أهلا بالجميع
من زمان ما نزلت طبخه لي بالمنتدى ... عاد قلت أبسوي طبخه وأبنزلها ..
في البداية دخلت لمواقع الطبخ . ولقيت طبخة رز على الطريقة الاسبانية . ولقيت طبخ الحمام المحشي 
.. واحترت مدري وش أطبخ .. وبعد تفكير 
قررت أني أطبخ حمام محشي ... وخلاص وخلاص وخلاص التوبة اللي أطبخ ( حمام محشي ) لأنه تعبت كثير بطبخه 
.. لأني أول مره أطبخ حمام محشي .. ولأني جلست ساعة ونص وأنا جالس احوس بالمطبخ وأنا مسجل عندي بورقة مقادير طبخة الحمام المحشي . وصرت كل أشوي أطالع في الورقة خفت لا يصير ناسي بعض المقادير ههه 
.. وأقول بيني وبين نفسي ياحبي للطبخ العادي كله دقايق وأنت مخلص . هههه ..! 
في البداية : أحضرت المقادير ( حمام فرنسي – رز – بصل – كمون – بهارات – ليمون – فلفل أسود – ملح – صلصه – زبده – هيل _ ثوم ) ..!
جبت طاحونه وطحنت البصل والثوم مع بعضهم ..!
وأحضرت الدجاج ونظفته وطلعت الكبد اللي بداخله . وبعد مانظفته بالماء .. جبت ملح و ليمون و فلفل أسود ونظفت الحمام من الداخل والخارج ..!
وجبت قدر وحطيت فيه زبده وأشوي زيت وحطيت الرز وبديت أحمس الرز بالزيت وقلبته لمين قلب لونه واصبح لونه مائل للأصفر ..
ولما قلب لون الرز جبت البصل و الثوم المبشور و بقايا الكبد وحطيتهم بالرز وحطيت معهم بهارات و فلفل أسود و اشوي كمون ..
وحشيت الرز بداخل الحمام .. وسكرت عليهم بسلك خياطه .. علشان ما يطلع الرز
وجبت قدر وخليته يغلي بالماء . وحطيت فيه ( هيل و ملح و فلفل ) ولما بدأ يغلي الماء حطيت الحمام بداخل القدر . وخليت الحمام يسلق لمدة نص ساعة أو أربعين دقيقه ..
أحضرت صحن الفرن ووضعت فيه بالكوب ( فلفل أسود و ملح و صلصه ) وخلطتهم جميع . ولما أنتهت النص ساعة طلعت الدجاج من القدر وحطيته بصحن الفرن . ثم وضعت عليه خلطة الصلصه و الملح و الفلفل الاسود ..
ثم سكرت عليه بقصدير . وحطيته بداخل الفرن . وخليته 20 دقيقه وبعدها شلت القصدير وشغلت الفرن الفوقي علشان يتقمر ويتحمر الحمام . وخليته لمين تحمر ..!
طبعا خلال طبخي للحمام . قررت أني أطبخ رز بيشاور من غير دجاج ... أحتياط . علشان لو طلع طبخي مب زين . يكون فيه بديل اللي هو الرز البيشاور ... لكن الحمد لله طلع الحمام رووعه طبختي له والرز بعد طلع رووعه طبختي له ..!
شوفوه أتحمر .. وطلع روووعه
العرض العادي
