)

سكر الأرض

17-09-09, 12:58 am

ياحبيلك غالب اعضاء المنتديات شله باستراحه وحده اذا موهم جالسين على جهاز واحد بعد .. وهات طق حنك بالمنتدى واعضاءه وتفشخر بالصيدات .. لاتثقين باحد وامشي سيده لاحد يتعرضك ولاتتعرضين لحد الدنيا دروس ومافي شي ببلاش هذا درس تعلمتيه ودفعتي ثمنه والحمدلله ماكان باهض بس ان شالله يقضك ونبهك .. الله يحفظك

مدام عبدالله

17-09-09, 01:00 am

رانسي
كيف كشفتي واحد منهم؟
توي اقرا الردود

وبعدين موواحد بوزارة التربيه والله لو يجي الوزير هنا بكبره ولا الي اكبر منه
يعطيك الرقم ولا الايميل لاتردين

ترى عشان مصلحتك ولاهم موبضارهم يالغاليه

رانسيM

17-09-09, 01:03 am

شكرا لكم

بس السالفه مو سالفه رقم......هو ايعرف اسمي...لان هو قال اسمه وانا قلت اسمي

مدام عبدالله

17-09-09, 01:09 am

شوفي حتى لو يعرف اسمك وخير ياطير
ان حدت الحمدلله اسمك موشي ثاني ولا شي اكبر

انتبهي انتبهي مهما كبر الي صاير لاتتمادي معاه بسبب تهديد او شي
ولو علم ابوك خليه يعلم وش ماسوى بك ابوك هو عقاب وبينتهي
بس لاتحسسيه انك خايفه لان هو نفسه ماراح يتجرا يسوي شي
هلاشكال جبناء لايهمك

علشانك بس

17-09-09, 01:10 am

شكرا لكم

بس السالفه مو سالفه رقم......هو ايعرف اسمي...لان هو قال اسمه وانا قلت اسمي

ماقلت لكم اصبرو خلوها تكمل ,,
طيب فيه باقي لسالفتك ولا خللصت .. !!!
طيب هو ماقالك وين ساكن .. !! وانتي ماقلتي له وين ساكنه .. !!!

زيتونة الأرض

17-09-09, 01:10 am

لكل داء دواء يستطب به *** إلا الحماقة أعيت من يداويها

مدام عبدالله

17-09-09, 01:11 am

لاحول ولاقوة
لاتستهترون ياجماعه
خلاص البنت غلطت وانتهى

رايسي ياليت تتقولين كل شي لو تبي حل او مساعدة

أســماء

17-09-09, 01:17 am

أهلاً .. :)

اللي صار صار .. وتعلمي من اخطاءك درس ...
وغيري رقمــك وإنتهت السالفه ..!
واحذري ان تثقي بأحد مره أخرى !!

الله يستر عليك ...
............... وبس :)

سحايب نجد

17-09-09, 01:21 am

اها اجل مابعد خلصت قصتك
يلا باالانتظار . . . . .

عاشق الخير

17-09-09, 01:22 am

ما الفاائده من القصه ..

اذا انت على خطئ اللبيب بالاشااره يفهم ...

ومن لديه حل يقتررحه وفقط ..

سدي جميع الابوااب بوجهه .... وكفى

&نجدية كووول&

17-09-09, 01:24 am

الله يرحم الحـــــــاال بس
كل المنتدياات يعانون من المشرفين والمشرفاات
يعطونهم أمانه وهم يبي من يوجههم أن قلتي مغازل
مصالح تلصق اللي تبين ومنتدنا هاذا أكبررر دليل

رانسيM

17-09-09, 01:30 am

الي يسال وش الفايده من الموضوع انا ابي حل؟

بس برضو انتظر احد من الاعضاء يدخل...ويثبت لكم اني صادقه لان فيه تقريبا ميه عضو شافو موضوعي قبل مايحجبونه

صريح جد

17-09-09, 01:41 am

ليش مكبرة الموضوع تبين تصنعين قنبلة غيري رقمك وخلاص مثل ما ها العالم يغيرون ارقامهم وتنتهي قصك واسمك تقولين انة يعرفة ماراح يسوي اي شي وترا شيبان منتدانا مهب بعايد عن شيبان ذاك المنتدى فانتبهي والله يا ها الشيبان مهب سهلين يخططون صح وياليت انك ماتذكرين اسم المشرف الي كلمك

أســماء

17-09-09, 01:45 am

الي يسال وش الفايده من الموضوع انا ابي حل؟

بس برضو انتظر احد من الاعضاء يدخل...ويثبت لكم اني صادقه لان فيه تقريبا ميه عضو شافو موضوعي قبل مايحجبونه

ومن قال إننا ماصدقنا !
أهم شيء انقذي نفسك بنفسك .... !!!

