**يا نـــــوف**
يا نوف عندي من السواليف ديمة
فيها الغزل شيد أساطيل وسطور
الله عطاك من ألحلا سيل غيمة
وأسقاك من وبل المزايين ببحور
يا نوف روحي في غيابك سقيمة
وفرقاك تبني للظمى درب وجسور
يا غايتي بعدك عذاب وجريمة
أنتي دوى روحي وللقلب دكتور
إن قلت احبك .. فالمعاني ظريمة
وان قلت أعزك باح بالقلب مستور
يا بنت أنا لأجلك دموعي هشيمة
أموت بك موت العمى بشوفة النور
وأنا وكلي لأجل عينك قسيمة
كلي فداك من آخرك لأول الكور
في غيبتك ليلي سواد وعتيمة
والصبح مظلم والكوابيس بالدور
وشوفتك تسوى يا حياتي حليمة
وتسوى بنات المملكة يا غلا الدُور
مو بس احبك والصراحة حكيمة
أحبك إلا موت أحبك من شهور
وياليت قلبي يوم حبك تهيمة
وتدعيه وسطك بالمحاجير مآسور
حيثك عزيزة والمعزة كـــريمة
والكل بيد الله سواياه والشور
يا نوف شوفيني سوايا يتيمة
مدي يدك مليت من قلب مكسور
أنا طلبتك والطلايب حشيمة
والموت ولا قولة مخلا ومقهور
محمد الناصر...
العرض العادي
