معاااااااناة شارع (( صور )) ؟؟؟؟؟

[الجنتل]

بصراحة لفت إنتباهي شارع أو ((((شويرع)))) بالمعنى الأصح لأنه تسد صار شارع ....
والغريب أنه هذا الشويرع يرتاده أكثر الناس لأنه مختصر يربط بعض الأحياء بأقصر الطرق والمشكله
أن مرتادي هذا الشويرع مايلاحظ لهم صدى أو أعتراض أو أي شي وكأنهم راضين بالأمر الواقع
أنا لست من مرتادي هذا الشارع لكن مررت ولاحظت العجب العجاب في هذا الشارع
والي يزيد الطين بله أنه بجمبه مستشفى الأمراض النفسيه يعني إن مالقوه من المستشفى
لقوه من هالشارع الي قبالهم قصدي الشويرع الي مطبات وحفر وشوي شااارع
أنا صورت وبعجاله هذا الشارع وأخذت له بعض الصور الي تحكي وتتألم ولسان حالها يقول
[align=center]شووووووووفوووووووووو لنااااااااا حل [/align]
الشارع هذا يقع أمام مستشفى النفسيه في بريده شرق الأستاذ الرياضي
[align=center]^
^[/align] [align=center]تحس أنه مايعرف يوصف[/align]


قبر هذا مهب مطب





شف ياحول راعي الهايلوكس معاكس تلقاه يقول مخالفه مروريه ولا مطبات تكسر الظهر






بدوووووووون تعليق




ترا هذي المطينه تبع الشارع شلون صار عاد أنا والله مادري



وشوله تروحون تدورن فقع أحفر بهالشارع وشرط تلقا أكبر فقعه بالعالم يحطونه بمهرجان صيف بريده 25




أجل هذا شارع ؟؟؟لو يمسحونه ويكملونه مطينه كان أحسن والمشكله هذا الي قدام بوابه المستشفى بالظبط




آمل أنكم تزرورون الموقع لاكن نصيحه أربطو حزاااااام الأمان


[align=center]تحياتي <><> الجــــنــ ــتـــــــــــل <><>[/align]

[كرباج]

من معاناة الشوارع ودك الواحد يمشي بسيكل وعساه يسلم

تشااااااااو

[وائل]

[align=center]الجنتل ..


الطريق المذكور وصفت أنت رداءته ، وتحدثت الصور


وهو طريق مهم .. ربما يضيع الاهتمام به تحت بند الأولية !!

أو مافيه ميزانية , والأدهى أن يقال مافيه ميزانية للصيانة [/align]

[قروي فاهم]

هناك الكثير مثل هذه الشوارع في احياء بريده ..

الجنتل .

اتمنى ان تقوم بجوله في احد الاحياء وهو الحي الذي يقع مقابل بوابة مستشفى بريده المركزي . في وسط حفره شوارعها مليئه بالحفر والمطبات اضافة الى طفح مياه الصرف الصحي ( اعزكم الله ) بصراحه اللي يشوف الحي يقول في جيزان ولا في احد احياء جده .

ماندري وين تروح الفلوس والظرائب اللي ياخذونها ( رسوم الطرق ) عند تجديد الاستماره .

[الجنتل]

كرباااااج

حتى لوومشينا بسياكل من هالحفر مالظاهر أننا سالمين

مشكور على مرورك



وائل
لاتناظر الميزانية لأنه موجوده فعلا لكن ناظر وين راحت له الميزانية ومن هي معه ؟؟؟!!!
مشكور على مرورك


قروي فاهم
ترا هالصور من محظ الصدفه ماقصدت أني أعني وأصور ولا لو الواحد يقصد شوراع بعينه والله إن يبلش مايدري وش يصور


<> الجنتل <>

[sash]

أخيراً لقيت شخص يبادلني نفس الشعور
بصراحه كل الصراحه
أخي الجنتل
بالنسبه لي أنا و الله قاطعت الشباب في ذلك المكان
و السبب ماذكرتم
صحيح أنني لا أملك BMW لكي أخاف عليها
لكني و الله على شين سيارتي لا أعبر الطريق المذكور
وقلت بالفم المليان للشباب
لن آتي إليكم إلا بعد أن تصلحون الشويرع



أعتذر على الإطالة
لكن أتمنى أن يصلح الشويرع
من أجل أن ألتقي بالشباب

[جوااااااااد]

الصراحة شيء يقهر ...