To Be

17-09-09, 01:48 am

الله يرحم الحـــــــاال بس
كل المنتدياات يعانون من المشرفين والمشرفاات
يعطونهم أمانه وهم يبي من يوجههم أن قلتي مغازل
مصالح تلصق اللي تبين ومنتدنا هاذا أكبررر دليل

ليس المنتديات فقط

حتى على ارض الواقع موجوده هذه المشكله :)

والسبب ثقافة مجتمعاتنا مع التحية :)

نـــNAــونا

17-09-09, 01:50 am

المنتديات وما أدراك ما المنتديات

أنت يا حلوه بس طلي على منتدى الفراشة قسم إفتح قلبك وتشوفي المصائب وقولي يالله الستر

نصيحه المنتدى اللي تتكلمي عنه شيليه من راسك وسجلي في منتديات نسائية بحته

تلاقين صحبة خير في نفس سنك وأمور ومواضيع تناسبك

ورقمك غيريه ولا تخلينه وسيله له يبتزك فيه ترى العرض غالي وأنا أختك

والرقم بداله مئة رقم إن شاء الله إكسري الشريحه وقولي لاهلك ضاعت إحترقت أي شيء

أو إذا لك اخ عاقل ويتفهمك قولي له الموضوع وخليه يساعدك أو يرد على إتصالات هذا الثور اللي يدق عليك

وإياك تثقين بأي جنس مذكر مهما كان وترى الطالح بكل مكان حتى في هذه الدار يوجد

لكن الذكيه هي من تحمي نفسها

والنت بكبره لو أحسستي بأي خطر على نفسك وعرضك منه أتركيه غير آسفة عليه

مخاوي القايله

17-09-09, 01:52 am

عجييييييييب !!

واذا صاروا شيبان تكلمينهم يعني .. وش هـ الحتسي ؟؟

لاتتهاونين وانا اخوتس بهذه الامور .. يما سمعنا قصص يشيب لها الراس ..!!

واحمدي ربك ان السالفه ما تطورت الى اكبر من تسذا ..!!

عموما هذه رسالة الى كل فتاة انها تنتبه لـ نفسها وتراقب الله قبل كل شي .. ولاتثق في اي شخص مهما كاااااااااااااااااااااااااان ..!!

والله يستر عليك وعلى بنات المسلمين ..

To Be

17-09-09, 01:53 am

الي يسال وش الفايده من الموضوع انا ابي حل؟

بس برضو انتظر احد من الاعضاء يدخل...ويثبت لكم اني صادقه لان فيه تقريبا ميه عضو شافو موضوعي قبل مايحجبونه

رانسي

اتمنى ان يكون حل مشكلتك تحت مظلة الستر ان الله يحب الستر

صريح جد

17-09-09, 02:05 am

مشكلة البعض هنا انهم يلومنك على وقوعك في الخطاء على بالهم انهم ملائكة مايخطون ابد كل البشر يخطون وانا اولهم لكن المشكلة هي الاستمرار في الخطاء وانا انصحك تبتعدين عن كل المنتديات الي فيها رجال لانك صغيرة في العمر ومثل ماقال احد الاعضاء شاركي في المنتديات النسائية فقط افضل لك ولا تثقي في احد حتى لو شاركتي في منتدى كلة ائمة مساجد او علماء دين

الورده النديّه

17-09-09, 02:31 am

رانسي ياقلبي انتي
والله كسرتي خاطري بسالفتك
انتي بريئه وودك تفيدين منتداهم وتسوين خير فيهم
وهم استغلوا هالاهتمام والبراءه لصالحهم
انتبهي منهم ترى الرجال يفكرون لبعيد ,, لبعيــــــــــــــــد مره
حتى الرجال اللي ردوا عليك وينصحونك ماتضمنينهم
الحمدلله انها جت على كذا ,,
اعتذري عن المنتدى
وتعالي معنا هنا نشيلك فوق روسنا ونحتويك 0

zoزو

17-09-09, 02:44 am

آآآآآآآآآخ بس

اول شي وش دخل هالمنتدى تقولين سالفتك فيه ؟؟!!
او تراني سهلة اللي يبي يرقم يجي يرقم ..

وبعدين جايه الحين تلومين شباب فتحتي انتي بنفسك لهم باب عليك
يعني واحد وعطاك رقمه وماصدقي خبر انك تعرفي على احد بالاداره تتصلين
وش الدباشه هذي ياناس يعني كل من قالك اتصلي اتصلتي والله ماعليك شرهه انتي الشرهه ع اللي دخل عندك نت وعطاك جوال يحسب عنده بنت تعرف مصلحتها ماعرفو انها تبي تحوس السمعه والشرف ..

