بنات بريده القرمات؟

[أم احمد]

هلا والله بخواتي بنات بريده راعيات السنع والقرامه والذرابه

الله لايهينكن ابي تعدن لي حلا بسيط للقهوه وحاجات خفيفه مع الشاهي عندي ضيوف يوم الإربعاء وتراكن معزومات وعيناً لكن فراش وعيناً لكن غطى عن البرد

من لها؟

[التوأم]

عندي حلى لذيذ
الطبقة الاولى :بسكوت شاهي مطحون (لا تطحنينه مره خليه مجروش)
زيت أو زبدة (أخلطي الزيت والبسكوت مع بعض ثم رصية بالصينية)

الطبقة الثانية علبة قشطة ,علبة زبادي,7ملاعق حليب بودرة,سكر المقدار حسب الرغبة(اخلطيهم بالخلاط ثم صبيه على الطبقه الاولىثم دخليه الفرن من فوق وتحت لحد ما يتماسك)

الطبقة الثالثة:قرفة مطحونةذريها على الحلى بعد ما تطلعينه من الفرن
وبالهناء والعافية
أدعي لي ان ربي يحقق لي كل اللي فبالي

[دينا]

[[حلـــى استقبــــال ماحصلش بس الدخــول بدراهم لو تكرمتوا]] (http://forum.buraydh.com/forum/showthread.php?t=165496)

^

أرعصي عليه
لذيذ وشكله حلوو وموصعب شرحته بالصور ..
هاه وش قلتي يعني أنعزمت:f5:

بالعافيه حبيتي :)

[أم احمد]

اختي التوأم اشكرك على هذه التلبيه وانا فكرت فيه مع كل نقطه شرحتيه بل أني تذوقت طعمه وانتي تصفينه ، وجدته لذيد عافاك الله
وأسال الله العلي القدير أن يمنحكي كل ماتريدين من خير وطاعه

[أم احمد]

أختي دينا شوووووووووووووكراً وفكرته حلوه وجديده بس معذرتاً شفت المواعين بالصور

وفكرت بالجلي وانا توي مخلصه من المطبخ

لاكن يمكن اجربه في غير ذاك اليوم

[بنت البدائع]

هلا والله بخواتي بنات بريده راعيات السنع والقرامه والذرابه





يعني شلون أنا أقدر أدخل أعطيك وصفات وإلا لا :cool:

يالله عاد الشكوى لله تلقفت ودخلت مجلسكم .. وراح أعطيك وصفات جنان وسهلات قوه قوه قوه ,, وبيعجبوك إن شاء الله :)




الحلى .. ( وعن تجربه ) سهل التحضير ومره طعم

المقادير ..
3 باكيتات بسكويت جوزاء أسود
نص قشطه طازجه
اصبع زبده مذوبه
علبه نستله كبيره
12 حبه جبن كيري

وطريقته :’

- نخلط البسكوت والقشطه والزبده ونعجنهم مع بعض
- ثم نرصها في صينيه بايركس
- ثم نخلط الجبن والنستله في الخلاط
- بعدين نصبه على البسكوت
- وندخله الفرن يتحمر من فوق ( تشقير فقط )

- بعدين نشخمط عليه بالهيرشي وندخله الثلاجه يبرد وبالعافيه

وهذا هو

http://u06p.com/test/files/pvzitojyt6omyid067hk.jpg (http://u06p.com/test/)





أما المالح مع تقديم الشاي .,؛

برضووه عندي لك طريقه سهله حيل .. وطعم لايقاوم :)

المقادير ,’،

http://u06p.com/test/files/admi4bgipky4xm6jub7k.jpg (http://u06p.com/test/)

- بيف باستري
- جبن أي نوع تبين ( كيري أو سائل )
- زعتر
- سماق
- حبه سوداء


الطريقه :’’

جيبي البف باستري وادهنيه بالجبن بعدين اقطعيه الشكل الي تبين
مثلثات ولا طوال
بس طوال اكشخ http://vb.eqla3.com/images/smilies/biggrin.gif
ورشّي عليه السماق وإلا الزعتر وإلا الحبه السوداء كلهم فيهم
الخير والبركه http://vb.eqla3.com/images/smilies/biggrin.gif

كذا

http://u06p.com/test/files/ez4vpwr412vjt3oklbi7.jpg (http://u06p.com/test/)

بعدين دخليهم الفرن من تحت شوي ومن فوق شوي بس لحظات لين ينتفش :) مو يطول ..
وبالنهايه يطلع هيك ,,

http://u06p.com/test/files/e5k2zknj3abd1d7n3x9b.jpg (http://u06p.com/test/)


هاه وش رأيك ؟ :)

[أم احمد]

بعدي والله بنت البدايع أكيد أمك من بريده ههههههههههههه

أمزح

بس من جد شغل يستحق الشكر وبإذن الله ابسوي المالح بس أخاف اشوف الضيفه انتي
واقوله بنت البدايع

بارك الله فيك

[بنت البدائع]

^^^

لا أمي بكيراويه :)

حلو إنه جاز لك ., بالعافيه ياغلآآآآ ,,

[Velvet]

يعطيكم العااافيه

[عتال]

هذا حلي سهل وطعمه خيال
كسري بسكويت شاهي مع بسكويت اوريو اكبر وحده كبر حب البن ثم ضعيه في بايركس
ثم يواسي وخلطي بالخلاط 7 جبن كيري او 8جبن مثلث واحد علبه كبيره حليب مكثف
ثم يدخل الفرن حتي يتماسك لا يحمر ويزين بالهرشي
وبالهنا والعافيه

[أم احمد]

عتال شكراً على المساعده وابشركم العزيمه أخلصت