صبـــــــاح الخيــر
ماكرونز أو هو الحقيقه لانكشير بس شبيه للماكرون
طبعا الماكرون له طريقه مختلفه
المقادير//
كاس طحين أبيض
كاس نشاء
نص كاس زيت
ملعقه صغيره باكينج باودر
كاس سكر
بيضه صغيره
فانيلا
الطريقه
يخلط البيض مع السكر
ثم يضاف الزيت ويخلط ثم تضاف باقي المقادير وتعجن
ثم تترك العجين10 دقايق ثم تفرد وتقطعينه بالقطاعه الدائريه ثم يدخل الفرن أسفل فقط
لتلوين //قسمي العجينه قبل الفرد ولونيها
الحشو//مربى -قشطه&جبن-نوتيلا
بالعـــــــــــافيه
,,,,,,,,,,,,,,,,,
حنينـــــــــــي بدون فرامه
أكره الفرامه لإنها خطر وياكثر اللي أعرفهم تضرروا منها و وجوده بالبيت اللي عندهم أطفال خاصه هذي خطر عليهم
وهذي طريقة حنيني بدون فرامه وسهـــل وسريـــــــع
بلا سالفه افرم ماتفرم
المقادير//
زبده
حليب سائل
معجون التمر
قرصان
الطريقه//
اطحني القرصان لين يكون نااااعم
بالقدر أو الحله أاومادري وش تسمونه تحطين معجون التمر أو التمر المفروم وزبده وحليب سايل وتخلطينهم على النار لين يتجانسون بعدين ضيفي القرصان المطحون واخلطي إذا كان قاسي زيديه زبده وحليب سايل عاد حسب الرغبه فيه أحد يحبه قاسي شوي ,,فيه أحد يحبه لين,, أنتي ورغبتك وإذا تبغين تقسينه ضيفي قرصان وتمر
بالنسبه للطعم برضو تختلف الأذواق فيه ناس يحطون التمر والقرصان بكميات متساويه,, فيه ناس يحطون التمر أكثر لإنهم يحبونه كذا
ذوقيه إذا شفتيه زين قصري النار وسكري القدر وخليه لمدة ساعه أو أقل ويفضل كل شوي تحركينه عشان مايحترق تحت ولو تحطين الحديده اللي تنحط تحت القدر أفضل
وبس
قدموه زي ماتحبون عاد أنا عجازه مالي خلق أحط حفره ومادري وشو ههههههههه
دعواتكــــــــــــم
العرض العادي