ما اقول الا الله يهديك ولا يهلك ..

طاسة لبن

17-09-09, 02:57 am

سؤال وشوله عطاك رقم المشرف مدري علشان الموضوع الي انتي تقولين ولا علشان تعتذرين

وذ وقفو عضويتك مهب لازم تتصلين وتسوين سالفه سجلي من جديد بمعرفه ثانيه والحمدالله

....يعني هم شيبان
هو وراه الشايب مهب رجال يعني مافي مشكله نكلمهم

عبدالله الحلوه

17-09-09, 03:27 am

الي يسال وش الفايده من الموضوع انا ابي حل؟

رانسي

المشكلة ليست مشكلتك وحدك بل مشكلة كل فتاة بعمرك

الحل لن يكون على صفحات الأنترنت بل في احظان والدك وفي كنف اسرتك فهي الملاذ الآمن لكِ

يجب ويجب ويجب ان تبلغي والدك بما حدث ويجب ان يكون على علم بكل شئ حتى لو كانت مكالماتك مع ذلك المشرف قد تجاوزت الحد المقبول

فمهما كان حجم الخطأ سيكون اكبر ان لم تتداركيه في الوقت المناسب ومهما كانت ردة فعل والدك والذي يجب ان يكون له ردة فعل غاضبه كما يجب ان يتعامل مع الأمر بحكمة وهدوء

مهما غضب من فعلك إلا ان في اخبارك له اطمئنان بوجوده إلى جانبك ووجوده في كل مايخصك

ان اردتي الحل الأمثل فهو ابلاغ والدك بكل ماحدث ومهما كانت النتائج فهي في النهاية لصالحك وصالحه

ومتى ماكان والدك على علم بكل مايخصك ويحدث معك فأنتي تتخلصين من اهم نقاط الضعف التي تدفع الفتيات للإستسلام والإنقياد لغيرها وبالتالي ستكوني قادره على الوقوف بوجه اي انسان مهما كان هدفه وطريقته

تحياتي ,,,

ابو هليل

17-09-09, 03:30 am

أختي الكريمة

أنسب حل للتخلص من هذه المشكلة إنك تغيرين رقمك

مع أهمية إنك تكونين أخذتي درس في أمور الحياة

دعواتي لك بالتوفيق

عجوز سمنسي

17-09-09, 03:34 am

رانسي

المشكلة ليست مشكلتك وحدك بل مشكلة كل فتاة بعمرك

الحل لن يكون على صفحات الأنترنت بل في احظان والدك وفي كنف اسرتك فهي الملاذ الآمن لكِ

يجب ويجب ويجب ان تبلغي والدك بما حدث ويجب ان يكون على علم بكل شئ حتى لو كانت مكالماتك مع ذلك المشرف قد تجاوزت الحد المقبول

فمهما كان حجم الخطأ سيكون اكبر ان لم تتداركيه في الوقت المناسب ومهما كانت ردة فعل والدك والذي يجب ان يكون له ردة فعل غاضبه كما يجب ان يتعامل مع الأمر بحكمة وهدوء

مهما غضب من فعلك إلا ان في اخبارك له اطمئنان بوجوده إلى جانبك ووجوده في كل مايخصك

ان اردتي الحل الأمثل فهو ابلاغ والدك بكل ماحدث ومهما كانت النتائج فهي في النهاية لصالحك وصالحه

ومتى ماكان والدك على علم بكل مايخصك ويحدث معك فأنتي تتخلصين من اهم نقاط الضعف التي تدفع الفتيات للإستسلام والإنقياد لغيرها وبالتالي ستكوني قادره على الوقوف بوجه اي انسان مهما كان هدفه وطريقته

تحياتي ,,,
ابو فهد : واذا كان والدها غير متفهم وغير واعي لتلك الامور ؟

المفترض اذا ارادت ان تنهي هذه الشكلة وهي جادة فيها ان تبلغ من تثق فيه تثق في حكمته ووعيه وادراكه من اقاربها

مشقاص

17-09-09, 03:38 am

أنا رأي أتصلي على هيئة الأمر بالمعروف وأشرحي لهم الأمر وأعطيهم رقم جواله ..
لهم طرقهم الخاصة ..
يسحبونه مع خشته وبكل سرية من ناحيتك ولا تخافي الله يستر على بنات المسلمين..

