لـــــــــــو كنتي رومنسية ومتزوجه واحــــــــــــــد جفس !!!

[فارس الميدان]

بسم الله الرحمن الرحيم

السلام عليكم جميعاً

في هالوقت البنات صارت اكثر رومنسيه من قبل .. يمكن عشان الاعمال الشاقه التي كانت تجعل المرأه اكثر خشونه قد اصبحت سهله وجميعها منفذه من قبل الخدم او ماشابه ذلك ..

المهم
..

المرأه اصبحت تهتم بشكلها لكي تجعل من نفسها نعومه وجمال ورومنسيه اكثر
سؤال ---> لو كانت وحده ناعمه ورومنسيه وتزوجت واحد جفس !
يعني خشن وتصرفاته حاده شوي وطبعه حاد من النوع القديم شوي وش راح يكون وضعك معه ؟


والبنت العكس ناعمه ورومنسيه وصاحبة اتكيت وحركات .. بالله وش بتسوي مع هذا الرجل ؟

هل تستمر في معيشتها معه ؟
او سوف تطلب الطلاق ؟


هذي زبدة الموضوع

__________________________________________________ _____________________________

هذا القسم لا احد يقراه الا اذا كان فاضي بقوه

يحدثني واحد من اصدقائي عن سالفه ضحكتني شوي .. يقول :

فيه واحد جفس جفس بالحيل مع زوجته وفوق هذا كله ميت قلبه
من شدة موتت قلبه يشتغل في قسم الموتى في مستشفى التخصصي
وزوجته العكس رومنسيه فوق الزوم وبيتها كله شمعات واسلوبها مره هادي وااااااو مره كيوت وحالتها حاله
المهم !

يقول صديقي ان البنت حاولت كثير انه تعدل فيه وما قدرت .. حتى طبعه زي الشيبات يبي قهاوي بالطلعه والدخله وبايع الدنيا بشراره ..
المهم يقول مره من المرات زوجها راح الدوام كلعاده واخذ لفه على الاقسام عشان يسأل
فيه احد ميت او لا ؟
بعدين لما جاء الحضانه وسأل فيه احد ميت قالت السستر (ممرضه) يس يس فيه بيبي موت
اخذ البيبي الميت وكان (فرط) صغير بالحيل المهم اخذه وحطه في مخباته من شدة انه متعود
وقال في نفسه اذا رحت المكتب اسوي اجرأه واخلص اموره واروح ادفنه

بعدين نسى انه حط الميت في مخباته وراح البيت

جت زوجته الكتكوته
وقالت تراني بفرغ ثوبك عشان اوديه غرفة الغسيل .. لما فرغة ثوبه وشافت شي ملفوف في قماش ومحطوط في كيسه استغربت .. قلبت الكيس ومافهمت وش الي جواته
راحت لزوجها وقالت وش الكيس هذا الي معك في مخباتك حاطه ؟

مسك راسه وقال يووووووووووووووووووووه نسيت اودي الميت ادفنه
زوجته اغمي عليها لما عرفت ان الي قبل شوي في يدها كانت ميت صعيييييير

سؤال ----> ماهو شعورك لو كنتي مكانها ؟؟؟
____________________________________________

فيه واحد ولد الرزقان هذا ميت قلبه في مستشفى التخصصي في بريده قسم الموتى
من شدة موت قلبه
قد مره راح بيودي جثه في السياره من القصيم للرياض عشان طالبينها تشريح وعليها قضيه
الجثه اذا طلعوها من الثلاجه تكون جامده بالحيل
ولد الرزقان هذا اذا مسك الخط يفتح الجثه ويحط فيها ببسي ومويه عشانها ثالجه والببسي والمويه ماتسخن
تخيلو يحط بين الجثه وفي حوايفها .. هههههههههه
وكل شوي يمد يده على التابوت وياخذ مشروب من الي حط جنب الميت وعععععععععع

تخيلت الذاهبة هذا زوجها هههههههه
الذاهبة من شدة الخوف من الموت لها يومين ماتدخل المنتدى تخاف عشان الي صار
عاد كل الي من جنس الذاهبه مايحبون ذكر الموت مدري ليش ..












فارس

[الذاهبة]

مرحبا بك فارس الميدان

أولاً تشكر يا استاذي على النشاط و النفسية الحلوة و محاولة رسم الابتسامة و الضحكات على شفاهنا

الله لا يغير عليك و يديم عزك

ثانياً .. بالنسبة لــ صلب الموضوع .. و الله عن نفسي أنا ما أفضل الرجل الخيخة النعومه

ما ينفع ذا

كل ما كان خشن كل ما كان احسن

و لكن الرومانسية مطلوبة طبعاً .. بس مو على طول ..

