السلام عليكم
من اللحين راح تستغربون من طبختي لأنه جديده علي هالطبخه ... هي ( طبق بنقلاديشي ) ..
بحكم أنه عندي بعض الكلمات البسيطه عن لغة بنقلادش ..
لقيت عامل المكتب يطبخ غداه .. وقلت لك : كاموناسو
قالي : بالو اسي ... ( طبعا معناه : كيف حالك ثم رد علي وقالي الحمد لله ) ..
ياويلي البنقلاديشي صاير عزوبي .. تارك عياله ببنقلاديش . وصاير هو اللي يطبخ غداه وعشاه .. ( تخيلت أباءنا لو سافروا لوحدهم . يصير يطبخون غداهم وعشاهم ههه )
المهم .. قلت له : وش هالطبخه ذي ... قالي : هذي الطبخه أسمها ( صالون ) ..
عالطول أخذت منه مقادير الطبخة وقلت له : أنتا بالو باشي . وقلت أبجرب أطبخها بالبيت أو بالأستراحة .. لمين جاء اليوم اللي طبختها ..
فأنا طبختها قبل كم يوم . وقلت أبنزلها هنا بدلا من أخلي الصور بكمبيوتري
( ملاحظه : هذي الطبخه لذيذه .. وبنفس الوقت حاااااره .. يعني اللي ما يبي الحراره لايجرب يطبخ مثل هالطبخه ) ...!
وأليكـم طبخـتي
المقادير :
بصل
طماطم
كركم
بهارات
فلفل أسود
حبحر
زنجبيل
هيل
مسمار
درسين
فراخة حمام ( يكون تقطع قطع صغيره )
وهذي فراخة الحمام بعدما غسلتها تغسيل جيد .
وطبعا لك الحرية سواء تبي تحطون حمام أو دجاج
وعلى فكرة .. أنا قطعت الحمامه الوحده ثمان قطع ..
وهذا الثوم بع ما فرمته وطقيته .. لانه لازم يطق
وهذا بيالة زنجبيل .. استغليت بقايا الزنجبيل . وقلت أبشرب زنجبيل
الدعوى كلها حار في حار ههه