الورده النديّه

17-09-09, 04:02 am

أنتم الآن عقدتوا الوضع اكثر

لا تقول لأبوها ولا لأحد أقاربها

واذا وصل الأمر للهيئه تلك والله الطامة الكبرى وبتكون فوق راسها

عطيه ديليت من حياتك كلها سواء بالجوال او بالمنتدى 0

حيوان يهدد حياتي

هزُلت 0

رانسيM

17-09-09, 04:57 am

طيب مشكورين كل الي ردو علي ...باين عليكم انكم طيبين..

نـــnaــونا

ايـــــــــــــــــــــه هاااذي انـــــــا وموضوع الحجاب برضو كلام العلماء يعني مب اقواال من راسي

واظنك عرفتي اسم المنتدى..وش رايك بكلامهم تثقين بهم او لا؟؟

زخات المطر

17-09-09, 05:10 am

رانسي .. رُب ضارة نافعة .. هذا درس و اتمنى تستفيدين منه ..

شوفي الله يستر علينا و عليك ..

السالفة حلها بسيط و سهل ..

المنتدى اللي صارت فيه المشاكل اتركيه من الحين ، وش لك بالمشاكل و وجع الراس ..

واتركي عنك المُكابرة و لا تحطين راسك براس احد ..

و الرقم بداله عشرين رقم ، و المنتدى بداله ثلاثين الف منتدى ..

انسي هالسالفة ، وابعدي عن اي طريق ممكن انه يرجعك للمنتدى ..

و لا يكبر موضوعك و لا تقولين لأهلك عن ازعاجات ذاك االلئيم ..

عشان ماتدخلين نفسك في تحقيقات وب دائرة الشك و الظنون والسيئة وسين و جيم و ..و..

و المرة الجاية يا رانسي ، لا تعطين احد رقمك لو كان معه رزقك ..

واحمدي ربك انها جت على كذا ، ماوصلت مواصييل اخرى ..

وحاذري بالمرة الجاية ..

لا تأخذين و تعطين مع اي رجل بسبب حاجة سخيفة ( مثل موضوع ) لا يودي و لا يجيب ..

و الله يستر علينا و عليك دنيا و آخرة .

كفاني عذاب

17-09-09, 05:49 am

الي يسال وش الفايده من الموضوع انا ابي حل؟

بس برضو انتظر احد من الاعضاء يدخل...ويثبت لكم اني صادقه لان فيه تقريبا ميه عضو شافو موضوعي قبل مايحجبونه

الأخت الكريمه

الحل موجود طال عمرك
وارآء ان الردود لن يفيدونك بـ حل وافي
الأمر بسيط
من الممكن أن تغيرين جوالك والأمر سـ ينتهى

أو لو من الصعوبه أن تغيرين جوالك فـ أعتقد أن تخبرين أبيك هو من يتفهم الوضع
اشكرك والله يستر عليك

صـاحي و رايـق

17-09-09, 06:00 am

حطيتوا من الحبه قبه بهذا الموضوع
والحل أسهل مما تتصورونه هنا

aĻŖeem

17-09-09, 06:07 am

لآحول ولآقوة الا بالله

شوفي رآنسي دائما الصراحه مرفوضه رفض تام بالمنتديات وانا مجربه هالشيء..
فكل مابها مثاليهَ تامهَ ..وكذب وخداع ..من الى ..؟؟؟
يعني ادخل تسلي ولآتدققي بأمور مالك فيهااا وخليكِ حالك بحال نفسكٌ ولآتفكرين انك تثقي بأحد بعالم النت لانك وقتها راح تضحكين ع نفسك قبل ماينضحك عليكِ
ولآ أخفيكِ عزيزتي انك ِ كذلك اخطأتِ عند اتصالك بهم ..
لكن اتمنى انكِ اخذتي درسا من هذا الخطأ
وليس العيب ان نخطأ لكن العيب الآستمرار بهذا الخطأ ..
الله يحفظك يارب من كل مكروه

وضوح

17-09-09, 06:17 am

يابنت الحلال استري على نفسكـ ....هم ماراح يضرهم

ولايأثر على شعرهـ فيهم....انتي الخسرانه أولاً وأخيراً

خليه درس لكـ وحلو انكـ لم تصلي الا ماهو أعظم منه.....

انتبهي لنفسكـ ...

و إحفظي الله يحفظكـ

احرصي على أذكار الصباح والمساء

وادعي (اللهم إكفنيهم بماشئت..وأنت السميع العليم )...

واتركي منتداهم ....ومادام عارفين رقمكـ واسمكـ لاتتقوين عليهم وجايه

تفضحينهم هنا .....خصوصاً انك تقولين انه فيه منهم من هو موجود هنا

أي رجل على وجه الأرض لاثقين فيه لدرجة العمى

ربما تجدين الكثير موثوقين وخلوقين ولكن لاتنسي أن هناكـ

شيطان .....لسنا ولاهم معصومين...

