حريمنا .. هماقات وعيارات .. ووقت الجد بكاءات !!!

[ثامر الناصر]

السلام عليكم


الحقيقة كثير دخولي لقسم المجلس .. واشوف بعض المواضيع اللي تخص الزواج وزواج الرجل على زوجته الاصلية والنقاشات اللي فيها

وأحاديث المجتمع من حولنا فاستنتجت شي استغربت منه .. ماادري أنتم موافقيني أو لا

::

الحريم الحين بالمجالس بيناتهن يستهترن بالزوج السعودي ويتطنزن فيه كثير وأنهن زين اللي متحملاته في هذه الحياة وخذ طنزة هذا بصقعته وهذا بجبهته وهذا بشعره وهذا بخشمه ومن هالقبيل !! .. ويعيرنه كثيرا .. ومقارنته باللبناني والسوري والتركي وغيرهم ولاأدري على أي أساس تم بناء المقارنة في هذا الجانب ربما ( لأن هؤلاء حمران وحنا شهبان أو وش عليه ماادري )

ولكن بالمقابل .. لما نفس هذه المرأة يجيها خبر أن زوجها تزوج عليها تلقاها صياح وغثاء وتجلس عند اهلها شهور وماادري ايش .. يعني تصير حالتها حاله ليش ماادري

طيب ياما للماحي مادامكن يا ( بعض ) الحريم ماجازلكن رجالكن وشوله تصيحين عليه لاتزوج عليتس .. خليتس مره زي الناس معه وحافظي عليه عشان مايفكر بغيرتس والا خليه يعرس ويدور وحده ماتتطنز فيه ..

::

ياحزني من الردود هع

[الفتى السمنسي]

حريمنا ياطعمهن بس ..أنتم طولوهن وبعدها تعالوا نتناقش هنا .

[ثامر الناصر]

8
8

ماقلنا شي بالعكس حنا بس نمدحهن بالمجالس .. لكن هن يجلدننا كثير يقهرن !!


بعدين وشوله تبيها طويلة .. ترى حنا اكثرنا قزمان .. يعني شينه تصير طويلة وانت قصير خلهن كذا اكشخ لنا

[قلب الأسد]

ثـامر انت متأكد ان المعزبـه عنـدك وانت تكتب الموضوع ههه

او اليوم جمعــه عند اهله قلت خلنا نفضفض شوي ههههههه

شف ياثامر انا عنـدي قنـاعه بمقولة (( قابل الصياح بالصياح ))

تســـلم ......

بالنسبه للتطتنز بنـا بهالاستراحات والجمعات لايهمك يقالهـــن

ولا هن عندهن قناعه لو يلفـن العالم مالقن مثل السعــــودي

يكفي انه اخذ ثالث احسن رجل بالعالم ...من كل النواحي طبعاً

هناك عينات من الرجال لايصلح ولا حتى للعيش معه ولا ساعه

ولكن بصفة العمـــوم يبقى احسن ميه ميه السعودي ,,

[To Be]

صادق يا ثامر

ما عندهن الا الهمق والصياح

[مايا]

هلا أستاذ ثامر ...
وراه يتطنزن بعذرهن من حر مايوجسن ياعمري
تلقى الرجل نفسه شينه وهواش
يعني مهب امتطنزه إلا هي شايفتن شي شين به
وأنتم أحيانا تدورون الشي اللي يغث المرة
مع أني إلى هالحين ماشفت الحريم اللي تقولون يتطنزن برجالهن مجتمعنا خالي من النوعيات هذي .. والله إني صادقة

أما وراه تصيح لأعرس هذي من الغيرة وأنتم عارفين هالشي يعني مايحتاج هالسؤال
ومب بس الزوجة تصيح حتى بناته وخواته

[مايا]

مير نسيت أسأل من اللي قايلكم أن الحريم يتطنزن بكم وألا تتوقعون ...

قلب الأسد /
(السعودي اخذ ثالث احسن رجل بالعالم)

من اللي أخذ المركز الأول والثاني ؟؟؟؟؟؟

[قلب الأسد]

اقتباس:  المشاركة الأصلية كتبت بواسطة آنسة جحة     مير نسيت أسأل من اللي قايلكم أن الحريم يتطنزن بكم وألا تتوقعون ...

والله انك صادقه انا اللي اعـرفه كل وحده تشحط زوجه

بهالاستراحات ,, بس مانخلى من التطنـز ماينسلم منكن ههه

[شميساوي]

.


إذا جبت لي يا أبو الوليد ,,, حرمه ما تسب رجله ...

من حق و الذبيحه تجيك حيه بـ إذن وآحد أحد ...

لكن المشكله أن المرأه ما تلتف لـ زوجها الا إذا نوى يتزوج أو إذا تزوج عليها ...

تبدأ تطالب بحقوقها و تبي يومها كله مسنتر عندها من أوله لآخره ...

و تبدأ تتضبط و تتحلس و تتملس ...