الشكوى لله

[بندر الحمر]

[align=center][grade="00008B FF6347 008000 4B0082"]أقول أنا مايكتب هالموضوع إلا جنتل

والله إنك جنتل يا جنتل وشكرا جزيلا لك على تصويرك الجنتل

إنشاء الله الدوله ماراح تقصر معك ومعنا جميعا وسيتم إزالة كل الحفر اللي في بريدة

وثقتي كبيرة بالمسؤلين في بريدة

تحياتي للجميع [/grade][/align]

[التاج]

الجنتل

صور فوتغرافية !!

وصور حيّة !!

كلها لم تحرّك ساكناً لدى خبراء التسويف والمماطلة !!

ربما يكونون منشغلين بالأحداث الأخيرة !!

أو هي ميزانية الحفلات ومجلات القارئ الواحد !!

صور تختصر الكلام !!

ولكن ....!!

هل من سامع ؟؟

أو من مجيب ....؟؟

أشكر لك هذه الدافعية والحماس !!

وابتعد عن الحفر لا تطيح ......!!

[غريب]

السلام عليكم ....

أخي الجنتل ...

لقد ضربت على الوتر الحساس فهناك اشياء يجب ان تفتح اعين المسؤلين عليها ... ربما من كثر انشغالاتهم وكثرة عملهم ينسون اهمية صيانة الطرق لبعض الشوارع الهامه ....

فيجب علينا الحذو حذوك عند رؤية الخطأ او ماينساه المسؤلين في هذا البلد من المسؤلين النشطاء ....

لذا من منبر منتدى بريده نناشد اخواننا في البلديه او وزارة النقل في الإهتمام بالطرق والشوارع لخدمة مستعمليها .... حيث بلغت من التكسر والمطبات مايعطل السيارات الماره منه .... وخير دليل المرور منه لمرة واحده على سيارة المسؤل الخاصه !!!!!


ولكم خالص تحياتي ....

[خـــــــــــــــالـــــــــد]

اخي الجنتل

هذه الظواهر لا يتم اصلاحها

الا بنقدها


والتركيز عليها ,, كما فعلت وما الصور التي ارفقتها الا ابلغ من كل وصف


و نتمنى ان نجد استجابه من المسؤلين و الاهتمام بالشارع المذكور والشوارع الت على شاكلته


والا ......


فعدسه الجنتل متحفزه



الف شكر لك

[الجنتل]

sash
مالظاهر أنك تبي تروح لخوياك إلا بهلكبتر

جوااااااااد
لاصار الشي يقهر نجلس مكتوفي الأيدي ؟؟


فيمتو
أولا: مشكور على شحطك لي
ثانيا: ثقتنا بالمسئولين كبيره ماقلنا شي بس لو هالشارع فرعي أو ماتمر من عنده الا سياريتن باليوم كان ماقلنا شي لكن هالشارع حيوي وحرام يكون مظهره بهالشكل حنا مانبيه منور ولا فيه رصيف ولا سيدين اللهم شارع تمشي السيارات من عنده تصدق عاد لو هو مطينه كان أفضل بمراحل من شكله الحالي
مشكور فيمتوا على مرورك الكريم

التاج
لاسامع ولا مجيب وإن سمع فلا إجابه كما قلت أنت الميزانيات ذهبت ولكن اين ؟؟؟ للرياح
تذهب الميزانيات لأكبر كبسه بالعالم وأكبر محفر بالعالم وقد تحقق المطلوب بأكبر مطبات بالعالم

مشكور على مرورك وتفاعلك مع الموضوع

غريب
تقطعت الأوتار من كثر ماضربت ولا يوجد لها أي صدى وكما قلت أنت لو كلن منا يحذو على هذا النهج لتبدلت الأوضاع ولكن مشكلتنا أننا نرى الخطأ ولانتجتهد لأصلاحه فأن صلح فبها ونعمه وأن لم يصلح وهذا الأغلب أحيانا فنحن أجتهدنا لتصليح الخطأ

مشكور


خـــــــــــــــالـــــــــد
نتمنى أن نجد لها صوت أو بصيص أمل لعل أعين المسؤلين أن لا يغمضوا أعينهم عنها


<>الجنـــــــــتـــــل<>

[أبو بسام]

فعلا لو انه مطينة أصرف


وعلى قولة خالد كود ينقدون علشان ينتبهون ... والا اذا تركتهم ما سووا سي

الجنتل: قعد أضحك على توقيعك

[سنافي]

رائع بالطرح والعرض وما جاء قصور ....

وانا اقول لو يتم اصلاح هذا الشارع وغيره من شوارع عاصمة القصيم بنصف تكاليف صيف 25 احسن للناس من اشياء يمكن اختصار تكاليفه للاستفادة منها . ومشكور جداً يااخي الجنتل

[العصامي]

فعلا ( الشويرع ) المذكور سيء علما أنه ليس
الوحيد تجول وترى العجب العجاب