غيري الرقم والايميل ......

تحيتي لكـ ،،

الـــفـــ@ــــد

17-09-09, 06:25 am

لو سمحت هاذي مب سذاجه...مثل ماتقول!!

انت لو تقرا مواضيعهم تنصدم بهم...

ومعرفاتهم مب مستعاره...واحد بوازاره التربيه والتعليم...

انا الي قاهرني...اني اكتشفت ان واحد منهم مسجل بهاذ المنتدى...طبعن عضو اهو

الله يهديك الظاهر انتي داخله معهم بتفاصيل كثيره
وتعرفين كل خطواتهم وتحركاتهم
من خلال ما فهمت من قصتك ان الموضوع فيه اكثر من مشرف على علاقه فيك ويهددك
انتي لعبتي بالنار وبطريقتك وفضولك خلصي نفسك
كثير من البنات والشباب يلعبون بالنار ولم توقع الفاس بالرأس يندم ويعرض قصته للاخرين وانتي خير مثال واضح انهم ماسكين عليك حركات وما في دخان من غير نار
كبدي احترت ودي اغسل شراعك على سذاجتك وغبائك بالتصرف
و فضولك الزايد وحبك للمغامرة مع الرجال وبالنهاية جت على راسك
الله يهديك ويحفظك وبنات المسلمين

النهى

17-09-09, 06:44 am

عساه كان لك درس واستفدتي منه
واحمدي ربك جات على كذا
وانتبهي على نفسك ولا عاد تعيديها

أنثى مختلفة

17-09-09, 06:47 am

بإختصار وماقصروا الى قبلي
لو يعرف اسمك كامل وعنوانك
قولي للهيئة وهم أرحم بك من أبوك وأمك بهالسالفة ..
والرقم قولي بغير الشركه يعني لو موبايلي قولي
أبغى سوا لان صحباتي كلهم سوا وماتنفع الوسائط
لازم نفس الشركه
ومالك بعد الله الا الهيئة دام وصلت يعرف اسمك
وربي يستر عليك
وعلى المشرفين والادارة هههههههههههههههه
قسم بالله ضحكت ضحك لاإستهتار بقصتك لاوربي
لكن تذكرت حادثه وقعت لي
ترى مابه العن من المشرفين وأساليني
الا من رحم الله
وكلاً يزكي نفسه
ولاتقولي شيبان ترى الشيبان طلعوا الشباب ولا شيء عندهم
وعندي كلام كثيييييييير بس ماودي أثقل عليك
وعارفه نفسي بجيب العيد وأكشف المستخبي للجميع ..

أنثى مختلفة

17-09-09, 06:55 am

وأزيدك من الشعر بيت هالمنتدى
أخذة منه عبر ودروس مالها حدود
وبكل النواحي وحاسبي لاتكررين الغلط
ولاتثقين بحد مهما كبر وصغر
صالح كان او طالح ..

رانسيM

17-09-09, 07:02 am

أنثى مختلفة

17-09-09, 07:07 am

طيب الحين اذا قلت لابوي
عصبي يعني ماقدر اقوله

ورقمي قسم بالله توه جديد مراح ايغيره لي

واذا قلت للهيئه...ماعتقد انهم راح ايسون شي...ويمكن بعد مايصدقوني..!!

وبعدين جتني رساي ع الخاص كثيره يبون ايعرفون اسم المنتدى......عادي اقوله هنا؟

أختي في مراكز إستشارة لو كل كلام الاعضاء ماريحك
إستشيريهم وبإذن الله يعطونك الحل السديد
أم النت قسم أما زادك عمى ماراح يزيدك خير ..

كفاني عذاب

17-09-09, 07:10 am

طيب الحين اذا قلت لابوي
عصبي يعني ماقدر اقوله

ورقمي قسم بالله توه جديد مراح ايغيره لي

واذا قلت للهيئه...ماعتقد انهم راح ايسون شي...ويمكن بعد مايصدقوني..!!

وبعدين جتني رساي ع الخاص كثيره يبون ايعرفون اسم المنتدى......عادي اقوله هنا؟

اذا كان ابوك عصبي
اجل مافيه الا هذا الحل
ان تغيرين رقمك وبعدين لاصار جديد غيريه وريحي راسك

عادي تقولين المنتدى هنا
واذا حبيتي تقولين اسم هذا المشرف يكون احسن

عبدالله الحلوه

17-09-09, 07:17 am

وبعدين جتني رساي ع الخاص كثيره يبون ايعرفون اسم المنتدى......عادي اقوله هنا؟

هههههههههههههههههههههه

وانتي اي احد يطلب منك شئ تنفذينه على طول !!