طيب يامال الضربة العجله ,,, وينك عنه قبل ما يآخذ عليتس ...

أو طلع التزكرت و التضبط يوم لقى وحده جديدة بـ قرآطيسه

يا أخي أنا أتكلم عن شئ شفته و عرفته و سمعته ...

مهب تصنيف من عندي ...

أن المرأه مـــآرآح تنضبط ألا إذا أخذت عليها وحده ثانيه ...

يعني جرب يا ثـــآمر و علمنا ...

<<<< وهدزه ههههههه


.

[oldman]

الحرمّا زعلهن وصياحهن وغثتهن كله علشانهن يبن يصيرن علتس بحلوق خوياتهن
واللا هن بينهن وبين انفسهن يقولون للرجل إذا تزوج( فرقى وجه)
وياخذن راحتهن بالطلعات والجيات والتبطح وعلفجت الكراث

[hr]#c9c1c1[/hr]

سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

[مايا]

الانقليزي
أن المرأه مـــآرآح تنضبط ألا إذا أخذت عليها وحده ثانيه ...

ترا مب كل الحريم ينضبطن بالعكس بعضهن تسهجه وتطلع وتدخل ولا تشاوره تقول العرس وأعرس

[قلب الأسد]

مير نسيت أسأل من اللي قايلكم أن الحريم يتطنزن بكم وألا تتوقعون ...

قلب الأسد /
(السعودي اخذ ثالث احسن رجل بالعالم)

من اللي أخذ المركز الأول والثاني ؟؟؟؟؟؟

انسه جحه ,, الاول البريطاني والثاني والله اعتقد انه الياباني

ماني متاكد من الثاني لكن الثالث حنا

[فسقــان]

اخيراً شفنـآك بقسم المجلس اخيرررراً سويتهـآ ونزلت موضوعكَ ..
اخيررراً نسفت منتدى بريدة بقنبلة مدويه للحريم .. يا خي مابغيت تجينا هنا
واخيراً اثمرت جهودي ومساعدتي لك .. اخيراً قدرت توصل للقمه .. واخيراً الا ما قلت لي متى ترجع السلم الي اخذته مني .. انت قايل لي سلف ترقى لقسم المجلس وترده لي امزح دوم في القمه ثامر ,,,


بصرحه ثامر ,, أقف اعجاباً بموضوعك الهادف ,, اقف عاجزاً اما هذا السطور التحفه الفنيه ... اقف متعجباً متحنطاً بالقرب من تنثره بسطا كيبورك.. لنا .. اقف ... الله يرج العدو يا ثامر تشوفن ساعه واقف قدامك ولاتجيب لي كرسي ولا شي ..





اي والله انك صادز ثـآمر .. حنا يالشباب نتعرض لعذاب نفسي وارهاب اجتماعي واحباط فكري من بعض الحريم ... تجيك سب وبلسان خالي من الافاض العذبه
الله يجيب الجهاد وناخذ منم الاسراء من الشقر الي ماتميز بين ركبته والا وجهه من الصفـآوه ونخلي النوري والهلي وحصيصه شغالات
آمزح ههههه كلنا مكملينا لبعض
والصرحه حنا نسبهن وهن مايقصرن يسب ويزودن ,,
وهذي ملح الحياة ,,

يعطيك العافيه ثـآمر انا نادر مـآ رد على موضيع بالمجلس ,,
لا اني كل مادخلت لقيت هوشه ,, واخاف اتهور واكسر عضو وا اوقف
بس موضوعك جاز لي مره اصاب كبد الحقيقه ...
لاهنت والله وكثر مثل هذي المواضيع

[دلال محمد]

اقتباس:  المشاركة الأصلية كتبت بواسطة ثامر الناصر     8 8 ماقلنا شي بالعكس حنا بس نمدحهن بالمجالس .. لكن هن يجلدننا كثير يقهرن !!

كثيير تمدحوونا وخاصة لما نزل تركي الموضوع عن زواج الاجانب
كلكم اختبيتو نهبلتو وفرحتو
وبديتو تطنزون ام ركبه سودا
من زينكم انتو وكروشكم
وكل البلاء منكم يارجالنا المحترمين
_حريم مايجون الا بالعين الحمراء >>... (احسن جمله عندهم)))))))

[مايا]

اقتباس:  المشاركة الأصلية كتبت بواسطة قلب الأسد     مير نسيت أسأل من اللي قايلكم أن الحريم يتطنزن بكم وألا تتوقعون ... قلب الأسد / (السعودي اخذ ثالث احسن رجل بالعالم) من اللي أخذ المركز الأول والثاني ؟؟؟؟؟؟ انسه جحه ,, الاول البريطاني والثاني والله اعتقد انه الياباني ماني متاكد من الثاني لكن الثالث حنا

وفرح أنكم المركز الثالث
حنا يالسعوديات المركز الأول من كل ناحية
طاعة الزوج , تربية أطفاله , الصبر على غثاه , وغيره كثير