يالله عونك لآغدى صمتي كلآم !

[المستشارَ]

مسآء الخير على قلوبٍ طآهره

::

يالله عونك لاغدى صمتي كلام
وعَجْزَت حروفي تجمع شتات الألم ..


والنور في دنياي عانقْه الظلام
والليل حالك .. وإنتصاري منهزم ..



ودموع عيني ماتعاف إلا الصّيام
.تفطر على جفني لو إني مبتسم ..


والصبْر عيّا لا يلاقي له مقام
بين الضّلوع العوج لو موضع قدم ..


تاهت خطاوي بسمتي وسط الزحاام
وحارت حروفي بين جرات القلم ..


مدري وش اكتب وويش أقول من الكلام
كلّ الكلام اللي باقوله ما يهم ..


اللي يهمّ يعيش دنياه بسلام
ولايعَرْف من الحِزن لون وطعم ..


مابي يذوق الويل في سَلك الغرام
ولابي يدوس أرض العجالة والندم ..


أبيه من بد الخلايق والأنام
له الهنا والسعد خدّام وحشم ..


وأبيه لا ذِكْروا رفيعين المقام
من بدّهم ذكره يكون أول إسم ..


لانّي أحبّه وأعشقه موت بهيام
ووصله على ماقيل هو أجمل حلم ..


لكنّ أخاف من العقوبة والحرام
وأخاف من زلات قلبي والقدم ..


ياصاحبي عليك من قلبي سلام
يا اللي على ذِكرك جروحي تلتئم ..


العُمْر فاني , والليالي في عدام
وأنا من فراقك حياتي في عَدَم ..


عرفت في فرقاك وش معنى الفطام
وعرفت في بعدك تفاصيل اليتم ..


وعرفت معنى النّوح في عُرف الحَمَام
وعرفت وش هو الصّمْت بعيون البُكُم ..


من شافني ما لامني ولا يُلام
المرء من بعد اجتهادات وهِمَم ..


لا الليل يهنا لي ولا اذوق المنام
بين الكََرى وجفون عيني ثار دم ..


ولو كلّ من حصّل مراده بالتمام
ما عاشت الأحلام في بيت الوَهَم ..


كافي زماني حزن , وهموم , وآلام
كافي تصير لفرحتي ندّ وخصم ..


باصبر .. ولو إنّ الصّبر ماله مقام
بين الضلوع العوج لو موضع قَدَم ..


وباصْمت لأنّ الصّمْت يغني عن كَلام
بالذات لا من صار في صمتك ألم ..

,’

وان شاء الله تعجبكم

[شروق الفجر]

درر
وراقية جدا جدا

جعلك سالم من كل شر

[المستشارَ]

مرور سريعَ

وانت سالم
وابهرتني بطلتك َ .. شاكر لك $

[البارق]

اقتباس: كافي زماني حزن , وهموم , وآلام كافي تصير لفرحتي ندّ وخصم ..

كلنا بلسان واحد نقول
كااااااااافي يازمن

بجد رائعة بكل ماتعنيه الكلمة
شكراً مستشارنا

[pepsi]

لاهنت على الابيات المميزه
الرائعه بانتظار جديدك

[المستشارَ]

شكرا حبيبنا البارق على هالطله اللي تشرح الصدر $

[المستشارَ]

ماقصرتي حد الجنون الاروع هي طلتك البهيه $

[طبيبة القلوب]

تسلم يمينك ,,رآئعه واكثر ,,

<<تقييم 3 نجمـآت

[المستشارَ]

هههههههههههه > ضحكة اللي فشل

شكرا ع المرور طبيبتنا $

[بشوري]

حروفك تلامس السحب

راقت لي سطووورك الاكثرر من رائعه

سلمت الايااادي

[كسرني غيابك]

اقتباس:  المشاركة الأصلية كتبت بواسطة المستشارَ     باصبر .. ولو إنّ الصّبر ماله مقام بين الضلوع العوج لو موضع قَدَم .. وباصْمت لأنّ الصّمْت يغني عن كَلام بالذات لا من صار في صمتك ألم ..

رااااااااااائعه مشرفنــــــــــآ ..

يعطيك العافيه ..

[نــف نــف]

تاهت خطاوي بسمتي وسط الزحاام
وحارت حروفي بين جرات القلم ..


أليمممه . ,
صح ذوقك يَ آلمستشآر

[المستشارَ]

نورتوا حبايبي

لاهنتم

[t u l i p | n]

اقتباس: ودموع عيني ماتعاف إلا الصّيام .تفطر على جفني لو إني مبتسم

صوره بلاغيه عميقه جداً
المستشار للتو كنت أثني على ذوقك في مدونتي
لا يتأخر جديدك

[مس هلالية]

رااائعه


يسلمووووووو