بالطبع ليس عادي وربما ذكر اسم المنتدى يؤدي بموضوعك إلى غياهب الجب

ان كان هدفك البحث عن حل واستشارة الأخوه والأخوات هنا فلستِ بحاجة لذكر اسم المنتدى

تحياتي

عزتي في حجابي

17-09-09, 07:22 am

انـــــا بــاعــتـــقــادي لــو تــقــولــي اســم الـــمـنـتدى للـــي ارسلوا لكـ بــالخـاص
يعني ترسلينه بالخاص(البنات بس)لأن العيال ماعليهم خطر..
لأن حـنـا مسجلين بمنتديات كثيرهـ غير هذا ..اذا كان من ضمنهن نسحب عضويتنا
منهم مافيهم خير..

رانسيM

17-09-09, 07:23 am

الله يهديك الظاهر انتي داخله معهم بتفاصيل كثيره
وتعرفين كل خطواتهم وتحركاتهم
من خلال ما فهمت من قصتك ان الموضوع فيه اكثر من مشرف على علاقه فيك ويهددك
انتي لعبتي بالنار وبطريقتك وفضولك خلصي نفسك
كثير من البنات والشباب يلعبون بالنار ولم توقع الفاس بالرأس يندم ويعرض قصته للاخرين وانتي خير مثال واضح انهم ماسكين عليك حركات وما في دخان من غير نار
كبدي احترت ودي اغسل شراعك على سذاجتك وغبائك بالتصرف
و فضولك الزايد وحبك للمغامرة مع الرجال وبالنهاية جت على راسك
الله يهديك ويحفظك وبنات المسلمين

لاوالله انا الي ودي اغسل اشراعهم....انت ماتدري وش سوا فيني....

حتى لما اعتذرت لهم......قلت ابنسى كل شي....ولما حاولت ابتعد عنهم....بدا يرسل ع جوالي رسايل....وايقولي...لاتفرحين واجد اي زله تقضبين الباب.....سكت مارديت عليه.......رحت وقلت للمشرف العام.......ان هاذا المشرف يزعجني ع جوالي....ماعطاني وجه وقال هاذا مو مشرف. ولا حنا نعرفه....

فقلت له هو يقرا رسايلي الي بالشكاوي وحنا نعرف ان ماحد يقرا الشكاوي غير المشرفين.........برضو سفهني...ولا حتى عبرني...انقهرت...والله انقهرت..

وكتبت بالشكاوي...رقمه وقلت ارجو انه مايزعجني...فجاه انحذفت الشكوى الي كتبتها واتصل ع جوالي...

مو بس بحياتي ايتدخلون الا حتى الاحلام اتحلم فيهم....!!

انا وثقت فيهم لانهم متشددين.....يعني حتى اتفه شي وهو الصوره الرمزيه...اذكر حطيت صوره انمي..احذفوها...فحطيت صوره طفل...وقالوا صور الورعان ممنوعه
فحطيت صوره يد عليها اسواره...فحذفوها والسبب لانها تفتن!! يعني تحكم عليهم بانهم ملتزمين....وانا عارفه...انهم يقرون موضوعي...واذا فيهم خير ياليتهم يدخلون ويناقشوني هنا امام الاعضاء.....

انا لما نزلت الموضوع الي يقول من المشرف الي قاعدن يتصل ع جوالي؟؟ كتبت...ناقشوني قدام الاعضاء...وفجاء ادخلوا واحذفو الموضوع...ولا حتى دافعو عن نفسهم..

مدام عبدالله

17-09-09, 07:31 am

اوكي
قولي اسم المنتتدى والمشرف اذا كان كلامك صحيح

وقوليه هنا عام ليش خاص؟

زخات المطر

17-09-09, 07:31 am

يابنت ..

تراك طولتِ السالفة و هي قصيرة !

ليش احس انك تبغين ( تنتقمين ) بس ..

لا تقولين اسم منتدى و لا اسم مُشرف ..

انـــــا بــاعــتـــقــادي لــو تــقــولــي اســم الـــمـنـتدى للـــي ارسلوا لكـ بــالخـاص
يعني ترسلينه بالخاص(البنات بس)لأن العيال ماعليهم خطر..
لأن حـنـا مسجلين بمنتديات كثيرهـ غير هذا ..اذا كان من ضمنهن نسحب عضويتنا
منهم مافيهم خير..