أهم شي يكون شجاع و قوي و صنديد و نفس الوقت : قلبه طيب و فيه رحمة ..


ثالثاً و الله يا فارس قطعت قلبي من الخوف .. بصراحة ما اصدق فيه بني آدمين كذا ..

اممما شايل بجيبه ( جثة ) طفل !!

زين ما غسلت الثوب و هو فيه ..

بصراحة هذا ينخاف لا يقتل زوجته .. قلبه مو ميت و بس !






تحياتي ..

[نـدى الـورد]

اقتباس: رجالنا كلهم حنان ورومانسيه من يقول انهم جفسين صحيح العالم ماتخلي احد بحاله

ايه با الحيل كثري منها ياحبيبتي



/


شوف الفارس


احنا في مجتمع قبلي


يعني ماافيش اذا هذا ماعجبني بروح واتركه


الزواج مو لعبه بصراحه


وكثير بنات رضوا تزوجوا رجال جفسين مثل ماتطرقت وقلت


لانها رضت بقسمتها ونصيبها





واعتقد ان البنت اذا لقت شخص يحترمها مو شرط يكون رومنسي


تستمر معه لانه بيكون افضل من مية رومنسي غير سوي


ويأتي هنا دورها بانها تحرك مشاعره بأمور من الممكن تغيره مع مرور الوقت




شاكره لك الفارس


على اهتمامك بمشاعر الفتيات


















.

[راشد الصليحان]

المشكلة إذا كانت المرأة جفسة !!

او تكون ماتشم مسكينة تحط العطر وريحتهاصنان !!

او ذوقها خطأ ...مهما تعلمت ! تظل كما هي مستحيل تتغير !

اما الرجل( ينبلع ) مهما كان وضعه...

[بدرالوابلي]

تدرون ليش حنا جفسين ؟؟؟؟؟؟؟؟ ومانعرف شي أسمه رومانسيه بصراحه !! لأننا ......ماش ودي أكتب بس ماركزت بجنبي واحد بالكوفي أنترنت أحتريه يوخر ؟؟وأبوالشباب جادع خشته معي !!هذا اللي يجيك من الكوفي أنترنت ؟؟ يازين البيت بعد ...راجع لكم أن شاءلله .

[لمبة شارع]

كل نساء العالم يافارس رومانسيات .. هذا من حيث المعنى الذي نفهمه لكلمة رومانسية وهي_ طغيان الجوانب العاطفية في تشكيل وبناء الشخصية وتأثر القرار العقلي وفقا للنزعة العاطفية للشخصية _..ووفقا لهذا التعريف فنساء العالم كلهن رومانسيات قياسا بالرجال وبالتالي ففي المجمل فإن نساء العالم كلهن تقريبا يشعرن بتقصير ازواجهن في اشباع الجوانب العاطفية عندهن على الدوام_اعني انهن لايشعرن بالاشباع طول الوقت....
الامر الآخ انني تعرفت اليوم على هذا المصطلح الجديد _جفس_ منك يافارس وللاسف انني اسمعه (أو أقرؤه) لأول مرة ..لقد مر بي من قبل مصطلح مشابه _جفش_ او _جلف_ او _فض لكن لايهم فالمعنى واضح والقصد ان المرأة اكثر ما ينمي فيها شعور الميل الى زوجها هو جاذبيته الذكورية بالدرجة الاولى عبر كل اشكالها السلوكية وفي حكاية عامل مغسلة الموتى التي اوردت تبدو لنا شخصية رائعة جدا ومليئة بعناصر جذابة ...صحيح ان النساء يفضلن في شخصية ازواجهن مسحة من الرقة والعاطفية السلوكية لكن ذلك لا يرضيهن على الدوام إذ يضل الرجل المتمتع بخصائصه الرجوليه هو محور دائرة المرأ ة....

القصد يافارس ان ماقد يبدو لنا بحجم جامبو قد يكون في حقيقة الامر في حجم مايكرو .. ولكننا نكون قريبين جدا من الصورة فلا نرى بقية مكونات اللوحة ثم لانستطيع قياس حجم الاشياء ونسبة بعضها الى بعض...

[:: ابعـاد ::]

.
راشــد
.

اقتباس: او تكون ماتشم مسكينة تحط العطر وريحتهاصنان !!

الله يحوم كبدكـ

اقتباس: اما الرجل( ينبلع ) مهما كان وضعه...

