السلآم عليكم ورحمـة الله وبركاته
أسعد الله اوقاتكم بكل بخير ومحـبة ..
في غيابك يعزف الما داخل إعيوني اغاني
ما يبي مِنِّـك حنينـك بس يبغى تسمعينه
يا كبر هم الغياب إن جيت أدوِّرك إبمكاني
ما اشوف إلا رحـيل طـال وأنتي تتبعينه
إرجعي / ماعاد فيني حيل لسيوف الثواني
يا ثقل دم إنتـظاري لا عقـد لي حاجبينه
اتلحف بالشتات ... وداخلي إنسـان ثاني
حـاير مثل: أجـوديّ نابت إبوجهه حنينه
من رحلتي هالمدينة كل ما فيها [ مباني ]
ينكسر فيها غروب و تنجبر فيـها ضغينة
إن شكيتك للطريق إتضيق ارصفت المواني
وإن شكيتك للمدينة . ضاقت أنفاس المدينة
لا الفضا بعدك فضاي ولا الزمن هذا زماني
إنتهـى بي كل شي و لا بقـى للحلم عينه
علميني .. يا عظيمـة كيف أكون بإتزاني
كيف أعيش بخـير وأنتي هالتلاقي تبعدينه
ما جمعني في غيابك غير حزني وإهذياني
وما نثرني يا وجـودي غير فرقانا اللعينة
إن تذكرتك تحير ( الكلمة ) بأطرف لساني
وإن سهيتك إشتيـاقي تعبث بصدري يدينه
ابحري بي يا بعيدة ... لآخر إحدود الأماني
يمكن إنلاقي بعضنا ( حلم ) أقفت به سنينه
و إن سألتي كيف حـالي لا تعانقـنا ثواني
قلت لك من يوم غبتي ..اغلب الأيام [ طينة ]
في غيابك شيّ أعظم من أخاف و من اعاني
في غيابك حتى وجهي لو عرض لك تجهلينه
في غيابك حتى وجهي لو عرض لك تجهلينه
عَرَق صوتي ..
وحيد وظامي ومكسور ..
نبت في البرد بروازك ,
وما ملّيت !
أنادي لك , طفل يبكي .. يبي أمّه
ولكن ضمّك غرورك
ولا ردّيت !!
وغادرتك ..
تلقّفني طريق أعمى .. وباب وسور
بقينا اغراب !
أتنفّس مسافات الحنين , وتلتوي الذّكرى
أماني .. لو يحقّقها الهوى ليلة
أحبّ الشكر والعرفان !
ليالي .. كنتي اقرب من نفَسْ روحي ..
وفي الوجدان ..
ولكن صرتي الفرقا !
تنصّلتي من ادوار الغرام .. وصرتي الغيّاب !
على الهادي من الأصوات ..
أنادي لك فرح ليله .. واتلعثم بصوت الريح !
ويرجع صوتي الذابل كأنّه ليل
وانفاسي صدى تسبيح !
نبت بُعدك على خوفي ..
وصار الوقت لي .. تجريح
أدوّر طعم في صوتي .. ينادي لك
ولكن صرت ع الطّاري ..
ألملم كلّ أخبارك من الأصحاب
ومابه علم عن قلبك ي أمطاري ,,
نسيني أو بقى فيني
على الطاري ..
سؤال ارتاب في صدري !
نسيتيني ؟!
نبت في الباب صوت ايدك مواعيدك أغاني ناي ... تهادت دمعتينٍ في / غيابك .. واحرقت : روحي
أنا يا نور عيني ما نسيتك .. لو يطول / بكاي ... سكنتي في وريدي في دمي .. في صمتي وبوحي
رحلتي .. يا وطن !
واصبحت انا بعدك غريب ..
إنسان / بارد !
أجرد الكفّين
عاري !!