البنت المُحترمة و اللي تحسب حساب اي خطوة تخطيها ، ما يجيها غير الإحترام و التقدير ..

عشرين الف مُنتدى شاركنا فيه ـ و فيه من المغازلجية مافيه و الحمد لله ماتعرضنا لمثل هالمواقف ..

و يابنات ,,

مو العبرة بإسم المشرف او المنتدى ..

العبرة ، بـ إنك تتأدبين و تحترمين نفسك و لا تتهاونيين بـ رقمك اومعلوماتك الشخصية او بـ الميانة و التلزق بالرجال ..

عبدالله الحلوه

17-09-09, 07:34 am

يعني ترسلينه بالخاص(البنات بس)لأن العيال ماعليهم خطر..

بدأ الفضول يعمل عمله هنا :)

رانسي

لاتبلغي بإسم المنتدى لأحد وخصوصا البنات فالفضول قد يدفع بهن إلى التجربه :)

تحياتي

رانسيM

17-09-09, 07:39 am

عزتي بحجابي....ايـــــــه نعم..هو انتي مسجله فيه؟

عزتي في حجابي

17-09-09, 07:41 am

بدأ الفضول يعمل عمله هنا :)

رانسي

لاتبلغي بإسم المنتدى لأحد وخصوصا البنات فالفضول قد يدفع بهن إلى التجربه :)

تحياتي

لا مو فضول ولا شيء ..احنا بناخذ حذرنا لأنهم ذيابه..
وبعدين وشي كلمتك يدفعهن للتجربه خير ان شاء الله !!
لو لك بنت بذاك المنتدى كن حرصت انك تعرفه عشان ماتعرض بنتك للخطر..
عمومآ انا كأني عرفته من وصفها له لكن ما اقول الا الحمد لله والشكر مافيه رجال
في هالوقت عندهم احترام وغيره مجرد نفاق انهم مايبون صور رمزيه وتواقيع فيها صور!!!!

كفاني عذاب

17-09-09, 07:42 am

وين اسم المنتدى بسرعه خلين اروح اخترقه
وعطين اسم هذا الشخص المشرف اروح ادمر جهازه
مهب انتي تبين تنتقمين
يالله هاتي المعلومات

وضوح

17-09-09, 07:42 am

ليش تسحبون عضويتكم .......؟؟؟

ماراح يقبلون عليكـ الا ان عطيتيهم وجه...

مدري ليه أحس ان الموضوع انتقام وارادة فضيحه..

موو لأخذ الرأي ...!

عذراً،،

عزتي في حجابي

17-09-09, 07:43 am

عزتي بحجابي....ايـــــــه نعم..هو انتي مسجله فيه؟

ايــه يــاعمري مسجله
لكن مااقول الا انهم منافقين يوم انهم مايبغون اي صوره في النتدى وعلى طول يحذفوها اقالهم مطاوعه..

مدام عبدالله

17-09-09, 07:46 am

عاد تبي تنتقم ماتبي انا الفضول ذابحني
تدرون ليش

لان قد صارت مع وحده حكتلي صار كذا شي في منتدى
بس هي الي طلعت من المنتدى لما كشفت لعبهم
وان المنتدى صاير لصيد البنات وبس

رانسيM

17-09-09, 07:48 am

ليش تسحبون عضويتكم .......؟؟؟

ماراح يقبلون عليكـ الا ان عطيتيهم وجه...

مدري ليه أحس ان الموضوع انتقام وارادة فضيحه..

موو لأخذ الرأي ...!

عذراً،،

يعني.....اذا طرحت مشكلتي...صرت ابي انتقم؟؟

يعني حراام اطلع كل الي بقلبي..؟

صريح جد

17-09-09, 07:49 am

طيب الحين اذا قلت لابوي
عصبي يعني ماقدر اقوله

ورقمي قسم بالله توه جديد مراح ايغيره لي

واذا قلت للهيئه...ماعتقد انهم راح ايسون شي...ويمكن بعد مايصدقوني..!!