كيف يعني ينبلع وريحته لاتطاق ؟ ! مااظن

**************************

ليس لدي خبره في مثل هذه الأمور

ولكن من الواجب فصل الرومانسيه عن النعومه والتأنث من قبل الزوج

لأني ارى خلط بالمفاهيم هنا



رومانسي نعم

ناعم لا او نعم ولكن بحدود



.

ابعـــاد

.

ابعـــاد

صحيــح كــلامي يحــوم الكبــد !

لكن هذي حقيقــة يعاني منها الرجــال

بســبب بعض النســاء !

اما الرجــل كيف ينبلع !

المراة تقبل بزوجها في اي صورة كان ...إذا هي احبته !!

شكــرا

[راشد الصليحان]

اقتباس:  المشاركة الأصلية كتبت بواسطة ابعاد     . راشــد . الله يحوم كبدكـ كيف يعني ينبلع وريحته لاتطاق ؟ ! مااظن ************************** ليس لدي خبره في مثل هذه الأمور ولكن من الواجب فصل الرومانسيه عن النعومه والتأنث من قبل الزوج لأني ارى خلط بالمفاهيم هنا رومانسي نعم ناعم لا او نعم ولكن بحدود . ابعـــاد . ابعـــاد صحيــح كــلامي يحــوم الكبــد ! لكن هذي حقيقــة يعاني منها الرجــال بســبب بعض النســاء ! اما الرجــل كيف ينبلع ! المراة تقبل بزوجها في اي صورة كان ...إذا هي احبته !! شكــرا

ابعـــاد

لم يحدث نعديل على ردك السابق

إنما دخول بالخطأ !

ابــعــــاد

صحيــح كــلامي يحــوم الكبــد !

لكن هذي حقيقــة يعاني منها الرجــال

بســبب بعض النســاء !

اما الرجــل كيف ينبلع !

المراة تقبل بزوجها في اي صورة كان ...إذا هي احبته !!

شكــرا

[@ ابتسام @]

الحريم الكبار دايم يقولن ... الحب يدفن الجفر ...

واظن انهن مصيبات.

توضيح لغير الناطقين بالقصيمية ؛؛؛ يعني اذا حبت البنت زوجها بتتغاضى عن عيوبه ويمكن تقلبها لحسنات ومنها

الجفاسة

وحده زوجها جفس بس تحبه لما سألوها عنه قالت ياحبيله ما يدري وين الله حاطه .. ترى تمدحه الحين هي

[....e7sas]

[align=center][align=center][align=center][align=center][align=center] أهـــــــــــــــلا فارس .... بصراحه النماذج اللي ذكرتها مو بس أشخاص جفسين إلا قلوبهم ميته[/align] الصلابه اللي فيهم متعديه حدودها.. يعني الحياة معاهم فقدت رونقها ، وأنا ما أقول إن الفتاة تبي[/align] إنسان دلع ، لكن تبي شخص لطيف ، يحترم رايها ، ويقدر مشاعرها ، ويحترم أحاسيسها ، لإن [/align] النساء عاطفيات من الدرجة الاولى.. بعدين أشخاص يتصفون بالأوصاف اللي ذكرتها ما أعتقد أن[/align] إنسانه ضعيفه راح تقدر تأثر فيه ، بالعكس هو اللي راح يؤثر فيها بعد ما يكرها الحياة (هذا إذا أستمرت حياتها معاه)،[/align]
[align=center][align=center] أما ياأخ راشد .. شوي شوي على عمرك ولا توهقها زياده، أعتقد هذا رأيك الشخصي البحت أن [/align] ( الرجل ينبلع أيا كان حاله ) [/align]



[glow=FF0000][align=center] Thanx a lot[/align] [/glow]

[فارس الميدان]

اقتباس: روح مرتاحه جفس!!!!!!!!!!!!!11 ايش يعني جفس؟؟؟؟؟؟؟؟؟؟؟؟؟؟؟ اصلا هالكلمه مو موجوده بقاموس حياتنا مع رجالنا فديتهم رجالنا كلهم حنان ورومانسيه من يقول انهم جفسين صحيح العالم ماتخلي احد بحاله ولا رجالنا وين والجفاسه وين؟؟؟؟؟؟؟؟؟؟

نورتي روح مرتاحه

بالله وبأمانتك ماتعرفي كلمة جفس

احسها دارجه عندنا

جفس يعني مثلي انا

على فكره انتي طبيعتك انسانه مداحه

اجل رجالنا كلهم حنان ورومنسيه .. بالحيل بالحيل

لا تنسي انك في ربوع القصيم




فارس

[فارس الميدان]

اقتباس: الذاهبة مرحبا بك فارس الميدان

هلا هلا الذاهبه

وينك انتي فاتك نص عمرك .. فتح منتدى اسمه منتدى بريده .. وفيه ناس وصجه ولجه وسوالف وحكايا واخبار .. وانتي نااااايمه بالعسل .. اكيد غسان ولدك شاغلك ..