وبعدين جتني رساي ع الخاص كثيره يبون ايعرفون اسم المنتدى......عادي اقوله هنا؟
موضوعك شكلة يبي يصير مسلسل مكسيكي يوم حنا طافين في مثل ها المسلسلات يعني مافية اي حل اشوفة عجبكي ابوكي عصبي وجوالك توة جديد والهيئة ماراح يصدقونك اقول تراكي طولتيها وهي طويلة جاية تسبين ذاك المنتدى الي انا اعتبرة من افضل المنتديات والله يجزاهم خير الي حذفو الصور الرمزية لك لانك حاطة صور حريم يعني با العربي جاية تحطين حرتك هنا لو كنتي صادقة ويهمك دينك كان كسرتي ها الجوال الي معك وانتهت كل القصة

أســماء

17-09-09, 07:53 am

موضوعك شكلة يبي يصير مسلسل مكسيكي يوم حنا طافين في مثل ها المسلسلات يعني مافية اي حل اشوفة عجبكي ابوكي عصبي وجوالك توة جديد والهيئة ماراح يصدقونك اقول تراكي طولتيها وهي طويلة جاية تسبين ذاك المنتدى الي انا اعتبرة من افضل المنتديات والله يجزاهم خير الي حذفو الصور الرمزية لك لانك حاطة صور حريم يعني با العربي جاية تحطين حرتك هنا لو كنتي صادقة ويهمك دينك كان كسرتي ها الجوال الي معك وانتهت كل القصة

......... الحل بين ايدينك؟ والى اللحين مستمره بالقصه؟؟

عجبي !

هنري

17-09-09, 07:56 am

رانسي!

لايوجد حل!!؟؟

هذا الجواب الذي تريدينه وها أنا أُعطيكِ إياه!؟

tootaa

17-09-09, 07:59 am

الله يعينك ياوخيتي

غيري جوالك وانتهى الاشكااااااااااااااااااااااال

لميـس*

17-09-09, 07:59 am

رانسي!

لايوجد حل!!؟؟

هذا الجواب الذي تريدينه وها أنا أُعطيكِ إياه!؟

هنري باشا

كل مشكلة بالعالم لها حل !!!!!!!

عبدالله الحلوه

17-09-09, 07:59 am

لا مو فضول ولا شيء ..احنا بناخذ حذرنا لأنهم ذيابه..

وبعدين وشي كلمتك يدفعهن للتجربه خير ان شاء الله !!
لو لك بنت بذاك المنتدى كن حرصت انك تعرفه عشان ماتعرض بنتك للخطر..
عمومآ انا كأني عرفته من وصفها له لكن ما اقول الا الحمد لله والشكر مافيه رجال

في هالوقت عندهم احترام وغيره مجرد نفاق انهم مايبون صور رمزيه وتواقيع فيها صور!!!!

عندما يكون لي بنت في ذلك المنتدى او غيره من المنتديات سأحرص بإذن الله ان اجعلها تحترم نفسها وتبتعد عن كل مايعرضها لأذى لأن معرفة شخص لاتحميها من غيره وماذا يفيدك ان اخذتي حذرك من ذلك الشخص ووقعتي بيد غيره سواء بذلك المنتدى او غيره من المنتديات

تحياتي

وضوح

17-09-09, 08:00 am

يعني.....اذا طرحت مشكلتي...صرت ابي انتقم؟؟

يعني حراام اطلع كل الي بقلبي..؟

غاليتي الا تلاحظين انكـ لم تأخذي الا الردود المناسبة للإنتقام

والبحث عن مبرر لكـ ..

وتركتِ النصائح و السعي لتطبيقها .... ثم الحكم عليها..!

تذكري ان الشكوى لغير الله مذله ..

انتبهي لسمعتكـ وانسحبي من الموضوع وطبقي النصائح

وبعدها اذا مانفع ..(أعلنها ) أني أنا من سيأخذ حقكـ منهن

ان هم تمادوا دون جذب منكـ أو تصرف غبيّ..
،
،
اسمحي لي ترى انا جااااااااادهـ ومتحمسه معكـ

*****

اذا انحرف الموضوع او تغير الهدف قد لاتجديه ..!

تحيتي لكـ ..

رانسيM

17-09-09, 08:00 am

موضوعك شكلة يبي يصير مسلسل مكسيكي يوم حنا طافين في مثل ها المسلسلات يعني مافية اي حل اشوفة عجبكي ابوكي عصبي وجوالك توة جديد والهيئة ماراح يصدقونك اقول تراكي طولتيها وهي طويلة جاية تسبين ذاك المنتدى الي انا اعتبرة من افضل المنتديات والله يجزاهم خير الي حذفو الصور الرمزية لك لانك حاطة صور حريم يعني با العربي جاية تحطين حرتك هنا لو كنتي صادقة ويهمك دينك كان كسرتي ها الجوال الي معك وانتهت كل القصة

طيب علا اي اساس تعتبره من افضل المنتديات عشان الصور الرمزيه حكمت عليهم ؟!!انا عشان كذا اخذت عنهم فكره بانهم ناس ملتزمين....

الصور الرمزيه حرام عندهم...طيب ليش يظلموني؟!! والمشرف الفلاني هو سبب المشكله....بس عشانه مشرف دافعوا عنه....