اقتباس: أولاً تشكر يا استاذي على النشاط و النفسية الحلوة و محاولة رسم الابتسامة و الضحكات على شفاهنا الله لا يغير عليك و يديم عزك

الشكر والعز في طلتك على الموضوع طال عمرك .. مو انا ولمبة شارع فاقدينك هالفتره

اقتباس: ثانياً .. بالنسبة لــ صلب الموضوع .. و الله عن نفسي أنا ما أفضل الرجل الخيخة النعومه ما ينفع ذا كل ما كان خشن كل ما كان احسن و لكن الرومانسية مطلوبة طبعاً .. بس مو على طول

..

تدرين وش مشكلتي الذاهبه ؟

اني ماوضحت كلمة جفس التوضيح المعني به

عشان كذا انتي حكمتي عليها انها ضد النعومه .. اكيد الرجال مو حلو يكون ناعم عشان يكون هو اختيارك

اقتباس: أهم شي يكون شجاع و قوي و صنديد و نفس الوقت : قلبه طيب و فيه رحمة ..

الذاهبه شجاع وقوي وصنديد هذي كلها معنى واحد او صفه وحده

بالله قد شفتي شجاع خيخه ؟
او قوي بس ضعيف

حتى الي قلبه طيب هذا من زود رحمته صار قلبه طيب

قد شفتي واحد قلبه طيب بس مايرحم ؟ .. اكيد ما تجي

او واحد رحوم بس قلبه مو طيب ؟ .. وهذي ما تجي

الذاهبه احلفي انك ما افطرتي فول




اشكر لك تنوير موضوعي










فارس

[إخلاص]

أعتقد ان الطلاق مصيرهم ... الا اذا لمست فيه الاحترام لها والود
فإنها ستصبر على جفاسته
ستحاول تغير فيه

[فارس الميدان]

اقتباس: سكون الليل شوف الفارس

هلا السكون

مو حلوه السكون صح ؟

احس ان هذي مالها داعي ( الــ )

(سكون) بدون ال كذا بتكون احلى

عشان نفس الشي الفارس مو حلوه

ياليت تحذفي الـ

اقتباس: احنا في مجتمع قبلي يعني ماافيش اذا هذا ماعجبني بروح واتركه

سكون ماعليش بس ابي افهم قبلي يعني وشو ؟

فيه مجتمعات قبليه وتتخير وبكل ثقه وبدون معارضة احد

اقتباس: الزواج مو لعبه بصراحه وكثير بنات رضوا تزوجوا رجال جفسين مثل ماتطرقت وقلت لانها رضت بقسمتها ونصيبها واعتقد ان البنت اذا لقت شخص يحترمها مو شرط يكون رومنسي

ههههه تدرين ليش تقنعي نفسك بقولتك مو شرط يكون رومنسي ؟

لان البنت الي تقول في الاول مغصوبه .. يعني لو فيه عيوب الدنيا بتقول اهم شي الاحترام حتى لو مافي توافق

بس هذا بالنسبه لي شي حلو .. لان البنت الي من هالنوع هذي جداً قنوعه ومتنازله ..

اقتباس: تستمر معه لانه بيكون افضل من مية رومنسي غير سوي ويأتي هنا دورها بانها تحرك مشاعره بأمور من الممكن تغيره مع مرور الوقت

سكون كلامك فيه تناقض غريب !!

اقولك ليش

انتي تقولي لانه افضل من مية رجال رومنسي غير سوي .. ليش قلتي ان الرومنسي مو سوي وحطيتي 100 واحد عشان تكسبي تغيير بالرجال بطريقتك الرومسيه السويه ؟؟؟

مع انه الرجال هو الي يغير الحرمه مو العكس

سكون الرومسيه يجب ان تكون من باب لطف اي انه رجل سوي

والميه الي قلتي هذولا مو رومنسيين عشا يكون احلى منهم




اشكر لك حضورك



فارس

[فارس الميدان]

اقتباس: راشد الصليحاني المشكلة إذا كانت المرأة جفسة !! او تكون ماتشم مسكينة تحط العطر وريحتهاصنان !! او ذوقها خطأ ...مهما تعلمت ! تظل كما هي مستحيل تتغير ! اما الرجل( ينبلع ) مهما كان وضعه...

هذا واحد جفس


راشد وشو صنان

والله ان الي فيه صنان ماينبلع لا رجال ولا حرمه ياراشد


وبعدين الي فيه صنان هذا مو جفس

هذا وصخ





فارس